أمهـــــــــــــــــات 2008

[ام شهد قطر]

يظهر يا جماعة أن الزمن تغير وتغير معاه معنى الامومه فالامومه صارت للبعض بس حمل وولاده مش كفايه صار في البيت الواحد ثلاث خدامات وطالع منهم المربيه و الطباخه و الخاصه بالتنظيف لا صار في موضه جديده أنهم يجيبون ممرضه للبيبي الجديد الي الحمد لله صحته زينه بس عشان ما تسهر معاه وتنام على راحتها شفتوا لوين وصلنا يظهر أن هذي أمومة 2009

[الديمها قطر]

أول مره اسمع ها الشي واذا صارت من وحده قليلة عقل لا تعمم ترى بنات الدوحة احسن بنات عند اعيالهم ولكل قاعده شواذ فلا للتعميم

[لوردغاليري]

اي عادي لازم ممرضة تكون في البيت الي عايلتة كبيرة
تراعي البيبي بس ماتسهر معاة وتعطي المسن ابرة الاونسلين
وداوي الاطفال اذا انجرحوا من زمان عندنا ممرضة يعني عادي والله لاتفهمون غلط

[ام شهد قطر]

اي عادي لازم ممرضة تكون في البيت الي عايلتة كبيرة
تراعي البيبي بس ماتسهر معاة وتعطي المسن ابرة الاونسلين
وداوي الاطفال اذا انجرحوا من زمان عندنا ممرضة يعني عادي والله لاتفهمون غلط

بس العايله الي أتكلم عنها عايلة وايد صغيره يعني حاطين الممرضة كرفاهيه وعشان ما تسهر الام على البيبي مش أكثر وشكرا على الرد

[ام شهد قطر]

أول مره اسمع ها الشي واذا صارت من وحده قليلة عقل لا تعمم ترى بنات الدوحة احسن بنات عند اعيالهم ولكل قاعده شواذ فلا للتعميم
أختي أنا ما عممت أنا قلت البعض وأنا معاج أن بنات الدوحة في منهم مافي أحسن من تربيتهم ولا أهتمامهم بأعيالهم بس أنا أرويكم أن في بعض العادات السيئة باديه تنتشر في المجتمع يعني اذا الطفل في النهار عند الخدامة وفي الليل عند الممرضة وين أمه بتحس فيه سبحان الله الام تستحمل أعيالها بس الخدامه لا ..........وشكرا على المشاركه

[khk]

والله أختي الذهبية هذا زمان أغبر الله يصلح الناس والناس فيهم خير ان شاء الله لكن من الطفرة اللي حاصلة بالبلد تلاقين في البيت بدل الخدامة 3 و 4 وكل في تخصص ولكن التربية هذه مشكلة ويعطيكي العافية


أول مره اسمع ها الشي واذا صارت من وحده قليلة عقل لا تعمم ترى بنات الدوحة احسن بنات عند اعيالهم ولكل قاعده شواذ فلا للتعميم

الله يرحم والديك في كثير فيهم خير بس أحسن بنات ماعتقد شوفي الدول اللي ماتعتمد على الخدم في التربية

الأب في الشغل والأم في الشغل والعيال عند امهم الخدمات أي تربية تقولين عنها وأنا اتكلم عن الأغلبية مو الكل

[الخارجية]

هههههههههههههههههه بدون تعليق اختي بنات اخر زمن

[ضوى]

الحمد لله والشكر يارب

الياهل اذا مو في حضني وانا اللي اداريه واراعيه وش خانتي عيل مسمى ام بس ؟؟ ما ابي المسمى اذا بيجردني من عاطفتي

شكرا

[نبـــــراس]

اختي متأكده من هالكلام ..
اي ام بتجيب ممرضه حق ولدها الا اذا كانت متجرده من معنى الامومه والا بس مسمى ام ..
ولا شفايدتها .. الحاله الشاذه ان من ترضى ان ضناها تباريه خدامه ..والا الطبيعي ما تنام الام الا لين تطمن ان ولدها بخير وما عليه شر ..
ممكن الامهات يجيبون مربيه تساعدها في انها تباري عيالها مب تربيه لان الطفل يحب يطلع في الحوش واحيانا الطفل يجيك مشاغب وحركته زايد
ومب معقوله الام بتم تراكض وراه وهي عندها غيره ومسؤليات ثانيه ..
ايامنا مب مثل ايام قبل في فريج وكل واحد يأمن على عياله الحين الواحد يخاف يخلي باب الحوش مفتوح ..
عاد الشباب لقوها فرصه يتطنزون .. الحمد لله في امهات وبنات سنعات يعتمد عليهم

[احب قطر]

ياجماعة الخير ، ترى ان بعض الظن اثم ، في ناس اعرفهم جايبين خدامه حق البيبيات علشان فعلا تسهر معاهم والام تقوم من النوم اوقات الرضاعة وترجع تنام وهذا بسبب ظروف عمل الام ، مش ان ترمي البيبيات عالخدامة بس جايبتها علشان تساعدها ، وخاصة ان في بعض المؤسسات في الدولة مايعطون الا ساعة رضاعة وحده بس ولمدة 6 اشهر.

[Nasser2006]

الحمدلله على نعمة الي احنا فيها

[بلاهويـــــة]

أنا أشوف ما فيها شيء إذا جابت ممرضة حق البيبي

[الديمها قطر]

والله أختي الذهبية هذا زمان أغبر الله يصلح الناس والناس فيهم خير ان شاء الله لكن من الطفرة اللي حاصلة بالبلد تلاقين في البيت بدل الخدامة 3 و 4 وكل في تخصص ولكن التربية هذه مشكلة ويعطيكي العافية



الله يرحم والديك في كثير فيهم خير بس أحسن بنات ماعتقد شوفي الدول اللي ماتعتمد على الخدم في التربية

الأب في الشغل والأم في الشغل والعيال عند امهم الخدمات أي تربية تقولين عنها وأنا اتكلم عن الأغلبية مو الكل

اي طفره اللي تقول عنها الضاهر من زمان مارحت الجمعية ولا عندك اعيال في المدارس ولا...ولا... ولا شبعد ولا شبخلي. اي دول البلاد الاوروبيه بلاد الضياع و الاجرام. انت حطيت المشكله الام في الشغل والاب في الشغل انزين ما يجبون اعيال او واحد يستقيل في ها الغلا و يقعد مع البيبي . وين الحل خاصة انه فيه امهات ماعندهم حد يمسك البيبي والدليل الحضانات الي انتشرت في البلد لكن بعد ارد اقول الام العاملة اتحس بتأنيب الضمير انها اتركت طفلها طول الصبح فتحاول اتعوض عليه من الظهر وساير حتى لوكان على حساب راحتها و نومها .

[نورFROM قطر]

انا اسوف هالشي بعد عااااااادي ... الكل يكون محتاجها وخاصه اللي ماعندها حد يساعدها بالشهور الاولى

ووايد من اللي اعرفهم يجيبون

[๏̯͡๏]

أول مره اسمع ها الشي واذا صارت من وحده قليلة عقل لا تعمم ترى بنات الدوحة احسن بنات عند اعيالهم ولكل قاعده شواذ فلا للتعميم

الى 98 % من بنات قطر ينطبق عليهم هذا الكلام وهذا الواقع اللي نشوفه واذا مو عاجبك طقي راس شغالتك في الطوفه :nice: