الغارمن Mio

[مستثمر تحت التعليم]

يالربع الغارمن Mio بهدلني في الحسا من يومين وانا دافع فيه دم قلبي بس وهقني ووالله ماستفدت منه ولا شيء بالعكس الشيء الوحيد الي كنت أبيه منه أنه أيدليني طريق العوده لسلوى وهقني زياده الا يبي ايردني من طريق أو شارع القيصريه رون سيد (يعني بالعكس ) والدخول ممنوع وهو مصر أروح يمين ويبي الأيردني مره ثانيه ويوم قفلت عليه وبندته دليت الطريج بروحي وبدونه :nice: جبته عون صار علي فرعون .......... نصحوني يالربع أبي غارمن عربي وفيه المناطق الخليجيه بوضوح وياريت حد أيفيدني بالنسبه للغارمن الي في شاشة الكنوود أيتعرب ولا لا ......... شاكر لكم مقدما:)

[auto body]

الحين الحساء يبى لها غارمن
اشلون الرياض؟

انصحك تاخد غارمن من اللنجاوي فى ظهر سوق الجبر
عشان ثانى مرة ماتضيع رجعه الدوحة
وماراح تتحسف

[بوحمد2007]

بالتوفيق

[البيت بيتك]

عند اللنجاوي فى سوق الجبر واهو يفيدك اكثر

[super jet]

المشكله مب في الجارمن ولا اي جهاز ملاحه المشكله في خرايط الحسا كلها غلط يعني لاتعب نفسك بسبب خرايط الحسا

[لوسيل]

أخوي أول ماتوصل الحسا عند إشارات السجن شوف قدامك بتحصل محل أسمه دار موجه ... عنده ميموري للمدن والقرى والبر السعودي كامل بالوصف الدقيق وفيه خرايط للحسا والمعلومات بالعربي ... بس مادري إذا القارمن إلي عندك يركب عليه هالميموري ولا لا .

وعند اللنجاوي بتحصل عنده أكثر من نوع بالعربي ... وأنا استخدم النوفي 310 العربي .. أستخدامه وايد حلو وسهل وإذا كان الشارع إلي قدامك مغلق أو في شي على طول يشوف لك طريق ثاني وسهل :)

[جاسم القطري]

خذ لك قارمن نوفي
او قارمن 276c

[Most Wanted]

ولا واحد منهم راح ينفع لان مثا ما قالوا خرايط الحسا كلها غلط وقديمه

انا توني راجع ومشغل النفيقيشن اللي بالتلفون مو عشان يدليني الا كنت ابي اعرف كم كيلو باقي من دخلت الحسا لين طلعت والحبيب مضيع الا انا مو على شارع الا يوديك رونغ سايد لا حاله كانت

الله يعين اللي ما يدل بالحسا مع اني اشوف انها ماتضيع كلللش

[جاسم القطري]

انا استخدم قارمن نوفي الخريطه موجوده

صج مب كامله وفيها كل شي لكن توديك وتجيبك ولا احلى

[مستثمر تحت التعليم]

الحين الحساء يبى لها غارمن
اشلون الرياض؟
انصحك تاخد غارمن من اللنجاوي فى ظهر سوق الجبر
عشان ثانى مرة ماتضيع رجعه الدوحة
وماراح تتحسف

يعني مش غريبه ياخوي عمري مارحت الحسا ومش مشكله أني ماعرف بس المشكله أني أخاف أن أستخدمه في مشاوير ومناطق وبلادين ثانيه واتوهق أرجو أني وضحت وجهة نظري

[الدم البنفسجي]

اخوي انت خذته من محل في المنتزه

[طاش]

276c هاذا عندي من سنتين واحسن منه مافيه حق السفر والبر بعد اخذة وتوكل على الله

[مستثمر تحت التعليم]

اخوي انت خذته من محل في المنتزه

لا أخوي خذته من محل طريق الخليج اللي في الغرافه عند محلات التلفونات

[مستثمر تحت التعليم]

276c هاذا عندي من سنتين واحسن منه مافيه حق السفر والبر بعد اخذة وتوكل على الله
أخوي بالنسبه لــقارمن 276c هل هو بالعربي وهل هوسهل وهل يمكن تحديثه بخرائط جديده وهل حجمه كبير ام صغير

[طاش]

أخوي بالنسبه لــقارمن 276c هل هو بالعربي وهل هوسهل وهل يمكن تحديثه بخرائط جديده وهل حجمه كبير ام صغير
فيه عربي وفيه انجليزي وتقدر اتسوي تحديث للخرايط عادي وحجمةتقريبا15سم في10وحلو والله استعمالة شوفة عند لنقاوي

[qatar.com]

اخوي جهازك مافية شي الحسا هي الي خرايطها قديمة

يعني اصبر مدة لين تتحدث الخرايط

عندك قوقل ايرث شوف الخرايط فية موب الحسا بس نص العالم خرايطها قديمة

انا عندي جارمن الوحيد تقريبان من قطر طالبة من امريكيا مثل c276 بس مطور وخرايط الدنيا كلها فيه معدا الحسا

[هسلان]

مرة ثانية ودني وياك وأنا بدليك
بل قارمن بلا خرابيط escape
بس العشاء عليك في مطعم اخوان :victory: