ليش ياموظفين الجمارك .. بوسمره..

[سهم مضطرب]

السلام عليكم ورحمة الله وبركاته..

انا بتكلم عن بعض الموظفين اللي مايشتغلون بضمير ...

صادف في هذي الإجازة اني سافرت 3 مرات بالسيارة ذهابا وعودة وطبعا كل مرة يصادف ويك إند..

وفي كل رجعه لنا .. يكون المركز زحمه .. ويكون بس (موظف جمارك واحد) اللي يفتش.. بالرغم من انه اكثر من عشر سيارات تكون واقفه ..

أبوي الله يطول في عمره هو اللي كان يسوق وابوي رجل مسن نزل من السياره وقعد ينتظر فووق الربع ساعه علشان حد يتكرم عليه

بالرغم من ان موظف الجمارك يشوفه واقف ولا خلصه ..

وأيضاً..

في ثلاث موظفين قاعدين في المكتب

الأول : يتكلم في التليفون

الثاني : ياكل كورن فليكس

الثالث : يسولف مع رفيجه

والمسافر جاي تعبان حده يبي يخلص ويفتك .. وهم لاحياة لمن تنادي

صاروا السعووديين أحسن منهم بواايد في التعامل

احنا اهل البلد يسوون معانا هالشكل .. اشبيقولون السواح عنهم ..

ويـــــــن احترام كبار السن ...؟؟

وويــــــــــــــــــن الضمير في الشغل ...؟؟

الله يهديهم ويصلحهم .. ويشتغلون بذمه وضمير ..

واسفه عالإطاله ..

[ريان]

اخوي -سهم مضطرب

بصراحه انا سفراتي كثير جدا -وماعمري صادفت مثل هذا الموقف .

وبكل امانه تعامل الاخوان والاخوات في الجمارك اشوفه شي جميل بصراحه .


ولكن الموقف اللى اتكلم عنه بصراحه انا استغرب منه ولكن كل شي جائز .

[سهم مضطرب]

اخوي -سهم مضطرب

بصراحه انا سفراتي كثير جدا -وماعمري صادفت مثل هذا الموقف .

وبكل امانه تعامل الاخوان والاخوات في الجمارك اشوفه شي جميل بصراحه .


ولكن الموقف اللى اتكلم عنه بصراحه انا استغرب منه ولكن كل شي جائز .


مرحبا اخوي .. يمكن ماصادفت الزحمه .. بس انا المره الأولى قلت عذرهم معاهم .. والثانيه كذلك.. بس المره الثالثه واايد تنرفزت منهم ... وانا امس راجعه من السفر.. وكلامي صحيح 100% ويشهد الله على كلامي ..

شكرا لمرورك

[ريان]

.. وكلامي صحيح 100% ويشهد الله على كلامي ..

شكرا لمرورك


صادقه اختي -وانا ماقصدت اشكك في كلامج والله

ولكن أستغربت لاني ماعمري صادني هالشي .

[سهم مضطرب]

صادقه اختي -وانا ماقصدت اشكك في كلامج والله

ولكن أستغربت لاني ماعمري صادني هالشي .


وانشاالله مايصيدك كللش ويتيسر دربك .. تسلم اخوي

[شقردي]

على حسب الشفت فيه شفت تعبان ساعات يصيدني وفيه شفت على كيف كيفك اخلاق ومايعطلك

[سهم مديون]

ليش ياموظفين الجمارك ؟ خصوصا انتم واجهة بلدنا لا تفشلونا

[Ghost]

في الاغلب هم جيدون على حسب خبرتي لاني اسافر المملكة بفضل الله كثير لكن فردأو اثنين لايمثلون الكل برأيي

[مرحوم قطر]

بصراحه و الحق ينقال

انا رجال راهي سفر و اسافر وايد

صراحه احسن من جمارك بوسمره ماقد شفت لا في الخليج ولا بره

صراحه ناس قمه في الاحترام و الادب و الاخلاق و التفاني في الشغل

يمكن في ناس شاذه بس الحق ان اغلبهم ونعم فيهم مليون

النص ساعه الي قاعدها في السعوديه عشان اطلع من بلادهم اخذها 5 دقايق و انا داخل بلادي

[السلطان]

بالعكس اشوفهم مافيه انشط منهم واحسن من اخلاقهم
حتى وقد الاجازات والزحمة
الله يعطيهم العافية

( وانت احتمال من كثر الزحمة صرت تحسب الدقيقة دقيقتين )
واسمح لي

[الغزال العارضية]

اخوي انا على كثر ماسافرت ماشفت مثل هالموقف


يمكن صدفه مرة بس ترى مب كل مرة يتكرر

لان عمري ماسمعت احد اشتكى منهم

والله انهم هابيين ريح وسنعين

[The Blade]

اول شئ الحمدلله على السلامة :)
وفعلا اخوي اكيد بتحصل ناس تمشي وتحس وناس ماتمشي بسرعة ....
ع العموم هذي سفره بر يعني الواحد لازم يطول باله شويه :)

[tariq ali]

والله حسب ما شفت انهم موظفين قمة في الذوق والأخلاق وما بدر من اي شئ مزعج وكانوا يؤدوا عملهم على اكمل وجه
عن تجربه

[لوردغاليري]

الله عليهم موظفين الجمارك قمة في الذوق والادب والاحترام ماعمري شفت هالموقف ولا سمعت عنه شي مو زين والله

[اطلس]

بصراحه و الحق ينقال

انا رجال راهي سفر و اسافر وايد

صراحه احسن من جمارك بوسمره ماقد شفت لا في الخليج ولا بره

صراحه ناس قمه في الاحترام و الادب و الاخلاق و التفاني في الشغل

يمكن في ناس شاذه بس الحق ان اغلبهم ونعم فيهم مليون

النص ساعه الي قاعدها في السعوديه عشان اطلع من بلادهم اخذها 5 دقايق و انا داخل بلادي

ونت الصادق
الصراحة انا كل سنة اسافر 3 مرات وولا مرة تنقعت فـ بوسمرة وكل من يشهد انا جماركنا احسن جمارك بس يمكن حضكم جي
انا ماكذبكم ولا شي بس هاي الي شفته بعيني
:tease:

[ابن قطر]

احسن من جماركنا ما فيه

[simsim1963]

بالعكس والله الموظفيين طيبين وخدوميين بعد ولا احسن منهم ... هذيك المرة ياي من السعوديه ومحمل ممنوعات في صروالي خبركم الصروال كبير وقلت استغله ولا قالولي شئ ... يعطيهم العافيه

[بـــ ح ـــر]

يسعد مساكم

اخوي صاحب الموضوووووع يسعد مساكم

مداخله ضغيره ارجو ان تقبلها برحابه صدر

الكل يعرف با الزحمه وكثر المسافريين با الويكند الي السعوديه ومنها الي دول الخليج

واغلب الزحمه تكوون من ظهر الخميس في الخرووج اي بمعدل الف سياره تقريبا

وزحمه يوم السبت واغلبها من بعد المغرب الي اخر الليل (عدد تقريبي 800 سياره)

في الخروج لا يوجد مشااكل العدديه متوفره في عدد الكونترات اغلبها شغال

وفي العوده الي دوحه في شفت العصر فقط اكثر من 650 سياره ويوجد اربع موظفيين مع جو الدووحه الي ما يصبر عليه اي شخص

مع وجود بلاغ اقل شي علي سياره وحده مع ووجود ظبطيه اقل شي وحده . مع وجود مشكله مع مسافر لا يحترم البلد والقوانيين

من غير الاهم وهي صلاهالعصر والمغرب والعشاء

من يستطيع تحمل ها الشغله دوام 8 ساعات من غير ساعه رايح وساعه راجع ونقص في العدديه في المووظفيين

صاحب الموضوع انت علي كلام تذهب السعوديه با استمراروشفت معامله الاخوه في المنفذ السعوديه تتعامل معاهم مثل المسطره ما تقدر تتكلم بكلمه واحده وتتحترمهم با القوه ولا تحصل عندهم اي كلمه طيبه

با لعكس مركز ابو سمره يستقبلونك برحابه صدر وتاخذ راحتك حتي اهلك ماينزلوون من السياره عكس المنافذ الاخر.
الانسان من دم ولحم ليس ما كينه كهربائيه تعمل للمده معينه انت مريت علي قولتك ربع ساعه وكانو مطنشيين لك انت في الربع ساعه انا متاكد ان شربت لك شي او كليت شي او سولفت في التلفوون

ما بالك من موظف ثمان ساعات يحك جو حراره ورطووبه وزحمه لا تخفاء علي الجميع ونقص عدديه والاهم من ذلك نفسيه الموووظفيين من قبل المسئول المباشر لهم اغلبهم يعامله اللعن معامله

تحمد ربك ان شبابنا في مركز ابو سمره فيهم غير وبركه وغيوورين علي قطر والقطريين


اتمنتا تسافر الي دول العربيه عن طريق البر كا الاردن وسوريا ولبنان ومصر وتركيا عشان تعرف انك ملك في بلاد


اسف علي الاطاله

[قطر95]

أنا بصراحه عمري ماحصل لي هالموقف وأسافر تقريبا في الشهر مرة ولكن أحرص أني أرجع في وقت مافيه زحمة ورجال الجمارك قمة في الأخلاق والاحترام والذوق

[سهم طايش]

انا اشوفهم ممتازين

لكن آخر مرة رجعت فيها كان فيه واحد منهم قصير و له عارض خفيف

هالشخص نحيس و يكلمك من طرف خشمة مدري شفيه

يمكن متهاوش مع حد

لكن عموما الشباب اللي هناك ما في احسن منهم

[الغزال العارضية]

88888888
8888
88
8

ياللي فوق يمكن ماشرب كرك عالصبح

[بوعلي-Qtr]

يسعد مساكم

اخوي صاحب الموضوووووع يسعد مساكم

مداخله ضغيره ارجو ان تقبلها برحابه صدر

الكل يعرف با الزحمه وكثر المسافريين با الويكند الي السعوديه ومنها الي دول الخليج

واغلب الزحمه تكوون من ظهر الخميس في الخرووج اي بمعدل الف سياره تقريبا

وزحمه يوم السبت واغلبها من بعد المغرب الي اخر الليل (عدد تقريبي 800 سياره)

في الخروج لا يوجد مشااكل العدديه متوفره في عدد الكونترات اغلبها شغال

وفي العوده الي دوحه في شفت العصر فقط اكثر من 650 سياره ويوجد اربع موظفيين مع جو الدووحه الي ما يصبر عليه اي شخص

مع وجود بلاغ اقل شي علي سياره وحده مع ووجود ظبطيه اقل شي وحده . مع وجود مشكله مع مسافر لا يحترم البلد والقوانيين

من غير الاهم وهي صلاهالعصر والمغرب والعشاء

من يستطيع تحمل ها الشغله دوام 8 ساعات من غير ساعه رايح وساعه راجع ونقص في العدديه في المووظفيين

صاحب الموضوع انت علي كلام تذهب السعوديه با استمراروشفت معامله الاخوه في المنفذ السعوديه تتعامل معاهم مثل المسطره ما تقدر تتكلم بكلمه واحده وتتحترمهم با القوه ولا تحصل عندهم اي كلمه طيبه

با لعكس مركز ابو سمره يستقبلونك برحابه صدر وتاخذ راحتك حتي اهلك ماينزلوون من السياره عكس المنافذ الاخر.
الانسان من دم ولحم ليس ما كينه كهربائيه تعمل للمده معينه انت مريت علي قولتك ربع ساعه وكانو مطنشيين لك انت في الربع ساعه انا متاكد ان شربت لك شي او كليت شي او سولفت في التلفوون

ما بالك من موظف ثمان ساعات يحك جو حراره ورطووبه وزحمه لا تخفاء علي الجميع ونقص عدديه والاهم من ذلك نفسيه الموووظفيين من قبل المسئول المباشر لهم اغلبهم يعامله اللعن معامله

تحمد ربك ان شبابنا في مركز ابو سمره فيهم غير وبركه وغيوورين علي قطر والقطريين


اتمنتا تسافر الي دول العربيه عن طريق البر كا الاردن وسوريا ولبنان ومصر وتركيا عشان تعرف انك ملك في بلاد


اسف علي الاطاله

والله انك صادق

واحنا نعتبر احسن منفقذ في دول الخليج

جمارك سلوى تسلم عليه مايرد السلام ولا ونفسهم خايسه

عكس جمارك بومسمره شباب فيهم الخير والبركه واذا عندك اهل يخليهم قاعدين في الموتر بس يقولك افتح الشنطه

[مستثمره جديده]

السلام عليكم ورحمة الله وبركاته..

انا بتكلم عن بعض الموظفين اللي مايشتغلون بضمير ...

ماظنتي فيهم حد يشتغل بدون ضمير كلهم والنعم فيهم :nice:


في ثلاث موظفين قاعدين في المكتب

يمكن مقسمين العمل بينهم اشدراج انهم مب مكروفين من الصبح :discuss:



الأول : يتكلم في التليفون

يمكن حد يبي يقول له شي ضروري ومافيه قانون يمنع التحدث اثناء العمل :eek5:

الثاني : ياكل كورن فليكس

بالعكس دام انه ياكل كورن فليكس فهذا يدل على انه ياخذ وجبه بسيطه في وقت بريكه علشان يخلص بسرعه ويرجع يساعد رفيجه يعني لازم نشكره مانذمه .. بعدين شلون عرفتي ان اللي ياكله كورن فليكس يمكن ياكل ذره :nice:

الثالث : يسولف مع رفيجه

يعني تبينه يستوي صنم في وقت راحته لازم بيسولف :secret:

والمسافر جاي تعبان حده يبي يخلص ويفتك .. وهم لاحياة لمن تنادي

صاروا السعووديين أحسن منهم بواايد في التعامل

لاتعليق <<< ماتبي تخورها :omen2:

..

:):):):)

[وحيد-الشوق]

بالعكس والله الموظفيين طيبين وخدوميين بعد ولا احسن منهم ... هذيك المرة ياي من السعوديه ومحمل ممنوعات في صروالي خبركم الصروال كبير وقلت استغله ولا قالولي شئ ... يعطيهم العافيه

:funny: :funny:

شوف ياخوي كل مكان فيه الزين والشين << شتخربط انت :rolleyes2:

يمكن حظك كان مب شيء شكله الموظف مزاجه مب رايق خخخ

خذها مني كلمه معني ماشفت المنافذ الباقيه لكن صدقني افضل منفذ بري في الخليج بوسمرة << بس انا مااحب بوسمرة بكبرها :secret:

[حيهور]

الصراحة ماشفت منهم شي

شغلهم عال العال

[السيف5]

أنا من الناس اللي يسافرون السعودية وايد والحق يقال ان الاغلبية اللي أصادفهم في سفراتي تعاملهم جدا ممتاز هم وكذلك موظفي الجوازات --------والشئ الوحيد المعيب والمقرف في منفذ بوسمره اعزكم الله الحمامات وسخة وتحتاج صيانة وياريت هناك عناية ---والسلام ختام

[سهم مضطرب]

أولاً : أشكر كل من مر وعقّب على الموضوع ..

وثانيا : الاختلاف في الرأي لايفسد ود في القضيه

وثالثاً: يمكن الشفت تعبان .. بس .. في نفس الوقت ابوي رجال كبير وايد في السن هذا اللي قهرني زياده
وبعدين (((3 ))) مرات بنفس الموقف ... <<<<<<<<< مااعتقد صدفه

وبعدين صــــــــدق من قال (((( تعامل الموظفين بالمنفذ )))) من أحسن مايمكن ويردون السلام ويبتسمون ويخلصونك

بس للأسف هذي الأقليه تخرب عليهم

تسلمون مره ثانيه

دمتم بود

[سهم مضطرب]

:):):):)

مرحبا فديت قلبج

أولا .. اسمحيلي .. انا مو قاعده أتسلى وأتبلى على خلق الله مني والدرب

وثانيا: لا ماكنت أبيه يصير صنم ومايتكلم

كنت أبيه يحترم شيبة أبوي ويخلصه

وأخيرا ... نصيحة لج ... انتقي كلماتج قبل لاتكتبينها ...

ولاتعليق على كلامج الباقي

تحياتي الحاره لج على قوتج وشجاعتج

:) :) :) :)

[السهم الكلاسيكي]

ليش ياموظفين الجمارك ؟

ماتشغلون جهاز التفتيش الي كلف الدولة ملايين

وتفكون الناس من طوابير التفتيش

مثل الامارات .

خصوصا انتم واجهة بلدنا وعساااكم ع القوة دوووووووم

[مستثمره جديده]

مرحبا فديت قلبج

أولا .. اسمحيلي .. انا مو قاعده أتسلى وأتبلى على خلق الله مني والدرب
مسموحه اختي ويجوز انج انتي تشوفين شي احنا مانشوفه

وثانيا: لا ماكنت أبيه يصير صنم ومايتكلم

كنت أبيه يحترم شيبة أبوي ويخلصه
الله يطول بعمر ابوج بس يجوز الرجال مانتبه له ولا مخلص شفته لاتظلمينه ..

وأخيرا ... نصيحة لج ... انتقي كلماتج قبل لاتكتبينها ...
انا فعلا ما اكتب كلامي الا بعد انتقاء وماحب حد يتجاوز حدوده في النقاش :)

ولاتعليق على كلامج الباقي

لا عادي اختي انا احب اشوف تعليقات غيري على كلامي واحب اتناقش

تحياتي الحاره لج على قوتج وشجاعتج
القوه والعزه لله وحده وهذي شهاده اعتز فيها حبيبتي :)

:) :) :) :)

يعطيج العافيه :)

[سهم مضطرب]

يعطيج العافيه :)


:) :) :)

يعافيج خيتو ...

:) :) :)

أحترم رايج

:) :) :)

[الغزال العارضية]

أولاً : أشكر كل من مر وعقّب على الموضوع ..

وثانيا : الاختلاف في الرأي لايفسد ود في القضيه

وثالثاً: يمكن الشفت تعبان .. بس .. في نفس الوقت ابوي رجال كبير وايد في السن هذا اللي قهرني زياده
وبعدين (((3 ))) مرات بنفس الموقف ... <<<<<<<<< مااعتقد صدفه

وبعدين صــــــــدق من قال (((( تعامل الموظفين بالمنفذ )))) من أحسن مايمكن ويردون السلام ويبتسمون ويخلصونك

بس للأسف هذي الأقليه تخرب عليهم

تسلمون مره ثانيه

دمتم بود

انزين دام تقول انها 3 مرات وماتظن انها صدفه يمكن حظك نحس :rolleyes2:

[q6ri_vip]

ليش ياموظفين الجمارك ؟

ماتشغلون جهاز التفتيش الي كلف الدولة ملايين

وتفكون الناس من طوابير التفتيش

مثل الامارات .

خصوصا انتم واجهة بلدنا وعساااكم ع القوة دوووووووم

والله جبيتها صح ...:nice:

الشيخ الجهاز مانفع بعد التجارب اللي سووها طلع مامنه فايده خخخخخخخخ
غريبه صح .
لاتعليق