لحقوووووا علي رحت وطي

[غشيم]

اي والله رحت وطي
انا شلي بالاسهم وعوار الراس انا كنت مرتاح ويا الاراضين والعقارات
ما ادري شاللي قطني في الاسهم

ساعدوني بنصايحكم الله يخليكم

شريت 8000 سهم ناقلات ابسعر 62
شريت 3000 سهم صناعات ابسعر 188
شريت 1000 سهم الاسلامية للتامين ابسعر 465 ( على كلام اللي قالوا بتوصل 1000 ) :confused:

والحين مثل ما تشوفون الخساير بجلاجل

الربع في الميلس يقولون بيع بخسارة الحين وبترد تشتري الاسبوع الجاي
ناقلات ابسعر 48
صناعات 155
الاسلامية 420

انتوا شرايكم دبروني انصحوني الله يخليكم
تراني رحت وطي

[hani aladnani]

لا تبيع ياخوي

ترى السوق ماتنعرف
اصبر

[alsenjari]

الربع في الميلس يقولون بيع بخسارة الحين وبترد تشتري الاسبوع الجاي


إذا تبي تروح وطي صح أسمع كلام الربع

وإذا تبي السلامه والربح عليك بالصبر وعدم متابعة السوق خلال هذه الفتره

أللي يبيع أسهمه بهذه الأسعار يقطهم بحر أبركله من البيع

الأسعار خلال هذه الفتره فرصة لا تعوض للمستثمر أقول المستثمر الكلام غير موجه للمضارب

[غشيم]

هاني مشكور على النصيحة

السنجاري انت ماشالله عليك فاهم وانا اقرا لك وايد واتابع مواضيعك وكلامك والله مثل البلسم على قلبي
مشكور اخوي على النصيحة وانا والله هذا اللي ابيه ابي كلام يطمني شوي

مشكور

[الضيف..]

اقول اخوي اصبر والله لو تبيع ماتعوض خسارتك لو سنه اعرف واحد خسر 50% وماباع وبعد سنه باع الدبل ,,, وكل اللي باع بخساره ماعوض ,,,الله يرزقك ان شاء الله ,,

[الأستشاري]

عــــــــدم البيـــــــــــــــــع

[الجزيـرة $]

لا نبيع ما تجيك فرصه للشراء

نصيحه لا تبيع

[الكندري]

السلام عليكم ورحمة الله ...
أخوي العزيز انك لاتعتبر خسران في الوقت الحالي الا عند بيعك للأسهم... اخوي العزيز لاتنظر للقيمة السوقية في الوقت الحالي وانما انظر للنتائج المالية للشركة والارباح التشغيلية للشركات بخلاف الناقلات في الوقت الحالي... فالشركات لاتستحق هذا الهبوط ولكن الهبوط الحاصل يمكن ربطه بطرح الاكتتابات المتوقعة قريبا ... وجزء من هذا الهبوط حاصل بسبب عوامل نفسية لدى اغلب المستثمرين... لذلك يرجى التحلي بالصبر والتحول لمستثمر لأنه في النهاية هذية الأسهم سوف تحظى بأرتفاعات كبيرة بأذن الله تعالى.. والله اعلم..
بالتوفيق لجميع .

[KhalidQ]

اي والله رحت وطي
انا شلي بالاسهم وعوار الراس انا كنت مرتاح ويا الاراضين والعقارات
ما ادري شاللي قطني في الاسهم

ساعدوني بنصايحكم الله يخليكم

شريت 8000 سهم ناقلات ابسعر 62
شريت 3000 سهم صناعات ابسعر 188
شريت 1000 سهم الاسلامية للتامين ابسعر 465 ( على كلام اللي قالوا بتوصل 1000 ) :confused:

والحين مثل ما تشوفون الخساير بجلاجل

الربع في الميلس يقولون بيع بخسارة الحين وبترد تشتري الاسبوع الجاي
ناقلات ابسعر 48
صناعات 155
الاسلامية 420

انتوا شرايكم دبروني انصحوني الله يخليكم
تراني رحت وطي

عندك 6 الف ريال اكتتب وخلك لاخر السنة
اذا بعت عليك السلام
اذا سمعت كلامهم ابشر بالخساير

[relaax]

لا .. للبيع :court:
شعار الاسبوع:)

اخوي ... لا تابع الاسهم الا اذا سمعت انها ارتفعت ... ريح راسك وانسى ;)

[بـوصـالـح]

والله اذا تبي اتعمق الجراااح اسمع كلام الربع


انا اقول (( الحين فرصه للشراء )) مب للبيع

الجماعه عبالهم ابريل

معاااوض خير ان شاء الله

والصبر مفتاح الفرج

[بدور]

والله اذا تبي اتعمق الجراااح اسمع كلام الربع


انا اقول (( الحين فرصه للشراء )) مب للبيع

الجماعه عبالهم ابريل

معاااوض خير ان شاء الله

والصبر مفتاح الفرج




:nice: :nice: :nice: :nice: :nice: :nice: :nice:

[ابو فهد]

لا تبيع
ممنوع البيع حاليا
عذراً عزيزي المضارب جميع الاسهم حالياً مشغوله ، الرجاء معاودة الاتصال لاحقاً
.
هذا انا ( :anger1: وهذا اخوي غشيم :con2: )
.
اصبر و لا تخاف ،،، فلوسك محفوظه باذن الله ،،، بس اهم شئ لا تبيع
شتقول عني انا الي قاعد ابني الحين بيتي و حاط فلوسي كلها في البورصه
لا وبعد اذا فيه اكتتابات جديده باضطر اقترض ( :eek3: ) .
وفي النهاية خلك مبتسم :) وباذن الله مرد السوق بيرتفع .
الله يحفظك

[الحزينه]

اي والله ياخوي وانا اضم صوتي لصوت اخواني لاتــــــــــبـــــــــــــــــيــــــــــــــــــ ــــــع ( أن الله مع الصابرين )

والله يفرج عليك وعلينا وترانا كلنا ياخوي خسرانين ونتتظر رحمته

[بـوصـالـح]

قول الحمدلله ان عندنا ثقه ان السوق راح يرجع للطلوع وبقوه والسوق واعد وبقوه ان شاء الله

وان الحاصل هلايام هو مجرد (( عدم وضوح رؤية بروه العقاريه )) ولا وضحت

وعرفوا الناس ان (( اذا طلع لكل بطاقه 1000 سهم )) يبوس يده مقلوبه (( بعدين )) بتشووف ان الكل بيرد وبقوه للسوق


اشلون لو ما عندنا ثقه ((( انفجااارات بتسير )))

[رهيب]

عليك بالصبر و عدم متابعة السوق هذه الأيام !

[جوجو]

نصيحة من كل قلب لا تبيع لأت كل السوق نازل مب بس الاسهم اللي شريتها وكل حالياً خسرانين لكن الواحد ينتظر وإن شاء الله فترة وتعدي .
كل هذه بسبب الاعلان عن الاكتتابات الجديدة هو اللي نزل السوق جذي لكن ان شاء الله أول ما تخلص الاكتتابات يرجع السوق بقوة .

[الدينار الخليجي]

لاللبيع هذه هي افلونزا الطيور اصابة الاسهم و انا انصح بالشراء بالشراء لان كبار المستثمرين والمحافظ غير متفقين مثلنا وكلهم يتربص للاسهم واليوم لاحظنا بعض التجميع وعند مشاهدة الون الاخضر سوف تبدا الحرب وتبدا مشكله تقديم طلبات الشراء وهم الرابحين والمشتري البسيط لن يحصل على شي فاز بالذات من كان جسورااااااااااااااااااااااا

[سهم حاير]

لاتبيع كلنا خسرانين مثلك هذا السوق يوم فوق ويوم تحت

[المــستشار]

نصيح مني لاتبيع لو السهم وصل ريالوش تقول انا شريت المواشي بسعر 64 وللان مابعت والله كريم الي نزله بطلعه انشاء الله :eek3: :eek3:

[بو عبد الرحمن]

السلام عليكم غشيم. لا تبع، لا تبع، لا تبع. مثل ما قال لك الاخوة من قبلي: الان وقت شراء مب بيع. الذي يحصل الان رغبة من الكبار في لم كل سهم في يدك ويدي ويد الجميع. والذي يتابع ما يجري الان يظن ان الشركات القطرية محققة خسائر فادحة خلال العام الجاري وليس ارباح ممتازة ولله الحمد. الحل في الصبر وعدم الالتفات للسوق الان واكثر من الاستغفار وسترى الخير قريبا ان شاء الله. ترى كلنا شارين مثل ومتعلقين. والكبار في النهاية هدفهم الربح ولن يتم لهم ذلك الا ببلوغ الاسهم مستويات عالية جدا بإذن الله. ولا تنس ان لكل فعل ردة فعل مساوية له في القوة ومعاكسة له في الاتجاه. وكما ان هناك طلبات صفرية الان ولمت داون سيأتي دور العروض الصفرية واللمت أب قريبا بإذنه تعالى وهو خير الرازقين.

[Al@kuwari]

اخوي انا اضم صوتي لااخواني لتبيع وانا اخوك اصبر كلنا شرينا بغالي لكن اذا بعنا خسرنا لكن اذا صبرت باذن الله بتنول...

والله يوفقنا جميع...

[ابو خالد]

اخوي :
اسمع لاخوانك ولا تبع ... واصبر .. ان الصبر مفتاح الفرج

[سعد]

(( بيع الردي ولو بالخساره ))



تحمل تاخذ بهالمثل ترى بتروح وطي معاه هههههه


وعليك بالصبر ولاتشوف البورصه الا بعد الانتهاء من اكتتاب ( بروه ) ..


والله يعين الجميع :(

[ahmed jasim]

ساعدوني بنصايحكم الله يخليكم

شريت 8000 سهم ناقلات ابسعر 62
شريت 3000 سهم صناعات ابسعر 188
شريت 1000 سهم الاسلامية للتامين ابسعر 465

أذا عندك كاش..لا تبيع وأنتظر

أذا ماعندك كاش فهذه وجهة نظر
سيل ربع الأسهم بتحصل على 300 ألف وأستخدمها عند الأرتداد (لا أتوقع الأرتداد لمت أب متوالي)

وبالتوفيق

[خالد علي علي]

والله انك ذكري ياغشيم تردي ليش لانك اخترت الافضل اسهم قياديه الي عندك

[خالد علي علي]

بسم الله الرحمن الرحيم شباب انا جاني خبر تووووه الحين من واحد من صناااااااااع السووووق الي بفطر وريال يملك محفظ ذوووووو عائد كبير يقووولي انه في شهر 2 السوووووق 14000 شباب الي خسر لاااااااااايشووف البورصه ولا يبيعععععععع ترا جاكم الخبررررررررررررر

[الشرقية]

بسم الله الرحمن الرحيم شباب انا جاني خبر تووووه الحين من واحد من صناااااااااع السووووق الي بفطر وريال يملك محفظ ذوووووو عائد كبير يقووولي انه في شهر 2 السوووووق 14000 شباب الي خسر لاااااااااايشووف البورصه ولا يبيعععععععع ترا جاكم الخبررررررررررررر





الخوف انك تقصد 4000 ...................................... الله يكون في عون الصغار بس

[concord]

بسم الله الرحمن الرحيم شباب انا جاني خبر تووووه الحين من واحد من صناااااااااع السووووق الي بفطر وريال يملك محفظ ذوووووو عائد كبير يقووولي انه في شهر 2 السوووووق 14000 شباب الي خسر لاااااااااايشووف البورصه ولا يبيعععععععع ترا جاكم الخبررررررررررررر


بفطر ؟؟؟؟؟؟؟

يملك محفظ ؟؟؟؟؟؟؟؟؟؟؟


:D

[كش ملك!!]

قرانعوه قرقيعان :D


بع بع بع بع بع بع


ولا اقول لك لا تبيع واصبر واحتسب :app:

[غشيم]

بسم الله وماشالله
مشكورين والله احرجتوني بردودكم الطيبة وكلامكم اللي يريح القلب
ومثل ما قلتوا بنسى البورصة كم شهر وعقب يصير خير انشالله

يقول المثل ( من شاف بلاوي الناس هانت عليه مصيبته )

والحمدالله على كل حال

[احمد س]

الله يسلمك عندي اسهم في الصناعات على 200
وموب بايع مثل مابطوا جبدي بنطر لين اطلع حرتي وابيع ب400
وقاعدين في السوق لين انشوف وين اخرتها

[HarD]

اي والله رحت وطي
انا شلي بالاسهم وعوار الراس انا كنت مرتاح ويا الاراضين والعقارات
ما ادري شاللي قطني في الاسهم

ساعدوني بنصايحكم الله يخليكم

شريت 8000 سهم ناقلات ابسعر 62
شريت 3000 سهم صناعات ابسعر 188
شريت 1000 سهم الاسلامية للتامين ابسعر 465 ( على كلام اللي قالوا بتوصل 1000 ) :confused:

والحين مثل ما تشوفون الخساير بجلاجل

الربع في الميلس يقولون بيع بخسارة الحين وبترد تشتري الاسبوع الجاي
ناقلات ابسعر 48
صناعات 155
الاسلامية 420

انتوا شرايكم دبروني انصحوني الله يخليكم
تراني رحت وطي


انا شاري صناعات على 197 3000 سهم
عقارية 117 2000 سهم
اجارة 76 4000 سهم


شوف الخسائر واحمد ربك على ما انت عليه ولا تفكر تبيع وكان الله في عون الجميع

[قطرية وأفتخر]

بسم الله وماشالله
مشكورين والله احرجتوني بردودكم الطيبة وكلامكم اللي يريح القلب
ومثل ما قلتوا بنسى البورصة كم شهر وعقب يصير خير انشالله

يقول المثل ( من شاف بلاوي الناس هانت عليه مصيبته )

والحمدالله على كل حال



أخو ي حاول أتعدل متوسط سعر الشراء عندك وأنساهم شهرين بس وراح تدعي لي طول حياتك أنشالله بس أستغل الفرصه أحين لانه الفرصه في العمر مره وعدل المتوسط

[ولد المعاضيد]

والله حاله..

اصبروا..ما لنا الا الصبر..

يا احنا..يا هوامير السوق

[MEGAMIX]

الحبيب .... هذا مجرد كلام لأنك لين الحين ما خسرت الي اتشوفه مجرد رمز

" Figure "و مثل ما تفضلوا الأخوان ما لك الآ الصبر ..... لو انك بايع امس كان باقولك 100% :app:
بس اذا استمر النزول اسبوع كامل الله يستر من الكارثة

[سراب الامل]

اخوي ان شاءالله ماراح تخسر ابد

والحل الوحيد لك انك تحتفظ باسهمك وتقعد تراقب السوق :looking:

وان شاءالله الارتداد جاي لامحاله اذا مب اليوم بكره :nice:

ونصيحه من اختك حول بهالوقت للاستثمار :deal: وانسى البيع :court:

وان شاءالله ربي بيبارك لك باللي عندك

وبالتوفيق لك يارب

[بن عطوان]

السلام عليكم اخوي غشيم..

اسمع كلام الربع اهني ولا تبيع...
انا مريت ابنفس التجربة في العقارية وكانت خسارتي 250000 بس مابعت وصبرت اربع اشهر وحققت ربح 100000... يعني شوف الفرق..

ترى النزول هو نزول متعمد من قبل البعض وللاسف صغار المستثمرين يساعدونهم بدون مايدرون..

والله يوفق الجميع

[ابو الاسهم]

اي والله رحت وطي
انا شلي بالاسهم وعوار الراس انا كنت مرتاح ويا الاراضين والعقارات
ما ادري شاللي قطني في الاسهم

ساعدوني بنصايحكم الله يخليكم

شريت 8000 سهم ناقلات ابسعر 62
شريت 3000 سهم صناعات ابسعر 188
شريت 1000 سهم الاسلامية للتامين ابسعر 465 ( على كلام اللي قالوا بتوصل 1000 ) :confused:

والحين مثل ما تشوفون الخساير بجلاجل

الربع في الميلس يقولون بيع بخسارة الحين وبترد تشتري الاسبوع الجاي
ناقلات ابسعر 48
صناعات 155
الاسلامية 420

انتوا شرايكم دبروني انصحوني الله يخليكم
تراني رحت وطي
يا خوي يا غشيم :funny:
انتا ما راح تخسر اي فلس الا اذا بعت بخساره :deal:

وهذا السوق احنا نعرفه عدل ونقولك انه صج حبه فوء وحبه تحت
الحين هو في الحبه اللي تحت
انتو تبون كلله فوق ما يصير
لازم شويه تحت

والاسهم اللي عندك كللها على قولتهم قياديه وما في خوف عليها للاستثمار ان شاء الله

وبكرا تشوف :eek2:

[بورصة نت]

الله يصبرك اخوي ولاتبيع بخسارة وكلنا اسهمنا نازلة ولانفكر بالبيع على الاسعار هذي

[مسااااااااهم]

عزيزي لا تكون غشيم وتروح تبيع ترى بتعض يديك من الندم اسهمك ما شاء الله من الاسهم الممتازة في السوق وانشاء الله في القريب العاجل راح تشوفها فووووووووق حتى لو نزل بكره وبعده ،،ترى نزول غير مبرر صدقني ، والشاطر من يشتري هذه الايام على هذه الاسعار ...مش يبيع ..
انا شاري السلام على 60 واليوم شوف سعره بس حرام ابيع بالخسارة لاني على يقين بان فيه فترة مقبلة سينتعش السوق وعلى الاقل اقلص من حجم الخسارة ..
اتمنى لك التوفيق ومزيدا من الصبر

[تنين البورصه]

قصوا عليك لو بعت اليوم كان بكر ه او الي بعده بتشتري ارخص العبوبك

[حكيم]

:looking: :con2: :nice:
قصوا عليك لو بعت اليوم كان بكر ه او الي بعده بتشتري ارخص العبوبك

[منصور]

فرجت يا الغشيم

مبروك الاتفاع

[BOSS MAN]

لا تبيع امسك اسهمك الخير جايك ومعوض انشاء الله

[said454]

عندك 6 الف ريال اكتتب وخلك لاخر السنة
اذا بعت عليك السلام
اذا سمعت كلامهم ابشر بالخساير


رأي حكيم جداً ياسنيك.

[Bo jassim]

اخوي بالعكس لاتبيع
المفرووض تشتري اذا عندك سيوله علشان اتققل الخساره
اذا بعت رحت وطي

[oqbah]

انسها وانا اخوك وابشر بالخير في الطريق جاي

علم نفسك الصبر ودربها عليه من هالبورصه

وصدقني بتلقى وبتعرف وشلون صبرت وظفرت

ولا يهمك كلام الناس
لالالالالالالالالالالالالالالالالالالالالالالالالا تبيع

[ناصر11]

أخوي الغشيم لا للبيع حاول تقرى ألقران قد ماتقدر وحاول أتسبح أبماي بارد 3 مارت في اليوم وفي مطوع في مدينة خليفه حاول أتسوي حيامه في الراس عشان ماتبع أسهمك الحين ودايمن خلك مبتسم يالله أضحك ودي اشوف أسنونك الحلوه قبل ألمت أب

[أحزان قطر]

الله ايعوضك وأعتقد بأن الان لن تكون وحدك بل هناك كثيرون الانتظار أفضل من البيع بخسارة

[بولينجر]

كلنا خسرانين في هالفترة

انتظر أخوي غشيم ولاتبيع مثل ماقالوا لك الإخوان واصبر

لأن الخسارة بتكون إذا بعت الأسهم

أسهمك ممتازة وإن شاء الله بتفرح بعد شهرين