كلشات القير

[الاستاندر]

شباب تكفوون اليوم رحت افحص سيارتي لانه فيها مشكله تكتم واجد ومافي شي ماغيرته
فحصت كهربه السياره وطلع مافيها شي
يوم الرجال ركب السياره وساقها قالي كلشات القير
هل اذا غيرت الكلشات ممكن تخترب مره ثانيه
ولا اخذ لي قير من التشليح
وكم يوصل سعر تصليحهم وكم يوصل سعره في التشليح مع التركيب تفكووون
انا من قطر اذا حد عنده خبره من اهل قطر ينقذني
تفكوووووووووون يشباب

[QatarProv]

الشيخ الموتر شنو ؟

[_QTR_]

اذا تماتيك روح ركب لك كلشات جديدة احسن لك

[بوحارب]

ود الموتر عند واحد خبرة

انتبه تلعب في القير تراه شي مب هين

والكلشات غاااااالية @@


بس تعال وشو موترك ؟

[مستثمر 999]

اخوي عندك كراج ترايستار احسن كراج شارع 23 عند الفحص الفني من الدوار

صج غالي بس مضمون

انا صلحت عنده اودي وبي ام وجمس وبعد كم سياره

هوفيك او ماجد

[الاستاندر]

السموحه نسيت اكتب نوع سيارتي
سيارتي جي اكس ار موديل 2001
قير توماتيك

[H A S S A N]

شوفلك قير مستعمل ارخص من انك تصلح الكلتشات او يقولولن في الامارات ب 8000 ريال قير كامل في كرتونه القير مستعمل هني ب 5000 ويعطونك عليه ضمان شهر تقريبا على حسب الكراجشوف محلات السكراب مثل النجوم عند عبوج السوداني وشوف كراج اجيال شارع اربع تعش يجوب اغراض من الامارات

[وحيد-الشوق]

الله يكون في عونك وييسر امورك

ان شاء الله يفيدونك الشباب

[طاش]

هلا اخوي انا عندي لك واحد مضمون يفحص لك السيارة واذا كان المشكلة في القير راح يقولك لاني سياراتي وسيارات اخواني والشباب كلها صلحناها عنه والرجال ثقة اسم المحل المركزالايطالي قبل دوار محطة بترول الجزيرة وانت جاي من الصناعية يعني مقابل المصرف الاسلامي وقبل محل الوسام للتلميع السيارات

[الاستاندر]

يسلمووو شباب على ردودكم
والله انكم نفعتوني
وشباب انا سمعت انه القير في الامارات ارخص من قطر بكثير
بخصوص الفحص انا فحصته اليوم
ووبشوف بفحصه مكان ثاني عشان اتاكد
يسلمووو الكل على ردودكم
والله يجزيكم خير

[H A S S A N]

حبيبي رووووح دكا شارع عشره يقولك وش فيه الموتر وادا الكلتشات تعبانه يقولك كم يمشيك الموتر قبل لاتصلحه ويقدر يدبرلك قير بعد اسأل عن المطوع معرف هناك نسيت اسألك الموتر يركب الريوس بسرعه لانه اول ماتخرب الكلتشات يسحب الريوس اول شي وجرب غير الفلتر وايل القير

[الاستاندر]

الله لايهنكم عز الله ماقصرتوا

[راعي ال2008 الاسود]

اخووي روح اشتر كلشات من الامارات من المصفح وتعال ودها الشركة بيبدلونها لك انا عمي نفس الحالة
مايبدل بسرعة وموترة تماتيك بدل الكلشات في الشركة والله احسن مايمكن وبعدين شيك على الدبة يمكن
متسددة من الكربون شيك على الدبة وعقب ركب الكلشات ول اشتر لك دبة كاملة من الامارات ول الشركة
وركبها يمكن الكلشات والدبة معاها وبالتوفيق لك ان شاء الله واذا عشان السمان اخذه من الامارات المصفح
ارخص لك بواجد من هنية والتركيب حسب الشغل في الشركة

[الاستاندر]

من ناحيه الدبه هو قالي ترى يبيلك تنظيف دبه
انا هذا اللي مخوفني اخاف اغير الكلشات ومافيها شي

[eXpert*]

قيمة الكلشات قريب الـ 10 ألاف ريال وتركيبها خارج الشركة حول الـ 2000 ريال

[بوسعود180]

شوف اخوي في اشياء كثيره تخلي الموتر يكتم وبعض الورش يتفلسفون عليه تفلسف مب صاحي

انا قبل ايبوع تقريبا مودي موتر الوالد جي اكس ار 2001 قير تماتك الصناعيه بشيكه لانه يكتم فالقومه واذا رد نمره

قالوا لي يبيله توظيب مكينه ويوصل السعر 6000 او اكثر وتوظيب جير ويوصل السعر 4000

تركته ورحت ورشة واحد من الربع وبعد يومين استلمت منه الموتر وقالي رح جرب السياره وجربتها وطلعت فيها خط ووصلت ال180 والموتر ماشاء الله صار مافيه الا العافيه

رجعت قلت لخويي شسويت قالي كان عندك بيب فلتر الهوا مكسور وهو اللي كان يسبب الكتمه وغير بواجي واسلاك ونظف الكويلات وغير زيت القير مع فلتر مع اشياء خفيفه والموتر ماكلف 1600 ريال

انت اترك فالبدايه الورش والكراجات الكبيره والمعروفه لانهم بيطلعون لك بلاوي فالسياره لاكن الصحيح ان اكثر هالخرابات اللي بيعطونكياها عدله وماتشتكي من شي لاكنهم يبون ينهبون منك الفلوس

رح لورشه محترمه على قد حالها ويكون اللي فيها واحد فاهم وشوف ايش المشكله

[رآعي موآجيب]

أهم شي لا تشتري جير من السكراااااااب

اما خذلك جير من الشركه بصندوقه

أو وضب الجير الي عندك عند واحد معروف ومضمون

[بوحميد]

السلام عليكم
الغالي بخصوص سيارتك طبعا اول شي شيك على اويل الجير طبعا اذا يحتاج تبتديل
وبقولك طريقه تشيك على كلشات موترك وانت قاعد فيها بدون ما تودي السياره لكراج او غيره
ترفع الهند بريك وادوس بريك وتحط السياره في ال d طبعا هل الطريقه للجير الاتوماتيك
وادوس حد الريس وطبعا اتلاحظ على الاربي ام تشوف اذا وصل على ال 2 او ال 20
طبعا في هل الحاله الكلشات عندك اوكي ما فيها شي واذا اقل مثلا على ال 1.5 طبعا الكلشات بتكون تعبانه
طبعا في حاله الاربي ام على ال 2 بيكون عندك اوكي بيكون الخلل من شي ثاني
واتمنى لك التوفيق ان شاء الله
وهل الطريقه يجربونها في الوكاله

واتمنى اني افدتك وافدت اعضاء المنتدى

والسموحه منك
وتقبل مروري
اخوك بوحميد

[البيت بيتك]

الله يوفقك وتختار المحل المناسب

[_QTR_]

اخووووووووووي روح شيل دبة التلوث وشووووف ايش يصير معاك

وما بتكلفك 30 او 40 ريال عشان تشيلها