الخس (( ب 100 ريال )) في سوق الخضرة المركزي @@##@ [الأرشيف]

عضو المنتدى

31-08-2008, 05:06 PM

الأغلبيه في المنتدى مايروحون سوق الخضره للأسف

اليوم رحت سوق الخضره علشان أغراض رمضان

والأسعار غاليه ومرتفعه ياخوان .

وسئلت صاحب المحل عندك خس ؟؟

قال الخس ب100 ريال !!!

والرجال يتكلم بصراحه والله المستعان وقال حاليا غير متوفر إلا قليل .

سعر الخس صار أغلى من سعر أ سهم بعض البنوك في قطر !!

أيش الحل مع الغلاء المفتوح للتجار بدون حسيب ولا رقيب ؟؟؟؟

!!!:rolleyes2:

سهم مديون

31-08-2008, 05:08 PM

يمكن يقصد سعر الخص اللي عنده كله:secret:

عضو المنتدى

31-08-2008, 05:11 PM

لا أخوي سهم مديون

يقصد السحارة بس .

والله المستعان

ســـهم

31-08-2008, 05:12 PM

موب خس

كوكائين :(

اذا مافيه رقابه فلهم الحق في رفع أسعارهم ..

مستثمره جديده

31-08-2008, 05:13 PM

يعني الخس صارت قيمته تساوي قيمة عشر اسهم من مواشي :eek5:
مب لازم ناكل سلطه بناكل تبوله :)

بنQATARت

31-08-2008, 05:15 PM

بل بل بل
على قولتج بناكل تبوله
بس اخاف يغلون سعر البقدونس

>>> غــمـــوض <<<

31-08-2008, 05:15 PM

شدعوه :eek5: خس بـــ 100 ريال مب معقولــــــــــ
يمكن الاخ مغلط
ـ

jo0ory.56

31-08-2008, 05:21 PM

الحين السلطات انواعها كثيرة والخس مب ضروري وممكن الاستغناء عنه .. وخلوا الخس لهم ..

اللورد

31-08-2008, 05:28 PM

طيب الأخ قال (((سحاره الخس)))

ياليت يقول لنا كم كيلو في السحاره علشان نفهم؟؟؟

المخفي

31-08-2008, 05:42 PM

حوالي عشرة كيلو في السحارة

كان الكيلو في المجمعات 8 ريال ممكن يوصل الى 11 - 12 ريال

a7SaaS

31-08-2008, 05:50 PM

هو في شي في الدوحه تم على سعره:omen2: حتى البنت قبل تملك عليها 80 الف الحين مافي اقل من اميه وخمسين شساااااااالفه الطمع والجشع
والراتب يطير من بدايه الشهر:rolleyes2:
يالله المستعان

amego

31-08-2008, 05:51 PM

الله لايبارك بكل جشع وطماع
وفي غياب الرقابة يتمادون في جشعهم واستغلال عباد الله

صقر بلادي

31-08-2008, 07:13 PM

الحكومة هي السبب

المخباط

31-08-2008, 07:22 PM

خلاص بأزرعه في حوش بيتنا:)

فرغلي

31-08-2008, 07:36 PM

ربنا يطول في عمر العم ابو عبدالعزيز

اصل مش مئصر معانا

كل يومين تلاته بيبعت الواد بتاعه الدريووووول

وبيبعت معاه الحاجات ديا

ايييييييييه اللي حاصل في البلد

الخس بئا بمية ريال

فييييييييييييين الانتاج المحلي ؟؟؟؟؟؟؟

معؤوله بلد زي قطر مش أدره تغطي حاجة السووووء من الخضار

محليا ؟؟؟؟؟؟

دي مشكله كبيره أووووي

بنت سعادة السفير

31-08-2008, 07:54 PM

:omg::omg::omg:

:eek5::eek5::eek5:

معقوووله الخس ب 100 ريااال

صرااحه كل شي غلى الله المستعااان:rolleyes2:

حالي الذوق

31-08-2008, 08:33 PM

دعوه يخيس

وغصب بينزل السعر

khalid1975

31-08-2008, 08:43 PM

هي جت بس على الخس

كل شي غالي

قلنا وقلنا وقلنا ... لكن لا حياة لمن تنادي وانا اخوك!!!

خلي اصحاب العقاااااار الحين يحسون ويستانسوووون!!!

غزلان

31-08-2008, 08:46 PM

بل ولا الكافيار

عشر رجب تسمع عجب

عضو المنتدى

31-08-2008, 09:24 PM

الصراحه أنا أستغرب من المحلات في السوق المركزي

إيجاراتها أعتقد غير مرتفعه لأنها هبه من الدولة في الأصل .

ولكن المصيبه والمشكله أن هناك فوضى في إدارة السوق .

هذه المحلات بدلا من أن تبيع الخضارتحولت إلي أستورات (مخازن )

يتم تكديس الخضروات والفواكه ( لعده أيام ) لتقليل كميات المعروضه للبيع

من الفواكه والخضار .

خاصه أن إيجاراتها رمزيه من الحكومه ... أصبح سوء أستغلال .

لأن كل ما قل العرض من الفواكه والخضروات زادت أسعارها .

وهذه سياسة تجار الخضرة ولا حول والا قوة إلا بالله .

.

ANONYMOUS

31-08-2008, 09:45 PM

ويعه

يعني سحارة الخس.. تقريبا نفس كرزين زقاير

بكم صار الجت باي ذى وي ؟

Riku3

31-08-2008, 09:50 PM

المال السايب يعلم البوق ~___~ ..

السنه الي فاتت الناس شرت البيض بـ100 ريال للصندوق وكانت تطير بالمجمعات مباشرة .. ولما راحت الازمة السعر مانزل لماكان عليه بالسابق ..

ليش نستغرب جشع التجار دام المستهلك يشتري بأي سعر وبدون تفكير.. وبالنهاية مافي جهة توقفه عند حده.

almulla

31-08-2008, 10:25 PM

دام انه اشخاص معينين هم اللي يسيطرون على السوق فاشلون ماتبونهم يتفقون على زيادة السعر

م. عبدالعزيز

31-08-2008, 10:27 PM

في كارفور شلون ؟

هدهد سليمان

31-08-2008, 10:36 PM

يمكن يقصد 100 تومان او روبيه الرجال مغلط عباله في ديرته .. اشدعوه 100 ريال

Revamp

31-08-2008, 10:43 PM

خس السعوديه ولا خس الانكليز؟؟ ثري حتي في ذي في فرق

أمة الله

31-08-2008, 10:44 PM

بل عنبو دارهم الله يغربل ابليسهم...اشدعوه الخس بــ 100 !! :omg: يبه مب لازم...بلاااااش منه الخس خلوه لهم :mad:

من كمن يوم مريت الخضّار بغيت الفلفل البارد الكبير.....سألته بكم؟ إلاّ يقولي الحبه بريال! فجيت عيني....قلت له عنبو الفلفه بريال لييييييش!! قال هو جذيه....قلت انزين عندك الأصفر والأحمر؟ قال عندي بس الحبه الوحده بــ 7 ريالات تبين؟ قلت له شايفني مينونه آخذ حبة فلفل بــ7!! :anger3:

الله يعينا عالأيام الجايه والله :(

غزلان قطر

31-08-2008, 11:24 PM

يمكن يقصد سعر الخص اللي عنده كله:secret:

خص = خس والله زين غيروا الكلمه بعد مو بس السعر زين معلومه جديدة :nice:

ورقــة أمــل

31-08-2008, 11:30 PM

سهم طايش

31-08-2008, 11:56 PM

صج غالي الخس

اخاف بكره نشتري الخس بالتولة

شكري وتقديري

01-09-2008, 12:05 AM

ولماذا نترك أنفسنا لجشع التجار يتحكمون فينا ، لماذا لا ننتج ما نحتاجه ؟؟؟؟؟؟؟؟

أغلبنا في بيوتهم مساحة للزراعة وأغلب الخضروات ناجحة في قطر ،

والذي لا حوش في بيته من الممكن أن يزرع في أحواض .

http://qatarshares.com/vb/showthread.php?t=194345

عزوز المضارب

01-09-2008, 12:12 AM

http://www.3tt3.net/up/upfiles/0Nm94738.jpg

التضخم وارتفاع الاسعار :(

هدهد سليمان

01-09-2008, 12:14 AM

ابـو مــحــــمـــــد

01-09-2008, 12:27 AM

والله امس ماخذ السحاره
بـ 75 ريال خس اردني

شكري وتقديري

01-09-2008, 12:46 AM

ليش لا .. بس ما اعتقد ان الجميع له بسوالف الزراعه .. ولو زرع متى بيحصد .. رمضان كريم

الزراعة - يا أخي - بسيطة جدا لمن يريد أن يتعلمها .

القصد أننا نحاول من الآن فهذا موعد زراعة معظم الخضروات في قطر وإذا ما أكلته في رمضان ستأكله في وقت آخر وستوفر مالك ، وتدريجيا سوف تعمل حسابك - مستقبلا - للزراعة المبكرة .

هدهد سليمان

01-09-2008, 12:49 AM

الزراعة - يا أخي - بسيطة جدا لمن يريد أن يتعلمها .

القصد أننا نحاول من الآن فهذا موعد زراعة معظم الخضروات في قطر وإذا ما أكلته في رمضان ستأكله في وقت آخر وستوفر مالك ، وتدريجيا سوف تعمل حسابك - مستقبلا - للزراعة المبكرة .

انا معاك قلبا وقالبا .. وفهمت قصدك والحمدلله لي بالزراعه على قد الحال .. الله كريم و نتمنى فعلا نحصل مواقف مقاطعه مثل ما حصل مع احد المنتجات السعوديه

مزيون الدوحه

01-09-2008, 12:52 AM

والله زين ب 100 ريال
امس شاريينه ب 120 :nice:

شكري وتقديري

01-09-2008, 12:56 AM

والله زين ب 100 ريال
امس شاريينه ب 120 :nice:

لو أخذته بالجملة بيكون أرخص .

بمعنى بدلا من أن تشتري سحارة واحدة لبيتكم إشتري خمس أو ست للأهل ووزعها حسب الطلب فستحصلون جميعا على سعر أرخص .

مزيون الدوحه

01-09-2008, 12:59 AM

شدعوه خس 100 ريال
الظاهر مغلط انت اخوي
انا ماخذه خيشة بصل ب 40 والطماط السحارة ب30 امس
وانت تقول 100 خس
عن الاشاعات بس
بالنسبة لي اسعارهم معقولة جدا بالنسبة للغلاء اللي صاير
وليش ما سئلت كذا واحد عشان تتاكد من السعر؟ بس صدقته وخلاص

الرجال صادق ومب اشاعات
امس على 120 والله

اصلاً انا كنت متوقع حدوث هالشي من زمان
يعني البلديه الغت توحيد الاسعار ايش يبون النتيجه؟؟؟؟
النتيجه واضحه ومعروفه وهي الحين قدام عيونهم

خلوها على الله بس الظاهر حاميها حراميها

بنت المنتدى

01-09-2008, 01:01 AM

:nop::nop::nop:

ليه هو قبل كان بكم ؟!

ابـو مــحــــمـــــد

01-09-2008, 01:02 AM

والله زين ب 100 ريال
امس شاريينه ب 120 :nice:

مزيون قطر انا خذته بـ 75
طلعت اشطر منك بالمكاسر

مزيون الدوحه

01-09-2008, 01:08 AM

مزيون قطر انا خذته بـ 75
طلعت اشطر منك بالمكاسر

رقم تلفونك على الخاص لو سمحت

( اذا احتجتك حق المكاسر باتصلك ) :nice:

ابن قطر

01-09-2008, 01:08 AM

صج تضخم الله يرحمك يا زمان يوم سعر سحاره الخس بعشر

جير قطر

01-09-2008, 03:02 AM

مب خس أسهم صناعات:rolleyes:

أمير المحبه

01-09-2008, 04:30 AM

بل بل بل
على قولتج بناكل تبوله
بس اخاف يغلون سعر البقدونس

عادي جدا اقلبي ملفوف:secret:

خشوف

01-09-2008, 04:59 AM

فس سوق المركزبوكس البقدونس وماله ريحه ب35ريال

Mo0o0oM

01-09-2008, 05:37 AM

مو ضروري ناكل خس . .

شفيه البقدونس . . ؟؟

:)

Mo0o0oM

01-09-2008, 05:39 AM

ولا اقول لكم . . مالازم ناكل كلش :(

dark angel

01-09-2008, 08:20 AM

السلام عليكم
اولا مبارك عليكم الشهر الفضيل
ثانيه والله اني ضحكت من الموضوع
انت على الاقل جفت السحاره ب100 ريال
انا مره رحت الجبره واسال السحاره على كم ويقول لي الهندي ب120 ريال:eek5:
ولا اشتريت منهم , وبدل الخس انا مطيح في الجرجير والبصل الاخضر والبربير وغيرها
الله يرحم ايام اول يوم الخس الكيلو بريالين :weeping:

لحين بنعيش وبنجوف العجب
لا رقابه ولا خربوطه
اللحم صاير غالي واذا قلنا بنستوي نباتيين الخضره صارت غاليه
ياربي شنو الواحد يسوي

ما اقول الا الله يعينا على اللي جاي:rolleyes2: