ما هي الاسباب

[على نياته]

السلام عليكم ورحمة الله وبركاته ،،،

اخواني الاعزاء ما دام اجازة الصيف قد انتهت والنتائج النصفيه للشركات فوق الممتازة والامور السياسية المقصود بها حرب ايران لا زالت كلام ولم يحصل شيء حتى الآن واسأل الله ان يجنبنا الحروب فالسؤال المهم الى متى النزول وخصوصا ان السوق اليوم الخميس نازل ما يقارب 200 نقطة .

[على نياته]

اللهم اكفنا بحلالك عن حرامك واغننى بفضلك عن من سواك .

[اكتتاب خاص]

والله يالغالي ماعاد درينا وش سالفة هالاسهم

يوم سما واسبوع قاع


تهقون السبب سالفه الدرع الصاروخي اللي في بولندا واعتراض روسيا

ليكون الحين روسيا في راسها شي صوب هالبولندا

اخبر الروس من كم يوم معطين الجورجي على راسه ، اصفقوه لين انحول

الله يستر ، هالمره لو صارت مب واقفه على كف ، الروسي مدري اشبلاه زعلان ويتوعد



مب كني داش عرض !!

[arcon]

والله مافي شي مستبعد يعني كل الامور السياسيه ابتعلب دور في السوق بس احنا ما انقول غير الله المستعان وان شاءالله يعود الوضع على ماهو عليه المؤشر فوق 12500

[gamal503]

:secret::secret:بصراحة نزول قوي بدااااااات اخاف على فلوسي
:(:(:(:(:(:omg:
:omg:
:weeping:

[بوعبدالله3]

السبب واضح

موجه صعود انطلقت في يوم 4 ابريل 2007

من قاع 5700 تقريبا

وانتهت من 3 شهور تقريبا عند قمة 12600 تقريبا

( لاتحضرني البيانات حاليا )

الحمد لله اكثر من سنه صعود

لابد من التصحيح

السبب الاخر وهو جوهري كسر مؤشر السوق للترند الرئيسي الصاعد

والله اعلى واعلم

للامانه المحفظه كاش من بداية الاسبوع والانتظار لاعلان الارتداد الحقيقي

[البركان]

السبب واضح

موجه صعود انطلقت في يوم 4 ابريل 2007

من قاع 5700 تقريبا

وانتهت من 3 شهور تقريبا عند قمة 12600 تقريبا

( لاتحضرني البيانات حاليا )

الحمد لله اكثر من سنه صعود

لابد من التصحيح

السبب الاخر وهو جوهري كسر مؤشر السوق للترند الرئيسي الصاعد

والله اعلى واعلم

للامانه المحفظه كاش من بداية الاسبوع والانتظار لاعلان الارتداد الحقيقي


كلام صحيح يابو عبدالله

[بالول]

يا اخي صج انت على نياتك .......

سبب النزول في الصيف كان معروف ... وهو ان اغلب الناس تبيع عشان تسافر

اما سبب النزول الحين فهو بسبب قرب افتتاح المدراس ..... تدري البزران يبون دفاتر وجلادات والوان ... الخ الخ .... لهالسبب الناس قاعدة تبيع .... اضف الى ذلك قرب رمضان .... والناس محتاجة لمقاضي مثل الرز والقرصان والجريش والفيمتو ....... الخ الخ ...

يعني بعد العيد ان شاء الله السوق رايح يطلع ..... الله كريم

[almaf1a]

السبب واضح

موجه صعود انطلقت في يوم 4 ابريل 2007

من قاع 5700 تقريبا

وانتهت من 3 شهور تقريبا عند قمة 12600 تقريبا

( لاتحضرني البيانات حاليا )

الحمد لله اكثر من سنه صعود

لابد من التصحيح

السبب الاخر وهو جوهري كسر مؤشر السوق للترند الرئيسي الصاعد

والله اعلى واعلم

للامانه المحفظه كاش من بداية الاسبوع والانتظار لاعلان الارتداد الحقيقي

من الي قالك ان الصعود من دون توقف؟
معنى كلامك اي نزول الا ال5700 يعتبر مقنع لانه تصحيح
لو كل صعود وراه تصحيح ماراح نشوف المؤشر فوق ال 12 الف ابدا ابدا
اخي الكريم ممكن السوق يرتد عند ال 10 الف نقطه ويمكن ال 9 الاف نقطه
وين بيكون تصحيح الطلوع الي من ال 5700 الا هذي النقطه
حبيب قلبي انت اذا بتتوقع تصحيح بعد الطلوع الي من ال 5700 بطريقة هذي الغيت شئ اسمه الارباح القويه الي حققتها الشركات
انا مب مع ان لكل صعود تصحيح
لان الي قاعدين يبيعون اللحين مب شرط شروا من ايام السوق ب 5 الاف او 8 الاف نقطه

[الوعد2016]

ماحدث اليوم هو استعراض للعضلات والشاطر يفهم وفد زاير للمكان وناس تقول احنا نتحكم في السوق يعني معنا احنا نقدر نساعدكم ماتبونا بكيفكم بس بطريقه غير مباشره يوم الاحد نزول 100 بداية التداول وبعدها رجوع والسبب في النزول البيع والخوف من النزول اكثر وعندها لا تدخل طلابات الشراء الا بعد ما يتاكدون انهم بسعر السوق يستطيع شراء اسهم بكميه كبيره بدون خوف من ارتفاع السهم لسعر لا يستطيع الشراء به (يعني سعر اقل من البيع بريال او ريالين وهذا لا يعتبر ربح للمشتري يوم الاحد وبايع يوم الخميس) يعني وضع اوامر بعد استقرار الطلب والشراء بسعر السوق في اي وقت يختارونه مناسب وبعد تكدس الطلابات والمسئله مضاربه ممتازه اذا كان يطلب بسعر ممتاز للشراء وللبيع كذالك الاهم ان رقم الموشر 222 وحبيبة بيسان والاخ حكيم والشهاده لي ومن يقول انه تعلق بالسهم وهو سهم الخليج القابضه فلقت ذكرة في قسم التحليل ان اقل سعر هو 35.10 ولان نشاهد هذا السعر مره ثانيه وهذا الكلام كان من ثلاث ايام تقريبآآآآآآآآآآآآآآآآآ
والحمدالله على مجئ من الله سبحانه وتعالى
مبروك للمشترين والبايع الله يعوض عليه
اذا الموضوع محافظ فالمحافظ لها من هم من اهل البلد ولهم الاستطاعه منعها او اصدار اوامر بعدم البيع بكامل الكميه في بوم واحد حتى لو مليون سهم تملك تبيعها على يومين اقليل
واعتقد السوق هو سوق قطري والتعليمات والاوامر تصدر من اداره السوق للحفاظ على استقرار السوق وضمان مصلحة الجميع سواء محافظ محليه او محافظ اجنبيه او مواطنين او مقيمين
نتمنى ان يكون للحكومه نسبه كبيره في جميع الشركات حتى الشركات الخاصه يكون لها نسبه من الاسهم تقدر ب10% اقل القليل حتى تستطيع السيطره على الارتفاعات القويه او الانخفاض القوي

[على نياته]

والله يالغالي ماعاد درينا وش سالفة هالاسهم

يوم سما واسبوع قاع


تهقون السبب سالفه الدرع الصاروخي اللي في بولندا واعتراض روسيا

ليكون الحين روسيا في راسها شي صوب هالبولندا

اخبر الروس من كم يوم معطين الجورجي على راسه ، اصفقوه لين انحول

الله يستر ، هالمره لو صارت مب واقفه على كف ، الروسي مدري اشبلاه زعلان ويتوعد



مب كني داش عرض !!


ياخوي ما تنلام سوقنا يتأثر بامور بعيده عنا كل البعد ومشكور على المشاركة.

[على نياته]

يا اخي صج انت على نياتك .......

سبب النزول في الصيف كان معروف ... وهو ان اغلب الناس تبيع عشان تسافر

اما سبب النزول الحين فهو بسبب قرب افتتاح المدراس ..... تدري البزران يبون دفاتر وجلادات والوان ... الخ الخ .... لهالسبب الناس قاعدة تبيع .... اضف الى ذلك قرب رمضان .... والناس محتاجة لمقاضي مثل الرز والقرصان والجريش والفيمتو ....... الخ الخ ...

يعني بعد العيد ان شاء الله السوق رايح يطلع ..... الله كريم

ياخوي اللي يتأثر بهذاي الاشياء اللي ذكرت ممكن سوق الحلال او سوق السيارات او سوق الخضار لكن سوق الاسهم وش دخله .

[بوعبدالله3]

من الي قالك ان الصعود من دون توقف؟
معنى كلامك اي نزول الا ال5700 يعتبر مقنع لانه تصحيح
لو كل صعود وراه تصحيح ماراح نشوف المؤشر فوق ال 12 الف ابدا ابدا
اخي الكريم ممكن السوق يرتد عند ال 10 الف نقطه ويمكن ال 9 الاف نقطه
وين بيكون تصحيح الطلوع الي من ال 5700 الا هذي النقطه
حبيب قلبي انت اذا بتتوقع تصحيح بعد الطلوع الي من ال 5700 بطريقة هذي الغيت شئ اسمه الارباح القويه الي حققتها الشركات
انا مب مع ان لكل صعود تصحيح
لان الي قاعدين يبيعون اللحين مب شرط شروا من ايام السوق ب 5 الاف او 8 الاف نقطه

ياحبيب قلبي ؟ يالمافيا ؟

الله يهداك بس! من اللي قال ان المؤشر متجه لل 5700 ؟؟؟

كل اللي قلته ان من بعد تصحيح 2005 ووصول السوق للقاع 5700

انطلقت موجه صاعده تسمى موجه رئيسيه وكان طولها 7000 نقطه تقريبا

الان لابد من تصحيح ولكن ليس شرط وصول السوق للقاع السابق ولكن احتماليه

وصوله لل 9200 كأبعد تقدير ان لم يرتد من 10700 او 10100 حسب راي المحللين

والله اعلى واعلم

[الوعد2016]

ابو عبدالله متى مسيل للمحفظه الخاصه بك ومتى بعت المواشي وماشاء الله على سهمها جااااااااااااااااامد ومثلج وقت الحر

[لقمان]

اخى العزيز لاتنسى المدارس ورمضان والعيد اجتمعو فى نفس الشهر كل واحد له ميزانية خاص
هذا هو السبب فى نزول السوق وكلة شى غالية والمعاش ميكفى اللة يعين الجميع

[على نياته]

اخى العزيز لاتنسى المدارس ورمضان والعيد اجتمعو فى نفس الشهر كل واحد له ميزانية خاص
هذا هو السبب فى نزول السوق وكلة شى غالية والمعاش ميكفى اللة يعين الجميع


اخوي السوق ما يعتمد على النوعية من الناس اللي ذكرتهم السوق فيه محافظ وفيه هوامير وفيه مستثمرين اجانب لوكان السوق مرتفع حتى لو باعو الفئة اللي ذكرتهم يلمونه الهوامير على طول ،،، شكرا لردك اخي العزيز .

[على نياته]

الظاهر من الصدمة ما عندكم اي ردود ولا مشاركات الله يعين الجميع .