المساعد الشخصي الرقمي

مشاهدة النسخة كاملة : نصب في نصب


بوناصر1
14-11-2005, 10:42 PM
معقوله شركه براس مال كبير مثل شركة بروه تاخذ الموافقه من ادارة السوق خلال مده قصيره جدآ
ومن غير اي اعلان في الجرائد المحليه علمآ بانه تكلمت عنها بعض الجرائد الخليجيه
والي ابي اعرفه هل صحيح انه ادارة السوق ما عندها خبر عن هذه الشركه من قبل واذا الاجابه كانت بنعم اذآ متى لحقو يسوون اجتماع وادرسو الموضوع
وكيف يعطونهم الموافقه في مثل هذا الوقت الحرج يعني مايعرفون انه الاسهم بتنزل نزله خشنه
انا بعتقادي انه اي مسئول فاهم او بمعنى اصح يخاف الله كان ما وافق على ادراج الشركه الا بعد شهر ابريل هذا اقل موعد
صدقوني مستحيل ان قرار تاسيس الشركه تنفذ بهذه السرعه الموفوع فيه كتمان ونصب
لا يسعني الا ان اقول(حسبي الله ونعم الوكيل على كل من يرفع شعار الشفافيه ولا يطبقه)
مستثمر في مهب الريج
14-11-2005, 10:45 PM
الموضوع ما يخلى اكيد في ان
ابوعلي
14-11-2005, 10:53 PM
الموضوع ما يخلى اكيد في ان


مب بس ان ( ان ان ان ان ان ان ان ان ان )
الجزيرة
14-11-2005, 10:58 PM
....... هههههههههههههههههههه كل شي جايز في بورصتنا


.... كله خرطي في خرطي
الشقيان
14-11-2005, 11:00 PM
اي والله اخووووي بوناصر والمشكله من كم يوم يقولون ماافي شركه جديده هااذي شاااائعاات

الله ينتقم منهم ان شاءالله ولا ذيله حد يسلمهم اداره مهمه نفس سوق قطر

والله سوق قطر اقوى سوق بشهاادت الجميع بس الي في مااايعرفون شطمااام

(حسبي الله ونعم الوكيل على كل من يرفع شعار الشفافيه ولا يطبقه)
مساهمة قطرية
14-11-2005, 11:00 PM
يا أخواني لماذا كل هاذا الكلام اول شي السوق طلع طلوع كبير وقوي من تحديدا ل ل 7500 نقطة الى ل 13000 نقطة واللي بيمشي على كلام الاخريين بيضيع انا من خلال مشاركاتي البسيطة في هاذا المنتدى الجميل لاحضت وبدون ذكر اسماء ان في ناس يدعون بوصول السهم لفلاني الى 80 والى 100 ريال هل هاذا يعقل يا اخوان هل امشي على كلامهم ام على كلام نتائج الشركة بالنسبة لعدم الشفافية انا اتفق معاكم لازم يكون فية توضيح سابق من وزارة الاقتصاد بس ياخوان الطمع ولطمع والطمع هو اللي ايضيع الانسان دائما انا حاليا اتكلم عن المضاربين بالنسبة لي انا شارية اسهم واملكها الى حد الان السوق طلع نزل مايهمني للاني عارف انا املك ايش وايش قوة السهم هاذا وذي يا اخوان فرصة على طبق من ذهب للشراء للان حاليا في شركات اسعارها مغرية جدا
وبالتوفيق لجميع اعضاء المنتى
والى الامام دائما
محمد2
15-11-2005, 02:20 AM
انا عيزت واقول لكم ان سوقنا ما ينفع معاه التحليل الفني ولا ينفع معاه الخبراء ألأقتصاديين 0سوقنا ينفع معاه لعبة الكبار والهواميييييييييييير 0سوقنا عايش على البركة 0
ولد البلد
15-11-2005, 03:09 AM
معقوله شركه براس مال كبير مثل شركة بروه تاخذ الموافقه من ادارة السوق خلال مده قصيره جدآ
ومن غير اي اعلان في الجرائد المحليه علمآ بانه تكلمت عنها بعض الجرائد الخليجيه
والي ابي اعرفه هل صحيح انه ادارة السوق ما عندها خبر عن هذه الشركه من قبل واذا الاجابه كانت بنعم اذآ متى لحقو يسوون اجتماع وادرسو الموضوع
وكيف يعطونهم الموافقه في مثل هذا الوقت الحرج يعني مايعرفون انه الاسهم بتنزل نزله خشنه
انا بعتقادي انه اي مسئول فاهم او بمعنى اصح يخاف الله كان ما وافق على ادراج الشركه الا بعد شهر ابريل هذا اقل موعد
صدقوني مستحيل ان قرار تاسيس الشركه تنفذ بهذه السرعه الموفوع فيه كتمان ونصب
لا يسعني الا ان اقول(حسبي الله ونعم الوكيل على كل من يرفع شعار الشفافيه ولا يطبقه)

شكرا لطرحك اللذي يتسم بالجرأة.

المسألة حرجة للغاية أخ بو ناصر.

أنا طرحت أفكاري في موضوع مشابه جدا بعنوان"بورصة الدوحة اخر من يعلم والقبس الكويتية أول من يعلن !!!! "

أرجوا منك المشاركة
qatar_moon
15-11-2005, 03:29 AM
وين الي قالوا مافي شركات جديده بتنطرح السنه وينهم الحين
بو ناصـ ـر
15-11-2005, 03:39 AM
أخوي /بوناصر1
الموضوع هذا موضوع كبير .. وإتضحت الصوره مؤخرا ً .. أن العمليه كلها لعبه من أجل صالح الهوامير
وكل الأسابيع اللي مضت كانت العمليه تصريف الأسهم على الصغار .. لأن الكبار كانوا عارفين
بالسالفه .. والتسريبات اللي جات من برع جاتنا متأخره بعد ..! وإدارة السوق إتضح أنها كانت
مرغمه غصب ٍ عنها في عدم التصريح بأي شيء ..! يعني ببساطه الموضوع أكبر منهم ..!!
والله يستر من الجاي ..
مع إحترامي للي يقولون هذا النزول طبيعي .. نتيجة الإرتفاع اللي حصل في الصيف .
أي نزول طبيعي الله يرحم والديكم .. طلبات صفريه على شركات عملاقه ونزويف حاد في
المؤشر العام .. وين النزول الطبيعي .. الله يعين اللي متعلق فوق .
بولينجر
15-11-2005, 03:52 AM
الله يستر!!!
بو سالم
15-11-2005, 04:36 AM
الله يستر
لحظه وتمر
15-11-2005, 07:55 AM
فليكن شعارك دوما لن يصيبا الا ماكتب الله لنا
النوخذة
15-11-2005, 08:00 AM
اخواني

اكثروا من قول... حسبنا الله ونعم الوكيل...
الشرقية
15-11-2005, 08:04 AM
المؤمرات من خلال التلاعب بالسوق تدل على ضعف الادارة وعدم قدرتها على قيادة الى السوق مستقبلا


السوق الان 32 شركة كيف لو اصبح 75 شركة ماذا ستعمل ادراة السوق لقد اثبتت عدم قدرتها منذا البداية
العنودى
15-11-2005, 08:23 AM
حسبنا الله ونعم الوكيل
QATAR4EVER
15-11-2005, 08:28 AM
فعلا هناك مؤامره ... (أنا في العاده ضد نظرية المؤامره ... لكن اللي صار غير)
العنودى
15-11-2005, 08:31 AM
صح كلامك بو ناصر الموضوع كله نصب فى نصب
والسوق مايبفع لصفار المستثمرين حسبى الله
أعمار
15-11-2005, 08:41 AM
شكرا على طرح الموضوع .. اخوي الموضوع ومافيه انا اغلب اللي يدخلون في الاسهم يدخلون من غير دراسة ( يعني تعال واشتر لا ولين جاهم الربح مايرضون يبغون اكثر ) والصراحة اذا بنلوم السوق نلومه في عدم توعية صغار المستثمريين بشكل عام بحيث يعطي دورات وارشادات في الصحف عن كيفية التعامل .. لكن لاتكبرون الموضوع اللي قادر يحتفظ بالاسهم اللي عنده يحتفظ فيها واذا كانت الشركات اللي يملك فيها شركات قوية والعائد على السهم معقول لايتسرع ويبيع يحتفظ بالاسهم ولازم لها يوم بترتفع ... الله يوفق الجميع بس عن الاتهامات وردة الفعل اللي تخوف الناس .. ومافي بورصة في العالم ماتنزل وترتفع
rashid_qatar
15-11-2005, 08:54 AM
بصراحة مههههزلة لو فعلا حصلو على موافقة من وزير الاقتصاد ,,,, انا اقولة لاعاد تصرح ولا تقول انة في قانون ينظم البورصة وطرح الاسهم ،،، وين القانون بعدم اداراج شركات خلال العام ماقلتو انة كل سنة شركتين فقط وسمعنا عن موافقات بالخش عن شركة اسمنت جديدة الله يسسسستر بصراحة خسرتو العالم وين الشفااافية انا اشوف مركبين مخفي من العيار الثقيل ، ليش كل هذا كيف يوافق على انشاء شركة عقارية ويوجد شركة عقارية ليش مايتم الدمج او زيادة راس المال والمشاركة في شركة عملاقة ، لايجوز تعدد نفس الشركات ، هذا انتو وافقتو لشركة السلام على شركة بنيان والله يستر من الي جاااي ياحسااااااااااااااااافة ، والطامة الكبرى لو لجنة السوق وافقت بعد هل الاسبوعين من التصريحات بعدم اعطاء موافقة وسوف تدرس وضع السوق لو وافقتو انا اقول روحووو بيوتكم ابرك ولا عاد تصرحون
وين المستثمرين وين اصحاب الرأي ليش مايكتبون ويحتجون على هل الموافقات التدميرية للناس ينظرون لمصالحهم الشخصية فقط ....... وفية شركات بتزيد راس المال ويلعبون في مضاربات وعندهم علم بموعد الاعلان ليكسبون ويجنون ارباااح طائلة وتقولون شفااافية !!!!
انا اطالب بوقف هذة المهازل والغاء الموافقات العشوأئية .
واتمنا التوفيق للمظاليم .
المخلب
15-11-2005, 09:33 AM
عدم ثقتكم بسوقك هي الخلته يطيح !

ليش تلومونهم على التكتم على الخبر واعلانه على الجرايد الاخرى
(( خارج البلاد (( ويمكن اصلا الخبر مسرب قبل مايعلن )) )) كانوا يبون يسوونه سبرايس لكم ))

وانتوا عارفين انكم من النوع الي عايش على البركه يعني مع الخيل يا شقرى ! اول ماتسمعون في ارتفاع شريتوا مثل الهمج ! واول ما تطيح البورصه بعتوا حتى بخساره وتقولون سوقنا ماينفع الا للتحليل !

اداره السوق انا اعترف انها اداره غير متقيده بمعنى الكلمه !

لكن انتوا الي عطيتوهم فرصه انهم يسوون كذا تخربون البروصه بيدكم وتصيحون لين ماعلموكم !
المجد
15-11-2005, 02:17 PM
بيض الله وجهك يابوناصر 1 وماقصرت
بوناصر1
15-11-2005, 02:17 PM
يا اخواني احنا موضوعنا يتعلق بلمسئولين الي يستخدمون مناصبهم للمصالح الشخصيه ونسيانهم بانهم موجودين في هذا المنصب من اجل الوطن والمواطنين وليس في شركه خاصه بهم يصرحون القرارات والقوانين وهم من يقوم بمخالفة هذه القوانين والقرارات
اما بلنسبه لهبوط للاسهم فهذا موضوع اخر لا علاقه لنا به والي باع برخيص صدقوني انه متحسف اليوم واذا كان بيده يرجع الي باعه كان سوها حتى لو بخساره فارجو عدم الخروج من صلب الموضوع
واشكركم على الردود النافعه

وفي النهايه وكما قال صاحب المثل
(حسبي الله ونعم الوكيل على كل من يرفع شعار الشفافيه ولا يطبقه)
BOSS MAN
15-11-2005, 06:40 PM
ههاهاهاهاهاهاهاهااااااي وقت غير متوقع بس الواسطه تسوي كل شي
بنت العرب
15-11-2005, 08:37 PM
بو ناصر الأمر واحد من إثنين ... إما سوء تخطيط أو مؤامرة على مستوى كبير ... وأنا أرجح الثاني !. :deal:
KhalidQ
15-11-2005, 08:39 PM
شطارة ومحد يدري
دنيا الاسهم
16-11-2005, 01:55 AM
ما اقول الا حسبي اللة ونعم الوكيل
وكفى