# عاد الوافدون .. و عادت زحمة المرور # [الأرشيف]

مشاهدة النسخة كاملة : # عاد الوافدون .. و عادت زحمة المرور #

فارس الكلمة

26-08-2008, 01:28 PM

خلال الشهرين الماضيين .. كان الأزدحام المروري بسيط ..

و الحركة هادئة .. و الدوارات و التقاطعات لا يوجد عليها ذلك الأزدحام ..:)

خلال هذا الأسبوع عاد الوافدون من إجازاتهم ..

فعادت زحمة المرور و الطوابير الطويلة من السيارات .. و الله يعينا عليها ..

almulla

26-08-2008, 01:31 PM

الله يعين

سهم المراقيب

26-08-2008, 01:33 PM

لماذا لا يتم التنسيق بين إدارة المرور لوزارة الداخليه والإذاعات المحليه المسموعه ويتم الإعلان عن التقاطعات أو الشوارع المزدحمه عبر الأثير في البرامج الصباحيه بشكل يومي كي يتسنى لمرتادي الطريق تفادي تلك الشوارع او التقاطعات ومحاولة تغيير المسار لطرق بديله ؟؟ ,,

بوخالد911

26-08-2008, 01:36 PM

سبحان الله !!!

:omg:

كنت باكتب هالموضووع والله

ردينا حق سالفة لوووعة الجبد !!!!

:(:discuss::(

وال1 صار يكرة الطلعة والسبة الزحمة !!!

يسلموووووووو

؛؛؛

بوخالد911

مداوي القلوب

26-08-2008, 01:44 PM

شدخل الوافدين بس
العالم كلها مسافره وطالعه تغير جو
حتى المهرجانات اللي بالصيف اكثر ماكان يحضرها وافدين

وبيزيد الزحام اكثر مع بداية المدارس ولما يرجعوا الناس دواماتهم
الله يعين بس

الغزال العارضية

26-08-2008, 01:46 PM

مساكين الوافيدن جات عليهم هم كلهم عائلة كامله ماعندهم الا سياره وحده

واحنا هالقطر في البيت 4 ولا 5 و كل واحد عنده سيارة ولا سيارتين غير سيارة السواق

في نظرك من مسبب الزحمة هم ولا احنا

شكري وتقديري

26-08-2008, 02:30 PM

وسعوا الصدر

إن الله مع الصابرين

فارس الكلمة

26-08-2008, 02:37 PM

الله يعين

الله كريم .. و أن الله مع الصابرين ..

لماذا لا يتم التنسيق بين إدارة المرور لوزارة الداخليه والإذاعات المحليه المسموعه ويتم الإعلان عن التقاطعات أو الشوارع المزدحمه عبر الأثير في البرامج الصباحيه بشكل يومي كي يتسنى لمرتادي الطريق تفادي تلك الشوارع او التقاطعات ومحاولة تغيير المسار لطرق بديله ؟؟ ,,

فكرة جميلة .. طبقتها الكثير من الدول ..

سبحان الله !!!

:omg:

كنت باكتب هالموضووع والله

ردينا حق سالفة لوووعة الجبد !!!!

:(:discuss::(

وال1 صار يكرة الطلعة والسبة الزحمة !!!

يسلموووووووو

؛؛؛

بوخالد911

من سبق لبق .. يا بوخالد ..:nice:

يسهل الله إن شاء الله ..

khaldoon

26-08-2008, 02:48 PM

بنQATARت

26-08-2008, 03:36 PM

مساكين الوافيدن جات عليهم هم كلهم عائلة كامله ماعندهم الا سياره وحده

واحنا هالقطر في البيت 4 ولا 5 و كل واحد عنده سيارة ولا سيارتين غير سيارة السواق

في نظرك من مسبب الزحمة هم ولا احنا

كنت حقولها

بنQATARت

26-08-2008, 03:37 PM

وسعوا الصدر

إن الله مع الصابرين

عند اي خياط

فارس الكلمة

26-08-2008, 04:24 PM

شدخل الوافدين بس
العالم كلها مسافره وطالعه تغير جو
حتى المهرجانات اللي بالصيف اكثر ماكان يحضرها وافدين

وبيزيد الزحام اكثر مع بداية المدارس ولما يرجعوا الناس دواماتهم
الله يعين بس

الوافدون .. بارك الله فيك .. يشكلون 85% من عدد السكان ..
فلك أن تحسب النسبة و التناسب ..:)

مساكين الوافيدن جات عليهم هم كلهم عائلة كامله ماعندهم الا سياره وحده

واحنا هالقطر في البيت 4 ولا 5 و كل واحد عنده سيارة ولا سيارتين غير سيارة السواق

في نظرك من مسبب الزحمة هم ولا احنا

لا تحاتين .. الحين ما شاء الله عائلة الوافدين يملكون أكثر من ثلاث سيارات ..

ثم أنظري حولك في الشارع .. و شوفي عدد السيارات التي بحوزة الوافدين ..

هم يشكلون الاغلبية ..:omg:

وسعوا الصدر

إن الله مع الصابرين

و ما صبرك إلا بالله .. و نعم بالله ..

nor85

26-08-2008, 05:08 PM

اي والله ارجعت الزحمه شوي شوي الله يعين

Riku3

26-08-2008, 07:41 PM

لاحظت ان الزحمة زادت بالفعل .. قهر الشارع جدامهم فاضي والكل يمشي 80 وانا عالق بالنص @___@ ..

لماذا لا يتم التنسيق بين إدارة المرور لوزارة الداخليه والإذاعات المحليه المسموعه ويتم الإعلان عن التقاطعات أو الشوارع المزدحمه عبر الأثير في البرامج الصباحيه بشكل يومي كي يتسنى لمرتادي الطريق تفادي تلك الشوارع او التقاطعات ومحاولة تغيير المسار لطرق بديله ؟؟ ,,
اي شوارع بديله الله يسلمك بس .. كلها مغلقه =) .

أمة الله

26-08-2008, 08:41 PM

الله المستعـــــــــــــــــــــــان

كاتم الاسرار

26-08-2008, 10:38 PM

زحمه زحمه خلاص لازم كل واحد يصبر ويخلي مشوار واحد في يوم واحد بس والباقي مقسم على الاسبوع بعد ايش تعودنا على الزحمه وكل مكان زحمه حتى في دول الخليج بعد والله واكثر بعد الله يعيييييينا

الصيـاد

26-08-2008, 11:04 PM

هذيلا اللي ارجعوا البلد ومسوين زحمة يا ليت يمددون اجازتهم

كنا مرتاحين بالشوارع اللحين طوابير

تخطيط الشوارع عندنا ميح مدينة صغيرة وشوارعها مكسرة ومب قادرين يصلحونة لانة ما عندنا

عقليات فذة ومنفذين محترفين

وطن

26-08-2008, 11:32 PM

متى بيفتحووون الشوارع المسكرة

:(

صايرين كأننا في قوطي سردين

الأندلسي

27-08-2008, 12:22 AM

الله يعين بس

الزعفراني82

27-08-2008, 12:26 AM

في حل ثاني افضل ؟

ان القطريين يشتغلون بوظائف الوافدين و بنفس الرواتب عشان ما يكون في وافدين في البلاد

والله اعتقد ماله شغل بالوافدين الله يسلمك شوارع الدوله متهالكه و غير مطابقه للمواصفات و ضيقه اشدخل الوافدين

و ما يصير تعيش بروحك بهالعالم يا اخوي فارس

تحياتي

بـن عدوان

27-08-2008, 07:13 AM

ياريال ع الاقل احسن من باقي الدول

تنطر بالساعات

وبعدين مافي تخطيط في الشوارع للاسف :(

almulla

27-08-2008, 07:25 AM

ابشر بالخير لين شفت ال500000 اسرة دشت قطر اشبتقول وقتها

BURBERRY

27-08-2008, 07:43 AM

الله يعينا على الزحمه ..الحين المشوار البسيط صار ياخذ ساعه بسبب الزحمه

متى يا اشغال بتفتحين الشوارع المسكره ؟؟؟

الروقي

27-08-2008, 09:24 AM

الوافدين هم سبب الزحمه كان قبل سنوات قبل مايكثرون الوافدين الى بلادنا كان ماتشوف زحمه مثل الحين والوافدين لان رواتبهم عاليه والعائله كلها تعمل الرجل عنده سياره والام سياره والبنت سياره والولدسيارهيعني على الاقل كل عائله وافده عندهم 4 سيارات وبس حنا القطريين دائما كل الناس تلومنا وتظلمنا لكن مانقول الا لاحول ولا قوة الا بالله

عبدالله العذبة

27-08-2008, 10:12 AM

اخوي الله يعطيك الف عافيه

ما راح اناقشك بخصوص الوافدين اللي مسويين الزحمة و لو حبيت اقول انهم هم السبب في الزحمة ولا يهمك..هم السبب

بس يا اخوي هذا الموضوع ايش اضفت فيه شيء جديد للمنتدى العام يساعد على رقي مستواه علشان تطرحه و يتم مناقشته بين الاعضاء؟

الأخ الفاضل خلدون وفقه الله.

أتفق معك بأن الموضوع لا يفيد بل ويحمل الوافدين سوء البنية التحتية في قطر وهذا غير صحيح.

نحن من استمات لكي تكون قطر مزدحمة من خلال فتح باب تدفق مئات الآلاف علينا قبل أن تكون لدينا بنية تحتية جاهزة من ناحية الطرق والخدمات والصحة .. الخ.

نحن من نمنح الفراشين بالوزارات رخص قيادة.

نحن من فتح الحصول على رخصة القيادة للكل مهما كانت وظيفتهم ومهما كانت رواتبهم متدنية.

khaldoon

27-08-2008, 10:24 AM

الأخ الفاضل خلدون وفقه الله.

أتفق معك بأن الموضوع لا يفيد بل ويحمل الوافدين سوء البنية التحتية في قطر وهذا غير صحيح.

نحن من استمات لكي تكون قطر مزدحمة من خلال فتح باب تدفق مئات الآلاف علينا قبل أن تكون لدينا بنية تحتية جاهزة من ناحية الطرق والخدمات والصحة .. الخ.

نحن من نمنح الفراشين بالوزارات رخص قيادة.

نحن من فتح الحصول على رخصة القيادة للكل مهما كانت وظيفتهم ومهما كانت رواتبهم متدنية.

اسمحلي اسجل اعجابي فيك يا الغالي امام الجميع و اقول الله يكثر من امثالك

و احسد نفسي على شرف التواصل معاك من خلال هذا المنتدى الكريم

ربما لا ارد كثيرا على مواضيعك لانها اغلبها تتعلق بشؤون محليه و متعلقه بشؤون المواطنين فقط و ليس لي مكان فيها

________________________

بخصوص الموضوع ...كنت اقصد به انه الاخ الكريم طرح الموضوع من غير ما يقدم لنا من خلاله اي شيء جديد او معلومه مفقوده او فكره غير ظاهره تعين على حل ازمة الزحام....

فقط استمرار لمواضيع لعن الظلام دون ايقاد شمعه و من ثم تهل الردود كلها صحيح معاك حق ...فعلا هم السبب فعلا ما احد مسوي زحمة غيرهم و فعلا وفعلا... وايش بالاخير قدم افكار غير سب و لعن و تذمر و انتقاد غير مباشر لسياسة المسؤولين و الاختفاء خلف اصابعهم في توجيه اصبع الاتهام للمقيمين.....المقيمين اللي استقدمهم المسؤولين

طيب يا اخي الدوله يوم كان فيها اقل من 500 الف نسمه تبيها مثل يوم فيها مليون-مليون و نص

فارس الكلمة

27-08-2008, 10:31 AM

اي والله ارجعت الزحمه شوي شوي الله يعين

نتمنى أن نجد حلاً لذلك ..

لاحظت ان الزحمة زادت بالفعل .. قهر الشارع جدامهم فاضي والكل يمشي 80 وانا عالق بالنص @___@ ..

اي شوارع بديله الله يسلمك بس .. كلها مغلقه =) .

الصبر زين .. حتى تنحل المشكلة ..

الله المستعـــــــــــــــــــــــان

و نعم بالله ..

زحمه زحمه خلاص لازم كل واحد يصبر ويخلي مشوار واحد في يوم واحد بس والباقي مقسم على الاسبوع بعد ايش تعودنا على الزحمه وكل مكان زحمه حتى في دول الخليج بعد والله واكثر بعد الله يعيييييينا

زحمة يا دنيا زحمة .. الله كريم ..

هذيلا اللي ارجعوا البلد ومسوين زحمة يا ليت يمددون اجازتهم

كنا مرتاحين بالشوارع اللحين طوابير

تخطيط الشوارع عندنا ميح مدينة صغيرة وشوارعها مكسرة ومب قادرين يصلحونة لانة ما عندنا

عقليات فذة ومنفذين محترفين

الله يصلح الشان إن شاء الله .. أنتظروا الفرج ..

متى بيفتحووون الشوارع المسكرة

:(

صايرين كأننا في قوطي سردين

هههه .. قوطي سردين .. ننتظر العوض .. و حل مشكلة الزحمة بأذن الله

الله يعين بس

آمين ..

بوخالد2

27-08-2008, 10:33 AM

مساكين الوافيدن جات عليهم هم كلهم عائلة كامله ماعندهم الا سياره وحده

واحنا هالقطر في البيت 4 ولا 5 و كل واحد عنده سيارة ولا سيارتين غير سيارة السواق

في نظرك من مسبب الزحمة هم ولا احنا

اختى الغزال العارضية

انتي اتعرفين كم عدد القطريين ولا لا !!!

وكم عدد الوافدين ولا لا !!!

فارس الكلمة

27-08-2008, 10:40 AM

اخوي الله يعطيك الف عافيه

ما راح اناقشك بخصوص الوافدين اللي مسويين الزحمة و لو حبيت اقول انهم هم السبب في الزحمة ولا يهمك..هم السبب

بس يا اخوي هذا الموضوع ايش اضفت فيه شيء جديد للمنتدى العام يساعد على رقي مستواه علشان تطرحه و يتم مناقشته بين الاعضاء؟

الله يعافيك يا خلدون ..

أنت لست بحكم في هذا المنتدى .. حتى تصنف الموضوعات و تحكم عليها .. أنت اصبحت مدافعاً و حساساً عن كل شىء يخص الوافدين ..فأترك عنك هذه الحساسية ..

نحن أخي الكريم نناقش ظاهرة .. مثل سكن العزاب .. السلوكيات المرفوضة .. و غيرها أما أن تتكلم عن رقي المنتدى و تصنف الموضوعات التي نكتبها .. فهذا ليس شأنك .. فالمنتدى مفتوح بارك الله فيك ..و ننتظر خطواتك لرقي المنتدى .

almulla

27-08-2008, 10:43 AM

بالعكس اخوي خلدون موضوع حلو ولك حق الرد اذا حاب ترد

بعدين مثل ماقلت احنا ننتقد المسؤولين لسياساتهم الخاطئة اكثر مما ننتقد المقيمين نفسهم

فارس الكلمة

27-08-2008, 10:49 AM

________________________

بخصوص الموضوع ...كنت اقصد به انه الاخ الكريم طرح الموضوع من غير ما يقدم لنا من خلاله اي شيء جديد او معلومه مفقوده او فكره غير ظاهره تعين على حل ازمة الزحام....

فقط استمرار لمواضيع لعن الظلام دون ايقاد شمعه و من ثم تهل الردود كلها صحيح معاك حق ...فعلا هم السبب فعلا ما احد مسوي زحمة غيرهم و فعلا وفعلا... وايش بالاخير قدم افكار غير سب و لعن و تذمر و انتقاد غير مباشر لسياسة المسؤولين و الاختفاء خلف اصابعهم في توجيه اصبع الاتهام للمقيمين.....المقيمين اللي استقدمهم المسؤولين

طيب يا اخي الدوله يوم كان فيها اقل من 500 الف نسمه تبيها مثل يوم فيها مليون-مليون و نص
دع عنك هذه التصنيفات و الكلمات .. هذه بلدنا .. و نولع الشموع لها .. و ليست شمعة واحدة فقط .. الموضوع يتحدث عن ظاهرة الأزدحام المروري بعد هدوء ساكن .. فما هي المشكلة التي لديك .. هل كلمة وافدين أزعجتك ..و سببت كل هذا الضيق ؟
الوافدون المخلصون المحبون لقطر و اهلها و رقيها .. اهلاّ بهم .. فنحن نتعايش معهم بالمحبة و الخير .. لكن هذا لا يمنع من الحديث عن هذه الظواهر ..

فارس الكلمة

27-08-2008, 11:07 AM

ياريال ع الاقل احسن من باقي الدول

تنطر بالساعات

وبعدين مافي تخطيط في الشوارع للاسف :(

الحمد لله رب العالمين .. التخطيط قادم إن شاء الله ..

ابشر بالخير لين شفت ال500000 اسرة دشت قطر اشبتقول وقتها

يسهل الله .. بعدها لكل حادث حديث ..

شكراً أخوي الملا على هذا التواصل ..

الله يعينا على الزحمه ..الحين المشوار البسيط صار ياخذ ساعه بسبب الزحمه

متى يا اشغال بتفتحين الشوارع المسكره ؟؟؟

العلم عند الله .. ثم عند إشغال .. حياك الله ..

الأخ الفاضل خلدون وفقه الله.

أتفق معك بأن الموضوع لا يفيد بل ويحمل الوافدين سوء البنية التحتية في قطر وهذا غير صحيح.

نحن من استمات لكي تكون قطر مزدحمة من خلال فتح باب تدفق مئات الآلاف علينا قبل أن تكون لدينا بنية تحتية جاهزة من ناحية الطرق والخدمات والصحة .. الخ.

نحن من نمنح الفراشين بالوزارات رخص قيادة.

نحن من فتح الحصول على رخصة القيادة للكل مهما كانت وظيفتهم ومهما كانت رواتبهم متدنية.
أخي عبدالله .. وفقه الله ..

الموضوع ينبه لظاهرة الازدحام المروري .. كما أننا لا نحمل الوافدين سوء البنية التحتية .. بل هم سبب في بروز هذه الظاهرة - ظاهرة الازدحام - .. و لا يستطيع أحد نكرانها .. و موضوعات المنتدى مزدحمة بشأن هذه الظواهر ..

khaldoon

27-08-2008, 11:42 AM

الله يعافيك يا خلدون ..

أنت لست بحكم في هذا المنتدى .. حتى تصنف الموضوعات و تحكم عليها .. أنت اصبحت مدافعاً و حساساً عن كل شىء يخص الوافدين ..فأترك عنك هذه الحساسية ..

نحن أخي الكريم نناقش ظاهرة .. مثل سكن العزاب .. السلوكيات المرفوضة .. و غيرها أما أن تتكلم عن رقي المنتدى و تصنف الموضوعات التي نكتبها .. فهذا ليس شأنك .. فالمنتدى مفتوح بارك الله فيك ..و ننتظر خطواتك لرقي المنتدى .

اخوي انا و انت و كل من يتصفح المنتدى يعتبر حكم على المواضيع و المنتدى فلو اعجبه فسيستمر فيه ولو لم يعجبه فللاسف سيهرجه و الا ما تفسيرك لهجر بعض الاعضاء سواء قدامى او جدد (اليس هذا احد الاسباب)

بخصوص الوافدين انا لست مدافعا لانني ببساطه ليس لي بوجودهم علاقه الا الاسم ولا ارضى على كل سلوكياتهم (منهم من افضل مني طبعا) ولا امثل الا نفسي فقط ...انا ايدتك منذ الرد الاول ان سبب الزحام هم الوافدين لانهم الاكثريه وهذا كلام معروف و مسلم به ...سؤالي هو ما الجديد الذي اضافه الموضوع

اما انتظارك لخطواتي في رقي المنتدى...الحمد لله غيرك قيمني من سنوات وانت مازالت تنتظر....لمتى راح تنتظر الشيخ ....الله يوفقني و يوفق الجميع و لو اقدر على شي ما راح ابخل فيه ان شاء الله ....

بالعكس اخوي خلدون موضوع حلو ولك حق الرد اذا حاب ترد

بعدين مثل ماقلت احنا ننتقد المسؤولين لسياساتهم الخاطئة اكثر مما ننتقد المقيمين نفسهم

حياك الله اخوي العزيز almulla....سعيد جدا بالتواصل معاك ....

خلال الشهرين الماضيين .. كان الأزدحام المروري بسيط ..

و الحركة هادئة .. و الدوارات و التقاطعات لا يوجد عليها ذلك الأزدحام ..:)

خلال هذا الأسبوع عاد الوافدون من إجازاتهم ..

فعادت زحمة المرور و الطوابير الطويلة من السيارات .. و الله يعينا عليها ..

اعذرني ما شفت كلمة مسؤولين في طرح اخونا العزيز فارس الكلمه...والا لرفعت له قبعتي

[QUOTE=فارس الكلمة;3028604][SIZE="5"]دع عنك هذه التصنيفات و الكلمات .. هذه بلدنا .. و نولع الشموع لها .. و ليست شمعة واحدة فقط .. الموضوع يتحدث عن ظاهرة الأزدحام المروري بعد هدوء ساكن .. فما هي المشكلة التي لديك .. هل كلمة وافدين أزعجتك ..و سببت كل هذا الضيق ؟
الوافدون المخلصون المحبون لقطر و اهلها و رقيها .. اهلاّ بهم .. فنحن نتعايش معهم بالمحبة و الخير .. لكن هذا لا يمنع من الحديث عن هذه الظواهر ..

ردي بالاعلى:nice:

فارس الكلمة

27-08-2008, 11:58 AM

اخوي انا و انت و كل من يتصفح المنتدى يعتبر حكم على المواضيع و المنتدى فلو اعجبه فسيستمر فيه ولو لم يعجبه فللاسف سيهرجه و الا ما تفسيرك لهجر بعض الاعضاء سواء قدامى او جدد (اليس هذا احد الاسباب)

بخصوص الوافدين انا لست مدافعا لانني ببساطه ليس لي بوجودهم علاقه الا الاسم ولا ارضى على كل سلوكياتهم (منهم من افضل مني طبعا) ولا امثل الا نفسي فقط ...انا ايدتك منذ الرد الاول ان سبب الزحام هم الوافدين لانهم الاكثريه وهذا كلام معروف و مسلم به ...سؤالي هو ما الجديد الذي اضافه الموضوع

اما انتظارك لخطواتي في رقي المنتدى...الحمد لله غيرك قيمني من سنوات وانت مازالت تنتظر....لمتى راح تنتظر الشيخ ....الله يوفقني و يوفق الجميع و لو اقدر على شي ما راح ابخل فيه ان شاء الله ....

حياك الله اخوي العزيز almulla....سعيد جدا بالتواصل معاك ....

اعذرني ما شفت كلمة مسؤولين في طرح اخونا العزيز فارس الكلمه...والا لرفعت له قبعتي

[QUOTE=فارس الكلمة;3028604][SIZE="5"]دع عنك هذه التصنيفات و الكلمات .. هذه بلدنا .. و نولع الشموع لها .. و ليست شمعة واحدة فقط .. الموضوع يتحدث عن ظاهرة الأزدحام المروري بعد هدوء ساكن .. فما هي المشكلة التي لديك .. هل كلمة وافدين أزعجتك ..و سببت كل هذا الضيق ؟
الوافدون المخلصون المحبون لقطر و اهلها و رقيها .. اهلاّ بهم .. فنحن نتعايش معهم بالمحبة و الخير .. لكن هذا لا يمنع من الحديث عن هذه الظواهر ..

ردي بالاعلى:nice:
أخي أنا لا أنتظر .. ترقيتك للمنتدى .. لأنه لا يقوم على شخص واحد .. و تقييم الآخرين لك .. يخصهم وحدهم ..ثم دع قبعتك على رأسك .. و ليس هناك داع لرفعها لأنك لم ترى كلمة المسؤولين حتى تشفي غليلك ..
ثم هجر الاعضاء .. كما تقول .. للمنتدى بسبب الموضوعات الموجودة فيه .. يخصهم وحدهم .. الموجودين فيهم البركة .. و الغائبين . نسأل الله أن يردهم إلينا رداً جميلا..

khaldoon

27-08-2008, 12:32 PM

اما انتظارك لخطواتي في رقي المنتدى...الحمد لله غيرك قيمني من سنوات وانت مازالت تنتظر....لمتى راح تنتظر الشيخ ....الله يوفقني و يوفق الجميع و لو اقدر على شي ما راح ابخل فيه ان شاء الله ....

حياك الله اخوي العزيز almulla....سعيد جدا بالتواصل معاك ....

اعذرني ما شفت كلمة مسؤولين في طرح اخونا العزيز فارس الكلمه...والا لرفعت له قبعتي

أخي أنا لا أنتظر .. ترقيتك للمنتدى .. لأنه لا يقوم على شخص واحد .. و تقييم الآخرين لك .. يخصهم وحدهم ..ثم دع قبعتك على رأسك .. و ليس هناك داع لرفعها لأنك لم ترى كلمة المسؤولين حتى تشفي غليلك ..
ثم هجر الاعضاء .. كما تقول .. للمنتدى بسبب الموضوعات الموجودة فيه .. يخصهم وحدهم .. الموجودين فيهم البركة .. و الغائبين . نسأل الله أن يردهم إلينا رداً جميلا..[/QUOTE]

للتوضيح فقط...انا و لله الحمد لست مغلولا على احد لانه و لله الحمد مب ناقص علي شي الا الحفاظ على رضى الله و الوالدين....كل ما في الموضوع اني طرحت وجهة نظري فقط

سعيد جدا بالتواصل معاك اخوي فارس الكلمه و يعطيك الف عافيه :nice::nice::nice:

فارس الكلمة

27-08-2008, 12:40 PM

الله يعافيك أخوي .. خلدون ..

!قطريـة بنت القمـر!

27-08-2008, 02:07 PM

لا تعليق مشكله تغص بالبلعوم ولا حل لدى المسؤولين الا المماطله فأين نذهب اذن ؟؟

almaf1a

27-08-2008, 02:25 PM

اظف على زحمة الوافدين سوء قيادتهم
تلقى نفسك على شارع وماسك الخط السريع والوافد يمشي 60
طبعا بعد الديم فول ديم فول راح تضرب هرانه وعمك اصمخ
طبعا راح تبحث عن حل ثاني وهو التجاوز من اليمين وهي مخالفه لكن للهروب من المصيبه الي انت فيها وللحاق على العمل مظطر تسويها
تنظر للمرايه الي جهة اليمين تلقى وافد مسكر عليك اليمين وماتقدر تلف يمين
تظطر تخفف السرعه عشان تجي من ورى الي على يمينك
تنصدم بوافد ثالث وراك لازق فيك
تخفف السرعة تدريجيا حتى ال 40 يصير عندك مجال تاخذ الخط الي في اقصى اليمين
وانت على الخط اليمين تنصدم بوجود وافد رابع على الخط موازي للي في النص
بقى الحل الاخير
تصفط على جنب وتعوذ من ابليس وتستغفر
الين مايبعدون عنك بثلاث كيلومترات تطلع على الخط وتكمل طريقك وحاسب وانت طالع على الخط
لان ممكن يصافدك الوافد رقم 5 و6و7و8و9 ......الخ ماسكين اليمين وورى بعض يمشون
الله المستعان
الحل هو الهليكوبتر

ام علي1981

27-08-2008, 04:47 PM

بوعلي-Qtr

27-08-2008, 05:25 PM

الله يعينا على الزحمه

وخصوصا وقت الدوام

وللاسف اشغال اهي السبب

الحين مسكرين الشوارع

ليش ماصكروا في بداية الاجازه

الله يعينا بس

المخفي

27-08-2008, 08:01 PM

سبب ابتعاد كبار الكتاب من المنتدى و امتناع الآخرين عن الكتابة سياسة الباند:weeping:
الله يستر

BURBERRY

27-08-2008, 08:49 PM

الساعه كم دوام الطلاب المدارس حسب توقيت رمضان ؟؟

>>> غــمـــوض <<<

27-08-2008, 09:32 PM

......ــــــــــــ:)ـــــــ من حسن حظي ان الجامعه قريب البيت ،،، يعني مسافة الطريج 5 دقايق ـــــــــــــ:)ـــــــــ....
بس لو بغي اروح مكان ثاني الزحمــهــ :weeping: مالها حد

!الشايمه!

28-08-2008, 12:35 AM

[COLOR="Navy"]
الأخ الفاضل خلدون وفقه الله.

أتفق معك بأن الموضوع لا يفيد بل ويحمل الوافدين سوء البنية التحتية في قطر وهذا غير صحيح.

نحن من استمات لكي تكون قطر مزدحمة من خلال فتح باب تدفق مئات الآلاف علينا قبل أن تكون لدينا بنية تحتية جاهزة من ناحية الطرق والخدمات والصحة .. الخ.
COLOR]

:nice::nice:
سؤ تخطيط.....واموال تنهب بلا حسيب ولا رقيب...والكل يقول لا حل في البلد
لمشكلة البنية التحتية....سبحان الله...مدن تبنى في ظرف سنوات قليله...وتبني
مشاريع ضخمة وابراج تزدحم...وتطلعات لمشاريع اعلى من قاماتنا!!
ونقف عاجزين........امام وضع اساسيات لهذه البلد...كلها شارعين ونص
لو كبيره....مادري شنو صار فينا.

والحل.....نلقي اللوم على الوافدين....ونكيل لهم الشتائم.
....

خلدون......لك كل الاحترام والتقدير... :)

تحية

أمة الله

28-08-2008, 01:03 AM

كثرة الوافدين أمر مسلّم فيه فليش الزعل لو انقال انهم سبب في الزحمه!!!

- على لسان إحدى الجاليات تقولي.....صرنا نشوف القطريين بشكل نادر فالبلاد....أكثر شي نشوف الجاليات الأخرى! ( بعد بتقولون عنصريه! مب قطريه اللي قالت هالكلام...وحده منهم وفيهم )

almulla

28-08-2008, 02:20 AM