اشغال البحرين ... [الأرشيف] - منتديات شبكة الأسهم القطرية

lule

19-08-2008, 07:05 PM

مرحبا يا اخوان .. من يومين كنت في البحرين ... الصراحة انبهرت باللي شفته ... التطور العمراني عندهم يزيد بسرعة قياسية .. الابراج والمجمعات والجسور ... تمشي في الشارع والجسر فوقك يتم انشاؤه .. طول الرحلة ما شفت شاحنة واحدة الا اخر يوم وكان في الليل !!! السنة اللي فاتت مريت على اشارات سترة .. السنة لقيتهم شايلينها واعتقد يسوون مكانها جسر او دوار .. الغريب ان مكانها تحويلات والسيارات تمر عادي وحاطين في التحويلات اشارات مرورية .. يعني السيارات تمر ولا زحمة ولاشي ... الجماعة عندنا اذا بيسوون جسر او نفق يسكرون 50 كيلومتر حول المنطقة !!!

الصدى الخالد

19-08-2008, 07:18 PM

وانا لاحظت هالشي وخاصة في الاماكن الترفيهيه مثل عين عذااااااااري

Qatar4all

19-08-2008, 09:21 PM

يفكرون في الناس ::.. أما ربعنا كم صاره له الدائري الرابع مغلق ؟؟؟؟

ومغلق من وين من دوار التضامن لييييييييييييييييييييييييييييين الله واعلم (أظن دوار السودان)

ناصر العمادي

19-08-2008, 11:29 PM

اولا الحمدلله على السلامه ..

أختي هناك في وراهم من يحاسبهم هني محد داري عن نفسه ..

بعدين هناك ناس نظاميين وعمليين مايضيعون وقتهم في الزحمه ..

عندنا شفتي مدمنين المخدرات أشلون يتعبون ومايقدرون يعيشون من غير المخدر ..أشغال مدمنين زحمه ..يحبون يخلقون الزحمه عشان يسوون مشاريع أكثر ويستفيدون أكثر ...

يعطيك الصحه والعافيه

شخبارج مع الحلوى والمتاي .. عسى مانسيتينا

الله يوفقك وينور دربك ويرضى عليك يارب

تقبلي تقديري وأحترامي لك

ابوالجازي

20-08-2008, 09:44 AM

Bin Hood

20-08-2008, 02:33 PM

مشكورة على الاطراء

وكلام ابو الجازي سليم

اقول ابو الجازي هب ناوي تسكر الموضوع :whistling:

ترى هالايام الواحد يكتب مواضيع ولا يدري وين يحصلها اذا رجع لها :anger1:

صدقني اني ابغي مصلحة المنتدى :victory:

بنت المنتدى

20-08-2008, 02:47 PM

ماشاءالله انا ملاحظه الفرق لكن حنا نلاحظ لان من فتره لفتره نروح لكن اللي عايش في البلاد هو ادرى عن بلاده

يستاهلون كل خير حبايبا :)

شيزكيك

20-08-2008, 03:41 PM

يا زينها البحرين وايد تغيرت وشوارعها بعد تغيرت عن قبل

Bin Hood

20-08-2008, 10:46 PM

بس البحرين الواحد ما يشتهي يطلع من الزحمة

عند كثير من الاشارات الاشارة تولع خضرة والدور ما يجيك

الكوبريات والتعديلات كان المفروض تكون موجودة من سنة 2000 على اقل تقدير

lule

21-08-2008, 01:21 PM

الله يعطيج الف عافيه اختي لولي

انتي تقولين هالكلام لانج تعانين من اشغال

لاكني من اسبوعين او 3 اسابيع كنت فالبحرين وكنت جالس مع اهلنا هناك ونسولف وقلت لهم ما شاء الله البلاد فيها شغل وحركه شوي الا الكل قام على ونفس كلامنا هني عن اشغال

يعني نفس الحال اهل البلاد مايعجبهم العجب :nice:

انا معاك .. بس اللي عجبني ان الشغل ماشي والسيارات تروح وتيجي .. يمكن اشغالهم مثل اشغالنا .. صج زحمة مثلنا ويمكن اكثر بس الشغل ماشي ومافي شوارع مسكره مثلنا