مشروع حفظ النعمه

[مساهم2006]

ياأخواني وأخواتي

هذا مشروع في جمعيه عيد الخيريه الله يجزيهم خير الجزاء

طبيعه هذا المشروع هو اي شخص عنده عشاء أو حفله أو عرس يتصل فيهم:telephone:

ويجون لين المكان الى انت فيه عندهم ميني باص مكيف والسايق عنده قفازات عشان يشيل

الاكل والقدور موجوده عنده في الباص . او اذا تبقون يجون قبل وينزلون القدور عندكم وانتوا

تعبونها وتكلمون على جوال السايق ويجي يأخذ الاكل.

وهم يوصلونها للأسر المحتاجه.

والرقم هو 5711910 أو 5418665

خاصه يأخواني وأخواتي رمضان على الابواب الله يعوده علينا وعليكم بالخير ونعرف كثر الاكل

الي يرمى بعد الفطور فكلموهم الله يرحم والديكم بتحصلون دعوات من ناس صايمه في رمضان

وتكون ساعه اجابه.

انشروا الرقم حتى يكون لكم الاجر

الله يوفقكم لفعل الخير دائما

[ام علي1981]

جعله اللله في ميزان حسناتك وحفظ النعم التي انعم الله بها علينا افضل طريقة لاثبات شكرنا لنعم الله

[فنان قطر]

بارك الله فيك ومشكور على هل معلومه الجديدة ... والله يجعله في ميزان حسناتك أنشاءالله

[الخفي]

انا اطالب الجهات والشركات بالتبرع لهذا المشروع العضيم

وكنت اتمنى من التجار انهم يقدمون دعم لهذا المشروع مثل سياره باص

او دعم مالي للمشروع

[سهم مديون]

جزاء الله خير من قام على هذا المشروع خير الجزاء

[مستثمر_]

جزاك وجزاهم الله الف خير

من تقريبا سنه نزلوو الاعلان في الجريده
وصار عندنا عرس واتصلانا عليهم بس للأسف محد جاااااا منهم


اتمنى تفعيل المشروع بشكل افضل ان شاء الله

[مليونير قادم]

جزاك وجزاهم الله الف خير

من تقريبا سنه نزلوو الاعلان في الجريده
وصار عندنا عرس واتصلانا عليهم بس للأسف محد جاااااا منهم


اتمنى تفعيل المشروع بشكل افضل ان شاء الله

كلامك صحيح اخوي انا نفس الشي كان عندنا عشا وكان فيه صحن شبه ماحد اكل منه
اتصلت كلمني سوداني قلت له في كذكذ قال لي احناا نجي الاعراس عشان الكميه
قفلت واحتسبتهاا عند الله

[هدهد سليمان]

بارك الله فيك على الموضوع الطيب .. وهذا جهد يستحق الاشاده وليس بغريب على عيد الخيريه

[عـيـون قـطـر]

بارك الله فيك

[قناص قطر]

السلام عليكم

جزاك الله خير

كان عندنا عرس كلمت واحد وعن طريقه

طرشو ناس عشان تجميع النقود بالعرس

[مساهم2006]

والله انا جربتهم وتقريبا من بعد ماكلمتهم على الرقم الموجود في المقال بنصف ساعه الا السايق متصل يقولي انا قريب منك لني عطيتهم العنوان فوصفت له الموقع بالضبط واخذ المقسوم وراح يوزعه على الاسر.

[eastqatar]

مشكور وجزاك الله خير

وجعله في ميزان حسناتك

[>>> غــمـــوض <<<]

جزاك الله الف الجزاء
زين انك حطيت الرقم عشان الكل يستفيد منه ،، والله فيك الخير والبركه
الحمدالله احنا اي شي يزيد من عندنا نطرشه حق امام المسجد واهله
وان شاء الله الرقم بحفظه عندي بالجوال وبطرشه مسجات للكل
لان هالشي طيب بدل ما الواحد يتخلص من الاكل ،، حرام لازم المحتاجين يستفيدون منه

تحياتي لك
اختك في الله \ غــمـــوض

[!الشايمه!]

جزاهم الله خير............والله فكرة حلوه
وجزاك الله خير اخوي......بحفظ الرقم وبوزعه على اللي اعرفهم

تحية