عروس تطلب علبة سجائر

[غزلان]

http://www.najaat.com/images/para/1119.gif


المدينة المنورة ( الأولى ) :

قام شاب في المدينة المنورة بتطليق زوجته في اليوم التالي لزواجهما عندما اكتشف فجأة أنها تدخن السجائر .:omg:
وقال الشاب أنه وفي اليوم الثاني للزواج وجد أن زوجته تشتكي من أعراض صداع فعرض عليها الذهاب بها للمستشفى ولكنها رفضت كما يقول لتفاجئه بقولها " لا داعي للمستشفى فأنا أعرف سبب الصداع وهو عدم تدخيني منذ يوم أمس لإنشغالي بالترتيب لحفلة الزفاف .. لتطلب منه أن يذهب لشراء علبة سجائر لها .. وهو الأمر الذي رفضه العريس بشده وعدم قبول ليعيدها الى بيت أهلها مطلقة ..مطالباً والدها برد المهر وتعويضه عن خسائره كونه لايقبل الإقتران بمن فيها مثل هذه الصفة إلا أن والد العروس قلل من تدخين إبنته قائلا بأن .ذلك ليس عيباً شرعياً .
ومازال العريس يسعى لإسترداد المهر بالطرق الودية قبل أن يلجأ إلى المحاكم التي ستنظر قضية غريبه بلا شك إذا لم يتم التوصل إلى حلول ودية .

[_QTR_]

هههههههههههههههههههههه

مسكينة تبي تقند الراس بسيجارة على الصبح

شيء غريب

[Riku3]

مشكلة التصنيف وتعديل المزاج على الصبح .. لازم سجارة على الريج الله لايبلانا ههههه .

[سهم طايش]

يا سلام

ما تبي شيشه احسن

[عـيـون قـطـر]

ههههههههههههه

شكلها ما ينفع معاها غير جراك

[مرحوم قطر]

مسكين

ذاك اليوم انا في العزيزيه مريت مكان الا اشوف ثنتين الساعه 2 الظهر في القايله

قاعدين في هوندا اكورد و مولعينها

[ضوى]

اصلا اذا هي مدمنة بهالشكل عالسجاير اشلون ما لاحظ الزوج بليلة الدخلة ؟؟ يعين الريحة لون الشفايف خاصة انه يبين عليها مدمنة بدليل ما تحملت ثاني يوم الصداع الناتج عن عدم التدخين ؟؟

الله يلوع جبدها الرجال اللي يدخن شكله مقرف اشلون المرأة ؟؟

يسلمو عالخبر الغريب يام الاخبار العجيبة

[المجروح81]

الله يهديه انشالله
هو غلطان في الاصل

شكله ماسئل عنها ولا عن اخلاقها عدل وواضح ان عادي يدرون ناس انها تدخن

لو سئل كان عرف في البدايه ولا كان تزوجها

[الزعفراني82]

انا اشوف الرجال غلطان , بدال ما كان يطلقها كان من الافضل يحاول يصلح لها حالها و يساعدها علا ترك التدخين

و خلنا نكون واقعيين تدخين عند النساء سواء سجائر او شيشه موجود و بكثره بمجتمعنا القطري عند النساء و الرجال فلا تحاولون تبينون لنا اننا في المدينه الفاضله

[وطن]

هاهاهاهاهاهاها

عيل طلعت تدخن

مسكين
اكتشفها متأخر

[ابـو مــحــــمـــــد]

الله يكفينا الشر
ها الظاهره صارت منتشره بين الحريم

[لاداعي]

:rolleyes2:

[المخباط]

ليش تطلعون اشاعات على حريم قطر
واذا فيه اكيد مضروب جنبها

[دلة الرسلان]

قسم بالله تحرون من حريم قطر المدخنات احنا ما نشوفهم بينا انتوا وين تشوفونهم ؟؟

تقولون يشيشون ؟ اقول مهوب كل من لبست العباءة صارت قطرية حتى لو حصلت العنابي

[شيزكيك]

اووووووفففففف قويه الصراحه

[professonal]

لاحول ولاقوة الا بالله

ليش ماقالت حق الرجال من قبل حسبي الله عليها

[محمد2]

اسمع ان التدخين منتشر بين الشباب . ترى حتى بين البنات . الله يستر

كان راح جاب لها (القدو باالتتن ألإيراني ) احسن من السجاير والشيش .

[Revamp]

تشرب تتن افا....ولا قالت لا....بس مالها حق

[غــ Q6R ــلا]

مو حل انه يطلقها

وبعدين شلون ياخذها ومايسال عن البنت عدل

[509]

اقول

ماقلت له ابي كرك مع الزقاير

الله يعوضه باللي اصلح منها

والله شر البليه مايضحك

[غزلان]

للجميع كل الشكر والتقدير

تسلمون على المشاركه

[ذوق]

انا اشوف الرجال غلطان , بدال ما كان يطلقها كان من الافضل يحاول يصلح لها حالها و يساعدها علا ترك التدخين

و خلنا نكون واقعيين تدخين عند النساء سواء سجائر او شيشه موجود و بكثره بمجتمعنا القطري عند النساء و الرجال فلا تحاولون تبينون لنا اننا في المدينه الفاضله

ههههههههههههههههههههههههههه انا ادري؟؟

الي يسمعهم يقول انه حلال على الرجال وحرام على النساء :rolleyes2:

[الكواري]

الله يعينه مسكين صج (مبتلي) بزوجته ام عين قويه

بس اشلون اهلها مايدرون عنها من قبل (وان كانوا على درايه ولصقوها فيه هذي مصيبه اكبر)
والرجال زين سوى فيها (خل اللي ربوها هم اللي يتحملون بلاويها)

[سهم مديون]

امحق عرووووس !

[غزلان]

مشكورين كلكم على التعليقات الحلوه:)

[الديمها قطر]

مسكين

ذاك اليوم انا في العزيزيه مريت مكان الا اشوف ثنتين الساعه 2 الظهر في القايله

قاعدين في هوندا اكورد و مولعينها

يات على ثنتين الحين التدخين وايد منشر عند البنات علشان اتكون استايل وللاسف فيه امهات يدرون عن بناتهم وساكتين اهم شي لا الابو ولا الاخو يدري

[وطن]

يات على ثنتين الحين التدخين وايد منشر عند البنات علشان اتكون استايل وللاسف فيه امهات يدرون عن بناتهم وساكتين اهم شي لا الابو ولا الاخو يدري

أولها دلع
واخرها ولع وادمان

الله يهديهم بس

crazy

[مذهلــة]

شسالفتهم الا وحدة تبي زقاير والثانية ضبان هههههههههههههههههه

الله يلوع جبدهم بس هههههههه

[الامل القديم]

هذي مو مدخنه هذه مدمنه

مسكين العريس

[نبـــــراس]

:unsure:

[غزلان]

كل الشكر لكم على مشاركتكم وتعليقكم على الموضوع

مبروك عليكم شهر رمضان