لزم البلديه تشوف حل (صور)

[بوبندر]

سلام عليكم ورحمة الله وبركاته
الموضوع غرف(السائقين والخدم)
انتشرت بشكل رهيب في البلاد...بدون رقيب وحسيب وظاهر البلديه نايمه في سبات طويل
يخي تبي تحط غرفه السائق حطها في حوش بيتك وفتح باب على الشارع....اما توضعها
على خط البنيه التحتيه هذا مايصير....غير تشويه المنظر العام


http://up.do7a.com/get-8-2008-do7a_com_08zshk04.jpg (http://up.do7a.com)

[الوجبه]

اخوي بس لو تعيد الصوره واتصور الكابن فقط .. لانه هذي خصوصيات .. هذا مش بيتنا .. بس ممكن احد يعرف

ويحط في خاطره

[مزيون الدوحه]

والي ضايق عليه البيت وماعنده حوش شيسوي ؟؟
عطنا حل حق هالناس

[بنت المنتدى]

والي ضايق عليه البيت وماعنده حوش شيسوي ؟؟
عطنا حل حق هالناس


اعتقد هذا السبب الرئيسي للي يشرون هالكباين ..


لكن مايمنع انهم يحطونهم بصوره متألقه على الاقل ..


مش نفس اللي بالصوره :(

[poor]

اخوي ابو مناعي .. اعصابك الله يسلمك

انت الحين تبي تصيد البلديه في زاويه .. وماتشوف نفسك الا انت في زاويه واللي صايدك صاحب البيت .. مالك أي حق تصور البيت وتحطه في المنتدى

واضح من كلامك تبي تحل مشكله بس انت خلقت مشكله أخرى

تقبل تحيتي . !!

[اللورد]

البيت هذا لحد اللان فاضي

والعمال يشتغلون فيه ويشطبون لحد اللان

[alsenjari]

باب صالة البيت مبين في الصوره

أخوي حاسب نفسك قبل لا تطلب حساب البلديه

[بوبندر]

مشكورين على جميع الردود بس البيت توه جديد مانسكن ..بعدين يمكن معاكم حق في حذف الصوره.....
شوف شغلك بوعلي ........احذف الصوره

[ضوى]

يعني يا خوي الحين هالبورت كبن الللي مشوه الصورة الجمالية للبلد ؟؟ واللي ساكنين بالبر وبخيم ما يشوهون صور البلد ؟؟ يا ليت نفكر شوي اكيد هذي الغرفة للسايق ومش معقولة يحط السايق بالبيت يعني ما اشوف فيها شئ ، نحاسب الناس واحنا مستضيقين من اللي احنا فيه ؟؟ خلي الناس توسع على عمرها وتحمي نفسها من العمالة اريح لهم

[أوتـ(الحزن)ـار]

http://www.dmi3nabi.com/al5yal2008awtar/uploads/37ed06edaf.jpg

اعتقد الصوره جذي محد يقدر يتكلم عنها
يعطيك العافية اخوي

فعلاً مشكله انتشرت وشكل غير حضاري

وتعجبني غيرة اعضاء المنتدى على بيوت الناس

لاهنت مره ثانية

اوتار

[رحال]

من الواضح بالصورة أن أربع بيوت جنب بعض في قيد الأنشاء

وين المشكلة ؟؟؟

تعودنا على أن نشتكي من أجل الشكوى فقط ؟؟؟:con2::con2::con2:

[البعيد]

اخوي بومناعي مب كل قطري عنده حوش" تركض فيه الخيل"

باعلمك بسالفه من 8 شهور تقريبن
انا باحطك في الصوره وحط نفسك مكان موظف البلديه :
موظف راح بييت من هالبيوت وكلم راعي البيت عشان الايزاله , طلعت حرمه كبيره في السن وقالت : ياولدي لو يجي الوزير ماراح اشل هذي الغرفه وقالت انا زوجي متوفي وعندي خمس بنات تبيني اسكن رجال في بيتي وبين بناتي .
رجع الموظف لمدير البلديه ومدير البلديه جزاه الله خير قال الله يكون عونها وخلاها .


وابشرك اذا كل بيت قطري عطوه نفس بيت الوزير رقم 10 ماراح تشوف هالكباين والغرف :secret:

[شيزكيك]

تعالوا شوفوا فريجنا مليان من هالكباين والصراحه اشوف الناس تبني الملاحق حق عيالها

اولى وتحط هالدريوليه في الكباين او البيت يكون ما فيه حوش

[متفاءل]

http://www.dmi3nabi.com/al5yal2008awtar/uploads/37ed06edaf.jpg

اعتقد الصوره جذي محد يقدر يتكلم عنها
يعطيك العافية اخوي

فعلاً مشكله انتشرت وشكل غير حضاري

وتعجبني غيرة اعضاء المنتدى على بيوت الناس

لاهنت مره ثانية

اوتار

لحد يزعل هذي غرفة الناطووووووووووووور:victory:
إذا خلص البيت بشلون الغرفه ههههههههههههههههه:tease:

[VIPLady]

اعتبره منظر مو حضاري و يشوه الشارع ..
والي ماعنده مكان للسايق والحوش ما فيه مكان .. يقدر يتعاقد مع السواقين الي يجون لك وقت ما تبيهم و الله مكثرهم و مكثر الشركات الي عندها هالخدمه

وزير رقم 10 الله يهنيه بالي عنده .ماجات عليه ربي يحفظه من الارقام 1 لين 9 معطينهم دبلات عنه وعليهم ملايين ..على الاقل هذا بجهده وتعبه ..بس لانه مو من ..............فماعاجبكم و فيه اعتراض عليه

تحياتي

[امـ عبدالله]

حجرة الناطوور http://www.pic4ever.com/images/164.gif

فريجنا ممنوع حد ايحط بورتي كبن برعhttp://www.pic4ever.com/images/cowboypistol.gif

والملاحق اتصير فوق السطح ليش لا http://www.pic4ever.com/images/fly2.gif

[Riku3]

اتوقع انها غرفة الناطور لان البيوت قيد الانشاء .. بس بشكل عام الشكل غير حضاري تماماً :\ ..

الحمد لله بمنطقتنا مافي مثل هالامور ولكن في بعض الشباب حاطين خيم ماتضر وموضوعه بشكل مرتب في الاراضي الفاضية وبموافقة اصحابها والجيران ..

وبصراحه الي ماعنده مكان للدريول داخل البيت المفروض مايجيبه ويتوهق فيه .. او يتصرف لان مو من حقه يسلب الطريق العام لصالحة .

مشكور على الموضوع وعلى الوتر لان الظاهره باين انها بدت تتفشى .

[ام شهد قطر]

أخوي يبي لك تشوف الكباين الي في فريجنا تقول عشش في الهند و الله ما أدري اشلون سايقهم قاعد فيها ولين الجيران اشتكوا وازالتها البلدبه سوى وحده مره ثانيه بنفس الطريقة

[البعيد]

اعتبره منظر مو حضاري و يشوه الشارع ..
والي ماعنده مكان للسايق والحوش ما فيه مكان .. يقدر يتعاقد مع السواقين الي يجون لك وقت ما تبيهم و الله مكثرهم و مكثر الشركات الي عندها هالخدمه

وزير رقم 10 الله يهنيه بالي عنده .ماجات عليه ربي يحفظه من الارقام 1 لين 9 معطينهم دبلات عنه وعليهم ملايين ..على الاقل هذا بجهده وتعبه ..بس لانه مو من ..............فماعاجبكم و فيه اعتراض عليه

تحياتي

فيه فرق بين اني اجيب سايق على كفالتي واعطيه معاش 650 في الشهر وبين اتعاقد مع شركه تاخذ على كل مشوار 60 ريال


وزير رقم 10 الله يهنيه بالي عنده .ماجات عليه ربي يحفظه من الارقام 1 لين 9 معطينهم دبلات عنه وعليهم ملايين ..على الاقل هذا بجهده وتعبه ..بس لانه مو من ..............فماعاجبكم و فيه اعتراض عليه


الله يزيده ويهنيه دامه طول هالمده وزير اكيد مب حاس بالاسر المتعففه الي عايشه على الله ثم على جمعية عيد وقطر الخيريه

[VIPLady]

فيه فرق بين اني اجيب سايق على كفالتي واعطيه معاش 650 في الشهر وبين اتعاقد مع شركه تاخذ على كل مشوار 60 ريال


وزير رقم 10 الله يهنيه بالي عنده .ماجات عليه ربي يحفظه من الارقام 1 لين 9 معطينهم دبلات عنه وعليهم ملايين ..على الاقل هذا بجهده وتعبه ..بس لانه مو من ..............فماعاجبكم و فيه اعتراض عليه


الله يزيده ويهنيه دامه طول هالمده وزير اكيد مب حاس بالاسر المتعففه الي عايشه على الله ثم على جمعية عيد وقطر الخيريه


مو شرط تتعاقد بالمشوار.. ادري بيطلع وايد
في سواقين يجون بالشهر والسعر الي بتدفعه في البورتي كبن هذا الي المشوه الطريج .. تحطه وتزيد فيه الراتب الشهري الي بتصرفه للسواق الخارجي ولا توصل لتشويه المناطق والفرجان..

وايد وزراء من انولدنا ونسمع انهم في الوزاره ومافي امل يتغيرون بس العين على 10 واتوقع السبب الي ذكرته من قل ...وماجات عليه انه يحس بالاسر المحتاجه ... وحتى الاسر المحتاجه لهم اماكن المساعده مثل ماقلت قطر الخيريه مسوينها لهم........... والناس الي عندهم اعمالهم الخيريه كثيره ....

[قطري مغامر]

75% من ارضي الدوحة فاضية لا ويعطونك ارض مساحتها 1000 متر شو بتسوي مع الملاحق والمجالس الخارجية وغرفة السائق