راس غاز وما ادراني براس غاز

[فـــــواز]

السلام عليكم ورحمه الله وبركاته

شباب كيف الحال

عندي اسئله كثيره ابي اعرفها عن هذي الشركه لانه اقبلوني وابي اعرف كم رواتب المشغلين المصنع الاوبريتر او اسيستنت اوبريتر قسم الانتاج بروسس

وكم مصنع هم وهل هو جديد وكم اجازاتهم والسلفيات الي عندهم والقوانين والاداره شلون هناك هل فيه بعثات برا او لا او كورسات انجليزي هنا ووووو اشياء كثيره بس الحين ناسيها

هل المصنع متقسم اقسام كثيره يعني وحدات كثيره والي يشتغل في وحده ما يشتغل في الثانيه ابدا
وهل فيه اقطريين هناك كثيرين
وهل المصنع سهل وهل هو متعب بالنسبه للشغل او كبير المصنع وبعيد من كنترول او بعيد من اقسام في المصنع مثلا

يالربع ساعدوني تراني متوهق حدي

وتدرون هذا مستفبل الواحد لازم يتطمن قبل لايسوي اي شي

[فنان قطر]

الله يوفقك اخوي في شغلك الجديد انتفي المقابله لازم تسئلهم هل الاسئله بس ابشرك رواتبهم حلوه للي متزوج
راتبه فوق العشرين والعزابي حول 15 او 13 والله اعلم لكن رواتب السنر طبعا عاليه في الثلاثينات وعلى فكره اعلى رواتب في البترول في قطر غاز وراس غاز وانشاءالله اتحصل الاجوبه على أسئلتك عند باقي الاعضاء لك تحياتي أخوي ... فالك التوفيق انشاءالله

[فـــــواز]

جزاك الله خير

ومنتظرين الشباب بمعلوماتهم ومشاركاتهم

[عذب الكلام 1]

اعرف واحد هناك ويقول راتبه وصل 35 الف غير البونص والتأمين الصحي والاشياء الاخري وعندهم حوافز كثيره لا استطيع صرها حاليا باسئل وارد عليك با لتفصيل الممل

[فـــــواز]

منتظرينك جزاك الله خير

ياشباب احب انوه اني فني يعني قسم الانتاج مش مهندس ولا مدير يعني القسم هذا الي انا فيه اسمي الوظيفي مساعد مشغل او مشغل operator

[almulla]

بالتوفيق اخوي بالفعل يقولون معاشاتهم عالية

اما اذا انظلمت من مسؤول اجنبي وغيره على طول توجه للمسؤول اللي اعلى منه ولا تسكت عن حقك

[فـــــواز]

بالتوفيق اخوي بالفعل يقولون معاشاتهم عالية

اما اذا انظلمت من مسؤول اجنبي وغيره على طول توجه للمسؤول اللي اعلى منه ولا تسكت عن حقك

الله كريم ان شاء الله مشكور اخووي علي الرد

[فـــــواز]

منتظرين مشاركاتكم
جزاك الله خير

[ANONYMOUS]

اللي اعرفه..

دوام يومين.. ( على 12 ساعه ) و 4 ايام اجازه.. سمعتمن قبل.. مش متأكد..

طبعا كـ اوبيريتر.. لازم شفتات..

الراتب.. بيكون جدا معقول مقارنه مع الدوحه.. اتوقع ماينزل عن 15 عزوبي.. والله اعلم..

كتطوير.. المفروض فيه.. بس ماعرف البوليسي تبعهم..


في عندهم قوانين.. حاول تحصل على نسخه.. وفيها كل اللي لك واللي عليك..


وبالتوفيق اخوي

[فـــــواز]

مشكور يالغالي
ومنتظرين مشاركات الشباب
وين شباب راس لفان معقوله ما فيه احد

[nor85]

انا اختي تشتغل هناك مزاياهم وايد حلوه ورواتبهم احلى بس كرف شغل يعني الكسل والطلعات مني ومناك ماتنفع يعطونك دورات بالهبل وكل سنه يطلع لك بونس على الراتب لو انت مال شغل توكل على الله مافي احسن منها الحين

[فـــــواز]

مشكوره اختي

وين الشباب راس لفان نبي موظفين الانتاج وينهم

[صندح]

شيـــــــــــــــــــــــــــــــــــــــــك الخاص


صندح

[فـــــواز]

شيكت يعطيك العافيه

منتظرين الشباب ان شاء الله الباقين

[وحيد-الشوق]

الله يوفقك ماعندي علم عن الرواتب بس رواتبهم قوية وايد

بس اسوء شيء المسافة والخط لو ساكن في الدوحة :rolleyes2:

[SKYTECH]

اخي العزير انا اشتغل في راس غاز من 8 سنين
ةالي اقدر اقولك اياه انه رواتب راس غاز هي اعلى رةاتب في البلد
توكل على الله واشوفك هناك ان شاء الله

[فـــــواز]

يعطيك العافيه اخوووي وحيد الشوق

[هدهد سليمان]

اول شيء مبروك الوظيفه الجديده ونتمنى من الله ان يوفقك الى كل خير ، واخوي العزيز القناعة كنز لا يفنى .. عندي لك كلمه خلها دايما قدامك وافهمها عدل .(من اخذ الأجر حاسبه الله بالعمل)

موفق ان شاء الله واكتسب الخبره

[khaldoon]

اخوي العزيز لو تسمح لي اسال في موضوعك عن رواتب الوظائف الاداريه كوظيفة سكرتاريه او coordinator

جزاكم الله جميعا كل خير

[!قطريـة بنت القمـر!]

متابعه للاستفاده :) ....

[فـــــواز]

اخي العزير انا اشتغل في راس غاز من 8 سنين
ةالي اقدر اقولك اياه انه رواتب راس غاز هي اعلى رةاتب في البلد
توكل على الله واشوفك هناك ان شاء الله

مشكور اخووي ما قصرت
والي كاتبه ربي فيه الخير بيسر ان شاء الله

[فـــــواز]

اول شيء مبروك الوظيفه الجديده ونتمنى من الله ان يوفقك الى كل خير ، واخوي العزيز القناعة كنز لا يفنى .. عندي لك كلمه خلها دايما قدامك وافهمها عدل .(من اخذ الأجر حاسبه الله بالعمل)

موفق ان شاء الله واكتسب الخبره

الله يجزاك خير اخووي ما قصرت بارك الله فيك

[فـــــواز]

اخوي العزيز لو تسمح لي اسال في موضوعك عن رواتب الوظائف الاداريه كوظيفة سكرتاريه او coordinator

جزاكم الله جميعا كل خير

وياك يالغالي

اخذ راحتك اخووي الموضوع موضوعك ولا يهمك
اما بالنسبه لموضوعك اخووي ما عندي خلفيه عن رواتب الاداريه لاني انا فني واعذرني

[فـــــواز]

متابعه للاستفاده :) ....

مرحبا حياك الله

ان شاء الله تستفيدين

[SKYTECH]

ألاخ او الاخت الي كانوا يسألون عن الوظائف الادارية
راس غاز عندها سلم وظيفي واحد لكل موظفيها ان كانت ادارية او فنية
يعني ان كنت على الدرجة السابعة مثلا فأنه راتبك كأداري بيكون نفس راتبك كفني على نفس الدرجة
لكن بعد الانتقال على الدوحة سيتم خصم بعض البدلات عن موظفين الدوحة
والخبر الجديد انه كل موظفين راس غاز الاداريين قاعدين ينتقلوا على برج الدانه مقابل الستي سنتر

[khaldoon]

ألاخ او الاخت الي كانوا يسألون عن الوظائف الادارية
راس غاز عندها سلم وظيفي واحد لكل موظفيها ان كانت ادارية او فنية
يعني ان كنت على الدرجة السابعة مثلا فأنه راتبك كأداري بيكون نفس راتبك كفني على نفس الدرجة
لكن بعد الانتقال على الدوحة سيتم خصم بعض البدلات عن موظفين الدوحة
والخبر الجديد انه كل موظفين راس غاز الاداريين قاعدين ينتقلوا على برج الدانه مقابل الستي سنتر

بارك الله فيك اخوي ...ممكن لو سمحت بس اعرف من كم تبدأ الرواتب لوظيفة سكرتير او coordinator

وهل سيتم نقل المكاتب اللي بالخريطيات لو عندك علم

جزاك الله كل خير

[khaldoon]

وياك يالغالي

اخذ راحتك اخووي الموضوع موضوعك ولا يهمك
اما بالنسبه لموضوعك اخووي ما عندي خلفيه عن رواتب الاداريه لاني انا فني واعذرني

بارك الله فيك يا الغالي ما قصرت و مسموح يا الشيخ :victory:

[فـــــواز]

ألاخ او الاخت الي كانوا يسألون عن الوظائف الادارية
راس غاز عندها سلم وظيفي واحد لكل موظفيها ان كانت ادارية او فنية
يعني ان كنت على الدرجة السابعة مثلا فأنه راتبك كأداري بيكون نفس راتبك كفني على نفس الدرجة
لكن بعد الانتقال على الدوحة سيتم خصم بعض البدلات عن موظفين الدوحة
والخبر الجديد انه كل موظفين راس غاز الاداريين قاعدين ينتقلوا على برج الدانه مقابل الستي سنتر

مشكور اخوووي
بس الي اخبره ان الفني اكثر من الاداري كمعاش لانه تصرفه اكيد شفتات وبدل موقع وعلاوه خطر