رسالة إلى مراقبة البرامج في إذاعة صوت الخليج

[غزلان قطر]

في البداية احب اهني الشعب القطري واخوانا المسلمين بقدوم شهر رمضان المبارك .
وموضوعي اللي ابي اطرحه ما اعرف إذا الاخوان والاخوات في المنتدى ناقشوه من قبل بس في شي جد مضايقني وبغيت اسأل إذا كان هذا الشي غريب والا انا اللي اسبح عكس التيار بروحي وهذا الشي عادي .. الصراحه الموضوع يخص احد المذيعات انا ماني فاهمه كيف إدارة صوت الخليج ساكته عن تصرفاتها واسلوبها المايع وبعدين انا ابي اعرف هي صوت الخليج إذاعه تبث من قطر بإدارة قطرية وهوية قطرية بس ما أتوقع ان الاخت فاهمه هذا الشي بحيث انها إتكلم مع الاماراتي اماراتي والسعودي سعودي مادري هل الاخت فاكرة ان اللهجه القطرية صعبه لدرجة انها تكلم كل متصل بلهجتة والا تخاف عليه من الغربة وتبيه يحس انه متصل على تلفون صالة بيتهم !!!!!!! يبا وين الاسلوب الراقي في الحديث اتمنى من إدارة صوت الخليج تعيد النظر في سياسة توظيف مذيعيها قبل لا تأتمنهم على أثير قناتها لان القناة قامت تفقد شعبيتها والفضل يعود لبعض اساليب مذيعيها اللي ما اقدر اقول عنه انه اسلوب هواه والا مكالمه بين ربع يعرفوووون بعض من سنين ( وقطة ميانه) مالها داعي واتمنى ان هذي المهازل توقف عند حدها ويكفينا الإسفاف اللي شاردين منه في التلفزيون تطلع الاخت لنا في الاذاعه وكلماتها اللي من ذهب ( ياذوووق ، الاختيار الرايق ) ... واسمحوا لي على الاطاله بس طفح الكيـــل ياصوت الخليج :anger1:

[هتـان قطر]

صادقه اختي انا ملاحظه هذا الشي الله يهديهم مياعه ودلع في الكلام

كفايه ان البرامج من اولها لتاليها ...اغاني بعد نزيد الاثم بكلام مايع

وتمطط في الحروف....الله يهديهم

[سهم مديون]

خير وبركة لو وجد مذيع يتكلم جميع اللهجات تعتبر ميزة في المذيع من وجهة نظري !

[nyzk]

مذيعة متميزة

والى الامام

[ضوى]

امحق قناة وامحق هدف وامحق مذيعات

والله اني دخلت مفكرة بتعارض عدم وجود فترات تسبق الاذان والا شئ من هذا القبيل ، تعتب على مذيعة في قناة ماصخة كلها اغاني واثم والعياذ بالله؟؟
الله يهدينا اجمعين

[غزلان قطر]

خير وبركة لو وجد مذيع يتكلم جميع اللهجات تعتبر ميزة في المذيع من وجهة نظري !


وجهة نظرك احترمها بس وين الهوية القطرية بما ان الاذاعه قطرية وما اظن صوت الخليج اشترطت في المذيعين قبل توظيفهم يتكلمون اللهجات الخليجية كلها الا اذا كان هذا الشي استعراض للمواهب من الاخت المذكورة !! والا انا اشوف المذيعات في امارات Fm والبحرين والسعوديه معروفه هويتهم مش يدور راسك وانت تسمع عشان تعرف هذي إذاعه من أي دوله !!!! وشكراً لمرورك اخوي سهم مديون

[PoBox]

*


غيروا المحطة :p

[غــ Q6R ــلا]

امممم بصراحه مااقدر احكم الا لم اسمع

بس اكثرت الشكاوي

من فتره شكوى على برنامج

والحين شكوى على مذيعه

يبيله اسمع شوي هـ القناه عشان اكون على الخط مع العالم

[غزلان قطر]

صادقه اختي انا ملاحظه هذا الشي الله يهديهم مياعه ودلع في الكلام

كفايه ان البرامج من اولها لتاليها ...اغاني بعد نزيد الاثم بكلام مايع

وتمطط في الحروف....الله يهديهم


شاكرة مرورج اختي

[غزلان قطر]

[QUOTE=PoBoxing;3037387]*


غيروا المحطة :p[/QUOTE


أخاف احط صوووت الريان تطلع لي وحده إتكلم فرنسي خبرك استعراااااض مواهب

[فارس الكلمة]

اللهجات المتعددة في إذاعة صوت الخليج .. تحتاج إلى ضبط و مراقبة..

[غزلان قطر]

امحق قناة وامحق هدف وامحق مذيعات

والله اني دخلت مفكرة بتعارض عدم وجود فترات تسبق الاذان والا شئ من هذا القبيل ، تعتب على مذيعة في قناة ماصخة كلها اغاني واثم والعياذ بالله؟؟
الله يهدينا اجمعين

معاج حق اختي هذا الموضوع تكلموا فيه الناس وااايد بس القناة إذن من طين وإذن من عجين غير المسابقات اللي تفشل انا والله ساعات استحي من نفسي وانا اسمعهم وصلنا لهذا المستوى غيير اسلوب المذيعات اللي احس إني في الروضه وانا اسمعهم على العموم شكراً على المرور

[غزلان قطر]

اللهجات المتعددة في إذاعة صوت الخليج .. تحتاج إلى ضبط و مراقبة..

شكراَ على الرد واضيف اتمنى لو يكون الضبط والمراقبه ايضاَ على الثقافه وطريقة إدارة الحوار المقرون بالخبرة والدراسه أو على الاقل عطوهم دورات في فن الحديث واللباقه وهذا على البعض وليس الكل من المذيعات والمذيعين

[غـيـد]

ما فيــ احلـى منـ إذاعة القـرآنــ ..

وصوتـ الخليجـ منـ سيـء إلـى أسـوأ..

[Qt.1]

والله انج جبتيها صح انا كنت من زمان افكر اكتب عن هالموضوع فعلاا محد مخرب القناه الاا هالمذيعات لاا اسلوب ولاا لباقه ولاا دلع ومياعه والله كرهت الااذاعه بسبتهم اشدعوه مافي مذيعات حاطين ذيلن شنو خلصو.........!!!!

[بو نايف]

هالمذيعه ترفع الضغط

صج صج ماصخه

والاذاعه اشوفها في انحدار وهبود يوماً بعد الاخر

[مذهلــة]

*


غيروا المحطة :p

ههههههههههههههههههههههههههههههههههههههههههههههههه

[لاداعي]

:telephone: هههههههههههههههه

[لوردغاليري]

والله صج كلامج تقهر من قلب ولا كلمتها: تيييييييييييييييييييييييييييييييييييييسلم ياذووووووووووووق
اتجر حرف الياء وهو اساسا موموجود بس مياعه

[الفارس]

والله صج كلامج تقهر من قلب ولا كلمتها: تيييييييييييييييييييييييييييييييييييييسلم ياذووووووووووووق
اتجر حرف الياء وهو اساسا موموجود بس مياعه

ههههههههههههههههههههههههههههههههههههههههه

تبي الصراحه كل مذيعات صوت الخليج فاشلات لا ثقافه لا فكر لا اسلوب لا وعي وعلى فكره ترى كلهم مب بس المذيعات حتى المذيعين فاشلين

[غزلان قطر]

والله انج جبتيها صح انا كنت من زمان افكر اكتب عن هالموضوع فعلاا محد مخرب القناه الاا هالمذيعات لاا اسلوب ولاا لباقه ولاا دلع ومياعه والله كرهت الااذاعه بسبتهم اشدعوه مافي مذيعات حاطين ذيلن شنو خلصو.........!!!!

لا واللي ينرفزك اكثر ان يكون المتصل طالب اغنيه وينطر طلبه والا الاخت تقول طلاسم غريبة والا هي انها تقول كلمات الاغنيه Come On !!!! المتصل عارف كلمات الاغنيه مافي داعي انج تعلمينه بثقافتج الموسيقية !!!! عموماَ شكراَ على مرورك

[غزلان قطر]

ما فيــ احلـى منـ إذاعة القـرآنــ ..

وصوتـ الخليجـ منـ سيـء إلـى أسـوأ..

شكراَ على مرورج اختي غيد

[غزلان قطر]

والله صج كلامج تقهر من قلب ولا كلمتها: تيييييييييييييييييييييييييييييييييييييسلم ياذووووووووووووق
اتجر حرف الياء وهو اساسا موموجود بس مياعه

خخخخخخخخخ لا واذا اتصل واحد من الشباب وقال لها انه يتمشى والا مسافر تقوم هي عاد تتليقف وين راح ومن وين جاي خير إن شاء الله خلصت الردود والمواضيع اللي إتناقشين فيها مع المتصلين احس ان البرنامج هذا إرتجالي ويقولون لها قبل لاتطلع على الهوا يالله عندج هل الساعتين خربطي فيهم من غير حسيب ولا رقيب الصراحه مافي على إذاعة قطر والنعم بالإعــداد الراقي والتقديم المحترم اللي مايخدش الحياء الصراحه الجماعه اللي يتميعون اخوي في التلفزيون مايبذلون مجهود كثرها مسكينه لانهم صوت وصورة بس هذي إحنا مانشوفها فهي تجتهد عشان توصل لنا إنها Cool ودلوعه ومن هذا القبيل تييييييييييييييييييييييييييييسلم ياذووووووووووووووق

[>>> غــمـــوض <<<]

انه ماعرف اسامي المذيعات بصراحه
بس مره سمعت وحده في اذاعة صوت الخليج تقدم برنامج مادري حتى اشسالفته (( بس شكله مو برنامج اغاني شكله مسابقات اوشي؟؟ )) كانت تقول حق المتصلين خلنا نسولف شوي وتتم تخربط وااايد عن القنص ومادري وشو بعد
بس كانت وايد تتمايع وقاطه الميانه اذا كانت هي اللي تقصدونها فبصراحه اسلوبها كلش ماعجبني ،،،

[شارع الأصمخ]

شاكرلج ع طرح الموضوع

الصرااحه انا ملاحظ هذا الشي
المذيعه تتكلم كلمات دخيله على مجتمعنا القطري
وتمد في الحروووف والكلام والدلع والمياعه في الكلام
هذا يشوه سمعت القناة

يزين مذيعات امارات اف ام مافي احسن منهم

[المزن الرياني]

من ستر مسلما ستره الله يوم القيامه
رمضان بعد كم ساعه
الله يهديها ويصلح أحوالها هي وجميع بنات المسلمين

[ســـهم]

لا اله الا الله

..

[الســـهم]

اذا عرف السبب ؟؟ بطل العجب !!

[الكواري]

ماشاءالله

يعني كلكم مستمعين لصوت الخليجomen

[لامار]

؛

؛

جـــميــل أن يـــبــقــى الإنـــســـان عـلى طــبــيــعــــهـ الـتي خــلقـهـ الله عــلــيــها . .
فــلا يــتــلـون ولا يــتــغــير . . ولا يـــتبــدل . .بـل يــبــقى كــما هـو . .
فــ تــغــير نــمـــط الــكلام وطـــريــقــتـهـ قــد لا يــجــدي نــفــعـاً . . ولا يــعــطــي الــشــخــص حــجــمــاً أكــبـر من حــجـــمهـ . .بــقــدر مـا ينــقــص من شــخــصــيــتـهـ ويــضــعــفــها
{ وحـــدهـ } الــبــقـاء على الـطــبــيــعــهـ مـن يــجــعــلهـ كــبــيراً فـي عــين كــل مـن يــراهـ ويــســمــعــهـ . .
فــ الــتــمســكـ بــ الــطــبــيــعــهـ لـيــس ســوى تــمـــسـكـ بــكل مــاهــو رائـــــع . . .

وكــم أخــشــى عــلى هؤلاء من نـــســيان أنــفــســهــم . .فــ يــصــبحون
[ كــ الــغــراب الذي حــاول أن يــقــلد مـشي الحــمــامــهـ . .فــما اتــقــن مشــيــهــا ولا عـاد لــنـــفــســـهـ ]

؛

أخـــتي غـــزلان

تــقــديري وشـكـري لكـِ

؛

لامـــار

؛

[رقم مميز]

اسلوبها عادي مافيه شي

دلع البنات العادي علشان يمشي البرنمج وكون لها شعبيه


صحيح ان اسمع البرنامج مرات لاني من مستمعين لصوت الريان


بس صووت الخليج مافيه مذيعين

غير

الى يقدم الظهر ومقدم برنامج سهره خاصه

[FULL]

كل المذيعين والبرامج اللي على صوت الخليج في صوب ، والمذيع المتألق إبراهيم حبيب في صوب ثاني وبرنامجه الرائع اللي يبث الظهر

[almulla]

^^^^

المستوى الدراسي ماله شغل