المساعد الشخصي الرقمي

مشاهدة النسخة كاملة : مشكلة في مكيف الكروزر الجديد


mubarak2006
26-08-2008, 10:11 PM
السلام عليكم:
شباب اخوي عندة 2008 gxr ..ستة سلندر...اول مايشغل السيارة بعد وقوفها تقريبا ربع ساعة او اكثر ليت الاوتو مال المكيف يولع ليتة..والشاشة مالت المكيف ماتطلع فيها اي كتابة لتقريبا 15 ثانية بعدين يشتغل المكيف على اقصى درجة...حاولنا اكثر من مرة ولكن النتيجة نفسها ..مع ان قبل كان المكيف يشتغل عادي بس المشكلة صار لها يومين وماقدرنا نسوي شي..احد منكم صادته هذي المشكلة وهل لها حل ولا اخلية يودي السيارة الوكالة....للعلم اذا بند السيارة وشغلها على طول المكيف يشتغل عادي..المشكلة تصير اذا خلا السيارة واقفة لمدة ربع ساعة او اكثر ..اللي عندة حل يفيدنا..والله مسكين متوهق

شكرا
الــــروح
26-08-2008, 10:14 PM
عندي في اكس ار 2008 من احسن مايمكن اعتقد يحتاج توديه الوكاله

ودمت بود
حمد الكعبي
26-08-2008, 10:31 PM
والوكـــالــــــة

عندك مشكله بالشاشه الاكترونيه
mubarak2006
26-08-2008, 10:33 PM
مشكورين ياشباب ...باخلية يودية الوكالة ..الله يعينة عليهم مادري كم يوم بيخلونة عندهم..

شكرا
السني 73
26-08-2008, 10:35 PM
شوف الشيخ سكر الثلاجة ... ممكن يكون السبب منها
mubarak2006
26-08-2008, 10:38 PM
شوف الشيخ سكر الثلاجة ... ممكن يكون السبب منها

لا اخوي مش من الثلاجة...الشاشة الالكترونية مافيها قراءات كلش ماتطلع اي كتابة
راعي ال2008 الاسود
26-08-2008, 10:39 PM
اخووي وده الشركة وبيضبطونة لك ان شاء الله
السني 73
26-08-2008, 10:46 PM
لا اخوي مش من الثلاجة...الشاشة الالكترونية مافيها قراءات كلش ماتطلع اي كتابة

اعطيك راي جرب افصل اصابع البطاريه ورجعها يمكن تظبط وياك .... لان شغل كمبيوتر
mubarak2006
26-08-2008, 10:59 PM
اعطيك راي جرب افصل اصابع البطاريه ورجعها يمكن تظبط وياك .... لان شغل كمبيوتر

بنجرب اخوي السني ...يمكن يوفر علينا روحت الوكالة...باعطيكم الاخبار بكرة انشاء الله
على نياته
26-08-2008, 11:05 PM
الله يعين ملاك اللاند كروزر الجديد ما اكثر مشاكلة يبغي له كم سنة ويعدلونه ولكن لا زال التويوتا هو الأفضل .
المغترب 123
27-08-2008, 01:29 AM
مشكورين ياشباب ...باخلية يودية الوكالة ..الله يعينة عليهم مادري كم يوم بيخلونة عندهم..

شكرا





فعلا اخي الكريم تغير سفايف وزيت طلبوا مني اترك السيارة عندهم اسبوعين ذهبت للتيسير وفي ساعة او اقل كل شي تمام اعتقد بانك تحاول معه قبل ان تذهب به للوكالة افضل من انتظارهم والله يوفقك ان شاءالله ويوفق الجميـــــــــــــــــــــــــــــع
الهاتف
27-08-2008, 11:22 AM
انا عندي نفس المشكله بس سيارتي جيكس ار 2008 ثمانيه سلندر
عندي مشكله في دفع المكيف
من ثاني اسبوع استخدام دفع المكيف قل
مادري اشفيه وديته الوكاله وعدلوه بس مادري شنو كانت المشكله
أحساس
27-08-2008, 01:07 PM
والله ضحكه سياره تشتريها ب250 ألف .
ومن ثاني يوم تروح الصيانه يا بريك أو مكيف وغيرها ...................
يا ليت كل واحد يقدر يراسل الشركه الام باليابان يكتب عن المعاناه
لانها قد صارت مع واحد من الربع سنه 1998 مشكلة البريك وراسلهم
وبعدها الشركه غيرت له السياره
qatar.com
27-08-2008, 02:32 PM
اول شي اخوي الهاتف بنسبة لموضوع المكيف عندك ليش يقل يبيلك تنضف فلتر المكيف من داخل الطبلون عندك كل مدة مايحتاج تودية الوكالة

بنسبة لراعي الموضوع المكيف عندك الكتروني يعني انشاء الله مافية مشكلة لأنة كل مايشوف درجة حرارة السيارة ترتفع يزيد المكيف موب نفس القديم انا عندي لكزس نفس الشي لأنة اوتو
mubarak2006
27-08-2008, 10:31 PM
شباب تحديث للموضوع.....المشكلة طلعت بسيطة جدا ..الفلتر مال المكيف اللي في الدرج يوم نظفة اخوي اخر مرة ..ماركبة عدل ..بطلنا الفلتر وكبسنا عليه للداخل وكل شي رجع تمام التمام...والمشكلة راحت ...تحياتي لكل من شارك

شكرا
اللهب
27-08-2008, 10:45 PM
شباب تحديث للموضوع.....المشكلة طلعت بسيطة جدا ..الفلتر مال المكيف اللي في الدرج يوم نظفة اخوي اخر مرة ..ماركبة عدل ..بطلنا الفلتر وكبسنا عليه للداخل وكل شي رجع تمام التمام...والمشكلة راحت ...تحياتي لكل من شارك

شكرا
كلامك صحيح اخوي

بسيطة جدا ..الفلتر مال المكيف اللي في الدرج نظفة او بدلة ومشكلة تنحل كل شباب صارت لهم مشكلة ونحلت من الفلتر
لاداعي
27-08-2008, 10:59 PM
الله يكون في عونك أن شاء الله المشكله اتكون بسيطه
قطر95
27-08-2008, 11:02 PM
مافيه مشكلة ولاشي اضغط على زر الاوتو ولاتشغل الاوتو كلش لأنه يشغل المكيف ويطفيه ويقصر ويطول عليه