تقرير مصور عن رحلتي لجزيرة كورسيكا وباريس..

[RJ83]

حبيت اشارك بتقرير بسيط عن سفرتي الى فرنسا الى جزيرة كورسيكا وباريس في اول اسبوعين من شهر اغسطس/2008 ..اتمنى من الكل الاستفادة ..
كورسيكا : 8 ايام خيالية :nice: تكلفة السكن 1300€ 7ليال طبعا هذا اعلى سعر في شهر 8 ..
باريس : 5 أيام رائعه :nice: تكلفة السكن 800€ 4ليال + 800€ تأمين يردونها يوم ترد الشقة..
الوجهة الاولى كانت جزيرة كورسيكا في جنوب فرنسا.. ومنطقة السكن كانت في سانت فلورانت..
اللي يحب معلومات عن هالجزيرة .. هذا موقع كامل متكامل وحتى اني حجزت عن طريقة مكان السكن الاكثر من رائع من وجهة نظرنا..
www.directcorsica.com

هذي خريطة الجزيرة مبين عليها مكان سكنا بالضبط في منطقة باتريمونيو..
http://www.directcorsica.com/owners/Maps/Barbaggio_100px.jpg

هذي الصالة ..طبعا هي فيلا بدورين مكيفة وفيها غرفتين وتطل البلكونة على منظر خيالي بصراحه ..
http://www.directcorsica.com/owners/Lazzarini/SFCS-Salon3M.jpg

اللي يبي تفاصيل في اي قسم من التقرير انا حاضر..

نبدا بالصور اللي صورتها من كاميراتي الخاصة :victory:..

بس مب اليوم لاني بروح ارقد الحين لان لازم اقوم الصبح، تسلوا في الموقع لين احط الصور.. ولنا لقاء :)

[وحيد-الشوق]

مرحبا اخوي

واصل وانا اول المتابعين :nice:

يعطيك العافية

[بنت المنتدى]

الف الحمدلله ع السلامه ..

نورت الديره ياأخووووي :):):)




بس حرام عليك شوقتنا ع الموضوع بدون ماتكمله .. حط الصور بسررررررعه لاهنت انا بكره مسافره ان شاءالله ومافيني صبر اشوفهم لما ارجع :weeping:

ننتظرك بكره الصبح لاتتأخر :shy: << يمكن اغير الوجهه خخخخخخ

[RJ83]

هلا والله اخوي وحيد الشوق واختي بنت المنتدى..

خلوني ابدا بوجهتنا الاولى ( جزيرة كورسيكا ) ..
الاماكن اللي درنا وغامرنا فيها هي المناطق الشمالية .. وان شاء الله ناويين نرجع مره ثانية بس للمناطق الجنوبية :)

الرحلة كانت طويلة لان استغلينا 4 طائرات في يوم واحد بشركتين مختلتفتين ( رقم قياسي سجلناه)
طيران الخليج.. الدوحة-البحرين البحرين- باريس
الطيران الفرنسي.. باريس-نيس نيس- باستيا في كورسيكا
طبعا هذا بسبب التأخير نوعا ما اللي صار في الحجز ومن حظنا لقينا الحجوزات.. لان كنا مخططين رحلة ثانية في البداية..

الصور بتحصلونها في المرفقات..

1- صور: وصلنا مطار باريس ساعه 8 الصبح متسندرين من الطياره وبعد ورانا انتظار 5ساعات وطيارتين :rolleyes2:..
- اول مانزلنا مطار نيس ركيض عالطيارة اللي بعدها كانوا ينتظرونا لان من نفس الشركة وصار في تأخير بسيط من باريس الى نيس..
2- صور: هذي الطياره من داخل ام مراوح تعور الراس بصوت المراوح وانا بعد قاعد احذاهم بالضبط ..:tease:
3- صور مختلفة للجزيرة من الطيارة طبعا هي جزيرة جبلية واكثر الطرق الداخلية جبلية وبتلاحظون في الصور بعض الطرق..

ولنا رجعه اليوم وتكمله :)

[nor85]

والله الاسعار حلوه ارخص من دبي

[فارس الكلمة]

لا أعتقد أن جزيرة كورسيكا تصلح للعائلات الخليجية ..؟

هل هذا صحيح أخي الكريم ..؟

[RJ83]

لا أعتقد أن جزيرة كورسيكا تصلح للعائلات الخليجية ..؟

هل هذا صحيح أخي الكريم ..؟

هي جزيرة نفس أي جزيرة أخرى ( مثل جزر هاواي وغيرها..واي مكان في اوربا في مناطق تصلح وفي مناطق لا تصلح للعائلات )

وحياك :)

[>>> غــمـــوض <<<]

متابعه معاكم التقرير :nice:

[RJ83]

نتابع....

1- صوره: وصلنا مطار باستيا بوريتا في كورسيكا.. وهذي الطياره اللي نزلنا منها..
- دخلنا ننتظر الشناط وانضبط موضوع السيارة اللي مأجرينها.. جان ننصدم وما حصلنا الشناط..:eek5: طبعا تخرعنا وتخيلنا الرحلة والشناط ضايعه ما لها معنى واشلون بنتصرف :( كلمنا المسؤولين قالوا لنا بكره بنكلمكم والحين ما نقدر انسوي شي بس خذوا ارقامنا ومعلومات السكن وقالوا لنا بعد لا تتصلون احنا بنكلمكم اذا في شي..ثاني يوم الصبح كلمونا وقالوا لنا شناطكم وصلوا كانوا في مطار نيس وبعثوهم مع اول طيارة ثاني يوم.. وجان نحتفل ونبدا بالاستعداد لتطبيق الخطط المقرره:omen2:
2- صوره: هذا الشركة اللي أجرنا منها السيارة يروب كار.. طبعا السيارة حاجزينها من قبل، كم توقيع وطلعوا لنا السيارة على طول..وفي شركات اشكثر مقابلين مدخل المطار..
3- صوره: واجهة المطار من الخارج ..
- طبعا عنوان ووصف السكن عندنا ويبعد حوالي 30كيلو من المطار..والجارمن ما عليه كلام هو اللي قام بالمهمة :victory:
4- بعض الصور في طريقنا من مطار باستيا الى قرية باتريمونيو الخلابة اللي تبعد 5كم من سانت فلورانت ..

[RJ83]

- تابع صورتين للطريق ..
5- صورتين من بلكونة البيت..
6- صورة السيارة اللي أجرناها..
- كانت الساعة تقريبا 8 مساء لما وصلنا ..وطبعا ماسوينا اي نشاط في هاليوم ما كانت اغراضنا موجودة، بس خذنا لفه قريبه نستكشف المنطقة في وسط سانت فلورانت حوالي 5كم تعشينا وخذنا شوية اغراض وفواكه من السوبرماركت..

[RJ83]

:tease:ثاني يوم.. قمنا الصبح وكلنا على امل ننتظر :telephone: من المطار..
جان :telephone: يرن ساعة 10ونص تقريبا ويقولون لنا الشناط وصلت وبتجيكم لين البيت ساعه 12ونص،، ياهههههههههووووو سوينا حفلة :thumbup:
- استلمنا الاغراض.. وانجهز حق اول طلعه لاول بحر :victory:
وبما ان مخططين عدل عارفين الاماكن.. وشايفين صور عالنت من قبل.. فاخترنا انروح شاطئ نونزا اللي يبعد حوالي 15 كيلو من باتريمونيو وجهزنا الاغراض والكاميرات واهم شي جايد الرحلة ( الجارمن، امش وانت مغمض :nice: )..

وحطيت لكم كم صوره خلال الطريق وشاطئ نونزا من الاعلى..
- صوره: واحنا طالعين من الشاطئ رايحين السيارة جان هذي السيارة فالته من الباركنج وداشه في السياره اللي في الباركنج اللي جدامها خخخخخخخخ
- واحنا راجعين البيت مرينا نشتري شوي فاكهه . وكنا دايما نشتري للاستهلاك اليومي..

[RJ83]

- وهذي كمن صوره بعد من البلكونه تقريبا ساعه 9 او 9ونص.. والله مستانس عليها:yes:
- وطبعا كنا تعبانيييييين من الرحلة علشان جذي رقدنا..

وانا الحين بعد بروح ارقد.. وان شاء الله لنا لقاء وتكمله :)

[زمن كذاب]

عساك على القوة ..

[nor85]

حلوه الصور

[السنافية]

يعطيك العافية 00والحمدلله ع السلامة

ومتابعين معاك00 تقرير رائع وصور حلوة

[RJ83]

هلا..

1- صوره: هذا احنا راحين المخبز نشتري لنا كرواسون وشوي سوالف حق الريوج :ok:
2- صور: وعقب ما تريقنا شغلنا الجارمن يدور لنا بعض الشواطئ القريبة عشان نتسبح وانسوي شوي انشطة :victory:..
3- رحنا كم شاطئ ورجعنا لانهم صخرية ..عاد ورحنا الشاطئ اللي رحناه اليوم اللي قبل.. وعقب شرينا تذاكر توديك الى شاطئ رهييييييييب ما تقدر توصل له الا بالبحر.. من محل اسمه بوباي في شارع سانت فلورانت التجاري مقابل الميناء.. وجهزنا وشرينا اشياء بسيطة حق الرحلة لان لازم انقوم ساعه 8 الصبح :rolleyes2:

يتبع:)

[RJ83]

- ثاني يوم رحنا المينا عشان رحلتنا الى شاطئ لودو اللي تحرك ساعه 9الا ربع وتستغرق حوالي 20 دقيقة للوصول ..
- صور متنوعه من ميناء سانت فلورانت الى شاطئ لودو واحنا في طريقنا للذهاب ..

يتبع :)

[RJ83]

- صور: وصولنا للشاطئ...

يتبع، يمكن عقب الغدا :)

[RJ83]

نتابع :)
- وهذي صور من طريق العوده ..

[RJ83]

- تابع صور طريق العودة.. وميناء سانت فلورانت..

[RJ83]

- هذي صور من جانب مكان معروف اسمه الكاثيدال وهي احد المعالم السياحية في سانت فلورانت طبعا انروح له مشي بجانب المينا.. وعلى المينا الكثير من المطاعم والكوفيات بصراحه مكان رائع على مناظر الطبيعه الخلابه..
- شوفوا اسم اليخت البريطاني..:nice:
- الشارع التجاري والمطاعم المقابلة لمينا سانت فلورانت..أحلى مكان كنا ندور فيه يوميا تقريبا..

[RJ83]

- احلى ايس كريم.. صرت احب الايس كريم من رحت سانت فلورانت :)، في اي مكان تحصله احلى من الثاني :dance
- وعقب ما كلت اليس كريم جاب لي الهام التصوير.. وصورت هذي الصوره اللي طالع فيها الهلال..:nice:
- وهذا واحد من الهنود الحمر مستطرب يغني ويرقص يجمع له خرده:funny:


وبس تعبت بكمل بعدين.. او بكره :)

[RJ83]

والله الاسعار حلوه ارخص من دبي

من الاسباب اللي تخليها ارخص.. هوالتخطيط بعيدا عن الشركات السياحية .. وهذي الرحلة احنا خططنا لها من اقل شي الى اكبر شي وحجزنا كل شي عن طريق النت .. حتى تذاكر دزني لاند :)

[RJ83]

نتابع،، واسمحوا لي تأخرت :)

- اليوم اللي بعده واحنا رايحين احد الشواطئ في الكاب كورس.. واخترنا الشاطئ عن طريق الجارمن ..وفي طريقنا صورت العديد من المناظر الخلابة وكنا نتوقف عدة مرات للتصوير :)..

[RJ83]

- أول صورتين هم للشاطئ اللي رحنا له في الكاب كورس..
- باقي الصور.. من رحلتنا ثاني يوم كانت اطول رحلة وتوقفنا في عدة اماكن .. ورحنا 3 شواطئ " إل روسّو، ولازاري، وخليج كالفي" كل واحد يختلف تماما عن الاخر من ناحية المنظر والشكل الخلاب ونوعية الانشطة الممارسة لكل شاطئ :nice: ..
في طريقنا للذهاب كان الطريق الرئيسي مغلق على حظنا واضطرينا ناخذ طريق جبلي..أطول بساعه عن الطريق الرئيسي.. مع انه كان جبلي ومرتفع جدا ويخرع بدون اسوار والشارع ضيييييق .. كانوا اللي معاي يتشهدون خاصة ان اللي يسوق كان من العائلة يعني مب واحد خبير في البلاد.. بس انا كنت مستانس عالمناظر مع اني كنت اتخرع مرات لما نضطر نوقف على الحافة علشان السيارات يطوفون..
بس الحمدلله في الرجعه فتحوا الطريق وما مرينا على نفس الطريق الضيق..

[RJ83]

تابع..
- هذي الصور على شارع اوسع انترناشونال.. وبتلاحظون صور اول شاطئ نزلنا له "إل روسّو".. مع صور الانشطة الرياضية خاصة اللي تعتمد على الريح لانها كانت قوية في ذاك اليوم..

[M O 7 A M M E D]

الحمدلله على السلامة ..

يا ريت لو تخبرنا شنو نوع الكاميرا ..؟؟

وفي انتظار صور باريس ..

وعساك ع القوة ..

:)

[RJ83]

الانشطة الرياضية وشاطئ "إل روسّو" :nice:

بكمل عقب i have to go now:)

[>>> غــمـــوض <<<]

:victory: