محلات الفرجان بتسكر في 2009 ! ويش النتيجة؟

[المشرفي التم]

حسب قرار البلدية فالمفروض تسكير كل محلات الفرجان في عام 2009 وهذا راح ينتج عنه مشاكل كثيره حسب اعتقادي مثل:
1- ارتفاع اسعار المحلات التجارية نظرا" للنقص اللي راح يحصل ( الاف المحلات )
2- انخفاض دخل كثير من الاسر التي تعتمد على ايجار هذه المحلات ومنهم الارامل والايتام وذوي الدخل المحدود.
3- ارتفاع الاسعار عموما لكثير من السلع نتيجة قلة المحلات وارتفاع الايجارات والاحتكار
4- زيادة الصرف على المحروقات نتيجة الحاجة لاستخدام السيارات في الوصول للمحلات .
5- زيادة الزحام في الشوارع والمجمعات التجارية وبالتالي زيادة الحوادث
6- ارتفاع درجة التلوث نتيجة استخدام السيارت
7. زيادة الوزن والامراض نتيجة قلة الحركة والاعتماد على السيارات
8- خسارة دخل يقدر بالملايين للبلدية وغرفة التجارة والاقتصاد نتيجة فقدان الرسوم .

هذي بعض النتائج الي حسب اعتقادي ممكن تحصل وارجوا من الاخوان التفاعل مع الموضوع ووضع ارائهم نظرا" لاهميته وكلنا امل ان المسؤلين بالبلد يعيدون النظر بهذا الموضوع لانه يمس شريحة كبيرة جدا" من المواطنين
والله من وراء القصد

[Bin Hood]

موضوعك يستحق النقاش الجاد

لانه خطير له سلبيات كثيرة يمكن ما حسبوا حسابها

[dammaj77]

والله ان هذه مصيبه وطامة كبرى لو صحيح هذا الكلام

بس ايش دليلك اخوي الكريم؟
من اين استقيت هذا الخبر (انا لا اكذبك وانا ايضا لا اصدق مايقال الا ببرهان ودليل ملموس )

نتظر باقي الاعضاء في التعليق

شكرا جزيلا

[بولينجر]

والله ان هذه مصيبه وطامة كبرى لو صحيح هذا الكلام

بس ايش دليلك اخوي الكريم؟
من اين استقيت هذا الخبر (انا لا اكذبك وانا ايضا لا اصدق مايقال الا ببرهان ودليل ملموس )

نتظر باقي الاعضاء في التعليق

شكرا جزيلا
اخوي ما يبيله دليل...القرار معروف وقارينه في الجرايد من كم سنة... والحين لما قربت 2009 رجع النقاش....

[المشرفي التم]

والله ان هذه مصيبه وطامة كبرى لو صحيح هذا الكلام

بس ايش دليلك اخوي الكريم؟
من اين استقيت هذا الخبر (انا لا اكذبك وانا ايضا لا اصدق مايقال الا ببرهان ودليل ملموس )

نتظر باقي الاعضاء في التعليق

شكرا جزيلا

الموضوع يا خوي معروف وجرب تجدد رخصة محل داخل اي فريج وشوف التعهد اللي راح تطلبه البلدية والخاص باغلاق المحل في عام 2009 وكذلك عدم استخدامة كسكن عمال او مخزن يعني تسكر المحل ولا تستعملة بطريقة تستفيد منها ويمكن ان تستخدمة كحجرة للسائق او مطبخ !!!!!!

[متفائل وايد]

ياخوي اتمنى ما يزيلون المحلات ابصراحة ...
لان في اضرار راح تترب على هذا الشي مثل ما ذكرت ...
بالأضافة الى اضرار أكبر من اللي ذكرتها وهي المخاطر اللي راح تكون على عيالنا ، يعني
اذا قبل كانت البقالة قريبه من البيت وولدك تبي تطرشه للمحل الحين مستحيل تطرشه او تفكر لانه بيكون خطر عليه ...

بس ابصراحة يا اخواني اتمنى يزيلون المقاهي ابصراحة اللي زارعينها في وسط الاحياء السكنية ...
واكبر مثال مقهى في معيذر الشمالي موجود في وسط الحي ...
ابصراحة هذي المحلات اللي المفروض تزال من الوجود لانها تضر المواطنين والمقيمين
غير انها تضرر المساكن والاطفال اللي يقطنون هذي الاحياء
والله المستعان
...
والله يجزاك خير اخوي على الطرح

[بوحارب]

هالأيام كل شي بيتسكر

مادري وش ناويه عليه وزراة الأقتصاد مادري وزارة العمل !!

[naklan]

المفروض تنضم فقط من حيث النشاط ولا يتم اغلاقها لحاجه الناس لها ولعدم توفير البلديه محلات بدل الاف المحلات التي ازيلت و لانها خدمه للمواطن ورحمه لكبار السن وللتيسيرعليهم ولكم التحيه

[لولوتي]

حرام والله قطع الارزاق

ليش اللي جابوا هالافكار واصدروا القرارات مايحسون في الناس وفي حاجاتهم :anger1:

وحتى لو صار وين البديل السهل

لا حول ولا قوة الا بالله العلي العظيم

[المشرفي التم]

السلام عليكم
اشكر الاخوان اللي تفاعلوا مع الموضوع
ولكن الوقت قرب وما انشوف اي تجاوب من البلدية او نية لتغيير القرار
انا ابي من البلدية تقول ايش المصلحة في تسكير هذي المحلات
وهذا سيناريو محتمل بعد تسكير المحلات ارجو الا يقع :
1- رفض كثير من الملاك اغلاق المحلات .
2. لجوء البلدية لقوى الامن لاغلاق هذه المحلات بالقوة
3. قد يحصل احتكاك بين قوى الامن والملاك ( لا قدر الله )
4. بعد اغلاق المحلات بالقوه سوف يكون هناك إشكال في العمالة الكبيرة التي كانت تدير هذه المحلات وكيفية التصرف معها وهي من مختلف الجنسيات
5- سيتم الغاء كثير من الرخص والسجلات التجارية وسيكون هناك مشاكل قانونية بين الشركاء نتيجة حل هذه الشركات بصورة غير متوقعة .
6- انخفاض دخل اصحاب هذه المحلات مما سينتج عنه مشاكل اقتصادية واجتماعية يصعب حلها وستكلف الدولة اموال وجهود كبيرة هي في غنى عنها حاليا" .
حفظ الله قطر وقيادتها وشعبها الكريم وكل من يعيش على ترابها
والله الموفق

[راعي النيسان]

انا مع تصكير المحلات لانهم ماراعو الله في اسعارهم صحيح اني بطق مشوار للجميعة ولكن احسن لي من أني انباق عيني عينك ... تبون امثلة أوكي تفضلوا ..

سعر غرشة اللبن المراعي الصغيرة بالدكاكين كلها ريال ونص .. وبالجمعية ريال وربع .. ليش ؟

يوم تسال راعي المحل يقولك الشركة رافعة الاسعار ؟ تحت اي مسمى رافعة الاسعار وذالك اليوم سيارة اللبن اللي جايبه اللبن واقفه عند الدكان وسالت سائق الشاحنة قلت له سعر اللبن بكم الغرشة الصغيرة ؟ قالي بريال وربع .. هذا السعر القانوني واحنا نعطي للمحل كمية مجانية فوق البيعة تقريبا 4 درازن .. يعني الربع الريال الزيادة اللي ياخذه مني حلال او حرام ؟؟؟ ردوا علي ..

غرشة اللبن المراعي سعة لتر واحد بالدكاكين كلها ثلاث ريال ,, وبالجمعية ريالين وخمسة وسبعين درهم .. ربع الريال زيادة ليش ؟

قوطي النشاء حق الغتر ماركة( نياغارا) بالجمعية بستة ريالات ،، بالدكاكين 8 ريال زيادة ريالين ليش ؟ .

ماي الصحة الغرشة الكبيرة بالجمعية بريال وربع وبالدكاكين وصلت ريالين !!!!

كافي تويكس بالجمعية ساعات تلاقيه بريال ونص وساعات بريالين حسب العروض ... بالدكاكين 24 ساعة سعره ريالين ونص .. ليش ؟

الشبس الاكياس الصغيرة اللي بعض الانواع تنباع بنص ريال .. اذا جاو الدكان يهال صغار حسبه عليهم بريال وبريالين بالراحة ولا يسال عن ضميره ،، واذا انت طلبته وقلت له كم الحساب ،، قام وقالك يا بريال او بنص انت وحظك ..


تروح الدكان تدور كيسة خبز يقولك مافيه المخابز ما عادت تجيب خبز ،، عط الدريول الفلوس وقوله روح الدكان جيب خبز تلاقيه جاي وجايب معه خبز ... شلون صارت هذه السالفة ؟ راعي الدكان يقول حق الدريول هذه لك او حق المعزب ؟ اذا قاله له (الدريول) يطلع له الخبز وذا قاله لاهل البيت يقوله مافي روح المخبز ...

وهذا غير الفلوس اللي تنحسب على الناس اللي متعودة تدفع للدكان (صبر لي أخر الشهر ) جارنا يقولي راعي الدكان يطالبهم هالشهر بس حول الستة الاف ريال ؟؟؟؟؟؟ من وين صارت ستة الاف ريال الله العالم ،، بس كله مسجل بالدفتر .. والحساب صح غلط الله العالم ..

نص ريال على نص صاروا ريال ,,, وريال على ريال صاورا مية ،، ومية على مية صاورا الف



انا صحيح ما اتمنى قطع الارزاق لأي احد لكن الله فوق ويعلم بالحال واهو الوحيد اللي يعلم بالنوايا لكن الله يأمر الانسان بالخير والصلاح ومساعد الغير مب استغلال الناس وحاجتهم واهو يدري انه الشخص هذا ماراح يطق مشوار ويقول ربع ريال ومحد بيسأل عنه الحين بالدنيا . لكن يوم القيامة بيجي هذا الربع ريال يشكي على اللي خذه بالحرام وبيشهد على صاحبه ،، (( يمهل ولا يهمل ))

[بوحارب]

انا مع تصكير المحلات لانهم ماراعو الله في اسعارهم صحيح اني بطق مشوار للجميعة ولكن احسن لي من أني انباق عيني عينك ... تبون امثلة أوكي تفضلوا ..

سعر غرشة اللبن المراعي الصغيرة بالدكاكين كلها ريال ونص .. وبالجمعية ريال وربع .. ليش ؟

يوم تسال راعي المحل يقولك الشركة رافعة الاسعار ؟ تحت اي مسمى رافعة الاسعار وذالك اليوم سيارة اللبن اللي جايبه اللبن واقفه عند الدكان وسالت سائق الشاحنة قلت له سعر اللبن بكم الغرشة الصغيرة ؟ قالي بريال وربع .. هذا السعر القانوني واحنا نعطي للمحل كمية مجانية فوق البيعة تقريبا 4 درازن .. يعني الربع الريال الزيادة اللي ياخذه مني حلال او حرام ؟؟؟ ردوا علي ..

غرشة اللبن المراعي سعة لتر واحد بالدكاكين كلها ثلاث ريال ,, وبالجمعية ريالين وخمسة وسبعين درهم .. ربع الريال زيادة ليش ؟

قوطي النشاء حق الغتر ماركة( نياغارا) بالجمعية بستة ريالات ،، بالدكاكين 8 ريال زيادة ريالين ليش ؟ .

ماي الصحة الغرشة الكبيرة بالجمعية بريال وربع وبالدكاكين وصلت ريالين !!!!

كافي تويكس بالجمعية ساعات تلاقيه بريال ونص وساعات بريالين حسب العروض ... بالدكاكين 24 ساعة سعره ريالين ونص .. ليش ؟

الشبس الاكياس الصغيرة اللي بعض الانواع تنباع بنص ريال .. اذا جاو الدكان يهال صغار حسبه عليهم بريال وبريالين بالراحة ولا يسال عن ضميره ،، واذا انت طلبته وقلت له كم الحساب ،، قام وقالك يا بريال او بنص انت وحظك ..


تروح الدكان تدور كيسة خبز يقولك مافيه المخابز ما عادت تجيب خبز ،، عط الدريول الفلوس وقوله روح الدكان جيب خبز تلاقيه جاي وجايب معه خبز ... شلون صارت هذه السالفة ؟ راعي الدكان يقول حق الدريول هذه لك او حق المعزب ؟ اذا قاله له (الدريول) يطلع له الخبز وذا قاله لاهل البيت يقوله مافي روح المخبز ...

وهذا غير الفلوس اللي تنحسب على الناس اللي متعودة تدفع للدكان (صبر لي أخر الشهر ) جارنا يقولي راعي الدكان يطالبهم هالشهر بس حول الستة الاف ريال ؟؟؟؟؟؟ من وين صارت ستة الاف ريال الله العالم ،، بس كله مسجل بالدفتر .. والحساب صح غلط الله العالم ..

نص ريال على نص صاروا ريال ,,, وريال على ريال صاورا مية ،، ومية على مية صاورا الف



انا صحيح ما اتمنى قطع الارزاق لأي احد لكن الله فوق ويعلم بالحال واهو الوحيد اللي يعلم بالنوايا لكن الله يأمر الانسان بالخير والصلاح ومساعد الغير مب استغلال الناس وحاجتهم واهو يدري انه الشخص هذا ماراح يطق مشوار ويقول ربع ريال ومحد بيسأل عنه الحين بالدنيا . لكن يوم القيامة بيجي هذا الربع ريال يشكي على اللي خذه بالحرام وبيشهد على صاحبه ،، (( يمهل ولا يهمل ))

:eek5:

عجبني ردك يا راعي النيس :victory:

[المشرفي التم]

يا راعي النيسان
انت مب مع قطع الارزاق ولكنك تتمنى تسكر هذي المحلات والي يعني قطع ارزاق كثير من اخوانك القطريين علشان راعي البقالة اللي تشتري من عنده طماع وباعك الشبس اغلى من الجمعية !!!!!!!!!!!!!!!!!!!!!!!!
لكن بعد ما تسكر هالمحلات راح تشوف الفرق العدل في الاسعار وراح ترحم على ايام محلات الفرجان
والحي يذكر الحي
الله يصلح الحال

[راعي النيسان]

يا راعي النيسان
انت مب مع قطع الارزاق ولكنك تتمنى تسكر هذي المحلات والي يعني قطع ارزاق كثير من اخوانك القطريين علشان راعي البقالة اللي تشتري من عنده طماع وباعك الشبس اغلى من الجمعية !!!!!!!!!!!!!!!!!!!!!!!!
لكن بعد ما تسكر هالمحلات راح تشوف الفرق العدل في الاسعار وراح ترحم على ايام محلات الفرجان
والحي يذكر الحي
الله يصلح الحال

انا مع احترامي لردك الكريم اخوي ،، لكن مثل ما طرحت الموضوع من طرف واحد لازم تشوف باقي الاطراف ، ووجهات النظر كلها لازم تنطرح لانه اذا ما انطرحت هذه المشاكل ما يعتبر هذا الموضوع له أهمية وماله داعي اساسا أننا تناقش فيه ومافي داعي من الاساس تفتح هذا الموضوع .

وبرجع وبرد عليك بنفس المقولة ،، اذا أنت تقول اخواني القطريين راح تنقطع ارزاقهم بهذه الحالة ،، فنفس الحالة اخوي واخوك القطري وعيالي وعيالك القطرين هم اللي قاعدين يتسغلون ،، فهل انت ترضى بهذا الشي ؟؟؟

وبعدين اخوي اذا تعلق على الجمعيات فالجمعيات والمجمعات ما تقدر تزود ريال واحد في بضاعة سعرها مدعوم من الدولة ويكفي انه وزارة التجارة والاقتصاد تحط الاسعار بالجرايد بشكل دائم ،، واذا شفت اعلى من السعر المعلن عنه بالجريدة يحق لك انك تشتكي ،،، على عكس الدكاكين اللي لاعبين لعبتهم ولاحسيب ولارقيب ... وبعدين القرار جاء بإغلاق المحلات اللي بالفرجان والمقصود بها الدكاكين الملاصقة للمنازل وليس على العمارات التجارية والشوارع التجارية واللي فيها اساسات معظم المحلات والمطاعم وخلافه .. يعني بالعربي تصكير محل او محلين بالفريج ماراح يترك الاثر الكبير ... خصوصا انه معظم المناطق الحديثة الحين صارت تخطط وفيها مجمعات وجمعيات تجارية ..

ختاما اخوي الكريم تذكر بأنه الارزاق بيد الله ،، والله يصك باب ويفتح ألف باب بداله ولكل مجتهد نصيب

[مساهم فنان]

انا مع تصكير المحلات لانهم ماراعو الله في اسعارهم صحيح اني بطق مشوار للجميعة ولكن احسن لي من أني انباق عيني عينك ... تبون امثلة أوكي تفضلوا ..

سعر غرشة اللبن المراعي الصغيرة بالدكاكين كلها ريال ونص .. وبالجمعية ريال وربع .. ليش ؟

يوم تسال راعي المحل يقولك الشركة رافعة الاسعار ؟ تحت اي مسمى رافعة الاسعار وذالك اليوم سيارة اللبن اللي جايبه اللبن واقفه عند الدكان وسالت سائق الشاحنة قلت له سعر اللبن بكم الغرشة الصغيرة ؟ قالي بريال وربع .. هذا السعر القانوني واحنا نعطي للمحل كمية مجانية فوق البيعة تقريبا 4 درازن .. يعني الربع الريال الزيادة اللي ياخذه مني حلال او حرام ؟؟؟ ردوا علي ..

غرشة اللبن المراعي سعة لتر واحد بالدكاكين كلها ثلاث ريال ,, وبالجمعية ريالين وخمسة وسبعين درهم .. ربع الريال زيادة ليش ؟

قوطي النشاء حق الغتر ماركة( نياغارا) بالجمعية بستة ريالات ،، بالدكاكين 8 ريال زيادة ريالين ليش ؟ .

ماي الصحة الغرشة الكبيرة بالجمعية بريال وربع وبالدكاكين وصلت ريالين !!!!

كافي تويكس بالجمعية ساعات تلاقيه بريال ونص وساعات بريالين حسب العروض ... بالدكاكين 24 ساعة سعره ريالين ونص .. ليش ؟

الشبس الاكياس الصغيرة اللي بعض الانواع تنباع بنص ريال .. اذا جاو الدكان يهال صغار حسبه عليهم بريال وبريالين بالراحة ولا يسال عن ضميره ،، واذا انت طلبته وقلت له كم الحساب ،، قام وقالك يا بريال او بنص انت وحظك ..


تروح الدكان تدور كيسة خبز يقولك مافيه المخابز ما عادت تجيب خبز ،، عط الدريول الفلوس وقوله روح الدكان جيب خبز تلاقيه جاي وجايب معه خبز ... شلون صارت هذه السالفة ؟ راعي الدكان يقول حق الدريول هذه لك او حق المعزب ؟ اذا قاله له (الدريول) يطلع له الخبز وذا قاله لاهل البيت يقوله مافي روح المخبز ...

وهذا غير الفلوس اللي تنحسب على الناس اللي متعودة تدفع للدكان (صبر لي أخر الشهر ) جارنا يقولي راعي الدكان يطالبهم هالشهر بس حول الستة الاف ريال ؟؟؟؟؟؟ من وين صارت ستة الاف ريال الله العالم ،، بس كله مسجل بالدفتر .. والحساب صح غلط الله العالم ..

نص ريال على نص صاروا ريال ,,, وريال على ريال صاورا مية ،، ومية على مية صاورا الف



انا صحيح ما اتمنى قطع الارزاق لأي احد لكن الله فوق ويعلم بالحال واهو الوحيد اللي يعلم بالنوايا لكن الله يأمر الانسان بالخير والصلاح ومساعد الغير مب استغلال الناس وحاجتهم واهو يدري انه الشخص هذا ماراح يطق مشوار ويقول ربع ريال ومحد بيسأل عنه الحين بالدنيا . لكن يوم القيامة بيجي هذا الربع ريال يشكي على اللي خذه بالحرام وبيشهد على صاحبه ،، (( يمهل ولا يهمل ))

أخي أنا لا أوافقك في إغلاق الدكاكين ... لازم راعي الدكان يبي ربح .. شوف كم شخص يشتري منه ..جم واحد في الفريج يشتري منه؟!! ويدوب يغطي تكاليف الإيجار والربح قليل ..
إما إذا كنت اتقول غالية الأسعار روح المجمعات وشوف الأسعار وأنصحك أن تتعامل مع سوبر ماركت كبيرة وعربية المنشأ في مجمع ولها فروع في أماكن أخرى غير المجمعات ... (ما أبي أذكر اسمها واللبيب بالإشارة يفهم )روح وتعامل معها أو مع السوبر ماركت اللي في أقدم مول في قطر اللي عند جسر الجيدة وشوف الأسعار الرخيصة وايد وايد .


يازين الدكان لليهال وعصير بونص.

[أم الحنايا]

ياحرام

[راعي النيسان]

أخي أنا لا أوافقك في إغلاق الدكاكين ... 1- لازم راعي الدكان يبي ربح .. 2-شوف كم شخص يشتري منه ..جم واحد في الفريج يشتري منه؟!! 3-ويدوب يغطي تكاليف الإيجار والربح قليل ..
إما إذا كنت اتقول غالية الأسعار روح المجمعات وشوف الأسعار وأنصحك أن تتعامل مع سوبر ماركت كبيرة وعربية المنشأ في مجمع ولها فروع في أماكن أخرى غير المجمعات ... (ما أبي أذكر اسمها واللبيب بالإشارة يفهم )روح وتعامل معها أو مع السوبر ماركت اللي في أقدم مول في قطر اللي عند جسر الجيدة وشوف الأسعار الرخيصة وايد وايد .


يازين الدكان لليهال وعصير بونص.

1- راعي الدكان قطري صح انا معاك بهذه الكلمة بس اللي ييبع منو ؟؟؟؟؟ راعي الحلال اللهم له السجل وبالغالب يكون المالك والمستاجر شخص ثاني وبس والهندي اهو اللي لاعب لاعبته .

2- المدخول قليل ويبي يربح ،،، اوكي اخوي عيل ليش الناس تشكتي من الغلاء طالما احنا بأنفسنا قاعدين نبرر هالشي للتجار ؟ وبعدين بسألك وين الربح قليل اذا تقول كل الفريج يشتري من عنده ؟ وبعدين ياخوي انا عطيتك كذا مثال فوووق ارجع واقراء عدل وشوف الأسعار وروح الدكان وسأل عن نفس البضائع اللي فوق وروح الجمعية وبتشوف الفرق ... الساعة بنص جنيه والحسابة بتحسب ... واعقند بانك شخص ذول ميول اقتصادية طالما داش قسم النقاش الاقتصادي وعقلت على الموضوع شوفه من كل النواحي وليس من ناحية واحدة ..

3- الايجار عالي !!! لو ما يربح ومتأكد انه ربحان ماكان بالاساس استمر بمحله .

بالنهاية اخوي لا نقعد نناقض أنفسنا ،، الرسول عليه الصلاة والسلام يقول في حديثه الشريف (( أن الحلال بين وإن الحرام بين وبينهم أمورا مشتبهات )) اكثر من كذا ما اقدر اقول

[اسعاف]

تسكير المحلات

ما دواعيه عند البلدية؟

يقولون انها رخص عشوائية

تشوه منظر الديرة للزائرين والسياح خاصة ايام الألعاب العالمية التي يأتي فيها وفود من انحاء

العالم

يقول المسؤولون في البلدية او الأقتصاد والتجارة

(((( نريد فقط مجمعات ومولات وسيتي سنترات؟ ))))

طبعا لما تسأل من ملات المجمعات والمولات وووووو

الجواب
الهوامير لمتلتلة( صاحبة القرار )

زين
سوال ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟0

لما تسكروا دكاكين الفقارة والأيتام والعيايز

وين بيحصلون دكاكين مرخصة في شوارع تجارية؟

وبعدين من الي يملك ملايين ويقدر يستأجر دكان في مجمع او سوق تجاري جديد

والأيجارات هناك لاتقل عن 800 ألاف الى 40 ألف في الشهر؟؟؟؟؟؟؟؟؟؟؟؟؟؟؟؟؟؟؟؟

يعني باختصار الموضوع ابتزازي من الدرجة الأولى
++++++++++++++++++++++++++++++++++++++++++++++++
كنسل دكاكين الفقارة علشان يقوى البيع في المجمعات!!!!!!!!!!!!!

وألغي الرخص التجارية للمحلات الصغيرة العشوائية

علشان يأتوا اصحابها للمجمعات والمولات ( اصحاب المليارات)

وبعدين؟؟؟؟؟؟؟؟؟؟؟؟؟؟؟؟؟؟؟؟

ويبيعوا بيبسي وشبس في دكان اجاره 20000 ألف في الشهر؟؟؟؟؟؟؟؟؟؟؟؟؟؟؟؟؟؟؟؟؟؟؟؟

************************************************** **************************
انا اتوقع

اذا نفذ القرار( رغم التمديد الذي حصل له من سنتين)

فسوف ترتفع اكف الضراعة

للخالق العادل المنتقم

ضد كل مسؤوول تسبب في قطع ارزاق الناس الفقارة(تذكروا قصة إلغاء التكاسي الصفراْء)

وسوف ترى بعد حين

كثير من المسؤولين الذين تسببوا في هذا القرار

تراهم في

امراض وعاهات وجلطات وغيبوبة

لأن الله لابد ان يستجب لدعاء المظلوم خاصة اذا كانت قبل السحر بالليل

والله ايش رايكم في كلامي يا سادة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[رحال]

خذو الأخبار من مصدرها وبلاش أشاعات وتشويش !!!

[brWaz]

تسكير المحلات

ما دواعيه عند البلدية؟

يقولون انها رخص عشوائية

تشوه منظر الديرة للزائرين والسياح خاصة ايام الألعاب العالمية التي يأتي فيها وفود من انحاء

العالم

يقول المسؤولون في البلدية او الأقتصاد والتجارة

(((( نريد فقط مجمعات ومولات وسيتي سنترات؟ ))))

طبعا لما تسأل من ملات المجمعات والمولات وووووو

الجواب
الهوامير لمتلتلة( صاحبة القرار )

زين
سوال ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟0

لما تسكروا دكاكين الفقارة والأيتام والعيايز

وين بيحصلون دكاكين مرخصة في شوارع تجارية؟

وبعدين من الي يملك ملايين ويقدر يستأجر دكان في مجمع او سوق تجاري جديد

والأيجارات هناك لاتقل عن 800 ألاف الى 40 ألف في الشهر؟؟؟؟؟؟؟؟؟؟؟؟؟؟؟؟؟؟؟؟

يعني باختصار الموضوع ابتزازي من الدرجة الأولى
++++++++++++++++++++++++++++++++++++++++++++++++
كنسل دكاكين الفقارة علشان يقوى البيع في المجمعات!!!!!!!!!!!!!

وألغي الرخص التجارية للمحلات الصغيرة العشوائية

علشان يأتوا اصحابها للمجمعات والمولات ( اصحاب المليارات)

وبعدين؟؟؟؟؟؟؟؟؟؟؟؟؟؟؟؟؟؟؟؟

ويبيعوا بيبسي وشبس في دكان اجاره 20000 ألف في الشهر؟؟؟؟؟؟؟؟؟؟؟؟؟؟؟؟؟؟؟؟؟؟؟؟

************************************************** **************************
انا اتوقع

اذا نفذ القرار( رغم التمديد الذي حصل له من سنتين)

فسوف ترتفع اكف الضراعة

للخالق العادل المنتقم

ضد كل مسؤوول تسبب في قطع ارزاق الناس الفقارة(تذكروا قصة إلغاء التكاسي الصفراْء)

وسوف ترى بعد حين

كثير من المسؤولين الذين تسببوا في هذا القرار

تراهم في

امراض وعاهات وجلطات وغيبوبة

لأن الله لابد ان يستجب لدعاء المظلوم خاصة اذا كانت قبل السحر بالليل

والله ايش رايكم في كلامي يا سادة ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟



كلامك من ذهب

وياريت يلغون الميره ويرجعون على الجمعيات

[اسعاف]

كلامك من ذهب

وياريت يلغون الميره ويرجعون على الجمعيات

مشكور يا اخي
على طاري الميرة
هذي المصيبة الي حلت على اهل قطر
والجماعة المسؤلين يبغون يكحلونهه عموهه
وين الأرباح السنوية
انا ابوي
كلما يجي رمضان
يلعن ابو الي خصص الجمعيات التعاونية
ويتذكر
كل رمضان
ترست البيكب من الهدايا الرمضانية من جمعية اليرموك العامرة
والحين:anger1::anger1::anger1::anger1::anger1::ang er1:
خلهه على الله :weeping::weeping::weeping::weeping::weeping:

[اعالي الجنان]

حرام والله قطع الارزاق

ليش اللي جابوا هالافكار واصدروا القرارات مايحسون في الناس وفي حاجاتهم :anger1:

وحتى لو صار وين البديل السهل

لا حول ولا قوة الا بالله العلي العظيم

اي والله حرام عليهم ناس فاتحيين بيوتهم من هالمحلات شنو مصيرم عقب

[alkaady]

الله يرحمنا برحمته

[المشرفي التم]

انا مع احترامي لردك الكريم اخوي ،، لكن مثل ما طرحت الموضوع من طرف واحد لازم تشوف باقي الاطراف ، ووجهات النظر كلها لازم تنطرح لانه اذا ما انطرحت هذه المشاكل ما يعتبر هذا الموضوع له أهمية وماله داعي اساسا أننا تناقش فيه ومافي داعي من الاساس تفتح هذا الموضوع .

وبرجع وبرد عليك بنفس المقولة ،، اذا أنت تقول اخواني القطريين راح تنقطع ارزاقهم بهذه الحالة ،، فنفس الحالة اخوي واخوك القطري وعيالي وعيالك القطرين هم اللي قاعدين يتسغلون ،، فهل انت ترضى بهذا الشي ؟؟؟

وبعدين اخوي اذا تعلق على الجمعيات فالجمعيات والمجمعات ما تقدر تزود ريال واحد في بضاعة سعرها مدعوم من الدولة ويكفي انه وزارة التجارة والاقتصاد تحط الاسعار بالجرايد بشكل دائم ،، واذا شفت اعلى من السعر المعلن عنه بالجريدة يحق لك انك تشتكي ،،، على عكس الدكاكين اللي لاعبين لعبتهم ولاحسيب ولارقيب ... وبعدين القرار جاء بإغلاق المحلات اللي بالفرجان والمقصود بها الدكاكين الملاصقة للمنازل وليس على العمارات التجارية والشوارع التجارية واللي فيها اساسات معظم المحلات والمطاعم وخلافه .. يعني بالعربي تصكير محل او محلين بالفريج ماراح يترك الاثر الكبير ... خصوصا انه معظم المناطق الحديثة الحين صارت تخطط وفيها مجمعات وجمعيات تجارية ..

ختاما اخوي الكريم تذكر بأنه الارزاق بيد الله ،، والله يصك باب ويفتح ألف باب بداله ولكل مجتهد نصيب

اخوي راعي النيسان
انا احترم رأيك ورأي جميع الاخوان وانا ما طرحت الموضوع الا حتى الكل يقول رأيه والي ارجوا من المسؤلين انهم يطلعون عليها ويكونون فكرة عن نبض الشارع في موضوع مهم علشان ياخذون القرار اللي فية مصلحة المواطنين
وعلشان اقرب لك الحالة اللي راح يصير عليها كثير من ملاك المحلات تصور انك موظف محدود الدخل وراتبك ان كثر ما يتعدى 10000 ريال ويالله هذا الراتب يغطي ضروريات الحياة وموفر لك الستر انت وعايلتك وبين ليلة وضحاها راح نص الراتب او اكثر ايش راح تسوي
ترى الموضوع يا خوي مهب سهل
واحنا داخلين على رمضان شهر الرحمة ندعوا الله انه يهدي اصحاب القرار ونقول لهم ارحموا من في الارض يرحمكم من في السماء
وسلامتكم

[almulla]

انا مع الاخ اسعاف دايما اوافقه في كلامه

[عكاس]

الزبده ومافيها يبغون يجبرونكم تشترون محلات مملوكه للهوامير علشان تسونها بقالات ومحلات سوبر ماركت، لان الظاهر الهوامير توهقوا بمحلاتهم محد براضي يأجرها بالاسعار الخيالية الحاليه ، اهم شي الهامور يستفيد وولد الهامور يستفيد وباقي الناس مش مهم
وثاني شي البقالات المملوكه للهوامير من بيشتري منها اذا كل واحد مير البيت من الدكان اللي جنبه؟

[خالد32]

اكثر المحلات الي بتتسكر ملك للهنود باسم قطري
بينتج عنه نقص في كمية الهنود في البلاد

[the engneer]

للعلم
ترخيص المحلات جاء بناء على مكرمة اميرية سنة92 ولايحق لوزير ان يلغيها
وصدق او لاتصدق ان البلدية طلبت وفرضت تعديلات على العديد من البقالات والمعاصر
وبعض الانشطة....تعديلات على المحل والديكورات واشتراطات صحية التي كلفت الكثير
من الميزانيات للملاك او اصحاب الانشطة
الذي فاجاهمم قرار الاغلاق الذي سوف ينفذ بشهر يوليو 7 بسنة 2009
ياللة الحياة...وانا اراهن على تطبيقة(لن تستطيع البلدية تنفيذة)........واللة الموفق