المتزوجين والمتزوجات: كم تحطون ميزانية للبيت كل شهر؟؟

[maryam5]

السلام عليكم ورحمة الله وبركاته،،

في البداية احب ارحب بالجميع الي ارجعوا من الاجازة والسفر مثلي الحمدلله على السلامة ياهلا ومرحبا فيكم :nice:

وكل عام وانتم بخير بمناسبة شهر رمضان الكريم اعاده الله علينا وعليكم بالخير واليمن والبركة وتقبل الله طاعاتكم...:nice:

موضوعي عن ميزانية البيت الشهرية؟؟؟ يعني المصروف كل شهر؟؟:rolleyes2::rolleyes2:

أبي اسأل المتزوجين والمتزوجات والي يقومون على شؤون أسرهم بالصرف اشلون الواحد يقدر يحط ميزانية كل شهر؟؟ يعني بالتقريب كم؟؟

وكيف ممكن الواحد يخطط لميزانية الشهر؟؟ يعني اشلون يقسم الميزانية؟؟

لو افترضنا واحد راتبه 25 ألف وعنده أسره مكونة من زوجة وخمس عيال وخدامة ودريول
كم يحط ميزانية كل شهر؟؟؟:secret::secret:

اتمنى اصحاب الخبرة يفيدوني اشلون الواحد يدبر امر الميزانية بحيث ما يبذر وايد ويبقى له من راتبه - يعني أبي تخطيط سليم منه الواحد ما يقصرعلى هله وبنفس الوقت ما يصرف الراتب كامل علماً بأنه ببيت ملك يعني ما عليه ايجار والحمدلله ما عليه ديون...

انتظر اصحاب الخبرة للفائدة منهم...

وشكراً،،،

[noof123]

اعتقد 10 الاف للزوجة و الاولاد يادوب تكفي !!!!

[ANONYMOUS]

لو افترضنا واحد راتبه 25 ألف وعنده أسره مكونة من زوجة وخمس عيال وخدامة ودريول
كم يحط ميزانية كل شهر؟؟؟:secret::secret:






معقوله في حد راتبه 25 الف..

:eek5:


كل ربعي 35 وفوق :shy:


بخصوص الاجابه انا عمري ماحسبت والله..

ادفع ادفع ادفع ويبقى من الراتب والحمدلله..


ومرات نادره يصفر الراتب

:weeping:

[بوخالد911]

ولا مرررة حسبت

ندفع وبس


والله المستعااان

؛؛؛

حمدلله ع السلامة

وحياج لموضوع سفرتي

شوووفي التوقييع

؛؛؛

مع التحية

؛؛؛؛

بوخالد911

[maryam5]

اعتقد 10 الاف للزوجة و الاولاد يادوب تكفي !!!!


هلا وغلا والله
إذا ما عليج أمر ممكن توضحين اكثر اشلون ممكن هالــ 10 ألف تتوزع خلال الشهر؟؟؟

ويسلموووووو على المشاركة ياعسل

[maryam5]

معقوله في حد راتبه 25 الف..

:eek5:


كل ربعي 35 وفوق :shy:

بخصوص الاجابه انا عمري ماحسبت والله..

ادفع ادفع ادفع ويبقى من الراتب والحمدلله..

ومرات نادره يصفر الراتب

:weeping:


معقولة ونص اخوي وفي اقل من هالراتب بوايد...
لازم الواحد يحسب مافي شي الواحد يصرفه جذيه لازم ميزانية كل شهر والانسان المنظم والي تكون له اهداف مستقبلية لازم يخطط ويرتب كل ريال داش وكل ريال طالع...

يسلموووو على المشاركة وياريت لو تقولي تقريبا كم تصرف كل شهر...؟؟:secret:

[maryam5]

ولا مرررة حسبت

ندفع وبس

والله المستعااان
؛؛؛
حمدلله ع السلامة
وحياج لموضوع سفرتي

شوووفي التوقييع

؛؛؛
مع التحية

؛؛؛؛
بوخالد911



هلا ومرحبا فيك
بس فعلا غريبة ان محد يحط ميزانية كل شهر
بس هذا يدل على سوء تخطيط إذا كنا ما نحسب المدخول والمصروف
اقول بوخالد يعني تقريبيا كم تصرف كل شهر؟؟ :secret::secret:

وابششششششششر طال عمرك بدخل موضوع سفرتك...:nice:

اشفيه التوقيع؟؟؟:rolleyes2:

[السلطان]

ماقال صاحب الموضوع كم يحط ميزانية ؟؟؟؟
:tease:
منكم نستفيد

بالنسبة لي ماعرف ميزانية اصرف لين اقول بس

[>>> غــمـــوض <<<]

انه مو متزوجه بس اشوف الوالد والوالده يصرفون وااااااااااااااايد
بالراحه فوق الــ 10000
اصلن الـ 10000 صايره مثل الريال
ويتوزع على المطبخ من اكل وبااقي اغراض
مصروف الصبيان ،، كل يوم والثاني يبون يروحون مكان
والبنات على لبس ومشترى
واذا في مناسبات ولا هدايا
ومادري بعد بس وااايد اشياء

:nice:

[ANONYMOUS]

معقولة ونص اخوي وفي اقل من هالراتب بوايد...
لازم الواحد يحسب مافي شي الواحد يصرفه جذيه لازم ميزانية كل شهر والانسان المنظم والي تكون له اهداف مستقبلية لازم يخطط ويرتب كل ريال داش وكل ريال طالع...

يسلموووو على المشاركة وياريت لو تقولي تقريبا كم تصرف كل شهر...؟؟:secret:



والله النشبه

شوفي..

عندي قسط 10 الاف وخرده.. توني ماخذه مؤخرا.. مدته سنه مب وايد..

غيره.. غالبا ماعدي 10 الاف.. واحيانا 20 او 30.. على حسب الـ occasions

يعني اللي يبقى هالشهر.. يطير عقب شهرين .. ولا على حسب.. وهكذا..


وسلمي لي عالتخطيط


بس وش دراج اني ناوي اسوي control على هالموضوع من الشهر القادم :secret: :nice:

[الهاوي28]

انا عن نفسي ماعندي حد معين

اول الشهر اروح الجمعية واشتري اغراض البيت واليهال وادفع معاش الخدامات

واسدد الفواتير مع النثريات من اهنيه وهناك

يعني بين ال 4000 الى 6000 ريال شهريا

والحمدلله يبقى من الراتب وساعات لا اذا كنا مسافرين في الويكند بس نادر

[noof123]

هلا وغلا والله
إذا ما عليج أمر ممكن توضحين اكثر اشلون ممكن هالــ 10 ألف تتوزع خلال الشهر؟؟؟

ويسلموووووو على المشاركة ياعسل

6000 للجمعيه و 3000 للزوجه و 1000 بترول
بس طبعا المصاريف الثانيه ما حسبتها مثل اصلاح السياره واذا انكسر شي في البيت
و شراء ملابس للاطفال او للبيت او هدايا للمناسبات الاجتماعية و معاشات الخدم و العزائم و التجهيز للعيد او لرمضان والمستشفيات الخاصة و الادوية واذا عندهم بيبيات بيزيد المصروف
و فاتورة الموبايلات و تلفون البيت و الانترنت و الفيزا كارد
اعتقد من الافضل يعطيها ال 24000 الف و يخلي معاه الف ريال للبترول و هي تشوف الميزانيه الي تناسبهم :nice:

[سماء الدوحة]

وانا وحد اقول الصرف على الكماليات اكثر من اغراض البيت لا نة اغراض البيت الله يخلي التموين يعني خل
نحسب الشي الغالي اشوي مثل العيش السكر والزيت لخ هاي اغراض المطبخ بس المشكلة الحين رمضان والمدارس والعيد هاي ملها ميزانية يعني كل شهر انا عن نفسي اشوف 5000 ريال وكي مع الخدامة

[بلاهويـــــة]

أنا معاشي 12 الف يكفيني أنا وزوجتي والحمد لله

[nor85]

والله احس كل واحد يقدر يدبر اموره على قده يعني ممكن شهر 6000 وممكن الشهر اللي وراء 7000 او اقل يعتمد على المناسبات رمضان اكيد الصرف يكثر وشهر المدارس ولو طالعين اجازه يعتمد طبعا

[ضوى]

ممممممممممممم مرايم

حمدا لله على سلامتج وعوداً احمداً

بخصوص الميزانية ، يعني مو اقل من 5000 او 6000 الشهر ، خاصة تروحين الجمعية تفكين 500 كأنج تفكين 50 ريال هذا يا دوب تشترين حليب وروب وروتي وتناتيف صغيرة يعني هذا بشكل دوري يعني كل يومين ثلاثة ، بما انه ماشاء الله عايلة كبيرة شغالة ودريول وام زوجي واخته وابونا وانا وعيالنا خمسة يعني عيلة ماشاء الله فكل واحد من هذا له مصاريف مختلفة طبعا انا اتكلم عن مصروف البيت غير المصاريف الشخصية للعيال للمستشفى للادوية للفسح هذا شئ اخر تماما ، يعني مو اقل من 25 بالشهر نصرف ، ولا حول ولا قوة الا بالله والله المستعان

[انا احساس]

الحمد لله رب العالمين
كل شهر يختلف عن الثاني ...بس صرف خفيف لان اسرتي صغيره ... يمكن نحس بالمصاريف اذا امتدت العايله وكبروا الشباب فديتهم
يعطيج العافية

[maryam5]

ماقال صاحب الموضوع كم يحط ميزانية ؟؟؟؟
:tease:
منكم نستفيد

بالنسبة لي ماعرف ميزانية اصرف لين اقول بس


والله ما ادري كم الميزانية؟؟
أبي اتعلم منكم واستفيد عشان الميزانية

مايصير تصرف لين ماتقول بس لازم تخطيط - كل شي نخطط له ينجح وبشكل ممتاز...

ممكن نتعاون ونخطط؟؟

[maryam5]

انه مو متزوجه بس اشوف الوالد والوالده يصرفون وااااااااااااااايد
بالراحه فوق الــ 10000
اصلن الـ 10000 صايره مثل الريال
ويتوزع على المطبخ من اكل وبااقي اغراض
مصروف الصبيان ،، كل يوم والثاني يبون يروحون مكان
والبنات على لبس ومشترى
واذا في مناسبات ولا هدايا
ومادري بعد بس وااايد اشياء
:nice:


اولا مشكورة على المشاركة فديتج والله يخليلج ابوج وأمج
ثانيا لو قلنا 10ألف كل شهر نوعا ما مقبول ومنطقيا لو كانت العايلة كبيرة لكن جدا صعب انك تصرف راتبك كله وتوصل المصاريف لين 30 ألف كل شهر..
احسه وايد ومبالغ فيه الواحد يصرف هالميلغ..

في المناسبات ما نختلف في زيادة بالصرف بس عاد مب كل شهر؟؟

يسلمووووووووووووووووو على المشاركة

[maryam5]

والله النشبه

شوفي..

عندي قسط 10 الاف وخرده.. توني ماخذه مؤخرا.. مدته سنه مب وايد..

غيره.. غالبا ماعدي 10 الاف.. واحيانا 20 او 30.. على حسب الـ occasions

يعني اللي يبقى هالشهر.. يطير عقب شهرين .. ولا على حسب.. وهكذا..

وسلمي لي عالتخطيط

بس وش دراج اني ناوي اسوي control على هالموضوع من الشهر القادم :secret: :nice:


كان عندي احساس انك تبي تسوي تخطيط :tease::tease:
نجاح اي انسان في الحياة يعتمد على التخطيط السليم...

[maryam5]

انا عن نفسي ماعندي حد معين
اول الشهر اروح الجمعية واشتري اغراض البيت واليهال وادفع معاش الخدامات
واسدد الفواتير مع النثريات من اهنيه وهناك
يعني بين ال 4000 الى 6000 ريال شهريا
والحمدلله يبقى من الراتب وساعات لا اذا كنا مسافرين في الويكند بس نادر


بصراحة جدا معقول:)
ممكن تقولي اشلون تجزء الراتب كل شهر؟؟:nice:

[maryam5]

6000 للجمعيه و 3000 للزوجه و 1000 بترول
بس طبعا المصاريف الثانيه ما حسبتها مثل اصلاح السياره واذا انكسر شي في البيت
و شراء ملابس للاطفال او للبيت او هدايا للمناسبات الاجتماعية و معاشات الخدم و العزائم و التجهيز للعيد او لرمضان والمستشفيات الخاصة و الادوية واذا عندهم بيبيات بيزيد المصروف
و فاتورة الموبايلات و تلفون البيت و الانترنت و الفيزا كارد
اعتقد من الافضل يعطيها ال 24000 الف و يخلي معاه الف ريال للبترول و هي تشوف الميزانيه الي تناسبهم :nice:



معقولة 24ألف صرف كل شهر...؟؟:eek5:
احس وايد 24 ألف:omg:

تموين البيت ومعاش الخدم شهري لكن الباقي يعتمد على المناسبات والظروف..

يسلموووو يالغلا،،

[maryam5]

وانا وحد اقول الصرف على الكماليات اكثر من اغراض البيت لا نة اغراض البيت الله يخلي التموين يعني خل
نحسب الشي الغالي اشوي مثل العيش السكر والزيت لخ هاي اغراض المطبخ بس المشكلة الحين رمضان والمدارس والعيد هاي ملها ميزانية يعني كل شهر انا عن نفسي اشوف 5000 ريال وكي مع الخدامة


معقول 5000 ريال
والمناسبات فعلاً يزيد فيها الصرف

انت حاليا كم تصرف كل شهر؟:secret:

[maryam5]

أنا معاشي 12 الف يكفيني أنا وزوجتي والحمد لله


لو ما فيها لقافة وتطفل مكن تقولي اشلون توزع ميزانيتك كل شهر..؟؟:secret:
وشكرا

[maryam5]

والله احس كل واحد يقدر يدبر اموره على قده يعني ممكن شهر 6000 وممكن الشهر اللي وراء 7000 او اقل يعتمد على المناسبات رمضان اكيد الصرف يكثر وشهر المدارس ولو طالعين اجازه يعتمد طبعا


صح كل انسان ويعتمد على تخطيطه وتزيعه للراتب كل شهر...

يسلمووووو يالغلا على المشاركة والمرور الحلو...

[maryam5]

ممممممممممممم مرايم

حمدا لله على سلامتج وعوداً احمداً

بخصوص الميزانية ، يعني مو اقل من 5000 او 6000 الشهر ، خاصة تروحين الجمعية تفكين 500 كأنج تفكين 50 ريال هذا يا دوب تشترين حليب وروب وروتي وتناتيف صغيرة يعني هذا بشكل دوري يعني كل يومين ثلاثة ، بما انه ماشاء الله عايلة كبيرة شغالة ودريول وام زوجي واخته وابونا وانا وعيالنا خمسة يعني عيلة ماشاء الله فكل واحد من هذا له مصاريف مختلفة طبعا انا اتكلم عن مصروف البيت غير المصاريف الشخصية للعيال للمستشفى للادوية للفسح هذا شئ اخر تماما ، يعني مو اقل من 25 بالشهر نصرف ، ولا حول ولا قوة الا بالله والله المستعان


الله يسلمج ياقلبي
اصبحت الصرفية الحين شي مب طبيعي - الله يرحم زمان اول..
ماشاء الله - الله يخليكم لبعض ولا يفرقكم يارب
تقريبا الجمعية فديتج كم تحطون لها كل آخر شهر؟؟؟ بالتقريب يعني وحتى مع رمضان كم تقريبا تكون؟؟؟
وفي الايام العادية كم تقريبا؟؟
العيال كم يكون مصروفهم الشهري؟؟؟

والله المستعان ما يندى بعد سنة كم بتوصل الصرفية كل شهر؟؟؟ اشوفها كل يوم تزيد عن اليوم الي قبله...

ويسلمووووووووووو يالغلا على مرورج ومنكم نستفيد...

[maryam5]

الحمد لله رب العالمين
كل شهر يختلف عن الثاني ...بس صرف خفيف لان اسرتي صغيره ... يمكن نحس بالمصاريف اذا امتدت العايله وكبروا الشباب فديتهم
يعطيج العافية


موفقة يارب والله يكون بالعون
الحين الاسر الصغيرة والكبيرة تصرف شي خيالي لن التخطيط الصحيح والتوزيع السليم مب موجود

نعتمد على البركة الي نحتاجه نصرفه عشان كذا ما يبقى أي شي لآخر الشهر...

يسلمو بالغلا على المرور...

[سارونه]

المستثمر ما يحب الخساير ابد - ودايما يحاسب في مشترياته حتى لو هو مليونير

بالنسبه لي انا اصرف ( 3000 ) فقط مشتريات ومطاعم والباقي ( توفير )

بصراحة احب الاستثمار اكثر من اي شي

والله يوفق الجميع :)

[maryam5]

المستثمر ما يحب الخساير ابد - ودايما يحاسب في مشترياته حتى لو هو مليونير

بالنسبه لي انا اصرف ( 3000 ) فقط مشتريات ومطاعم والباقي ( توفير )

بصراحة احب الاستثمار اكثر من اي شي

والله يوفق الجميع :)


ماشاء الله عليج مخ استثماري وهذا المفروض الي يكون الواحد ما يفكر يصرف وبس لازم يفكر اشلون يستثمر في ظل الغلاء الي الحين نعيشه...

موفقة الغالية،،،

[ورقــة أمــل]

انا مب متزوجة بس اساعد في البيت واحط الفين ولا ثلاثة
بس عموما بيتنا مايصرف اكثر من 10000 في الشهرمع راتب السايق والشغالة ومصاريف البيت والاكل
و كل واحد يتحمل مصاريف نفسه مثلا انا اشتري اغراصي بنفسي وماخذ من حد بس اخلي جزء من راتبي للبيت

[عذب الكلام 1]

اشوف 7000 مصاريف جمعيه و2500 للزوجه مصاريف طارئه
11000 تكفي للشهر في ظل الارتفاع في الاسعار ويمكن تقلل من المصاريف حسب الشهر تقدر الحاجيات الاساسيه مثل الارز السكر الحليب الزيت اللحم الدجاج السمك الفاكه الخضروات شي ثابت اما الاشياء الاخري يمكن التقليل منها مثل الحلويات الكيك الايسكريم حسب المزاج ويعتمد على نمط الاسره ويمكن التحكم بها هذا اللى عندى الحين ولى رجعه