تخفيض المكالمات في رمضان الى 50% ولكن تعال شوف الوقت من تسع في الليل لين ست الصبح !!!

[509]

http://www2.0zz0.com/2008/09/01/05/812576327.jpg

هالخبر من جريدة الراية اليوم

تعليقي على الخبر

الصراحه انا اعتبر هالشي استخفاف بعقول الناس

يقول لك التخفيض جاء بعد استفتاء من الجمهور ؟؟

من راح يستفيد من هالتخفيض غير الدول الاسيوية اللي عادتً يكون هالوقت وقت القعده عندهم

في الهند والفلبين واندونيسا والبنقال

يعني حق الاجانب

بغيت اعرف منكم

كم معدل استخدامكم للجوال في هالوقت اللي هم اختاروه ؟؟؟

ياخي قاعده تستخف بعقولنا هالشركه

متى اتجي فودفوان ونفتك

المصيبة لو تمشى فودفودن على خطواتها


انتظر تعليقاتكم

[بنت المنتدى]

http://www.qatarshares.com/vb/showthread.php?t=197830


أصلاً كيوتل متى سوت شي عدل :anger1:



ومستحيل فودافون تمشي على خطاهم لكن بالراحه كيوتل بتحكر لهم :waiting:

[عـيـون قـطـر]

أصلاً كيوتل متى سوت شي عدل :anger1:



:waiting:

هي والله صدقتي متى سوت شي عدل :victory:

[احب قطر]

أخي الكريم ، أول شي كلامك مش صحيح بخصوص الدول الآسيوية لان الاوقات كلش ماتناسبهم ، مثلا اذا الساعة 9 مساءا عندنا في الهند 11:30 في الليل وفي الفلبين1 الفجر ، وبعدين في الدوحة الكل عارف ان الحياه تبتدي بعد صلاة التراويح واذا الواحد صايم المفروض ان مايتكلم وايد ، يعني العرض جا مصمم حسب نمط الحياة في رمضان.

[sanad81]

أخوي التخـفيــض على المكالمات المحلية .. اشدخل اسيوية و اوروبية!!

[ANONYMOUS]

أخي الكريم ، أول شي كلامك مش صحيح بخصوص الدول الآسيوية لان الاوقات كلش ماتناسبهم ، مثلا اذا الساعة 9 مساءا عندنا في الهند 11:30 في الليل وفي الفلبين1 الفجر ، وبعدين في الدوحة الكل عارف ان الحياه تبتدي بعد صلاة التراويح واذا الواحد صايم المفروض ان مايتكلم وايد ، يعني العرض جا مصمم حسب نمط الحياة في رمضان.


صحيح

العرض للمكالمات المحليه.. فقط


بس ياريت كيوتل حرصت على حرمة هالشهر.. وخلت العرض.. لين قبل اذان الفجر..

:weeping:

[BURBERRY]

اخوي التخفيض بس حق المكالمات المحليه ..

و مادري ليش مختارين هالوقت ..!!؟؟

[قلب الدوحة]

انا من الناس اللي تحب تشوف الفواتير وبنشوف ياكيوتل فاتورتي تنزل في 20\9\2008 وباشوف صج هالتخفيضات

[مزيونه22]

مشكورين وماقصروا شي احسن من لاشي

[بنت سعادة السفير]

اخووي انا اخالفك الراي بخصوص عرض كيوتل واشوفه مناسب
من ناحية التخفيض وتوقيت العرض ماجا العرض الا بعد دراسه لوقت عرضه
اللي هو شهر رمـضان وفي الفتره المسائيه لان اغلب الناس بتكون صايمه في النهار والمكالمـات كلهـا بتكون بعد صلاة التراويح من هالناحيه اختيار موقف من قـبل كيوتل
ثاني شي هي حددت هالعرض وين راح يكون الا وهو على النطاق المـحلي فقط
ماقالت في الاعلان المكالمات الصوتيه والفيديو المـحليه والخارجيه
يعني ياخوي لازم تكون موضعي وحقاني في طرحك للموضوع

[بوحارب]

:app2::app2:

شكرا كيوتل

[509]

مشكورين كلكم على المرور

[لولوتي]

وليش مايكون التخفيض طول اليوم دام انهم مهتمين وايد؟؟؟
وكلها 30 يوم

ومن اللي شارك في الاستفتاء وادلى برايه منا :rolleyes2:

[::.Silent.::]

اخوي التخفيض بس حق المكالمات المحليه ..

و مادري ليش مختارين هالوقت ..!!؟؟

شدعوه عاد ما يبيلها ذكاء ..:telephone:

حزات الارباح .. تنسيهم مبادئهم وقيمهم ..:shy:

الشيطان ما مات للحين :tease:

[احب قطر]

شدعوه عاد ما يبيلها ذكاء ..:telephone:

حزات الارباح .. تنسيهم مبادئهم وقيمهم ..:shy:

الشيطان ما مات للحين :tease:

اشوف ناس واااايد متحاملين على كيوتل ... خل نكون منطقيين ، كل واحد فينا خل يلاحظ متى اكثر وقت الواحد يتكلم فيه في التلفون ، الصبح دوام او رقاد ، العصر اللي بيتعبد او اللي بيقيل والشباب طبعا عند الاستعراض ، وفي الليل اللي بيتصل او اللي بيسيير على احد ، يعني اغلب المكالمات تكون في الليل يعني الوقت الذهبي لجني الارباح ، ولا تبون كيوتل تقول لكم العرض من 7 صباحا لين 7 مساءا؟ .... أعتقد انهم كانوا موفقين في اختيار الوقت الانسب لتقديم الخصم .

[qatar lady]

وليش مايكون التخفيض طول اليوم دام انهم مهتمين وايد؟؟؟
وكلها 30 يوم

ومن اللي شارك في الاستفتاء وادلى برايه منا :rolleyes2:

توي كنت اقول نفس الرد الا شفت ردج ..

:)

يالله شي ببلاش ليش نقول له لا @@

[بلاهويـــــة]

أنا أشوف العرض مناسب في وقت حلو

[غزلان]

ماقصروا كيوتل

[بوخالد911]

:app2::app2:

شكرا كيوتل

أول 1 اشوووفه يمدح كيوتل!!!!!!!!!


خير بو حارب؟
:con2::con2::con2:

لا يكووون كيوتل عطتك عروووووض خاصة بك ؟؟!!؟؟
:omg::eek5::omg:

[شاي كرك]

اشوف ناس واااايد متحاملين على كيوتل ... خل نكون منطقيين ، كل واحد فينا خل يلاحظ متى اكثر وقت الواحد يتكلم فيه في التلفون ، الصبح دوام او رقاد ، العصر اللي بيتعبد او اللي بيقيل والشباب طبعا عند الاستعراض ، وفي الليل اللي بيتصل او اللي بيسيير على احد ، يعني اغلب المكالمات تكون في الليل يعني الوقت الذهبي لجني الارباح ، ولا تبون كيوتل تقول لكم العرض من 7 صباحا لين 7 مساءا؟ .... أعتقد انهم كانوا موفقين في اختيار الوقت الانسب لتقديم الخصم .


يعطيك العافية اخوي احب قطر ... احنا لا متحاملين ولا شي ... بس الواقع قاعد يفرض عليك تتكلم بلسان الحال "إللي احنا عايشينه" ...

انت لو تشوف العروض إللي في الدول المجاورة ، إللي يقول لك تكلم وبنعطيك ضعف الرصيد ... وإللي يقول لك جمع نقاط وإللي مادري وشو ...

ولكن ... هذا هو حال سياسة "الاحتكار" ... شئنا أم ابينا ...

[hasss1969]

اراه عرض ممتاز جدا وجزاهم الله خير,,,كان ياستطاعتهم ان لايعملوا عرض ,وسوف نتصل من خلالهم لاننا محتاجين لخدماتهم وسنتصل بدون عرض فجزاهم الله خير...

[سهم المراقيب]

الأخ 509 ,, ليش محتج عالوقت ؟؟ :con2:

المطوع التيربو يخلص التراويح الساعه 8:20 - 8:30 ,,
وعلى نهاية رمضان بتوصل 8 ,,

وعرض كيوتل يبدأ من الساعه 9 ,,
بالعكس الوقت اختياره ممتاز ,,

[وخروا عن طريقها]

شــيء احسن من لا شــــيء

العرض حلو والوقت مناسب

حتى بالصيف مسويين نفس هالعرض وكان رائع

كنت اتكلم :telephone:واتكلم :telephone: واتكلم :telephone:

والرصيد للحين موراضي يخلص

وكنت اتمنى لو خفضوا بعد بال :D sms

[المتألم]

الوقت حق الشباب المغازلجيه ..


ومعظم شبكات الهاتف عامله نفس العروض أو شبهها وعادة تكون في أوقات ليليه حق الثرثره ..

[jassim_007]

دام انه بيسون تخفيض المفروض 24 ساعه مب في اوقات محدده !

اصلاً من عقب الساعه 10 محد يتصل للثاني !!

[ANONYMOUS]

وليش مايكون التخفيض طول اليوم دام انهم مهتمين وايد؟؟؟
وكلها 30 يوم

ومن اللي شارك في الاستفتاء وادلى برايه منا :rolleyes2:



وين اللي يفهم يالولوتج


بعدين انا واحد ماشاركت في السيرفي مالهم..

من منكم اشترك ياجماعه

[miss-qatr]

صحيح

العرض للمكالمات المحليه.. فقط


بس ياريت كيوتل حرصت على حرمة هالشهر.. وخلت العرض.. لين قبل اذان الفجر..

:weeping:

:con2::con2:


دام انه بيسون تخفيض المفروض 24 ساعه مب في اوقات محدده !

اصلاً من عقب الساعه 10 محد يتصل للثاني !!

رمضان !!! متى تبي الناس تتصل :secret:

[509]

الربع خلوني اتكلم من واقعي انا مع كيوتل

انا عندي بزنس ومعاي شريك خليجي وفيه اتصالات بيني وبينه دولية

المشكله يوم انا اتصل له يحسب عليه بعد ويوم هو يتصل لي يحسب عليه

من الكويت ووتعرفون نظام الكويت

انا تلفون ادفع تاريخ 25 الشهر تاريخ 10 الشهر مقطوع عليه 3000 ريال

صاحبي الكويتي يدفع تلفونه تاريخ 1 الشهر ومايقطعوه اتجي فاتورته لين تاريخ 30 الشهر 1200 ريال

شي مايعقل

قلت له كيف وانت اذا اكلمك يحسب عليك بعد
وانت مرات تكلمني اكثر من انا اكلمك

انصدمت انا 15 يوم 3000 وهو شهر كامل واي يتصل او يستقبل اتصال يحسب عليه ويجي عليه 1200 يقول اذا فاتورة جامده 1600

هذا اللي قهرني وبعدين

نجي حق الانترنت حق الشركات

ياخي ذابحينا بالاسعار لا والسرعه 512

روح الدول الاجنبية شوف الانترنت عنده اسرع من عندنا بمليووون مره وارخص

هم الشركه الوحيده اوكي

ويبون الربح اوكي

بس بطريقة معقوله

بسأل كل واحد فيكم سؤال

كم تدفع حق كيوتل كل شهر

انترنت + جوالات اللي بأسمك + فاكس + تلفون ارضي؟؟؟؟

انا بحلف ان الاغلبيه يدفع ربع الراتب

شي غريب

[مرحوم قطر]

والله يالربع انا اعرف ان كيوتل مافيها خير ابد

و كل ما تسوي شر و نصب و بوق


وبخصوص التوقيت انت تخلص التارويح الساعه 9 وربع

و على حسب المسجد

يعني دوارتك و مكالماتك تبتدي الساعه 9 و ربع اما في النهار انا عن نفسي ماتكلم بالتلفون

[احب قطر]

والله يالربع انا اعرف ان كيوتل مافيها خير ابد

و كل ما تسوي شر و نصب و بوق


وبخصوص التوقيت انت تخلص التارويح الساعه 9 وربع

و على حسب المسجد

يعني دوارتك و مكالماتك تبتدي الساعه 9 و ربع اما في النهار انا عن نفسي ماتكلم بالتلفون

علشان جذي الخصم يبتدي من 9 في الليل لين 6 الصبح ... وبعدين يالربع انتوا صايمين ومهب زين تحطون في ذمتكم عن البوق والنصب .... ومااعتقد ان شركة بحجمها بتبوق او بتنصب على أحد ، واللي يحس انه مظلوم والشركة مارجعت حقه يقدر يروح عند المجلس الاعلى للاتصالات وهم بياخذون له حقه ...

[مصراوية]

علشان جذي الخصم يبتدي من 9 في الليل لين 6 الصبح ... وبعدين يالربع انتوا صايمين ومهب زين تحطون في ذمتكم عن البوق والنصب .... ومااعتقد ان شركة بحجمها بتبوق او بتنصب على أحد ، واللي يحس انه مظلوم والشركة مارجعت حقه يقدر يروح عند المجلس الاعلى للاتصالات وهم بياخذون له حقه ...


احب قطر

انت شغال في كيوتل؟؟؟

[احب قطر]

الربع خلوني اتكلم من واقعي انا مع كيوتل

انا عندي بزنس ومعاي شريك خليجي وفيه اتصالات بيني وبينه دولية

المشكله يوم انا اتصل له يحسب عليه بعد ويوم هو يتصل لي يحسب عليه

من الكويت ووتعرفون نظام الكويت

انا تلفون ادفع تاريخ 25 الشهر تاريخ 10 الشهر مقطوع عليه 3000 ريال

صاحبي الكويتي يدفع تلفونه تاريخ 1 الشهر ومايقطعوه اتجي فاتورته لين تاريخ 30 الشهر 1200 ريال

شي مايعقل

قلت له كيف وانت اذا اكلمك يحسب عليك بعد
وانت مرات تكلمني اكثر من انا اكلمك

انصدمت انا 15 يوم 3000 وهو شهر كامل واي يتصل او يستقبل اتصال يحسب عليه ويجي عليه 1200 يقول اذا فاتورة جامده 1600

هذا اللي قهرني وبعدين

نجي حق الانترنت حق الشركات

ياخي ذابحينا بالاسعار لا والسرعه 512

روح الدول الاجنبية شوف الانترنت عنده اسرع من عندنا بمليووون مره وارخص

هم الشركه الوحيده اوكي

ويبون الربح اوكي

بس بطريقة معقوله

بسأل كل واحد فيكم سؤال

كم تدفع حق كيوتل كل شهر

انترنت + جوالات اللي بأسمك + فاكس + تلفون ارضي؟؟؟؟

انا بحلف ان الاغلبيه يدفع ربع الراتب

شي غريب

الشيخ .. خدمات الاتصالات كلها سلعة والانسان يقدر يستخدمها بطريقة مقننه حسب احتياجاته يعني صار عندنا احنا لو الواحد حذاه تلفون البيت مايتصل منه بس بيتصل من تلفونه الجوال .. وبعدين بصراحة انا مااتفق معاك بخصوص الكويت نهائيا ....لاني كنت هناك وهم يقولون عنا ان احنا بعاااااااد وايد وافضل من عندهم حتى من الاسعار وانت قلت هم حتى اللي يستقبل المكالمة تنحسب عليه ، وقول حق اللي في الكويت خل يعطيك اسعار الانترنت للمنازل مش للشركات وشوف الفرق وحتى اسأله عم اسعار الدقيقه في الجوال ... وبعدين عن المكالمات الدولية كيوتل اليوم صارت من ارخص الدول في المكالمات الدولية ...لدرجة ان سعر الدقيقة حق الكويت اصبحت 50 درهم فقط عن طريق كرت دولي المطروح من كيوتل وحتى حق الشركات حطوا حلول بديلة في شي اسمه office in a box وبصراحة هو الوحيد اللي في المنطقة اللي يعطيك انترنت +بدالة+سيرفر+hosting+Firewall وهاي كله وبعد مرتبط بالجوال اذا انقطع خط التلفون الارضي علشان ماتروح عنك الخدمة وهذا كله مقابل مبلغ شهري جدا معقول مقابل الخدمة ...

[احب قطر]

احب قطر

انت شغال في كيوتل؟؟؟

اي نعم

[سعد آل شريم]

أخوي شي طبيعي أنك لما تكون تشتغل في كيوتل ماراح تحس بمشاكل الناس ؟؟؟

نفس واحد من الربع كان ضد كيوتل ويوم أشتغل معاهم ؟؟؟ صار يمدحهم ؟؟؟

شالسالفه !!!


أخوي أحب قطر أحنا مش ضد كيوتك نهائي ؟؟؟ ولا نكره كيوتل ؟؟؟ ولاكن في مشاكل كثيره عند الناس ومن سنين ولا حياة لمن تنادي ... ولا تقولي شركة قطر للأتصالات ؟؟؟ لو المشاكل الي عند الناس تنحل من الجذور ومن سنين كان فعلاً الناس راح تمدح كيوتل ؟؟؟ مشكله كيوتل تقول وتقول وتقول ولا تسوي أي شي ؟؟؟ وأنا واحد صاحب محل جوالات أرسلي رقمك الجوال على الخاص مستعد أناقشك ياتقنعني ويا أقنعك ؟؟؟ على الأقل نعرف حبك الشديد لكيوتل !!!

[احب قطر]

أخوي شي طبيعي أنك لما تكون تشتغل في كيوتل ماراح تحس بمشاكل الناس ؟؟؟

نفس واحد من الربع كان ضد كيوتل ويوم أشتغل معاهم ؟؟؟ صار يمدحهم ؟؟؟

شالسالفه !!!

أخوي سعد ...مش صحيح هذا الكلام ... لو اني مااحس بالناس كان ماشاركت ولا حتى قلت اني من كيوتل ... الانترنت اليوم خل الانسان يشوف العالم بكبسة زر ولا احد يقدر في عصرنا هذا يستغفل الناس او يلعب عليهم ...كل شي باين وكل شي واضح بس المشكله ان ناس كثار ينضرون للامور من جهة معينه ولاينضرون للامور بشكل كامل .

اخوي سعد ... مااحد يقدر ينكر ان كيوتل في السابق لم تكن مهتمه بالمشتركين نهائيا ... واعتقد الكل لاحظ التحول في الشركة من 3 او 4 سنين اللي اصبحوا يهتمون اكثر بالناس ويحاولون يغيرون بشكل كبير في الشركة .. والدليل على ذلك اتصالك على 180 وطريقة الرد او العروض اللي قاعدين يسوونها ولو انهم ماسووها بعد الناس راح تستخدم التلفونات ... واكيد هذا التغيير كان بسبب فتح سوق الاتصالات في الدولة اللي يعتبر قرار سيادي وجاء في صالح الناس... وانا ودي اذا عندك اي ملاحظة على كيوتل اذكرها هنا في المنتدى وخل كل اللي في كيوتل يشوفونها وخل الاعضاء يستفيدون.

[سعد آل شريم]

أخوي سعد ...مش صحيح هذا الكلام ... لو اني مااحس بالناس كان ماشاركت ولا حتى قلت اني من كيوتل ... الانترنت اليوم خل الانسان يشوف العالم بكبسة زر ولا احد يقدر في عصرنا هذا يستغفل الناس او يلعب عليهم ...كل شي باين وكل شي واضح بس المشكله ان ناس كثار ينضرون للامور من جهة معينه ولاينضرون للامور بشكل كامل .


أخوي أحب قطر ليش كيوتل ماتخلي خدماتها متكامله وماتكون عندها مشاكل .. يأخي كيوتل بتصير شركه عالميه ؟؟؟ أخوي مش واحد ولا أثنين عندهم مشكله بالفواتير والأرسال والأنتر نت والمكالمات الخارجيه ...

مثال : ثلاث أماكن مافيها أرسال ( طبعا الأماكن الي أكون متواجد فيها دايما )

1 ) في الكرنيش عند وزاره الداخليه .. بتقول في حاطين شيب في الموافق ... بعد مافي أرسال في الشارع ولو مريت راح تتأكد ؟؟؟

2 ) أدخل أي محل في السد وأتصل من الجوال وشوف ؟؟؟ طبعاً مافي أرسال .. يعني لو أبي أتصل لازم أطلع برع المحل ؟؟؟

3 ) من دوار المرور القديم لين الأشارات الجديده الي تطلعك على السد أذا الجوال ماقطع لك ألي تبيه ؟؟؟

هاذي ثلاث أماكن وسط الدوحه وفي أماكن حساسه ؟؟؟


( ومره شريت رقم مميز من كيوتل ودفعت الرسوم وأستلمت الكرت وجيت أتصل عليه إلا واحد ثاني يرد على )) ؟؟؟؟؟؟؟؟؟؟؟؟؟؟؟


وأن شاء الله الأخوان الي عندهم مشاكل مع كيوتل راح يكتبونها على العام

[احب قطر]

اول شي اي شركة اتصالات في العالم مستحيل تخلى من اي مشاكل ، ونعم يوجد عند كيوتل مشاكل سواء كانت فنية او غيرها... بالنسبة حق الارسال .. كيوتل اول شي سووته انها غيرة شبكة الجيل الثاني كامله توها يمكن من شهر والمشكلة اللي واجهتها ان مافي اماكن تحط عليها ابراج الارسال ولهالسبب اجروا بيوت لان اليوم زادوا عدد السكان واذا زادوا يعني يحتاجون الى ابراج اكثر، وبعد في اماكن كيوتل ماتقدر تركب فيها مثل سوق واقف او المحميات حفاظا عالمنظر العام او علشان مايحفرون الارض ويحطون مكاين كهربا.. وتشوف انت السيارات مالت الارسال ، وسبب وجودها ان مافي اماكن يبنون عليها المحطات.

[بوخالد911]

هلا

لو تضاريس قطر بها جبال وسهول ووديان

كان عذرنا كيوتل لضعف الارسسال

ولكن رحت جنوب شرق اسيا واوروبا اللي مليانة جبال ووديان وكل التضاريس عندهم

ولا يعانوون من مشكلة ضعف الارسال ولا هم يحزنون


صدقني لو عندنا جبال ؛ كان كيوتل بتقوول الجبال هي سب المشكلة الحقيقية !!!

عندكم بعد خدمة ال 3g ليش مب كل مناطق قطر مغطية؟

هل مساحتها ملاييييين الكيلومترات ؟

[سعد آل شريم]

اول شي اي شركة اتصالات في العالم مستحيل تخلى من اي مشاكل ، ونعم يوجد عند كيوتل مشاكل سواء كانت فنية او غيرها... بالنسبة حق الارسال .. كيوتل اول شي سووته انها غيرة شبكة الجيل الثاني كامله توها يمكن من شهر والمشكلة اللي واجهتها ان مافي اماكن تحط عليها ابراج الارسال ولهالسبب اجروا بيوت لان اليوم زادوا عدد السكان واذا زادوا يعني يحتاجون الى ابراج اكثر، وبعد في اماكن كيوتل ماتقدر تركب فيها مثل سوق واقف او المحميات حفاظا عالمنظر العام او علشان مايحفرون الارض ويحطون مكاين كهربا.. وتشوف انت السيارات مالت الارسال ، وسبب وجودها ان مافي اماكن يبنون عليها المحطات.

حفاظاً على المنظر العام ؟؟؟ يعني أنت مقتنع أن أبراج الأرسال غير مضرة بالأنسان وبشهاده من المحميات ؟؟؟ حتى في صحة أهل قطر بتوقف مع كيوتل !!!

أخوي المشاكل ألي ذكرتها من سنه ال 99 يعني في من 9 سنوات مش من شهر ولا شهرين ؟؟؟

وأبشرك أن شركة فودا فون وقعت مع عدة بنايات في قطر لوضع الأبراج عليها ؟؟؟ يعني قبل لاتنزل قاعده ترتب في موضوع الأرسال ...

وثق تماماً لو لقينا مشاكل في الشركه الجديده راح نقول وننتقد ؟؟؟

[بوخالد911]

اخووي سعد ال شريم

سؤال : الحيين اشوف شعارات كيوتل على لافتات محلات الجوواويل بشارع السد

هل صح ان كيوتل تدفع هي الرسوم نظير وضع شعارها ع اللافتات؟

ممكن تأكد علي

وتسلم

[سعد آل شريم]

اخووي سعد ال شريم

سؤال : الحيين اشوف شعارات كيوتل على لافتات محلات الجوواويل بشارع السد

هل صح ان كيوتل تدفع هي الرسوم نظير وضع شعارها ع اللافتات؟

ممكن تأكد علي

وتسلم


أخوي بوخالد 11

كيوتل يوم حست أن في منافس جديد لها حاولت تسيطر على المحلات بالأغرآت ..

وقالت راح نحط لكم أستاندات وشاشات عرض وعروض مميزه ... وأخرتها ولا شفنا شي منهم ..

وأنا واحد من الناس كنت رافض من البدايه وراح أنطر الشركة الجديده وراح أقارن بين الاثنين وأكيد راح أحط شعار الأفضل عروض فيهم ...

[almulla]

اخوي احب قطر انا عندي مشكلة مع البالتوك صدقني لو فتحتوا البالتوك مب محول فودافون

[م. عبدالعزيز]

أخوي شي طبيعي أنك لما تكون تشتغل في كيوتل ماراح تحس بمشاكل الناس ؟؟؟

نفس واحد من الربع كان ضد كيوتل ويوم أشتغل معاهم ؟؟؟ صار يمدحهم ؟؟؟

شالسالفه !!!

أخوي أحب قطر أحنا مش ضد كيوتك نهائي ؟؟؟ ولا نكره كيوتل ؟؟؟ ولاكن في مشاكل كثيره عند الناس ومن سنين ولا حياة لمن تنادي ... ولا تقولي شركة قطر للأتصالات ؟؟؟ لو المشاكل الي عند الناس تنحل من الجذور ومن سنين كان فعلاً الناس راح تمدح كيوتل ؟؟؟ مشكله كيوتل تقول وتقول وتقول ولا تسوي أي شي ؟؟؟ وأنا واحد صاحب محل جوالات أرسلي رقمك الجوال على الخاص مستعد أناقشك ياتقنعني ويا أقنعك ؟؟؟ على الأقل نعرف حبك الشديد لكيوتل !!!


اي نعم

السلام عليكم ياجماعه هدوا اعصابكم ما اعتقد انه نطيح مره وحده على اخونا احب قطر .. هو على الاقل جاي يقول الصج ما يجيب كلام من عنده وعلى الاقل فيه صوت نسمعه بالمنتدى من كيوتل

انا ما اشتغل في كيوتل وانما في مؤسسه ثانيه ومع ذلك اشوف خدمات كيوتل ممتازه مقارنه مع الدول المجاوره، صحيح فيه اشياء تضايق الواحد مثل احتساب المكالمة بالدقيقه وكذا لكن بالنهايه كيوتل هي شركه جيده .. الاتصالات المجاوره اكيد فيها ميزات اكثر من كيوتل ولكن عندها سلبيات أكثر من كيوتل كذلك

انا يوم رحت السعوديه كنت ابغي استخدم دليل الهاتف حقهم الدقيقه بريالين وانتظر فتره طويله لين ما يرد علي الموظف ولا يطرشون مسج ولا شي !؟ وكنت اتكلم من رقم سعودي بعد! وبالامارات ياخذون رسم على المكالمه .. ادخل المنتديات السعوديه شوف المشاكل اللي عندهم .. اشياء خياااااليه احنا عندنا ماصارت ..

اسعار المكالمات الدولية لبعض البلدان من الاتصالات السعوديه تصل للدقيقه5 ريالات.. واحنا بالكثير 4 ريال لكل بلدان العالم.. ولا بعد من خدمه البطاقة دولي تتكلم دول الخليج بنص ريال ما اعتقد حد من الدول المجاوره سوتها.. خدمة الرنات مالت كيوتل الموزايك.. شركه موبايلي مثلا عندهم تدفع اول شي 25 ريال عقب تتصفح الخدمه وكل رنه 5 ريال .. وكيوتل فقط 5 ريال للرنه وفيه سعر للدقيقه بريال للمكالمه وحتى لو مب مشترك بعد تقدر تتصفح الرنات

وعندك بالمقابل المكالمات عندنا محسوبه بالدقيقه وبالدول المجاوره بالثواني ،، العروض عندنا مب قويه مقارنه مع الدول المجاوره لانه للحين ما اشتغلت فودافون

بتقولون الاسعار عندنا شوي اغلى بس تعالوا نشوف الشركات الثانيه لما كانت في ايام احكارها.. بتلكو مثلا محد كان يمدحها.. والسعوديه قبل لتجي موبايلي كانت الدقيقه بريال وشي!! للمكالمه المحليه.. واحنا من خمس سنين تقريبا وشركه وحده في البلد احتكار والدقيقه ب35 درهم!!

وعن الشبكه.. كيوتل شبكتها ممتازه وعندنا بالفريج حاطين 3 مقويات متنقله جديده وفي مناطق بعيده مثل دخان والرويس صار عندهم ال3G ،، واذا على الخط مايشتغل في بعض المناطق طيب شفت جوال اي حد احذاك؟؟ يعني هل اذا ما اتصل االجوال يعني الخلل من الشركه دائما ومستحيل من الجوال نفسه!؟

وآسف على الإطالة وبالنهايه انا اعتبر كيوتل حالها حال الشركات المجاوره وفودافون مطلوبه علشان تزيد العروض ويكون في صالح المستهلك :victory:

[Q-tr]

شدخل انا اقول بعد

التخفيض للمكاااالماات المحليه مب الاسويه

يعني لنا
وبعدين لو جات فودااا فوووووووووون ممكن انه تكون فيه مناافسه بأسعار المكالماات

[بوحارب]

لو ينزلون كيوتل كرت هلا بو 10 ريال والله بيكون أنجاز منهم

[سعد آل شريم]

لو ينزلون كيوتل كرت هلا بو 10 ريال والله بيكون أنجاز منهم

في تحويل رصيد :nice:

[ابن قطر]

اهم شي ينزلون الاسعار على مدار اليوم لان في قطر الشباب يسهرون والموظفين يتحجون بالنهار والحريم عقب العشاء والعيايز الله يخليهم لنا العصريه

[الزعفراني82]

انا اشوف شي احسن من لا شي

لو كانت كيوتل ما سوت هالعرض كنتم بتقولون مافي عروض و الحين في عرض بتوقيت مناسب جدا و الكل يعرف ان هالوقت افضل توقيت خصوصا الناس تسهر

[WIFE]

اهلين
ع قولكم شي احسن من ولا شي ...و هذا انسب وقت للسوالف بعد تمام صلاة التراويح و نرقد اليهال حق المدارس و ساعتها نشوف اخبار الأهل.... بس عندي تساؤل في الجريدة قالوا انهم عملو استفتاء لعملاء كيوتل و على اساسه تم تحديد الوقت المناسب ...حد فيكم مر عليه هذا الاستفتاء؟؟؟ مجرد تساؤل
وتحياتي

[ANONYMOUS]

ليش ماكيوتل تسوي عرض


من خط كيوتل لين خط كيوتل.. الدقيقه ب 4 دراهم

ومن خط كيوتل لين خط فودافون او خط ارضي.. رسوم عاديه

ليش ماكيوتل تسوي عرض

تختار 3 جواويل.. الاتصال لهم ببلاش.. او برسوم 5 دراهم للدقيقه.. ؟

والباقي رسوم عاديه

ليش ما كيوتل تسوي عرض


كرت الهلا ببلاش..



لعيون بوحارب

:)

[jassim_007]

وانا ودي اذا عندك اي ملاحظة على كيوتل اذكرها هنا في المنتدى وخل كل اللي في كيوتل يشوفونها وخل الاعضاء يستفيدون.

بس ملاحظه !!

انا عندي ملاحظااااات !

بس حالياً بكتفي بهل كم من الملاحظات!

هل انتم مقتنعين بالموظفين الي يشتغلون في كيوتل ؟؟ خلني اقول لك بعض المواقف الي صادتني مع موظفينكم


مرة كان عندي مشكله برفع الملفات (الابلود) يعني (الداونلود ) عندي اوكي بس الابلود او رفع الملفات لا....


المهم اتصلت و ردت علي الموظفه و ساعه افهمها و اقول لها المشكله في الابلود او رفع الملفات :rolleyes2: ترجع تسألني يعني انت تقدر تتصفح اقول لها يا اختي العزيزة رفع مب تحميل و هي ترجع و تقول لي زين يعني انت تقدر تدخل في كل المواقع يعني ماعندك مشكله ! و اقعد اعطيها درس في التكنولوجيا و افهمها الفرق بين الابلود و الداونلود !! بذمتكم هذي شي معقول ؟؟ ماتقدرون تدخلون موظفينكم دورات علشان يتثقفون تكنولوجياً؟

و قبل كم سنه طلعت رقم ب300 ريال(خذته من المحلات الي يبيعون ارقام) يعني لا قالو لي ادفع ريال زياده لنه مميز ولاشي!! بس وقتها خليت الرقم باسم رفيجي... بعد سنتين راجعتهم و قلت لهم بحول الرقم باسمي ...قالو ادفع 300 زائد 50 رسوم التحويل ! طيب خير اشلون و ليش ال300 ! الا الموظف يقول لي رقمك ظاهر عندنه مميز و لازم تدفع 300 زياده !! السؤال اشلون انا خذته ب300 في البدايه و عقب تدفعوني بعد 300 !! و اشلون قبل ما كان مميز و عقب حولتوه مميز؟عجبييييييييييي!


شي ثاني صار معاي اليوم ! انا رحت اطلع كرت بدل فاقد بس تعرفون كم استغرق الوقت!! تخيلو والله ساعتين بس علشان اطلع بدل فاقد !! صار لي ساعه واقف في السيد و اخر شي يقول لي لازم تدفع الفاتوره الي عليك قبل ما اطلع بدل فاقد(زين ليش في الكتيب ماتكتبون الشروط بشكل واضح) ...عقب ما رحت ادفع بالجهاز بواسطه بطاقة ماستر كارد ماصار ! عاد ليش؟؟ لانه بطاقتي ماعليها (رقم سري) و اجهزه الدفع الي في كيوتل مبرمجين الكترونياً بان اول ماتدخل الكرت يطلب منك الباسورد ! المهم بعد ساعه دواره يمين و يسار و انا قاعد ادور حل لمشكلتي جاني واحد و قال لي روح اوقف في السيد (مرة ثانيه) و قول للموظف و هو بيدفع لك من نفس الكاونتر(طيب لو يصير من هناك ليش ما دفعتني بدل ما تقعد اطرشني يمين و يسار و توقفني بالدور الف مره) المهم بعد ما وقفت في السيد للمرة الثانيه و انا كني (في الخباز ) انتظر دوري ...اشوف الموظف يقول لي لا عندي مايصير روح داخل و ادفع ! رحت داخل و دفعت و رجعت و وقفت في السيد للمرة الثالثه !! المهم قبل ما يجي دوري الا اشوف واحد ثاني دفعوه من نفس الكاونتر (يعني مع الي يبون يصير بس معاي انا المسكين لا) المهم كنت بسوي لهم سالفه بس الواحد صايم و ماله خلق مشاكل و عوار راس !! المهم نطرت الخباز يخلص طلب الي قبلي علشان يوصل دوري ...الا بعد ما صرت ناطر بالدور للمرة الثالثه تقريباً لمدة 25 دقيقه ...يجي الموظف و بكل برود يعطيني رقم و يقول لي روح داخل قسم خدمة المشتركين و انتظر دورك !!:rolleyes2: شاسوي فيه هاي؟ والله كان خاطري اطلع من جيبي بيض و افلعه بويهه .... المهم عقب دخلت و انتظرت دوري و خلصصصصصصصت معاناتي!!!

طبعاً هل القصة في كيوتل فرع السد بتاريخ 3/9/2008

و السؤال:
- ليش الواحد يوقف بالصف اكثر من مرة علشان نفس المعاملة؟؟
- ليش ماتوزعون ارقام على الكونترات الي هناك و الواحد لازم ينتظر دوره جنه رايح الخباز!؟

و في النهايه حبيت ابشركم من احين... انا بانتظار فودافون و عادي عندي حتى لو ماقدرت احول رقمي (الشبه) مميز عليهم بكنسله و بشوف لي اي رقم (سلطه) من فودافون و بطقع لكيوطل!

[509]

احب قطر انا مستعد اخليك اتجي البيت عندي وارويك الانترنت برق حق كيوتل ال2 قيقا

وارويك قطعة الجوال اللي توكم تزلتوها من كم شهر حقت فودفون وشوف الفرق في السرعه

انا عندي جهاز دسك توب ومواصفاته

Intel R Core Tm Quad CPU
Q6600 @ 2.40 Hz
2.39CGz, 3.24 GB of Ram

يعني من افضل المواصفات الحديثه ومركب عليه برق 2 قيقا

وعندي جهاز لاب توب مواصفاته عاااااااااديه جداً ماتجي نصف مواصفات الدسك توب

وشوف لما احمل نفس المقطع او الفلم او اتصفح من الدسك توب والاب توب

الدسك توب = برق
الاب توب = قطعة فودفوان مع سيم بريطاني وفي قطر وشوف الفرق

ياخي احنا رحنا دول اوربية وعالمية وشفنا النت عنده سرعته تكون 512 واسرع من 2 قيقا وارخص بمليون مره

وعلى فكره انا كنت شغال في ادارة التعرفه الدولية حقت كيوتل

ادارة التعرفه الدولية هي الادارة اللي تقوم بشراء الدقايق من الدول حق المكالمات الدولية

ولو اقول حق الناس كم كنا نشتري الدقايق حق الاتصالات الدولية راح ينصدموووون

ارخص من ربع سعر الدقيقة المحلية ويمكن اقل بكثير اللحين

الكلام هذا من 4 سنين

[احب قطر]

احب قطر انا مستعد اخليك اتجي البيت عندي وارويك الانترنت برق حق كيوتل ال2 قيقا

وارويك قطعة الجوال اللي توكم تزلتوها من كم شهر حقت فودفون وشوف الفرق في السرعه

انا عندي جهاز دسك توب ومواصفاته

Intel R Core Tm Quad CPU
Q6600 @ 2.40 Hz
2.39CGz, 3.24 GB of Ram

يعني من افضل المواصفات الحديثه ومركب عليه برق 2 قيقا

وعندي جهاز لاب توب مواصفاته عاااااااااديه جداً ماتجي نصف مواصفات الدسك توب

وشوف لما احمل نفس المقطع او الفلم او اتصفح من الدسك توب والاب توب

الدسك توب = برق
الاب توب = قطعة فودفوان مع سيم بريطاني وفي قطر وشوف الفرق

ياخي احنا رحنا دول اوربية وعالمية وشفنا النت عنده سرعته تكون 512 واسرع من 2 قيقا وارخص بمليون مره

وعلى فكره انا كنت شغال في ادارة التعرفه الدولية حقت كيوتل

ادارة التعرفه الدولية هي الادارة اللي تقوم بشراء الدقايق من الدول حق المكالمات الدولية

ولو اقول حق الناس كم كنا نشتري الدقايق حق الاتصالات الدولية راح ينصدموووون

ارخص من ربع سعر الدقيقة المحلية ويمكن اقل بكثير اللحين

الكلام هذا من 4 سنين

اول شي مساك الله بالخير ، وبعدين انت في كلا الحالتين قاعد تستعمل شبكة كيوتل فمااقدر استوعب ان السرعة تكون غير على قطعة فودافون!!!! وبعدين شيخنا الكريم ... بالنسبة للتعرفة الدولية انا ودي تشوف كم اسعار المكالمات اليوم وبعدين سعر الدقيقة اللي قاعد تشتريه من الدولة الثانية وماحسبت سعر الفايبر لنك وسعر المحطة الدولية وتشغيلها وهاي امور كلها تكون في الحسبان ...

[احب قطر]

بس ملاحظه !!

انا عندي ملاحظااااات !

بس حالياً بكتفي بهل كم من الملاحظات!

هل انتم مقتنعين بالموظفين الي يشتغلون في كيوتل ؟؟ خلني اقول لك بعض المواقف الي صادتني مع موظفينكم


مرة كان عندي مشكله برفع الملفات (الابلود) يعني (الداونلود ) عندي اوكي بس الابلود او رفع الملفات لا....


المهم اتصلت و ردت علي الموظفه و ساعه افهمها و اقول لها المشكله في الابلود او رفع الملفات :rolleyes2: ترجع تسألني يعني انت تقدر تتصفح اقول لها يا اختي العزيزة رفع مب تحميل و هي ترجع و تقول لي زين يعني انت تقدر تدخل في كل المواقع يعني ماعندك مشكله ! و اقعد اعطيها درس في التكنولوجيا و افهمها الفرق بين الابلود و الداونلود !! بذمتكم هذي شي معقول ؟؟ ماتقدرون تدخلون موظفينكم دورات علشان يتثقفون تكنولوجياً؟

و قبل كم سنه طلعت رقم ب300 ريال(خذته من المحلات الي يبيعون ارقام) يعني لا قالو لي ادفع ريال زياده لنه مميز ولاشي!! بس وقتها خليت الرقم باسم رفيجي... بعد سنتين راجعتهم و قلت لهم بحول الرقم باسمي ...قالو ادفع 300 زائد 50 رسوم التحويل ! طيب خير اشلون و ليش ال300 ! الا الموظف يقول لي رقمك ظاهر عندنه مميز و لازم تدفع 300 زياده !! السؤال اشلون انا خذته ب300 في البدايه و عقب تدفعوني بعد 300 !! و اشلون قبل ما كان مميز و عقب حولتوه مميز؟عجبييييييييييي!


شي ثاني صار معاي اليوم ! انا رحت اطلع كرت بدل فاقد بس تعرفون كم استغرق الوقت!! تخيلو والله ساعتين بس علشان اطلع بدل فاقد !! صار لي ساعه واقف في السيد و اخر شي يقول لي لازم تدفع الفاتوره الي عليك قبل ما اطلع بدل فاقد(زين ليش في الكتيب ماتكتبون الشروط بشكل واضح) ...عقب ما رحت ادفع بالجهاز بواسطه بطاقة ماستر كارد ماصار ! عاد ليش؟؟ لانه بطاقتي ماعليها (رقم سري) و اجهزه الدفع الي في كيوتل مبرمجين الكترونياً بان اول ماتدخل الكرت يطلب منك الباسورد ! المهم بعد ساعه دواره يمين و يسار و انا قاعد ادور حل لمشكلتي جاني واحد و قال لي روح اوقف في السيد (مرة ثانيه) و قول للموظف و هو بيدفع لك من نفس الكاونتر(طيب لو يصير من هناك ليش ما دفعتني بدل ما تقعد اطرشني يمين و يسار و توقفني بالدور الف مره) المهم بعد ما وقفت في السيد للمرة الثانيه و انا كني (في الخباز ) انتظر دوري ...اشوف الموظف يقول لي لا عندي مايصير روح داخل و ادفع ! رحت داخل و دفعت و رجعت و وقفت في السيد للمرة الثالثه !! المهم قبل ما يجي دوري الا اشوف واحد ثاني دفعوه من نفس الكاونتر (يعني مع الي يبون يصير بس معاي انا المسكين لا) المهم كنت بسوي لهم سالفه بس الواحد صايم و ماله خلق مشاكل و عوار راس !! المهم نطرت الخباز يخلص طلب الي قبلي علشان يوصل دوري ...الا بعد ما صرت ناطر بالدور للمرة الثالثه تقريباً لمدة 25 دقيقه ...يجي الموظف و بكل برود يعطيني رقم و يقول لي روح داخل قسم خدمة المشتركين و انتظر دورك !!:rolleyes2: شاسوي فيه هاي؟ والله كان خاطري اطلع من جيبي بيض و افلعه بويهه .... المهم عقب دخلت و انتظرت دوري و خلصصصصصصصت معاناتي!!!

طبعاً هل القصة في كيوتل فرع السد بتاريخ 3/9/2008

و السؤال:
- ليش الواحد يوقف بالصف اكثر من مرة علشان نفس المعاملة؟؟
- ليش ماتوزعون ارقام على الكونترات الي هناك و الواحد لازم ينتظر دوره جنه رايح الخباز!؟

و في النهايه حبيت ابشركم من احين... انا بانتظار فودافون و عادي عندي حتى لو ماقدرت احول رقمي (الشبه) مميز عليهم بكنسله و بشوف لي اي رقم (سلطه) من فودافون و بطقع لكيوطل!

انا اتفق معاك في الكلام اللي قلته كله 100% .... ولوا انا منك رحت حق مسؤلهم وخليته بيزه مايسوى ولاراح يقدر يقول لك كلمه...

[احب قطر]

السلام عليكم ياجماعه هدوا اعصابكم ما اعتقد انه نطيح مره وحده على اخونا احب قطر .. هو على الاقل جاي يقول الصج ما يجيب كلام من عنده وعلى الاقل فيه صوت نسمعه بالمنتدى من كيوتل

انا ما اشتغل في كيوتل وانما في مؤسسه ثانيه ومع ذلك اشوف خدمات كيوتل ممتازه مقارنه مع الدول المجاوره، صحيح فيه اشياء تضايق الواحد مثل احتساب المكالمة بالدقيقه وكذا لكن بالنهايه كيوتل هي شركه جيده .. الاتصالات المجاوره اكيد فيها ميزات اكثر من كيوتل ولكن عندها سلبيات أكثر من كيوتل كذلك

انا يوم رحت السعوديه كنت ابغي استخدم دليل الهاتف حقهم الدقيقه بريالين وانتظر فتره طويله لين ما يرد علي الموظف ولا يطرشون مسج ولا شي !؟ وكنت اتكلم من رقم سعودي بعد! وبالامارات ياخذون رسم على المكالمه .. ادخل المنتديات السعوديه شوف المشاكل اللي عندهم .. اشياء خياااااليه احنا عندنا ماصارت ..

اسعار المكالمات الدولية لبعض البلدان من الاتصالات السعوديه تصل للدقيقه5 ريالات.. واحنا بالكثير 4 ريال لكل بلدان العالم.. ولا بعد من خدمه البطاقة دولي تتكلم دول الخليج بنص ريال ما اعتقد حد من الدول المجاوره سوتها.. خدمة الرنات مالت كيوتل الموزايك.. شركه موبايلي مثلا عندهم تدفع اول شي 25 ريال عقب تتصفح الخدمه وكل رنه 5 ريال .. وكيوتل فقط 5 ريال للرنه وفيه سعر للدقيقه بريال للمكالمه وحتى لو مب مشترك بعد تقدر تتصفح الرنات

وعندك بالمقابل المكالمات عندنا محسوبه بالدقيقه وبالدول المجاوره بالثواني ،، العروض عندنا مب قويه مقارنه مع الدول المجاوره لانه للحين ما اشتغلت فودافون

بتقولون الاسعار عندنا شوي اغلى بس تعالوا نشوف الشركات الثانيه لما كانت في ايام احكارها.. بتلكو مثلا محد كان يمدحها.. والسعوديه قبل لتجي موبايلي كانت الدقيقه بريال وشي!! للمكالمه المحليه.. واحنا من خمس سنين تقريبا وشركه وحده في البلد احتكار والدقيقه ب35 درهم!!

وعن الشبكه.. كيوتل شبكتها ممتازه وعندنا بالفريج حاطين 3 مقويات متنقله جديده وفي مناطق بعيده مثل دخان والرويس صار عندهم ال3G ،، واذا على الخط مايشتغل في بعض المناطق طيب شفت جوال اي حد احذاك؟؟ يعني هل اذا ما اتصل االجوال يعني الخلل من الشركه دائما ومستحيل من الجوال نفسه!؟

وآسف على الإطالة وبالنهايه انا اعتبر كيوتل حالها حال الشركات المجاوره وفودافون مطلوبه علشان تزيد العروض ويكون في صالح المستهلك :victory:

م.عبدالعزيز ... لك مني جزيل الشكر على مداخلاتك اللي تفيدنا...وانا كذلك اوجه دعوه للاخوان الدبلوماسيين المتواجدين خارج دولة قطر لمشاركتنا بتجاربهم مع خدمات الاتصالات في الدول الموجودين فيها بحكم انه عاشوا مع اكثر من شركة اتصالات.

[jassim_007]

انا اتفق معاك في الكلام اللي قلته كله 100% .... ولوا انا منك رحت حق مسؤلهم وخليته بيزه مايسوى ولاراح يقدر يقول لك كلمه...

تقول لي مسؤول؟؟

طيب اشرايك من فترة طويله شريت كرت تعبئه و طرشت الرقم لاخوي (مسج) ...المهم حاول الف مرة يعبي الكرت و ماصار ! اتصلت في كيوتل و استفسرت الا يقولون لي الكرت مستخدم ! قلت لهم الموضوع جذي و انا توني شاري الكرت و غيره ...


الا الموظف قال لي تعال راجعنه و جيب معاك الكرت و فاتوره من المحل الي شريت منه الكرت ! يوم رحت هناك الموظف حولني على المدير ! الا المدير المحترم يقول لي اشدعوه احين جاي علشان كرت بو 50 !؟

رديت عليه لو عندك منهم وايد عطني !!! طبعاً هل الكلام من فترة يمكن قبل سنتين او ثلاث (على ايام عزكم يوم ماكان في إي خبر عن فودافون ) : )


كيوتل=اسعاركم نار + خدماتكم شبه تعبانه+ ماعندكم الا المفوشر و احنه اول ناس جبنه الخدمة الفلانيه (في الشرق الاوسط) ...
عندي اكون الاخير و زبايني مستانسين ولا اكون اول واحد و خدماتي إي كلام !!

والله الحسنه الوحيده في كيوتل (حالياً) ....المكالمات المحليه في الخطوط الثابته (اضن تدفع 100 كل 3 شهور) بالنسبه لي هذي الحسنه و الميزة الوحيده في كيوتل ! عقبال مانشوف اسعار المكالمات المحليه(على الاقل) تكون معقولة عن طريق الموبايل

[مليت]

اعتقد الاخوه في كويتل مارعين المغازلجيه

[السديم]

احب قطر انا مستعد اخليك اتجي البيت عندي وارويك الانترنت برق حق كيوتل ال2 قيقا

وارويك قطعة الجوال اللي توكم تزلتوها من كم شهر حقت فودفون وشوف الفرق في السرعه

انا عندي جهاز دسك توب ومواصفاته

Intel R Core Tm Quad CPU
Q6600 @ 2.40 Hz
2.39CGz, 3.24 GB of Ram

يعني من افضل المواصفات الحديثه ومركب عليه برق 2 قيقا

وعندي جهاز لاب توب مواصفاته عاااااااااديه جداً ماتجي نصف مواصفات الدسك توب

وشوف لما احمل نفس المقطع او الفلم او اتصفح من الدسك توب والاب توب

الدسك توب = برق
الاب توب = قطعة فودفوان مع سيم بريطاني وفي قطر وشوف الفرق

ياخي احنا رحنا دول اوربية وعالمية وشفنا النت عنده سرعته تكون 512 واسرع من 2 قيقا وارخص بمليون مره

وعلى فكره انا كنت شغال في ادارة التعرفه الدولية حقت كيوتل

ادارة التعرفه الدولية هي الادارة اللي تقوم بشراء الدقايق من الدول حق المكالمات الدولية

ولو اقول حق الناس كم كنا نشتري الدقايق حق الاتصالات الدولية راح ينصدموووون

ارخص من ربع سعر الدقيقة المحلية ويمكن اقل بكثير اللحين

الكلام هذا من 4 سنين


:eek5::eek5::eek5::eek5:



اول شي مساك الله بالخير ، وبعدين انت في كلا الحالتين قاعد تستعمل شبكة كيوتل فمااقدر استوعب ان السرعة تكون غير على قطعة فودافون!!!! وبعدين شيخنا الكريم ... بالنسبة للتعرفة الدولية انا ودي تشوف كم اسعار المكالمات اليوم وبعدين سعر الدقيقة اللي قاعد تشتريه من الدولة الثانية وماحسبت سعر الفايبر لنك وسعر المحطة الدولية وتشغيلها وهاي امور كلها تكون في الحسبان ...

:nice::nice::nice:

[احب قطر]

اعتقد الاخوه في كويتل مارعين المغازلجيه

اول شي احنا لازم نرتقي عن هالاشياء وكل يقدر يستخدم اي شي في الحياة بطريقة ايجابية او سلبية ، وماودي اقول ان كل من يرى الناس بعين طبعه ...

[احب قطر]

تقول لي مسؤول؟؟

طيب اشرايك من فترة طويله شريت كرت تعبئه و طرشت الرقم لاخوي (مسج) ...المهم حاول الف مرة يعبي الكرت و ماصار ! اتصلت في كيوتل و استفسرت الا يقولون لي الكرت مستخدم ! قلت لهم الموضوع جذي و انا توني شاري الكرت و غيره ...


الا الموظف قال لي تعال راجعنه و جيب معاك الكرت و فاتوره من المحل الي شريت منه الكرت ! يوم رحت هناك الموظف حولني على المدير ! الا المدير المحترم يقول لي اشدعوه احين جاي علشان كرت بو 50 !؟

رديت عليه لو عندك منهم وايد عطني !!! طبعاً هل الكلام من فترة يمكن قبل سنتين او ثلاث (على ايام عزكم يوم ماكان في إي خبر عن فودافون ) : )


كيوتل=اسعاركم نار + خدماتكم شبه تعبانه+ ماعندكم الا المفوشر و احنه اول ناس جبنه الخدمة الفلانيه (في الشرق الاوسط) ...
عندي اكون الاخير و زبايني مستانسين ولا اكون اول واحد و خدماتي إي كلام !!

والله الحسنه الوحيده في كيوتل (حالياً) ....المكالمات المحليه في الخطوط الثابته (اضن تدفع 100 كل 3 شهور) بالنسبه لي هذي الحسنه و الميزة الوحيده في كيوتل ! عقبال مانشوف اسعار المكالمات المحليه(على الاقل) تكون معقولة عن طريق الموبايل

انا ايدتك على كلامك الاولي بس اسمح لي اخالفك الرأي في كلامك اهني...اولا قبل لاتحكم ان الاسعار نار اتمنى منك تسوي مقارنه باسعار جميع الخدمات مع الدول الاوربية والخليجية ولا تدخل مواضيع العروض ... وتقدر تدخل مواقع شركات الاتصالات في الانترنت وتشوف بنفسك ... وبعدين بالنسبة حق الخدمات الفنية في تقارير من جهات فنية ذات اختصاص تقدر ترجع لها واخرها تقرير نشر في جريدة العرب من كم يوم يفيد ان شبكة الجيل الثالث في كيوتل الاولى عربيا وبعدين ارجو من الاخوان الكرام يعرفون ان عدد مشتركين كيوتل كلهم تقريبا مليون ومائتين وفي السعودية مثلا 10 مليون ... يعني زين لم طرحوا العرض قالوا حق اول 500 الف مشترك يعني تقريبا نص عدد المشتركين اللي في كيوتل...انا مااقول ان كيوتل هي افضل شركة ولا أسوأ شركة يعني من 1 الى 10 ممكن تكون 8 واللي محتاجينه هو التركيز اكثر على خدمة الجمهور بشكل افضل . وبالنسبة حق المفوشر فاللي يقولونه كيوتل هو الواقع ولاجابوا شي من عندهم .

[مليت]

اول شي احنا لازم نرتقي عن هالاشياء وكل يقدر يستخدم اي شي في الحياة بطريقة ايجابية او سلبية ، وماودي اقول ان كل من يرى الناس بعين طبعه ...

عزيزي انا من كثر ما ارتقي وصلت فريق اول شرايك انت من تسع لين ست الصباح ؟؟؟ :victory: شتوقع يعني

[الخيميائي]

اتوقع في ناس خلاص ارسخت عنهم قاعدة مهاجمة كيوتل سوءا قدموا عروض جيدة او لم يقدموا

خلوا عندكم موضوعية في النقد

يعني انا اشوف خدمات كيوتل في تقدم

وبتتقدم اكثر من دخول شركة او شركات جديدة للسوق لانها بتحس بالمنافسة وانه الشركة الجديدة قاعدة تسحب من عملائها وبالتالي يؤثر على ربحيتها

وبخصوص العرض الجديد فوق الممتاز

وتحية لكيوتل على العرض وان شاء الله يستمر لين بعد رمضان :p

[jassim_007]

انا ايدتك على كلامك الاولي بس اسمح لي اخالفك الرأي في كلامك اهني...اولا قبل لاتحكم ان الاسعار نار اتمنى منك تسوي مقارنه باسعار جميع الخدمات مع الدول الاوربية والخليجية ولا تدخل مواضيع العروض ... وتقدر تدخل مواقع شركات الاتصالات في الانترنت وتشوف بنفسك ... وبعدين بالنسبة حق الخدمات الفنية في تقارير من جهات فنية ذات اختصاص تقدر ترجع لها واخرها تقرير نشر في جريدة العرب من كم يوم يفيد ان شبكة الجيل الثالث في كيوتل الاولى عربيا وبعدين ارجو من الاخوان الكرام يعرفون ان عدد مشتركين كيوتل كلهم تقريبا مليون ومائتين وفي السعودية مثلا 10 مليون ... يعني زين لم طرحوا العرض قالوا حق اول 500 الف مشترك يعني تقريبا نص عدد المشتركين اللي في كيوتل...انا مااقول ان كيوتل هي افضل شركة ولا أسوأ شركة يعني من 1 الى 10 ممكن تكون 8 واللي محتاجينه هو التركيز اكثر على خدمة الجمهور بشكل افضل . وبالنسبة حق المفوشر فاللي يقولونه كيوتل هو الواقع ولاجابوا شي من عندهم .

والله ياخوي لو انت تشوف الاسعار (عاديه) او رخيصه ...فيمكن انت شغال هناك و يسون لك (ديسكاونت) من جذي تشوف اسعارهم (عاديه)...اما المشتركين العاديين الي مثلي متأكدين و عارفين انه الاسعار ناااار ...ترا ماتكلم عن المكالمات الخارجيه لانه مهما تكون غاليه ...احنه مانستخدمه وايد و اذا قلت لهم رخصو تحججو بالتعرفه الدوليه و غيره ولكن القهر حتى المكالمات المحليه غاليه جداً...هذي غير انه الواحد اغلب الاوقات يشك في صحه المبالغ في فواتير كيوتل

[الأندلسي]

كيوتل قاصه علينا في كل شي... يات على هذي!!!!!