اي افضل مكيف سبيليت يونت ؟

[ANONYMOUS]

طبعا من ناحية السعر.. والصيانه..


لان الــ LG اللي بمكتبي احترق..

في شب اليكتروني احترق.. وقال لي تبديله ب 350 ريال.. قلت حلو.. بدل

وقال لي الكومبريسر هم احترق( او اخترب) .. وتبديله ب 1500 ريال..

قلت له مب حلو..

انسى الموضوع..

حتى هو قال لي تشتري يديد ابرك..


المشكله ماخترب الا في السنه ال سادسه لابارك الله فيهم..

يعني ضمان ال 5 سنين ودّع


فالسؤال

عطونا اسم مكيف.. هادي.. يثلّج.. ظريف.. وسعره كول.. طبعا ابغى طن ونص.. لان المكتب صغير 5*5 ويمكن والوقت اللي امضيه فيه يمكن بمعدل 5 ساعات يوميا..

ويعطيكم العافيه

[عاشق الشهادة]

SAMSUNG وأنت مغمض انا بيتي كله SAMSUNG , اما غاز او تنظيف فهذا لابد منه في جميع المكيفات وتدخل من ضمن الصيانه الدوريه , وعلى فكره عندهم نوعين من الكومبريسر روتري وبستن وأنت قولهم بغيت بستن , ومقرهم الرئيسي ( مكاتب الاداريه ) في الصالون الازرق على ما اعتقد الدور الثالث , وعندهم موظف هوالوحيد بالادراه عربي اسمه ( هاني ) والله والنعم به , واي خدمه ثانيه انا حاضر .

[PoBox]

جنرال اشوفه احسن مكيف
والبيت كله جنرالات
قالبينه قاعده عسكرية :rolleyes2:

[Qt.1]

والله من تجربه شخصيه اخوي سامسونج بارد وماله حس وفيه نظام الفلتر للاطفال وحتى شكله انيق وحلو بتذكرني اذا قصرت عليه من كثر ماهو بارد.....:nice:

وان شاء الله باقي الااخوان يقدرون ايفيديونك...

[شبربوش]

اذا حق المكتب واتقول حجمه اصغير انه انصحك بالجنرال كول طن ونص عجيب انه مجربه حق غرفة العيال
وسعرة 3400 تقريبا في التنزيلات
واذا تبي مكيف صج ماعليه كلام من الاستعمال و مابعد الشراء انصحك بالـدايكن وال مستوبيشي لانهم شركه وحده وهي شركة تدمر وانه مجربه بس سعره غالي ويستاهل 3600 الطنين بدون خصم

[بولينجر]

توشيبا.... وكيله المناعي....بارد وهادي ومافيه مشاكل

[مساهمه بالحب]

مافي احسن من ناشونال

وخدمتهم بعد البيع حلوه

بعكس ال جي وجنرال

[بوغانم]

SAMSUNG وأنت مغمض انا بيتي كله SAMSUNG , اما غاز او تنظيف فهذا لابد منه في جميع المكيفات وتدخل من ضمن الصيانه الدوريه , وعلى فكره عندهم نوعين من الكومبريسر روتري وبستن وأنت قولهم بغيت بستن , ومقرهم الرئيسي ( مكاتب الاداريه ) في الصالون الازرق على ما اعتقد الدور الثالث , وعندهم موظف هوالوحيد بالادراه عربي اسمه ( هاني ) والله والنعم به , واي خدمه ثانيه انا حاضر .

اسوأ شركة تكنوبلو من ناحية الصيانة والخدمة سيرفس مابعد البيع

تقريبا اغلب الاجهزه الكهربائية خذتها من سامسونغ وهذي غلطة عمري

المهم في فتره الضمان حدث عطل في الثلاجة وهو عدم التبريد وقطرات من الماء في الثلاجه اخذت موعد بعد يومين للصيانة وبعد فحص الثلاجه مجرد بان رشها بماء من الداخل قال لي التقني لايوجد بها شي وعاد التبريد بشكل طبيعي وبعد شهر واحد رجعت المشكلة مرة اخرى وعند الاتصال اليوم السبت بتاريخ 6-9-2008 للصيانه اعطاني موعد بعداربعة ايام بتاريخ 10-9-2008
وطلبت من الاخ بان يعطيني موعدا اقرب لانها ثلاجه بها طعام وشراب ويوجد لدي اطفال وكان من ردوده هناك الكثير من المواعيد السابقة وايضا لايمكن للتقني بأن ياتي الا ومعه فني اخر وايضا من ردوده اشتر العصاير وانهها في نفس اليوم
وغير ذلك من الردود المضحكه

وعند سؤالي عن رقم المدير ..قال لي الرد المعتاد انه مسافر؟؟
طيب مسافر هل من ينوب عنه ..او تترك الشركة سمردحه لمن هب ودب




وايضا نحن في شهر رمضان المبارك ويوم الجمعه الصيانة مغلق


المشكلة ان اغلب التقنيين غير مسلمين؟؟ فلماذا الكذب؟

الله المستعااان

نصيحه للأخ السائل خذلك متسوبيشي للعمر
او جنرال الاصلي من اسد عمادي

[بو(أحمد)]

اكيد جنرال ولك الاختيار

[تراب قطر]

جنرال بلا منازع

[قطري vip]

لا والله اقولك الصراحه افضل مكيف وياباني حتى الان هو الميتسوبيشي وصدقني ماراح تخسر

[combo]

انا ركبت شارب وما عليه كلام والسعر ارخص من ال ج وسامسونج
الوكاله المفتاح في السد
ولا عيهم ضغط و خدمتهم توصلك في اقل من ساعه انا جربتهم
بس للحق اذا ما يهمك السعر خذ جنرال الاصلي
كانه ثلاجه ما شاء الله
عندي 2 جنرال وندو واضطر اقصر عليه وافتح باب الغرفه عشان اخفف البروده
بالتوفيق

[qatari1]

جنرال هو الأفضل، والأغلى.

متسوبيشي..أصبح سعره ممتاز خاصةً تجميع تايلندي.

شارب..سعره جيد، وخدمته ممتازة.

[لوردغاليري]

شارب ممتاز

[Qtr33]

الجنرال -سبليت- 2طن بـ4200 من فتره شاري واحد
وكيلهم العمادي للإلكترونيات لهم فرع عند دوار الفولكس ويجن -سناء- وفي فرع ثاني عند اشارات نابينا -شركة تويوتا قسم السيارات المرجعه قديماُ-

[qatar.com]

انا اقولك جنرال بس لا زم تعرف في اصلي وفي تجاري تجميع الامارات هذا اهرب منة

[غناتي1]

المتسوبيشي 000 بلا منازع