عيوب السياره السعوديه

[Q.T.R SN!PER]

السلام عليكم ورحمة الله وبركاته اخواني بغيت اسأل عن عيوب السيارات السعوديه وخاصة الكروزر عيوب السياره الوارده من عبد اللطيف جميل وهو وكيل التويوتا في السعوديه يعني نفس عبد الغني بس السعر يفرق وايد بين السعوديه وقطر فياريت احسن السياره القطريه ولا السعوديه وبغيت الفرق بينهم
تحياتي للجميع :nice:

[راعي ال2008 الاسود]

اخووي اكيد القطرية احسن وبعدين هذا عبداللطيف جميل اكبر نصاب حق التيوتا وبعدين قطع الغيار
التيوتا في قطر اهوون بوايد من السعودية

[ولد الرياان]

اخووي عبدالطيف جميل يركب كل شي تجاري حتى المسجل jvc ماركه تجاريه ومافي تيك

[فلفل حار]

كلام الشباب كله :nice:

خذ من الدوحه او من البريمي وبس :victory:

[الساحوت2002]

:nice:والله اخوي الدوحة احسن من السعودية ومواصفات وارد قطر احلي بواجد من السعودية وتلاحض ان السعودين
مشعللين سوق الكروزرات بقطر
ويقولون سياراتكم ياهل قطر مبروووكة
يعني وانا اخوك اخذ وارد قطر وانس وشيل وارد السعوديةمن راسك بس اذا تبي تشتري امريكي رووح السعودية

واخوي نصيحة مني لك اخذ وارد قطر وفية مواصفات حلوة بوارد قطر تلاقي الفي اكي ار 2007 فية ليتات خضر وعلامة لاند كروزر اللي اول ماتبطل لباب تلقاها تحت يطلع منها ليت اخضر اما وارد السعودية مافية
والعرشة اللى فوق ماتصلح
والجناح اللى مركبينة تجاري وفاتحين فتحة بدريل بلسيارة مكان الجناح

بلعربي اخذ وارد عبدالغني وانت مغمض نصيحة من اخو لاخوة

واسمحلي ع القصور اخوي واسف ع الاطالة

[Ghost]

وفي البيع وارد قطر افضل

[البيت بيتك]

صح كلامك عبد اللطيف الاكسوارات كلها تجاريه

[الخارجية]

اخوي والله وارد السعودية مافي شي من العيوب وين العيوب انا اشوف السنة وارد السعودية احسن تدري ليش ؟ لان الاستاندر مال السعودية فيه ثلاجة وفي اخطوط وفي دواسات احسن من وارد عبدالغتي اخذ اسعودي وصدقني وانتي الربحان اخوي

[بالول]

التويوتا السعودي ابد مافيه عيوب بل بالعكس مواصفاته اكثر من عبدالغني ....... الحمد لله كانت عندي سيارة وارد السعودية استعملتها سنة وبعتها والحين حاجز لكزس من عبداللطيف جميل ........والله يوفق

[_QTR_]

اخووي اكيد القطرية احسن وبعدين هذا عبداللطيف جميل اكبر نصاب حق التيوتا وبعدين قطع الغيار
التيوتا في قطر اهوون بوايد من السعودية


غلطااااااااااااااااااان والله


قطع الغيار هناك ارخص من عندنا بمليون مرة ولو تبيني اعطيك امثلة تراني مستعد

وعني انا توني ماخذ Fj وارد السعودية ومرتاح والله مواصفاته احسن من مواصفاتنا وارخص في السعر

[على نياته]

يا خوي لو كان فيها عيوب ليش الناس يجيبونها ويبيعونها بمكاسب طيبة


اسأل الله ان يوفق الجميع .

[daekan]

اخووي اكيد القطرية احسن وبعدين هذا عبداللطيف جميل اكبر نصاب حق التيوتا وبعدين قطع الغيار
التيوتا في قطر اهوون بوايد من السعودية

يالطيب من الي قال لك ان قطع الغيار عند عبد الغني ارخص ماهو صحيح السعودية ولامارات والكويت عندهم قطع غيار التيوتا ارخص من الدوحه بس بعض القطع تكون ماهي متوفره في السعوديه والامارات الاطلبية عند عبد الغني موجوده

[عضو قديم]

بالنسبة لي انا افضل وارد عبد الغني علشان الضمان
انا حصلت فيكسار 2009 وارد السعودية وبمواصفات افضل من عبد الغني وارخص بفرق 25الف لكن فضلت وارد عبدالغني

[رآعي موآجيب]

اخوي والله وارد السعودية مافي شي من العيوب وين العيوب انا اشوف السنة وارد السعودية احسن تدري ليش ؟ لان الاستاندر مال السعودية فيه ثلاجة وفي اخطوط وفي دواسات احسن من وارد عبدالغتي اخذ اسعودي وصدقني وانتي الربحان اخوي

كلامك سليم 100 %

أنا عندي وارد السعوديه ومواصفاته أحلى من وارد عبدالغني

اللهم شي واحد الي ناقصه { التيك } الجي أكس أر ما يجي فيه تيك وعادي بالنسبه لي

لأن يدي أصلآ تعرق بأستمرار :nice:

ولو يدي ما تعرق مب دافع فرق في السعر قريب الــ 20000 على شان خاطر عيون عبدالغني :omen2:

[Q.T.R SN!PER]

مشكوووووووووووووووووورين على ابداء النصائح وابداء ارائكم وأنا فصلت بعد بروح واشتري من عبد الغني
تحياتي لكم