أقدر أبيع اسمنت قطر بسعر السوق؟

[أبو عبدالعزيز]

مشتري أسمنت من المصنع ب13 ريال + 4 ريال للنقل والتنزيل
وزاد بعضه عن حاجتي
فهل مسموح بيعه بسعر السوق؟ أم يلزمني التقيد بالسعر الرسمي؟

[القناص]

للأسف يصير تبيع بالسعر الي تبغيه

تبيع ب 25 ريال

[professonal]

اخوي كم كيس عندك

[بوحارب]

بيع بدون ما تسئل

انا بعن اسمنت الحكومة على 40

والحين عندي كميه ابي ابيعها على 50:)

[أبو عبدالعزيز]

بيع بدون ما تسئل

انا بعن اسمنت الحكومة على 40

والحين عندي كميه ابي ابيعها على 50:)



خلاص وانا وياك
عندي 80 كيس
بس شرايك ننزل السعر كرما لعيون الاعضاء
نخليه 45؟؟

[البانوش]

انا ابي جيسين سميت بجم تحسبهم لي

[الجرناس]

بيع بدون ما تسئل

انا بعن اسمنت الحكومة على 40

والحين عندي كميه ابي ابيعها على 50:)


خطاء خطاء خطاء :anger3::anger3::anger3:
الله يهديكم
انتم بها الطريقه تشجعون ضعاف النفوس وتسببون في أزمه
وراح يتظرر منها كثير من المواطنين

[بوحارب]

خلاص وانا وياك
عندي 80 كيس
بس شرايك ننزل السعر كرما لعيون الاعضاء
نخليه 45؟؟

وانا عندي 40 كيس

ولعيونك بخلي الكيس ب 45 ريال :victory:



خطاء خطاء خطاء :anger3::anger3::anger3:
الله يهديكم
انتم بها الطريقه تشجعون ضعاف النفوس وتسببون في أزمه
وراح يتظرر منها كثير من المواطنين


اذكر ربك يالجرناس وارجع اقرى احنا وش قاعدين نكتب :)

[أبو عبدالعزيز]

انا ابي جيسين سميت بجم تحسبهم لي


تعال خذهم بلاش اذا محتاج لحاجتك الشخصية
والله ولا ريال

[البانوش]

تعال خذهم بلاش اذا محتاج لحاجتك الشخصية
والله ولا ريال

اخوى الله يغنيك ويكثر خيرك
صحيح اني محتاجهم ابي اصلح سقف المطبخ لان ساير فية شلوخ
وخاف يخر لي جه المطر

وتمنى ماتحطني في الشيمة لان ابي اشتريهم مثل الناس

[القناص]

وانا عندي 40 كيس

ولعيونك بخلي الكيس ب 45 ريال :victory:




اذكر ربك يالجرناس وارجع اقرى احنا وش قاعدين نكتب :)

بوحارب أنا محتاجهم كم تعطيني أياهم بالسعر الي تقوله ماعندي مشكلة بس راعنا شوي

[أبو عبدالعزيز]

اخوى الله يغنيك ويكثر خيرك
صحيح اني محتاجهم ابي اصلح سقف المطبخ لان ساير فية شلوخ
وخاف يخر لي جه المطر

وتمنى ماتحطني في الشيمة لان ابي اشتريهم مثل الناس


خلاص اللي يريحك
تعال خذ الكيسين ب35 ريال
عطني رقمك على الخاص

[ولد الرياان]

خلاص اللي يريحك
تعال خذ الكيسين ب35 ريال
عطني رقمك على الخاص

جزاك الله خير وبيض الله وجهك وان شاء الله في ميزان حسنااتك

ويستاهل اخونا

كلنا اخواان اذا هو اليوم في حااجتك بكره انت في حااجته الدنيا دوره

[الجرناس]

اذكر ربك يالجرناس وارجع اقرى احنا وش قاعدين نكتب :)[/COLOR]

لاإلله إلا الله
يابوحارب أنا قاري الي انت كاتبه عدل
بس أعتقد انت كاتب بدون ماتدري وش تقول
انت أتشجع على بيع أسمنت الحكومه في السوق السوداء من 13 ريال الى 40 و 50
(اقتباس
المشاركة الأصلية كتبت بواسطة بوحارب

بيع بدون ما تسئل

انا بعن اسمنت الحكومة على 40

والحين عندي كميه ابي ابيعها على 50 )

[عنيــــد]

بيض الله وجهك يا ابو عبدالعزيز و الله يعطيك الاجر

[sad-o-bas]

بيض الله وجهك بوعبدالعزيز.. وبوحارب اسمحلي انا مب معاك.. صج ان الي بتسويه نقطه في بحر.. بس هذي سوق سودة.. واتوقع تعرف الحكم الشرعي فيها.. اتمنى الفلوس ماتعمي قلوبكم.. وتبعدكم عن الشرع..

تحياتي للجميع

[بوحارب]

كنسلنا البيعه

والأسمنت بيروح في البلاستر والطابوق للملحق

وجزاكم الله خير

[قطري صريح]

الأخ / أبوعبدالعزيز
بيض الله وجهك ورحمه الله والديك
عزالله انك كفيت ووفيت وسدبت حاجتي من الإسمنت
ياليت بعض الأخوان يقتدون بك ويقتدون بقناعتك
عمرة مقبوله إن شاء الله وترجع بالسلامة

[الجرناس]

يستاهل بوعبد العزيز
راعي العلم الطيب يكسب الدعاء وحب الله والناس
وموضوعه الثاني يدل على طيب معدنه وأصله
أنا حبيت أرد في هذا الموضوع لعل غيره يسوي سواته
عمرة مقبوله إن شاء الله وذنب مغفور

[امير القلوب]

ياجماعه عندي 100 كيس اسمنت وابي ابيعها واللي له خاطر عل الخاص