الجيبوب الانفية ...........جننتني

[الديمها قطر]

الجيوب الانفية جننتني لا في الشتا ولا في الصيف وفي الزغوة عذابها عذابيين رحت حق كذا دكتور ومافية فايده اللي عنده اي نصيحة او دكتور زين ياليت ايقولي والله ساعات افكر اقعد في غرفه مافيها لادريشه ولاباب علشان مايدش اغبار ولا اهاجر واعيش في كوخ بس الهوا يكون نظيف وارتاح من البروفين و البنادول والزيرتك و.........و................. :tomato:crazy

[الألماسي]

دكتـور هنـدي " أذن و أنف و حنجـره " في مستشفــى حمد العـام اسمـه دينيــش . . من أروع الدكاتره في قطـر عامةً . .

وبإذن الله يكون الشفاء بيــد الله عن طريـق هـ الدكتور . .

: )

[ابـو مــحــــمـــــد]

والله انا متاثر منها اكثر منك
ولا لقيت الدكتور الي ممكن يفيدني في قطر

[مليت]

ادهن خشمك بفازلين للترطيب من الخارج حط نسبه بسيطه داخل الفتحات

وعقبها جيب ماي حار وذوب شوية فكس وستنشق ثلاث مرات يومياً بس لا تستنشق بقوه خلك ريلاكس لمدة اسبوع ودعي لي


سلامتك

[غدير البورصه]

تعالجت سنة 2002 في مستشفى الدوحه الخاص ومن ذاك اليوم انا بخير بفضل الله ثم الدكتور الي هناك لاكن للاسف نسيت اسمه.

[ريان]

جرب هذه الطريقه وستنفع ان شاء الله


اخذ مطاره ماي صحه كبيره وحط فيها ملعقه كبيره ملح .

وعند كل وضوء استنشق الماي 3مرات وراء بعض- ولا اطلعه خله ينزل بنفسه .


وهذه الطريقه من واقع تجربه .

[قطرنت]

الدكتور حندوسه في مستشفيات مغربي الي في الاهلي روح له تراة زين

[سهم مديون]

انا نفس الشي الله المستعان والله حتى يطلع دم ساعات مثل النزيف !

[بنت سعادة السفير]

الله يشفيج ويشفي كل مريض ان شااء الله
والله يااختي انا نفسج ولين الحين مالقيت حل ؟

[abunawaf]

الله يعينك ...

الحال واحد ...


الدكتور عبدالعزيز الجفيري .. في مستشفى حمد ..

استشاري انف واذن وحنجرة ..

وجيد في معالجة الجيوب الانفية .. عن تجربة ..

.والله يشافيك ان شاء الله ..


.

[ريوم]

هلا اخوي
عندك الدكتور عبدالعزيز الجفيري _ د-غنيشن
من احسن الدكاتره بمسنشفى حمد
وعندهم عياده مسائيه
ماتشوف شر

[هسلان]

ماء البحر مافي مثله وهذي عن تجربه
حاول تستنشق ماء البحر مره أو مرتين يومياً والله الشافي

[الجمارك]

الله يكون في عونك مالك الا العمليه
انا توني امسوي عمليه من كمن يوم وللحين متاذي بس الحمدلله قاعد اتحسن شوي شوي بس مب جيوب انفيه اانا عندي الغضروف منحني والحمدلله بعد عنا طويل سويت العمليه والحين انتظر الناتج

الله يكون ابعونك

[رهيب]

اخوي انا كانت عندي نفس المشكلة و رحت لعدة دكاترة في قطر و خارجها و بدون فائدة كبيرة
ولكن الحمدلله توصلت لطريقة بسيطة ريحتني حتى اليوم و الحمدلله:

- استنشق ماء دافىء بهدووووء(و يفضل ذوبان قليل من الملح فيه) حتى يدخل من فتحة الانف و ينزل من الجهة الأخرى في الحلق كل يوم صباح بعد الاستيقاظ 3 مرات.... انتبه!! ترى العملية مؤلمة قليلا و خاصة في الايام الاولى.

-اعصر نصف حبة ليمون (عماني او هندي) على ملعقة كبيرة( ملعقة اكل) من العسل( لا اتعقد نفسك خذ عسل الشفاء) و اخلطه جيدا و خذه على الريق

في الليل و قبل النوم خذ حبة من هذا الدواء AERIUS 5mg

و ادعي لي :)

[gamal503]

حتى انا وبعطس في اليوم مليون مرة ومش لاقي حل

[الديمها قطر]

[b] جزاكم الله الف خير ما قصرتو بجرب وان شاء الله ارتاح /b]

[بنت سعادة السفير]

الله يجزيكم كل الخير

[أم نوره]

الدكتور حندوسه في مستشفيات مغربي الي في الاهلي روح له تراة زين

فعلاً وااااايد زين
حتى كنت بودي نوره لانها تعاني من لحميه بس رافضه البنت وخايفه
مش عارفه شلون اقنعها التنفس وااايد يضيق بلليل عندها فديتها
البنت مش صغيره اوديها غصب والله تعبت معاها

[الروقي]

انا اعاني من الشخير وعدم كفاية النوم بسبب الشخير وعندي عمليه بالليزر في مستشفى حمد في شهر 12عشان يشيل شوي من الغضروف ويكوي اللحميات مع تصغير اللهاه وكحتها بالليزر وتصغير لسان المزمار يعني 5 عمليات في واحده تخدير كلي من الي عملها يعطيني رايه لانني اعاني من الجيوب الانفيه وصداع طوال 12 سنه بسبب الشخير

الله يشفي الجميع

[واحد ثقة]

الجفيري ممتاز ،،

وقد عملت عملية منذ فترة ولكن للأسف عادت الأعراض مرة اخرى ،،

سأزوره قريباً للمتابعة ،،

[وطن]

استنشاق الماي


ومره سمعت مريم نور تمدح ماي البحر
بس مو من السيف
يكون من داخل البحر عشان يكون نظيف
يستنشقونه عشان الجيوب

[محيّر الانظار]

انا اتعالج حالياً عند الدكتور احمد حندوسة ومثل ما اذكروا الاخوان هو من الافضل في هذا المجال وحالياً معطيني كورس علاج على فترة طويلة علشان اتجنب العملية.

وفي دكتور ثاني انا ماجربته بس يمدحونه اسمه محمد شرف في عيادة ابن النفيس في البحرين وهذا رقمهم 0097317828282

ومبارك عليكم الشهر :)

[حمود قطر]

ماعليكم من السوالف .. وما في غير هالدكتور ...


د.عبدالعزيز جاسم الجفيري رئيس قسم الأذن والأنف والحنجرة .. مستشفى حمد العام

عنده عيادة خاصة .. في مجمع النخبة الطبي .. في منطقة مسيمير ..

ويسوي عمليات في مستشفى العمادي ..

أحسن دكتور متخصص في قطر ..

هذا رقمه في مجمع النخبة الطبي .. 4515580

[عزووز قطر]

1- الجفيري ممتاز بمستشفى حمد
2- / احمد حندوسه بمستشفى الاهلي ممتاز

[الأصيل]

عليكم بالقسط الهندي
ينباع في سوق واقف عند العطارين
خذوا كميه صغيره ودقوه اول شي لانه خشب مثل المسواك
وبعدين اطحنوه لين يصير بودره
يستنشقه المريض مره وحده يوميا مثل ماي الوضوء
والنتيجه ان شاء الله بتكون واضحه بعد 3 ايام
خصوصا العطاس بيختفي والشخير بيخف
الله يشفي كل مريض

[الديمها قطر]

مبارك عليكم الشهر ، جزاكم الله الف خير ، والله انا مسويه عمليه للاحبال الصوتية من سنتين عند الدكتور عبدالعزيز الجفيري و بصراحة هو قال ماراح ترتاحين لين تسوين عملية لغضروف الانف بس والله متخوفة منها.

[qtrzone]

الله يعينك الصرااااااااااااااااااحه

انا متبهدله من الجيوووووب ,, واكتشفت ان البخاخ الي يعطوني اياه حق الجيوب يذبح اكثررر مدري شيصير في مخي لما استخدمه اصدع واحس بشي ضاغط على راسي ,,,,,,, وللحين متبهدله منه ,,,في دكتور سوداني في عياده الدوحة ,, ما انصح فيه ,,, فاذاا مفكر انك تروح له لاتروح

[شكري وتقديري]

أحسن علاج لأي مرض تحديه والتعامل معه كأنه غير موجود مع أخذ العلاج .

أشغل نفسك بأمور ومهارات تحبها خاصة في الهواء الطلق وبدون مؤثرات ،

وحاول أن تجعل غذاءك صحي وطازج وشرابك طبيعي لا مواد حافظة فيه ،

وداوم على شرب أنواع الشاي الطبيعية كشاي البابونج وشاي الزعتر وشاي الزهورات

والبنفسج وإكليل الجبل والمريمية والزعتر وشاي الليمون الأسود وشاي القرفة والنعناع

والفوطن وووووووووووووووو

وحاول أن تتواجد في مكان تتصاعد منه أبخرة هذه الأنواع من الأعشاب كالمطبخ مثلا .

وستجد أن حالتك تتحسن بسرعة .

أهم شيء تجاهل المرض نفسيا وتحديه .

أما عن القسط الهندي فأول مرة أعرف أنه موجود عند عطارينا لأن فوائده كثيرة .

[دانـة قطـر]

أنا صار لي 10 سنين أشتكي من انسداد الأنف وألقى صعوبه بالتنفس عن طريقه بس ولا مره رحت لدكتور

تهقون عندي مشكله فالجيوب الأنفيه؟:con2:

[بنت المنتدى]

والله قلبي عورني عليكم لاني عارفه ان هالشي مؤلم الله يشفيكم من كل داء ويعافيكم ويأجركم كل خير يارب

[فنان قطر]

انا كنت اعاني من هل مشكله وكنت ماقدر اتنفس ودايما فيني صدااع .. والحمدالله سويت العمليه بل ليزر
والعمليه فيها تخدير كامل .. سويتها في مستشفى العمادي عند دكتور مصري والحين الحمدالله احسن من قبل بواايد .... والله يشفي كل مريض أنشاءالله

[الجمارك]

مبارك عليكم الشهر ، جزاكم الله الف خير ، والله انا مسويه عمليه للاحبال الصوتية من سنتين عند الدكتور عبدالعزيز الجفيري و بصراحة هو قال ماراح ترتاحين لين تسوين عملية لغضروف الانف بس والله متخوفة منها.

اناامسوي عنده العمليه قبل اسبوع تعديل الغضروف والله انها ماتخوف هو صج يخرعون الواحد قبل العمليه بنسوي كذا وكذا بس وقت العمليه 40 دقيقه تمر عليج مثل الثانيه سبحان الله
سويتها وتميت بالمسستشفى يوم ونص وطلعت بس للحين قاعد بالبيت صارلي اسبوع وباقيلي لين الخميس عندي موعد معاه الصبح علشان يشيلون البلاستك الى داخل

الا عراض بعد العمليه اول شي ما تتقدر تتنفس الا من الفم وكل ما تشربين شي او تاكلين بلاعيمج تعورج ذيه اول يوم بس وثاني يوم يروح العوار من البلاعيم لانه وقت العمليه ما دين انبوب للتنفس عن طريق الفم من جذيه العوار صاير والايام الثانيه شي عادي بس اهم شي الاسترخاء والقعده في جوو بارد وعدم التعرض للشمس

ارجو اني افدتج وسويها علشان ترتاحين وانا الحين انطر النتيجه بعد الاسبوعين :)

[a7SaaS]

الدكتور حندوسه انصح فيه انا جربته سوالي العمليه وتميت يوم ونص في المستشفى بس الحين
احسن من قبل صرت اقدر اتنفس عادي عكس قبل بصعوبه
احنى مشكلتنا الجو الي كل يوم بلون والغبره والعج
انا اقول توكلي على الله وسوي العمليه وان شاءالله اتكونين احسن
الله يشفي كل مريض وماتشوفين شر اختي

[فرغلي]

سلامو عليكو ، انا بصراحة عجبتني أوي حكاية مية البحر

بس عاوز أئول ان البصل والثوم ان ليهم تأسير كويس على حكاية الجيوب الأنفية

اسمع نصيحتي وأأشر لك فصين توم يوميا وكلهم بالهنا والشفا .

[miss-qatr]

ابغي اسألكم عن ابره الحساسيه انا خذتها مرتين خلال سنتين .. بس قالتلي وحده انها مب زينه وهذا كلام دكتور باوروبا :secret:



وناويها اخذها قبل الشتا عشان مااتعب


ياليت تفيدوني :(







أنا صار لي 10 سنين أشتكي من انسداد الأنف وألقى صعوبه بالتنفس عن طريقه بس ولا مره رحت لدكتور

تهقون عندي مشكله فالجيوب الأنفيه؟:con2:

:( ايه للاسف

[diab911]

د/ عبدالجبار عراقي أعتقد

في مستشفى حمد

[دانـة قطـر]

ابغي اسألكم عن ابره الحساسيه انا خذتها مرتين خلال سنتين .. بس قالتلي وحده انها مب زينه وهذا كلام دكتور باوروبا :secret:



وناويها اخذها قبل الشتا عشان مااتعب


ياليت تفيدوني :(



:( ايه للاسف

إي والله صج

رحت للدكتور عامر الحكيم بمستشفى حمد يقول عندج تضخم شي جذيه وعطاني بخاخ ما شاء الله في نفس اليوم قدرت اتنفس عدل :)

بس لازم يصدني عوار شديد في راسي لمده كم ثانيه أول ما أبخ:(

ونصيحه لا تلعبين بعمرج بأبر وخرابيط وإن شاء الله ما عليج إلا العافيه :victory:

[miss-qatr]

إي والله صج

رحت للدكتور عامر الحكيم بمستشفى حمد يقول عندج تضخم شي جذيه وعطاني بخاخ ما شاء الله في نفس اليوم قدرت اتنفس عدل :)

بس لازم يصدني عوار شديد في راسي لمده كم ثانيه أول ما أبخ:(

ونصيحه لا تلعبين بعمرج بأبر وخرابيط وإن شاء الله ما عليج إلا العافيه :victory:


ماتشوفين شر اختي دانه والحمدلله ان رحتي حق دكتور يشوفك :)


شاسوي والله يادانه :(



الا شخبار صوت خدامتكم من حلجتها؟؟ :secret:



امزح :funny:

[بوحارب]

8
8
8


اشفيها الدكتورة $ ــ $

[دانـة قطـر]

الا شخبار صوت خدامتكم من حلجتها؟؟ :secret:



امزح :funny:

ووووويه سكتي شكلها هاليومين مب جايبتها لبرى تدور للزله وودها تهاوش قطيـــــــعه

تقولها أمي جيبي لي حليب قالت ليش ما قلتي لي يوم كنت هنيه قبل شوي :anger1:

واااااااي خاطري أصطرها :court:

[miss-qatr]

8
8
8


اشفيها الدكتورة $ ــ $

من تقصد يابوحارب

عسى مب انا :secret:


ووووويه سكتي شكلها هاليومين مب جايبتها لبرى تدور للزله وودها تهاوش قطيـــــــعه

تقولها أمي جيبي لي حليب قالت ليش ما قلتي لي يوم كنت هنيه قبل شوي :anger1:

واااااااي خاطري أصطرها :court:


هههههههههههههههههههه والله ماتستحي


اتوقع والعلم عند الله انها سيرلانكيه :secret:


دانه شنو هالخدامه الله يعينكم عليها :rolleyes2:

[دانـة قطـر]

هههههههههههههههههههه والله ماتستحي


اتوقع والعلم عند الله انها سيرلانكيه :secret:


دانه شنو هالخدامه الله يعينكم عليها :rolleyes2:[/QUOTE]

فلبينيه وأنتي الصاجه :thumbdown:

اشتقت للهنديات :(

[miss-qatr]

هههههههههههههههههههه والله ماتستحي


اتوقع والعلم عند الله انها سيرلانكيه :secret:


دانه شنو هالخدامه الله يعينكم عليها :rolleyes2:

فلبينيه وأنتي الصاجه :thumbdown:

اشتقت للهنديات :([/QUOTE]


دانه اكيد امك طيبه وعلى نياتها والامثله كثيره ولله الحمد عندنا :rolleyes2:


ترا الخدم بعضهم ماينعطون وجه والله لين شافو راعيه البيت طيبه يشيخون


لكن والله يبيلهم ذيك الهوشه ولا صراخ من الكفيل :secret: بتشوفينها اطير تخدم امك مب اتقولها كان قلتي مره وحده جعل لسانها القص

[دانـة قطـر]

دانه اكيد امك طيبه وعلى نياتها والامثله كثيره ولله الحمد عندنا :rolleyes2:


ترا الخدم بعضهم ماينعطون وجه والله لين شافو راعيه البيت طيبه يشيخون


لكن والله يبيلهم ذيك الهوشه ولا صراخ من الكفيل :secret: بتشوفينها اطير تخدم امك مب اتقولها كان قلتي مره وحده جعل لسانها القص


أمي طيبه مع الخدم :confused:

هاه :looking:

إيه إيه طيبه ومسويتهم يا دهينه لا تنكتين :nice:

لا والله ما تقصر فيها إذا شافتها غلطت وطولت لسانها بس شكلها تعبت وزهقت من كثر الشغل عليها في رمضان وبعدين اليوم اللي أهلها يكلمونها فيه تعتفس علينا :rolleyes2:
من كم يوم جايه تهاوشني ليش تضحكون علي أنتي وأختج :eek5:

امبيــــه دوريني ذيك الحزه كنت برتكب جريمه :fight:

[سموالأخلاق]

ابغي اسألكم عن ابره الحساسيه انا خذتها مرتين خلال سنتين .. بس قالتلي وحده انها مب زينه وهذا كلام دكتور باوروبا :secret:



وناويها اخذها قبل الشتا عشان مااتعب


ياليت تفيدوني :(








:( ايه للاسف



السلام عليكم ورحمة الله وبركاته
شفاك الله اختي

و بخصوص ابرة الكورتيزون تكون بالكثير مرتين في السنه بمعنى اخر ان لا تكرر قبل
4-6 شهور حتى يكون قد تخلص الجسم منها .

علما بأن ابرة الكورتيزون مفعوله ممتاز لمثل هذه الحاله " الجيوب الانفية " وانا شخصيا
بقيت شهور مع هذا الزكام والانسداد ومصر على عدم أخذ هذه الابره ، الى ان في النهايـة
اخذت الابره الاولى وكان مفعولها ممتاز ، لكن للاسف مفعولها يبقى لمدة شهر ونص الى شهرين بالكثير .

وبعد فتره عاودت اخذ ابره اخرى ، لاني ما وجدت حلا للأسف الا هذه الابره ، وكأنه إدمان
وبعدها بدأت احس بعوارض غريبه كانت في ايام او بعد اخذي لهذه الابر بمده ، والله اعلم
ان كانت هذه العوارض بسبب الكورتيزون او انها متسببه من امور اخرى .
علما بأني لم اترك أي دواء لم استعمله ، وبالنهايه بفضل الله وجدت لي علاج مناسب
والامور طبيعية والحمدلله .

كما نعلم ان اذا جسم الانسان اعتاد على ابرة الكورتيزون ، فان الغده المسؤله عن افراز الكورتيزون في الجسم تعتاد على تزويد الجسم بالكورتيزون من الخارج فتوقف عملها
لانها اعتادت ان ياتيها الكورتيزون من الخارج

أختي الكريمة سمعت أن الجسم إذا اعتاد على إبر الكرتزون فإن الغدة المسؤولة عن إفرازه توقف عملها لأنها اعتادت أن يأتيها جاهزا من الخارج .



عموما ارجوا ان اعرف الاعراض اللي عندك
وباذن الله ممكن يكون لدي علاج لحالتك بدون ابر وبدون زيارة طبيب

[miss-qatr]

السلام عليكم ورحمة الله وبركاته
شفاك الله اختي

و بخصوص ابرة الكورتيزون تكون بالكثير مرتين في السنه بمعنى اخر ان لا تكرر قبل
4-6 شهور حتى يكون قد تخلص الجسم منها .

علما بأن ابرة الكورتيزون مفعوله ممتاز لمثل هذه الحاله " الجيوب الانفية " وانا شخصيا
بقيت شهور مع هذا الزكام والانسداد ومصر على عدم أخذ هذه الابره ، الى ان في النهايـة
اخذت الابره الاولى وكان مفعولها ممتاز ، لكن للاسف مفعولها يبقى لمدة شهر ونص الى شهرين بالكثير .

وبعد فتره عاودت اخذ ابره اخرى ، لاني ما وجدت حلا للأسف الا هذه الابره ، وكأنه إدمان
وبعدها بدأت احس بعوارض غريبه كانت في ايام او بعد اخذي لهذه الابر بمده ، والله اعلم
ان كانت هذه العوارض بسبب الكورتيزون او انها متسببه من امور اخرى .
علما بأني لم اترك أي دواء لم استعمله ، وبالنهايه بفضل الله وجدت لي علاج مناسب
والامور طبيعية والحمدلله .

كما نعلم ان اذا جسم الانسان اعتاد على ابرة الكورتيزون ، فان الغده المسؤله عن افراز الكورتيزون في الجسم تعتاد على تزويد الجسم بالكورتيزون من الخارج فتوقف عملها
لانها اعتادت ان ياتيها الكورتيزون من الخارج

أختي الكريمة سمعت أن الجسم إذا اعتاد على إبر الكرتزون فإن الغدة المسؤولة عن إفرازه توقف عملها لأنها اعتادت أن يأتيها جاهزا من الخارج .



عموما ارجوا ان اعرف الاعراض اللي عندك
وباذن الله ممكن يكون لدي علاج لحالتك بدون ابر وبدون زيارة طبيب


جزاااك الله خير ياخوي

وصحيح كلامك .. بس ماعندنا حل

استخدم الحبوب بشكل يومي( كورس علاج ) واوقفها وبعدها اضطر اني ارجع استخدمها

لكن انا اخذت الابره العام بشهر 7 و كنت مضطره اخذها لاني كنت بسافر والحمدلله لي شهر 12 وانا مرتاحه

انا اشوف ان الاشهر الصعبه مرت علي ولله الحمد واهي وقت( البوارح ) اذا اتعرفها اخي الكريم :) ( غبره بدايه الصيف )


انت اخذتها عند اي دكتور ؟؟


شاكره لك ردك

[زقرتي ومزاجي]

سلامات ان شاء الله

[A bin M]

الله يشفيج :)

<< نفس الحاله

من كم يوم رحت عند د. عبدالعزيز :)