هذا ماحصل معاي مع اداره الاسكان الظاااالمه,,,

[بوحمد2]

سلام عليكم ,رحت يوم الثلاثاء اداره الاسكان اراجعهم بعد مامليت من الخط الساخن الي كل مره يقولون لي نفس الجواب انت في بحث الحاله ,المهم اني رحت وجات الصاعقه الكبرى كلمت الموظف قلتله شسالفه ياخي طفشنا منكم ومن طابوركم الي ماينتهي متى بتتصلون فيني,قالي انت مقدم من متى وقلت له من سنتين تقريبا وجبت جميع الاوراق المطلوبه ,قالي سلامتك اشيخ؟فيه طلب لازم تعبيه وتجيب تحديد راتب جديد وبهل طريقه تكون جبت كل شي,المهم قلت له ياخي جبت من قبل وقالي لا مايصير لازم جديد تثبت انك على راس عملك قلت له عيل لازم اجيب لك يوميا تحديد راتب على شان تتاكدون اني على قدره في السداد الخ...وخذت الورقه ومشيت ونا على اعصابي لاني حصلت كلام في الخط الساخن غير عن الي في الواقع,ونا رايح لقيت مكتب على الباب رقم هاتف للشكاوي اتصلت عليه وقلت السالفه بالكامل للشخص الي رد علي وقالي اوعدك بخبر خلال الاسبوع الجاي والله اعلم ,وانا شخصيا انصح الجميع الي مثلي بمراجعه الاسكان بدون الا عتماد على الخط الساخن لانه فقط للتصريف وعلى شان محد يقعد يملغ عليه في الاداره فحطوا بنات على شان يلهونهم للاسف ,والي يبي الرقم يراسلني على الخاص ويبشر,,,تحياتي لكم واسموحه على الاطاله

[الزعفراني82]

ياخوي ادارات قطر كلها تعبانه بشكل عام

كل اداره في كل وزاره عندهم قانونهم الخاص

دويلات في دوله واحده

الله يعين المسكين و المراجعين بس لو عندك واسطه او انت فلان ولد فلان كان من زمان مشو معاملتك

[سهم مديون]

مأجور في ما اصابك الصبر جميل

[almulla]

ادارة الاسكان في اي وزارة ؟

[bo_hamad]

ليش شهادة الراتب تتطلبه إدارة الاسكان قبل ما تتطلع لك الأرض ؟

[واحد ثقة]

الله يعينك ،،،
شوف لك واسطة واخلص ،،

[darkuae]

بالنسبة لي تسننننننننندرت من كثر ما يقولي الخط الساخن تحت الدراسة

ذاك اليوم رحت لهم ودخلت على واحد من اللي فوق (مب الكونتر) ومن غير واسطة، قلتله إيش سالفة موضوعي، قاللي عطني يومين، والله مامر كم يوم إلا الموضوع خالص ولله الحمد والمنه، وذيلا منقعيننا سواء على الخط الساخن أو على الكونتر كل واحد أخس من الثاني وماعندهم أي معلومات، ما صارت دويلات داخل دولة، هاي ولايات داخل برج واحد إللي تحت ما يعرف إيش اللي يصير فوق

ما قول إلا حسبي الله ونعم الوكيل على كل واحد يأخر مصالح الناس بإهماله وعدم تحمله لمسؤولية عمله

[arcon]

الله المستعان على ما تصفون

[بو نايف]

الله يعينك ياخوي


هذي حركات الاسكان خدمت العملاء (الجمهور ) مش فاهمين الشغل واجراءات الادارة

هم انا حصلي موقف معهم

اخذت ارض من التخطيط من سنة ونص
وقدمت على الاسكان خدمة الجمهور مب عارفين شسالفه

وحذفوني على القانون الجديد

وكل ما راجعت يقولون انتظر بحث الحالة >>>>>مب حافظين غير هالكلمة

وكل مرة ما سك الوصل واراجع

وبعد سبع شهور من المراجعة اكتشفت صدفة من موظف عندهم اني ما ينطبق علي هالقانون
ولازم اراجع قسم كبار الموظفين على طول

7 شهور وخدمة العملاء يحذفون فيني ...


الله كريم

[PoBox]

*

المفروض الواحد يتصل يوميا
باوقات مختلفة لضمان ان اللي بيرد موظف ثاني
غير اللي كلمناه امس

وبهالحركة تاخذ المطلوب من 4 - 5 اشخاص
وتحاول توفق بينهم :rolleyes2:

وتطبق كل المطلوب من ال5 موظفين وتوفق بينهم
ويابخت من وفق راسين بالحلال :rolleyes2::rolleyes2:

[سوق واقف]

ياخوي ادارات قطر كلها تعبانه بشكل عام

كل اداره في كل وزاره عندهم قانونهم الخاص

دويلات في دوله واحده

الله يعين المسكين و المراجعين بس لو عندك واسطه او انت فلان ولد فلان كان من زمان مشو معاملتك

أخي العزيز أنا ضد الكلام الي تقوله أن أدارات قطر كلها تعبانه بالعكس
أخي العزيز روح إدارة التخطيط العمراني وشوف المعاملة ناس طيبة وتخلص شغلك وانت قاعد
شوف يالغالي هذي الأخطاء السبب فيها بعض الموظفين الي مش فاهمين الشغل أو تحصله قاعد على الاب توب والبروباند ولا مهتم فيك وأنت حارق أعصابك
...
شوف الموقف ..
رحت الإسكان ومعاملتي خالصة وموقعة من الوزير والكل عارف عندهم
المهم عقبها بأسبوع رحت أشوف الموضوع الا ملفي ضايع دور دور يا فلان قالي موظف يا خوك أشرب شاي دقيقة بدول على ملفك المهم قالي ما لقيت الملف وجدد الأوراق ..
قلت له والله ما أجدد والملف طلعه أحسن لك تفهم قالي ايش بتسوي قلت بروح حق الوزير الحين ..قالي أصبر دقيقة ... المهم والله العظيم طلع الملف من تحت الكرسي عنده أقولك قاط الملفات تحت كرسيه ولا مهتم .. والله العظيم كان يشوف مباراة على الاب توب أسمع الصوت ..شوف هذي مواقف تصيدك بس لازم تكون حريص ... فليست الإدارات تعبانه قول الموظفين تعبانين .. والله العظيم مديرهم محمد سعيد النعيمي السابق وسكرتيره جبر وعبد الله عجاج والله العظيم بدون مدح نعم بالرجال والرجال قليل هؤلاء هم الرجال والله ناس صج حطوهم في المكان الصحيح .. الله يوفقهم ... شوف لاتراجع موظف عادي دايمن شيل نفسك وعلى المدير دايركت يكون احسن ... وربي يوفقك يالغالي

[بلاهويـــــة]

الله يكون في عون المراجعين

[الريان]

والله تعبت من الاسكان

انا معاملتي عندهم من سنوات ومن قبل القانون الجديد

وعند مراجعتي لهم يقولون مالك بيانات في الكمبيوتر لانك ما راجعتنا عقب القانون الجديد

بمعنى ان المعاملات القديمه لا يتم تحديث بياناتها ويتم اهمالها

وسنوات الانتظار وحرقة الاعصاب كلها تروح بلاش

وبعد ما عطيتهم الاوراق المحدثه والجديده قالوا انتظر على التلفون بتتصل لك لجنه بحث الحاله

وبعد فتره كلمت خدمة الجمهور والا يقولون لي معاملتك ناقصه

فيه ورقه لازم تعبيها ولازم حضورك الشخصي

يعني صارت دوامه

الله يعين الي للحين ما قدم على الاسكان

[_QTR_]

والله العظيم ان شر البلية ما يضحك

اعرف واحد من الربع مقدم على الارض من سنة 98 من اول ما داوم

والحين الرجال صار مدير ما شاء الله ولين الحين ما طلع له شيء

ويقولي يا فلان انت طلعت لك ارض قلت له لا وووووووووووووين انا توني مقدم صار لي سنتين

بس الغريب ان في ناس تقدم وخلال اقل من شهر يستلم سند ملكية الارض (والله وفي منهم اعرفهم وشفت سند الملكية) والسبب انه يعرف كم شخص وما قصروا معاه

والحين القانون الجديد مب عارفين كوعنا من بوعنا
يوم يقول لك انه لكل قطري ارض
وبعدين يقولون للبعض انتوا غير مطابقين
وبعدين يقولون انتوا اللي قبل 1930 ما لكم الا قرض

يعني يا ناس اذا انا وانت وفلان وعلان مب قبل 1930 ما لنا حق نستلم ارض
بس لنا قرض .. انزين اذا عطونا قرض ايش بسوي وانا ما عندي ارض

والله شيء غريب وكل يوم يقولون لك طلبك ناقص ليش ما جبت الورقة الفلانية

[رنج سبورت]

شالسالفه وايش الموضوع:)

المطلوب قرض والا ارض والا مسكن من الاسكان ؟؟ :)

اذا كان المطلوب قرض ليش يتم مراجعة الاسكان ؟؟
ليش مايخلون المراجعه على طول عند البنك ؟؟ :)

[مرحوم قطر]

كل ادارات قطر تعبانه و ميته و انتهت صلاحيتها من زمان

[ANONYMOUS]

*

المفروض الواحد يتصل يوميا
باوقات مختلفة لضمان ان اللي بيرد موظف ثاني
غير اللي كلمناه امس

وبهالحركة تاخذ المطلوب من 4 - 5 اشخاص
وتحاول توفق بينهم :rolleyes2:

وتطبق كل المطلوب من ال5 موظفين وتوفق بينهم
ويابخت من وفق راسين بالحلال :rolleyes2::rolleyes2:



يعني من رايك ناخذ الخبر من 5 اشخاص..

وندمج الاخبار الخمسه

ونقسمهم على 5

عشان نطلع لنا اجابه متوسطه

:rolleyes2:

[PoBox]

يعني من رايك ناخذ الخبر من 5 اشخاص..

وندمج الاخبار الخمسه

ونقسمهم على 5

عشان نطلع لنا اجابه متوسطه

:rolleyes2:


لا ادمجهم بس لاتقسمهم:secret:
مثلا

واحد يقول مطلوب فقط شهادة الميلاد
و3 قالوا شهادة راتب
و1 قال يمكن تحتاج ملكية سيارتك
و4 قالوا ماتحتاج صورة
و1 قالك جيب صورتين

فتقوم تودي
شهادة الميلاد + ملكية السيارة + صورتين +شهادة الراتب
ويفضل لو عقب كل مكالمة تقول للشخص اللي كلمته
اسمك بالخيرمن باب شكرا على الخدمة يا بو .....
وان سالو شحقه جايب ملكية السيارة يوم تروح

قول فلان الفلاني قالي :eek5: خله يتسنع ويعطي معلومات عدلة عقب

[الخيميائي]

*

المفروض الواحد يتصل يوميا
باوقات مختلفة لضمان ان اللي بيرد موظف ثاني
غير اللي كلمناه امس

وبهالحركة تاخذ المطلوب من 4 - 5 اشخاص
وتحاول توفق بينهم :rolleyes2:

وتطبق كل المطلوب من ال5 موظفين وتوفق بينهم
ويابخت من وفق راسين بالحلال :rolleyes2::rolleyes2:


هههههههههههههههههه

افرض يوم وفق بين كلام الاربع اشخاص طلع له برج في الكورنيش :rolleyes2:

[سوق واقف]

كل ادارات قطر تعبانه و ميته و انتهت صلاحيتها من زمان

أخي العزيز والله العظيم الإدارات ناجحه ولكن الموظفين ليسوا أكفاء هذا كل الموضوع

[قطري عصامي]

بكل بساطه الشرهه على وزيرهم ، المفروض انه من هالمجتمع ويطلع ويحتك بالناس ويسمع المشاكل فالمفروض انه يلزم موظفينه التعاون التام مع الناس ، لأن الواحد ما يعرف اش ظروف هالمراجع اللي كل يوم وهو مراجعهم ولا يلقى اي رد، وصراحه فعلا شي مزعج لما تلقى لك اشخاص في مواجهة الجمهور بدون مؤهلات ولا شهادات ولا حتى حسن استقبال ، ويقعد لك يتفلسف لك اتقول دكتور ، واللي يقهر لما يرد عليك من طرف خشمه من غير ما يلتفت عليك وهو قاعد يدقدق على الكمبيوتر ، اتقول قاعد يحلل الذره ، والله هزلت ، وصدقوني ولا بعد 500 سنة بنتقدم واحنا لا زال بينا هالاشكال اللي تتحكم في مصائر البشر.

[المخفي]

لا ادمجهم بس لاتقسمهم:secret:
مثلا

واحد يقول مطلوب فقط شهادة الميلاد
و3 قالوا شهادة راتب
و1 قال يمكن تحتاج ملكية سيارتك
و4 قالوا ماتحتاج صورة
و1 قالك جيب صورتين

فتقوم تودي
شهادة الميلاد + ملكية السيارة + صورتين +شهادة الراتب
ويفضل لو عقب كل مكالمة تقول للشخص اللي كلمته
اسمك بالخيرمن باب شكرا على الخدمة يا بو .....
وان سالو شحقه جايب ملكية السيارة يوم تروح

قول فلان الفلاني قالي :eek5: خله يتسنع ويعطي معلومات عدلة عقب



و اذا طلب شهادة تطعيم الوالد شسوي :looking: