يا جمـاعة الخيــر أنتبهوا من محطات البترول (موقف شخصي متكرر)

[ذوق]

السلام عليكم ورحمة الله وبركاته...

بصـراحه أحترت في وين أعرض هذي المشكله...لأنها زادت عن حدها ولازم حد مسؤول يشوف لنـا حل...

((محطة بترول في منطقة العزيزيه بحكم إني على الدوام أصب عندهم بترول..وكذا محطـه بترول صادفتني لكن خاينتني الذاكره بصراحه))

يعني بدت الظاهره في الأنتشار جدآ..

أول أمس يوم رحت أصب بترول الصبح قالي الهندي روحي جدام وأنا ( مع سبق الترصد والترقب لأني ادري شيبي يسوي!!....عيني عينك بواقه...قالي روحي جدام شوي...الين اختفى العداد من عيني وقتله صب لي ٢٥ ريال وأنا قدني ماعطته ٥٠ ريال...يعني المفروض تنرد لي ٢٥ ريال...المهم بعد ماصبلي ردلي ٢٥ وكل شي تمام...ريوست شوي ورى...الا أشوفه صابلي ٢٠ ريال بس...وأقفففل عليه لأنـه مب أول مره يصيرلي معاهم هالموقف...وقمت زفيته وتوهق الريال قتله خلاص صبلي ٢٠ زياده..ويوم صبلي عطيته طااااف وخليته يحترق ويدفع من جيبه...عشان يتأدب

من وجهة نظري يا جماعه الخير أنهم ماتجرأوا يسون هالسوات بشكل متكرر وفي محطات مختلفه الا لأنهم متعودين إن أهل قطـر مايحسبون فلوسهم عادة...فا ياريت تنتهبون على مثل هذه المواقف أخواني الأعضاء

وشكرآ

أختكم

ذوق

[مستثمر111]

صارت لي من قبل وايد

[وطن]

أناكنت دوم اشيك وراهم

لاني سبق وقريت قصة مشابهه صارت لأحد الأعضاء

بس من فترة ما صرت ادقق وايد

[فنان قطر]

الواحد لا زم يكون حريص في كل شيء .... مشكوره اختي على هل موووضوع

[سهم مديون]

:omg:صراحه ماينسكت على الموقف زين سويتي فيه !

[BURBERRY]

موقف ماينسكت عنه و زين سويتي فيه

في اغلب الاحيان اشيك ع العداد ..

[مـراحـب]

أجديتي فيه

يستااهل المبالغ اللي جمعهاا خليه يدفعهاا

هههههههههههههههه


صادنا هالموقف في بيبي شوب

اختي عطت الكاشير 100 ريال ورد لنا الخردة عن حساب 50

[Riku3]

انا دايم اناظر العداد والحمد لله مامرت علي هالمشكلة .. وانا بالعادة اصب في التيسير في المطار او وقود الي على خط الصناعية =) .

[لوردغاليري]

موقف ماينسكت عنه و زين سويتي فيه

[ابن قطر]

صح كلامج:nice:

[بوجواهر]

محطة بترول العزيزيه معروفه من زمااااااااااااااان بهاالحركه البايخه وزين اللي سويتيه فيه :nice:

[مرحوم قطر]

انا ادقق في كل شي

و ماقد صادني مثل هلموقف

و الغلط منه لان حنى ماندقق

[الامير]

بنسبه لي انا اشيك( فل)....قبل ملشيك سياره انتبه حق العداد لازم يكون مصفر......عرف حركاتهم...اما بخصوص السواقين لي عندي اعطيهم كرات من تيسير والله ممتاز مافي تلاعب وزين لي فيه انا كل كرت عليه رقم سياره مايصب بترول لا رقم سياره لي في الكرت

[مستثمر 999]

هالحركات ممكن تستوي في الدول العربيه

اما عندنا مستحيل

يمكن سبحان الله من باب السهو الو الخطأ او النسيان

اما بالطريقه المذكوره ولا المافيا تخطر على بالهم

ان بعد الظن اثم

خلج ذوق يا ...................ذوق

[بوخالد2]

صحيح اختى وانا صارلي الموقف هذا

وساعات اقوله 30 يصب 40 ويقولي اوو نسيت

اهاوشه واحرك عنه بس علشان يتأدب عن الحركه هذه :)

بس الحين صار لي فتره ماادقق كل مفهي :shy:

يسلمو ذوق على التنبيه

[شويهينــه]

انا دايم اصب عندهم ولا مره شيكت عالعداد

بس اليوم بروح اصب واشوف شالسالفه

[_QTR_]

السلام عليكم ورحمة الله وبركاته...

بصـراحه أحترت في وين أعرض هذي المشكله...لأنها زادت عن حدها ولازم حد مسؤول يشوف لنـا حل...

((محطة بترول في منطقة العزيزيه بحكم إني على الدوام أصب عندهم بترول..وكذا محطـه بترول صادفتني لكن خاينتني الذاكره بصراحه))

يعني بدت الظاهره في الأنتشار جدآ..

أول أمس يوم رحت أصب بترول الصبح قالي الهندي روحي جدام وأنا ( مع سبق الترصد والترقب لأني ادري شيبي يسوي!!....عيني عينك بواقه...قالي روحي جدام شوي...الين اختفى العداد من عيني وقتله صب لي ٢٥ ريال وأنا قدني ماعطته ٥٠ ريال...يعني المفروض تنرد لي ٢٥ ريال...المهم بعد ماصبلي ردلي ٢٥ وكل شي تمام...ريوست شوي ورى...الا أشوفه صابلي ٢٠ ريال بس...وأقفففل عليه لأنـه مب أول مره يصيرلي معاهم هالموقف...وقمت زفيته وتوهق الريال قتله خلاص صبلي ٢٠ زياده..ويوم صبلي عطيته طااااف وخليته يحترق ويدفع من جيبه...عشان يتأدب
من وجهة نظري يا جماعه الخير أنهم ماتجرأوا يسون هالسوات بشكل متكرر وفي محطات مختلفه الا لأنهم متعودين إن أهل قطـر مايحسبون فلوسهم عادة...فا ياريت تنتهبون على مثل هذه المواقف أخواني الأعضاء

وشكرآ

أختكم

ذوق

بصراحة لو شنو ما اسوي هذي الحركة ((انتي شديدة وما يهزج ريح))

وعن نفسي انا اقول له صب لي فل واصف سيارتي عند العداد واحيانا يقول لي تعال قدام (اسوي نفسي عبيط) اقول له لا لا عادي صب

[ذوق]

هالحركات ممكن تستوي في الدول العربيه

اما عندنا مستحيل

يمكن سبحان الله من باب السهو الو الخطأ او النسيان

اما بالطريقه المذكوره ولا المافيا تخطر على بالهم

ان بعد الظن اثم

خلج ذوق يا ...................ذوق



أحنـا في ٢٠٠٨ :)

شكلج أكثر واحـد تنباق ^_^

[ذوق]

تسلمون أخواني على الرد...

[ذوق]

بصراحة لو شنو ما اسوي هذي الحركة ((انتي شديدة وما يهزج ريح))

وعن نفسي انا اقول له صب لي فل واصف سيارتي عند العداد واحيانا يقول لي تعال قدام (اسوي نفسي عبيط) اقول له لا لا عادي صب

المشكله لأن محد براضي يتصرف..فتضطر أنك تتصرف بروحك والمشكله انها ٣ مره صارتلي..وغير أمي الفقيره يامااا انهبوها

[ذوق]

انا دايم اصب عندهم ولا مره شيكت عالعداد

بس اليوم بروح اصب واشوف شالسالفه

محطـة بتروول الجزيره ^_^

[مروض الفكرة]

انزين هو حرامي وغلطان


بس انتي ليش ماعطيتيه المبلغ ماله ؟


جذي برايج حليتي المشكلة ؟



لا رديتي المحطة مرة ثانية عطيه عشان ما يكون برقبتج

[عـيـون قـطـر]

انا ما قد صار لي نفس هاي الموقف صار معاي انا موقف اني اعطيهم خمسين اقول لهم 30 او 20 الي هو اهم شي اقل من 50 وانصدم صاب لي 50 اقول له انا قلت لك صب لي خمسين يقول لي اي انت قلت لي الحين انا حاط لي فكه في السياره بس عشان المحطات وما اعطيهم الا بعد ما يصب ويخلص وأتأكد من العداد كم صاب

لو يسون معاي كذي اقول له 25 ويصب لي 20 اشربه 5 ريال بترول اخليه يتأدب ما يسوي معاي كذي

[ذوق]

انزين هو حرامي وغلطان


بس انتي ليش ماعطيتيه المبلغ ماله ؟


جذي برايج حليتي المشكلة ؟



لا رديتي المحطة مرة ثانية عطيه عشان ما يكون برقبتج

حليت المشكله ويمكن من عروقها بعد..وأنا مابقته هو الي باقني أنا مجرد عاقبته وخليته يدفع ثمن بواقته من جيبه لأني ماقدر أسجنه على ٥ ريال :)..وهو حافظ شكلي ومستحي يطلبني لأنه مصخها هو وربعه للمره ال٣

حياك الله

[وضحى قطر]

هاذي دايما تصير مع زوجي بس خلاص صار لازم يشووف العداد قبل لا يحرك

هو صج يستاهل عقاب بس الزياده بذمتج حبيبتي
لو انا منج اخليه يصبلي الباقي وازفه زف واخرعه بالشرطه ومدير ومادري وشو يعني كاني ماراح اجيبها البر لين ما تخنقه العبره
حسبي الله عليهم كلهم صارو كذا

[!قطريـة بنت القمـر!]

اسمع عن هالسوالف بس ما اعطيها اهمية لاني ما اروح الا لما خلاص ما يبقى الا خط واحد بس يعني اروح اعبيه فل .... و حده ان باقني يمكن يبوق ريال مو اكثر واقول بقلبي دفعة بلا الا فقير والواحد شماخذ من دنياه يمكن اموت وينفعني هالريال بقبري يوم اقول انها صدقه مني له وادعي له بالهدايه وما اقول كلكم سووا جذي لكن عن نفسي احب اتصرف بهالطريقه شارية راحة بالي هههههه .... بس موقفج عجيب يا ذووق اشكر فنج :victory: ....

[راعي النيسان]

والله ياجماعة يبي لي اشيك لانه دايما اصب من دون ما اشوف العداد واتفاجا بعدين انه ما مشيت شوي إلا الخزان فاضي .. كل شي جايز بس ذولين دواهم انه احد يشتكي عليهم عن راعي المحطة ويشهر بالمحطة نفسها علشان ما يجونها زباين ..

[المشط]

:con2: وانا ظلمت السايق عندي كل مايروح يصب لي بتروال اقوله فول
بس لما اركب السياره اشوف العداد مب فول ناقص شويه

[الغزال العارضية]

عاد انا وحده اقعد ورا السواق ودايما اشوف وانتبه عليهم

لا ونفس المحطه بعد

[ذوق]

thanks all for replaying

[almaf1a]

لا الحركه الي طايحين فيها
اذا جاهم حد من هل العمال يصب بخمس ريال
يخلي العداد على الخمس ريال ولا يصفره وتلقاه يحط القبضه على جنب عشان مايصفر العداد
وتجي تقوله صب لي ب50 ريال يبتدي من الخمس ريال ويكمل ويكون صاب لك ب45 ريال
ويحط الخمس ريال في المخبه
ومرات تكون 10 ريالات مب بس 5 ريالات

[نورFROM قطر]

هالحركات ممكن تستوي في الدول العربيه

اما عندنا مستحيل

يمكن سبحان الله من باب السهو الو الخطأ او النسيان

اما بالطريقه المذكوره ولا المافيا تخطر على بالهم

ان بعد الظن اثم

خلج ذوق يا ...................ذوق
:nice::nice::nice::nice::nice::nice::nice::nice::n ice:

[كبتشينوو]

وانا بعد صار لى هالموقف في محطه اللخيسـه

واكثر من مره وكنت اسولف الا واحد من الربع

يقول لى انا صار لى نفس الموقف في نفس المحطه

ومن بعدها لو صب لى بـ 30.60 ريال يقولى احسابك

31 ريال اقوله زين صب الباقي براع ولا ياخذه يسرقني عيني

عينك انا من طيب خاطر اعطيك اوكي غطو ع المصريين في مصر

[نورFROM قطر]

انزين هو حرامي وغلطان


بس انتي ليش ماعطيتيه المبلغ ماله ؟


جذي برايج حليتي المشكلة ؟



لا رديتي المحطة مرة ثانية عطيه عشان ما يكون برقبتج
:nice::nice::nice::nice:

[رحال]

محطات البترول وما أدراك ما محطات البترول !!!

عليكم بمحطات وقود بصراحة شيء مشرف ونظافة وأحترام !!!:nice:

[PIX]

البنغال عليهم ذمه وسيعه كبر البحر واكبر

الله يعين القطري على بلاوي الاجانب اللي من

كل بقاع العالم وفي بلادنا ومتفنين في النصب علينا

والعذر موجود انته في شيخ ارباب انا في مسكين

[ذوق]

مرات الواحد يكون مستعجل يعني ومايلقى الا الي جدامه...الشرهه مب عليهم الشرهه على الي مايتابعهم

[ذوق]

مشكورين على المرور

[فتى الجود]

ودك الباقي من الخمسين ريال تمسك الهوز مال البترول وتكته علية تشبة فية ظو
ويحترق هو المحطة

[Khalid222]

نفس الموقف صادني امس بنفس المحطة.. فولت الموتر... وكان مصفر.. وقالي خلاص فول وكان العداد 78 .. وقلت له مستحيل انه فول.. ورجع وزاد 7 ريالات .. ودفعني 98 .. وخذ12 ريال فوق الصبة... صراحة تركته لاني كنت مستعجل..

[المخفي]

اذا لاندكروزر ياخذ تقريبا هذي الحدود وعادة انا اشوف العداد اذا صفره ولا لا

[ذوق]

هـا أخوي المستثمر بعد ماشفت الردود إن شاءالله ماكون ظلمتهم بس ^_^ ؟؟

[لاجئ عاطفي]

الــــى متـــى نحمــل الغيـــر ثمن سذاجتنـــا ؟؟؟ كان مــن المفتــرض اول ماتشوفيـــن ان مكان خـــزان البتـــرول مقابل مكينـــة ضـــخ البـــترول ماتحركيــن السيــاره لان هـــذا هـــو المكــان المناســب للوقـــوف ولكــن هــو قالــج تحــركي وانتــي تحركتــي بــدون ماتسالــين نفســج حتــى ليــش اتحــرك؟ ومــره ثانــيه طلــب تحركــي وبعــد تحركتــي بــدون ماتساليــن نفســج ليــش اتحــرك ؟ اذا العيــب فينا وليــس فيــمن يستغلنا وكمــا يقــال دائمــــا " القانــون لا يحمـــي المغفليـــــن "

[وطن]

الــــى متـــى نحمــل الغيـــر ثمن سذاجتنـــا ؟؟؟ كان مــن المفتــرض اول ماتشوفيـــن ان مكان خـــزان البتـــرول مقابل مكينـــة ضـــخ البـــترول ماتحركيــن السيــاره لان هـــذا هـــو المكــان المناســب للوقـــوف ولكــن هــو قالــج تحــركي وانتــي تحركتــي بــدون ماتسالــين نفســج حتــى ليــش اتحــرك؟ ومــره ثانــيه طلــب تحركــي وبعــد تحركتــي بــدون ماتساليــن نفســج ليــش اتحــرك ؟ اذا العيــب فينا وليــس فيــمن يستغلنا وكمــا يقــال دائمــــا " القانــون لا يحمـــي المغفليـــــن "

اخوي في بعض المحطات نضطر نحرك ونقدم شوي

عشان اللي ورانا يدعس عمره ويقدر يصب بترول في نفس الوقت من الخزان اللي ورانا

تصميمهم ضيق وايد

[almulla]

الخير ياي ياهل قطر

بكرة بننقرض ومابيكون لنا وجود في بلادنا وبيتفننون علينا في البوق

واحنا طيبين مانقول الا دافع بلا احنا مابهدلنا الا دفعه البلا هاذي

[..الاميرة..]

:eek5:

وانا اقوووول ليش كله يقولون قدموا قدام !!!!!!!
حسسبي الله عليهم ..
لكن معاليه المره الثانيه اوقف عند العداد ويصب بترول غصب عنه ولا ببلغ عليه .. :telephone:

مشكوووره عزيزتي على التنبيه .. :nice:

[um abdulla]

عرفنا الحين من السواقات في المنتدى
اقووول : عاااااااااااااااشوا القطريات:victory:

[هتـان قطر]

عرفنا الحين من السواقات في المنتدى
اقووول : عاااااااااااااااشوا القطريات:victory:


ام عبدالله انتي تسوقين...؟:telephone:

[um abdulla]

ام عبدالله انتي تسوقين...؟:telephone:

حبيبتي انا سائقة لا اجارى
صحيح علي مخالفتين !! لكن مش تهور ولا تجاوز غير حظي واقف لي على العاير
افكر اقطع خدمة مطراش
الجهل ارحم (مع الاعتذار لاغنية الجرح ارحم )

[شيزكيك]

انا دوم اشيك العداد ات صفر عقب اقولهم فولي لي السياره وعيني مركزه على العداد

وماصادفني اي موقف معاهم

[هتـان قطر]

حبيبتي انا سائقة لا اجارى
صحيح علي مخالفتين !! لكن مش تهور ولا تجاوز غير حظي واقف لي على العاير
افكر اقطع خدمة مطراش
الجهل ارحم (مع الاعتذار لاغنية الجرح ارحم )


اووه نسيت اشكر ذوق على تنبيهها لاخوانها وخواتها في المنتدى..شكرا ذوق :)

ام عبدالله انا مع الدريول واخاف اذا جات تريله او لزتنا سياره على الدوار :omg:

كيف لو اسوق..؟ الصراحه السواقه تبي قلب جاامد :secret:

[um abdulla]

اووه نسيت اشكر ذوق على تنبيهها لاخوانها وخواتها في المنتدى..شكرا ذوق :)

ام عبدالله انا مع الدريول واخاف اذا جات تريله او لزتنا سياره على الدوار :omg:

كيف لو اسوق..؟ الصراحه السواقه تبي قلب جاامد :secret:

هتان
تعلمي مبادىء السواقة في البر ! السواقة مفيدة
والا اقول لك لا تتعلمي يمكن تتولعي
على العموم الجلوس خلف الدريول شيخة ودلال !

[>>> غــمـــوض <<<]

مشكورة اختي على التنبيه
انه قبل ماكنت انتبه ،، بس من يوم سمعت القصص صرت :eek5: فاتحه عيني عدل عليهم
ومره كنت رايحة اصب بترول ،، وعلى باله الهندي اني مابحط بالي
الا اشوفه مبتدي العداد على 3 ريال ،، واقوم اعطيه بذيك النظره http://www.qatarshares.com.qa/data/459/462/storm_1940082371_1367387252.gif على طول خلاه صفر خخخخخخخخخخخخخ
عشان يحرم يعيدها
تسلمين حبوبه على التنبيه
عشان اللي ماينتبه المره الثانيه يحط باله
:nice:

[areep2000]

زين سويتي فيه !

[Ghost]

كلامك صح مش المحطات وبس اماكن عدة

[Bu Rashid]

ويوم صبلي عطيته طااااف وخليته يحترق ويدفع من جيبه...عشان يتأدب...:omg::omg:
عجتيني... ليتني أقدر أسوي مثلج....:)

[المرحب]

الله يستر علينا من البنغاااااال

اقرأ دايم عن مشاكلهم في السعوديه بزياده هم والنيباليين

[Marriott]

كلامج عدل أختي ،، اشوفهم وايد يصرون على تقديم السيارة .. استغرب انه يقدر يوصل للسيارة بس يصر على اني اقدم السيارة اكثر لين يختفي العداد من نظري ههههه

حسبي الله عليهم .. طلعوا شياطين

وياغافلين لكم الله ،،

ومشكورة على التنبيه :)

[النعمه]

انا دايما احرص على اني اشوف العداد بنفسي

[شقردي]

ذوق كل الشكر على التنبيه

[ذوق]

حياكم اللـه أخواني وخواتي...ياريت إن الكل ينتبه

[فلان]

اخطر عصابه لصب البترول في محطة سيلين >>> يكون فيه مبلغ من قبل على العداد و يبتدي يصب بدون مايصفر العداد (من تسمعه يقولك اشوي جدام %99 نيته شينه) ... البوق ببيزه

[ذوق]

اخطر عصابه لصب البترول في محطة سيلين >>> يكون فيه مبلغ من قبل على العداد و يبتدي يصب بدون مايصفر العداد (من تسمعه يقولك اشوي جدام %99 نيته شينه) ... البوق ببيزه

ياريت إن الكل ينتبه

[أحلى وسيطه]

الموضوع صار جدا عادي إذا ماباق الي بالمحطه بيبوقون اللي برع المحطه شفيها يعني

الحراميه صارو تراسين البلد وعلشان تعرفون من اللي بيوق انتبهو في سيارات الفيراري

واللامبورجيني والبورش الكاريرا وهالسيارات السبورتيه الزينه قزوها مراح تحصلون غتره

وعقال هذاك أول الحين مافي غير الأجانب (هو في جنسيه باطه جبدي بس مابي أقول علشان

مايطبون فيني:rolleyes2: )


خل يبوقون قطريين وفلوسهم وايد أمشو وأدفعو البلا وين الغلط هاااا؟؟؟؟



بس أختي ذوق ماقصرتي في العامل خذ حقه وأكثر

[سارونه]

كلامكم صحيح - بس مو كل محطات البترول فيها نصب واحتيال

بعضهم وانا اعرفهم عدل - اولهم محطة بترول الي في الكرنيش - بس ماحبيت اتكلم معاه خليته يولي

الله بيحاسبه - اخذ اموال الناس بالباطل مو شي سهل عند الله :)

شكرا على الموضوع

[فلفل حار]

الحمدلله ولا مره صادتني هالمشكله في الدوحه ، بس بالسعوديه صارت لي مرتين وسنعتهم:victory:

بس افااا والله وانا ويني عن هالمحطه بالدوحه ؟ ههههههه

تكفون دلوني عليها ، خل اروح اليوم فيني عبط شوي بتم لاف وراجع كل شوي اصب بترول 3 ريال و60 درهم واوهقه واخذ منه نص يعني بطلع مستفيد 10 دراهم في كل لفه ههههههه :shy:

اي وحده بالضبط في العزيزيه ؟ :rolleyes2:

[فلفل حار]

انا دايم اناظر العداد والحمد لله مامرت علي هالمشكلة .. وانا بالعادة اصب في التيسير في المطار او وقود الي على خط الصناعية =) .

انا ويوسف دوم نشيك العداد في الافالون:telephone:

:tease:

[ذوق]

الحمدلله ولا مره صادتني هالمشكله في الدوحه ، بس بالسعوديه صارت لي مرتين وسنعتهم:victory:

بس افااا والله وانا ويني عن هالمحطه بالدوحه ؟ ههههههه

تكفون دلوني عليها ، خل اروح اليوم فيني عبط شوي بتم لاف وراجع كل شوي اصب بترول 3 ريال و60 درهم واوهقه واخذ منه نص يعني بطلع مستفيد 10 دراهم في كل لفه ههههههه :shy:

اي وحده بالضبط في العزيزيه ؟ :rolleyes2:


محطة بترول الجزيره الي يم هارديز العزيزيه

[فلفل حار]

محطة بترول الجزيره الي يم هارديز العزيزيه

وصل:victory:

وشكرا علي تنبيهج لاخوانج وخواتج الاعضاء:nice:

[بوخالد911]

هلا
؛؛؛

عاااد انا أموووت بهالسوااالف
:eek5::omg::eek5:
والله اني أزلزلهم وأرووح للمدير ع طووووووووووول

ولما أعبي بتروول ؛ لازم عيني ترووح للعداد

ويا ووويله اللي يستغلني

:anger1::anger1::anger1:

؛؛؛

هل المحطة هي الجزيرة صح ؟

؛؛؛

بوخالد911

:nice::victory::nice:

[بوخالد911]

ويوم صبلي عطيته طااااف وخليته يحترق ويدفع من جيبه...عشان يتأدب...:omg::omg:
عجتيني... ليتني أقدر أسوي مثلج....:)


عادي سووها اخووي

وش المشكلة
؟؟

[قطري طموح]

بس تبقى الخمس ريالات دين عليج الى يوم القيامه .

[بوخالد911]

بس تبقى الخمس ريالات دين عليج الى يوم القيامه .



لا

اسمح لي
:nono::yu::nono:
لا دين ولا هم يحزنون

باخلييها يدفعها من جيب ذاك الموظف الحراامي لييين يتأدب

:anger1::discuss::anger1:

[ذوق]

بس تبقى الخمس ريالات دين عليج الى يوم القيامه .

راح أسأل شيخ دين وبشوف

[nor85]

حتى لماتصرفون 500 او 100 تأكدوا من الخرده عدوها قبل لاادخلونها في الشنط او الجيوب اول كنت مااحسب على طول ادخل الخرده بالشنطه لكن الحين احسب على طول وكانت اللي تحاسب في صالون دايموند اول مره عطتني الخرده ناقصه قلت ممكن يصير مره ثانيه صارت معاي وصارت مع اختي مش معقوله انها تكون صدفه

[ذوق]

حتى لماتصرفون 500 او 100 تأكدوا من الخرده عدوها قبل لاادخلونها في الشنط او الجيوب اول كنت مااحسب على طول ادخل الخرده بالشنطه لكن الحين احسب على طول وكانت اللي تحاسب في صالون دايموند اول مره عطتني الخرده ناقصه قلت ممكن يصير مره ثانيه صارت معاي وصارت مع اختي مش معقوله انها تكون صدفه

فعلآ صارت معاي حتى في فرايديز عيني عينك وتضحك بعد @@

[لاجئ عاطفي]

فعلآ صارت معاي حتى في فرايديز عيني عينك وتضحك بعد @@


وانتــــي بكــــل مكـــــان ينصــــــب عليـــــــج؟

[بنت المزن]

وحدة من الأهل جاها دريول كان يشتغل في السعودية وماشالله عليه مروا محطة بترول وهي في السيارة... ما عطى العامل فلوس لين خلص صب وبعدين التفت وشاف العداد وقال باقي شوي وكمل خمسين بعدين طلب فاتورة وعقب عطاه فلوس...سألته: ليش تاخذ فاتورة وأنا معك مايحتاج......... قال الدريول: ((هذا نفرات لازم يشوف عدل ولا بعدين ياخذ فلوس مال انتا....)):anger1:

[almulla]

:nice:
الموضوع صار جدا عادي إذا ماباق الي بالمحطه بيبوقون اللي برع المحطه شفيها يعني

الحراميه صارو تراسين البلد وعلشان تعرفون من اللي بيوق انتبهو في سيارات الفيراري

واللامبورجيني والبورش الكاريرا وهالسيارات السبورتيه الزينه قزوها مراح تحصلون غتره

وعقال هذاك أول الحين مافي غير الأجانب (هو في جنسيه باطه جبدي بس مابي أقول علشان

مايطبون فيني:rolleyes2: )


خل يبوقون قطريين وفلوسهم وايد أمشو وأدفعو البلا وين الغلط هاااا؟؟؟؟



بس أختي ذوق ماقصرتي في العامل خذ حقه وأكثر

:nice::nice::nice::nice:

[ذوق]

وانتــــي بكــــل مكـــــان ينصــــــب عليـــــــج؟

ههههههههههههههههه شافوني مخديه الله يسلمك :shy:

[مـراحـب]

حتى لماتصرفون 500 او 100 تأكدوا من الخرده عدوها قبل لاادخلونها في الشنط او الجيوب اول كنت مااحسب على طول ادخل الخرده بالشنطه لكن الحين احسب على طول وكانت اللي تحاسب في صالون دايموند اول مره عطتني الخرده ناقصه قلت ممكن يصير مره ثانيه صارت معاي وصارت مع اختي مش معقوله انها تكون صدفه

لأنه قالواا اهل قطر ما يعّدون الخردة

فصار الشي عادي عندهم

حسبي الله ونعم الوكيل

وياريت احنا نكون واعيين اكثر

[ذوق]

alla karem

[فلفل حار]

تمت المهمه بنجاح هههههه :shy:

ههههه الي يدري يدري والي مايدري احسن لايدري :tease:

بوحارب اليوم بقولك شصار علي كأس من الكرك :eek5:

[فلفل حار]

عادي سووها اخووي

وش المشكلة
؟؟

تبي الصج بوخالد انا معاهم ، حتي لو ادري انه حرامي بعد ماخذ فلوسه او اخذ شي وماعطيه فلوسه (مع الاحترام لاختنا ذوق)

انا ممكن انزل له اسطره او اعطيه كم بكس علي الماشي ههههه لو اقفلت عندي :shy: لكن اخذ فلوسه نو واي :secret:

[جمال العبدلي]

حتى لماتصرفون 500 او 100 تأكدوا من الخرده عدوها قبل لاادخلونها في الشنط او الجيوب اول كنت مااحسب على طول ادخل الخرده بالشنطه لكن الحين احسب على طول وكانت اللي تحاسب في صالون دايموند اول مره عطتني الخرده ناقصه قلت ممكن يصير مره ثانيه صارت معاي وصارت مع اختي مش معقوله انها تكون صدفه

زين والله يردون لج خرده انا يردون لي علوج :rolleyes2:

[ذوق]

زين والله يردون لج خرده انا يردون لي علوج :rolleyes2:

:anger1: :anger1: :anger1: :anger1:هالحركه بالذات ترفض ضغطي

[ذوق]

تبي الصج بوخالد انا معاهم ، حتي لو ادري انه حرامي بعد ماخذ فلوسه او اخذ شي وماعطيه فلوسه (مع الاحترام لاختنا ذوق)

انا ممكن انزل له اسطره او اعطيه كم بكس علي الماشي ههههه لو اقفلت عندي :shy: لكن اخذ فلوسه نو واي :secret:


شسوي ماقدر أطقه :anger1:

[فلفل حار]

شسوي ماقدر أطقه :anger1:

خلاص كل ماصار شي ادخلي المنتدي فليل وقوليلي ، انا بطقهم عنج ههههههههه:shy:

بس لاترفعين ضغطج :anger1:

[كشف حساب]

السلام عليكم ورحمة الله وبركاته...

بصـراحه أحترت في وين أعرض هذي المشكله...لأنها زادت عن حدها ولازم حد مسؤول يشوف لنـا حل...

((محطة بترول في منطقة العزيزيه بحكم إني على الدوام أصب عندهم بترول..وكذا محطـه بترول صادفتني لكن خاينتني الذاكره بصراحه))

يعني بدت الظاهره في الأنتشار جدآ..

أول أمس يوم رحت أصب بترول الصبح قالي الهندي روحي جدام وأنا ( مع سبق الترصد والترقب لأني ادري شيبي يسوي!!....عيني عينك بواقه...قالي روحي جدام شوي...الين اختفى العداد من عيني وقتله صب لي ٢٥ ريال وأنا قدني ماعطته ٥٠ ريال...يعني المفروض تنرد لي ٢٥ ريال...المهم بعد ماصبلي ردلي ٢٥ وكل شي تمام...ريوست شوي ورى...الا أشوفه صابلي ٢٠ ريال بس...وأقفففل عليه لأنـه مب أول مره يصيرلي معاهم هالموقف...وقمت زفيته وتوهق الريال قتله خلاص صبلي ٢٠ زياده..ويوم صبلي عطيته طااااف وخليته يحترق ويدفع من جيبه...عشان يتأدب

من وجهة نظري يا جماعه الخير أنهم ماتجرأوا يسون هالسوات بشكل متكرر وفي محطات مختلفه الا لأنهم متعودين إن أهل قطـر مايحسبون فلوسهم عادة...فا ياريت تنتهبون على مثل هذه المواقف أخواني الأعضاء

وشكرآ

أختكم

ذوق

السلام عليكم و رحمة الله و بركاته ...

ما قرأت الردود لكثرتها ...

و لكن نصيحة لوجه الله ... إرجعي للمحطة و عطي العامل الـ 15 ريال المتبقية .. لأنه لا يجوز الظلم ..

[almulla]

^^^^^

لا تعطيه

بعدين هي تبي تعلمه شغله ولو تتبرع في ال15 ريال احسن لها

[ذوق]

^^^^^

لا تعطيه

بعدين هي تبي تعلمه شغله ولو تتبرع في ال15 ريال احسن لها

hath who :nice:

[FULL]

صار لي هالموقف في محطة البترول اللي خلف الجوازات

وطبعا كل محطة بترول لها ادارة او مدير محطه يكون موجود فيها رحت كلمته وجابه لعندي وهزأه واعتذر مني ، عقب يومين رجعت للمحطه ماحصلته :)