مشاهد عائلية على مائدة الأفطار

[دلة الرسلان]

السلام عليكم ورحمة الله وبركاته

بالأمس كان اول يوم من رمضان - اكيد عارفين - واول يوم لصوم ابنتي ذات السبع سنوات

معنا ، حاولنا نسوي جو روحاني من الساعة 5 استعدادا لأفطار وتجمعنا وشوية ادعية وتشجيع

للأطفال على صبرهم واجرهم في انتظار ساعة الصفر .

وتم احضار الفروض فقط يعني تمر لبنة (منزلية ) ماي وعصير وشوربة

وتمت معاملة الصغيرات معاملة الملوك وتقديمهن علينا في الخدمة ( طبعا الوضع فيه شد

واحنا اكبر اشمعنا هم ؟)

وبعدين عاوزين نخش على الفطور وننغنغهم وجاءت الاطباق المتنوعة ونحن في انتظار

الفتيان من الصلاة وتأخروا ( اكيد مارين على المجلس العود ) وتونا بنقول بسم الله مع

دخلة العيال الكبار الا الهجوم النفسي العنيف انتوا الى متى تقعدون البزارين معنا ؟؟

يالله قوموا :anger1:

خربوا على البنيات فكرة الجلسة العائلية على مشاهد من ام خماس تكتنفها بعض الضحكات

البريئة والاحساس بالتقدير .

الحين ابغي اعرف هل اللي حصل عندي صار لكم ؟؟ هل ترحبون بمشاركة الصغار مائدة

الأفطار خاصة الصائميين منهم ولا تجعمونهم ؟؟

[متفائله]

طبعا أكيد ميه في الميه لازم يشاركونا مائدة الافطار حتى لو ما كانوا صايمين علشان تترسخ عندهم احاسيس الافطار بعد الصوم والجمعه العائلية ومشاركة الكبار فرحتهم بالإفطار وبدون الأطفال ما يحلى الإفطار وأنا أمس بنتي ام السبعة أعوام ونصف صامت وقعدت معانا وأختها ذات العشرة أعوام أيضا صامت والحمدلله قدرت أصبرهم بالساعه الأخيره من الصيام قبل المغرب وكانت فرحتهم كبيره لما شافوا الأكل على المائدة وتجمعنا حولها فليش نحرمهم من هالفرحه

[miss-qatr]

ماراح ازيد على كلام اختي المتفائله


كلامها عدل .. ليش نعزل الصغار ؟؟ هو تجمع الاسره كامله !!! وهم ينعدون احد افراد هالعائله حتى لو ماكانو صيام

[ضوى]

اختي دلة

من يوم احنا صغار والتجمع عالسفرة فطور والا سحور شئ اساسي سواء صايمين والا فاطرين ، التجمع العائلي بحد ذاته شئ راااااااائع

عيالي اذا مب حولي عالسفرة ما اقدر اتهنى حلوة اللمة تعزز في الصغار والكبارشنهو معنى الاسرة

تحياتي لج

[هاجر]

الله يبارك لج في عيالج ويبلغج فيهم والله يرزقج برهم اللهم آمين

http://0hot0.com/files/file/00_287429.jpg

الله على الجمعة مع الأهل في رمضان وسائر الأيام
أصلاً اللقمه مانتهنى فيها ولا تحلى إلا بجمعة الاهل والعيال
وإن كانوا العيال الله يحفظهم يخلون الواحد يطلع عن طوره :anger1: بالذات وقت الفطور :shy:
ولج إنج تتخيلين بيت مافيه أطفال أو ممنوعين من التجمع على السفره :eek5:كآبه وضيق وكدر :(


أفضل عوار الراس والحنه والصراخ وشعري يصير منكوش :nice:
ولا إني آكل لقمة بدون عصابتي الصغيرة المافيا :nice:
ربي يحفظهم ويهديهم ويبارك لي فيهم اللهم آمين

http://www.alrai.com/img/166500/166671.jpg





يعطيييج العاااافية اختي دله على هذا الطرح الرااااااااااااااائع
وكل عام وانتي بخير
تقبل الله منا ومنكم صيامنا وسائر طاعاتنا
تقبلي مروري

[عاشق الشهادة]

حرام حتى لو ماهو صايمين ليش الا بخليهم على يميني وعلى يساري ,
أختي الي صار هو الصح تحبيب الاطفال واحساسهم بمكانتهم اذا صامو وهم بهذا العمر , فما بالك في اكبر منهم لاصوم ولاصلاه وهذا يعتمد على البيئه والبيت الي هو منه ,
بارك الله فيج يـ أختي وتسلمين .

[غزلان]

بالعكس حلو انهم يتعلمون ويتعودون على مظاهر رمضان والأستعداد للفطور

مع دوشتهم الا انهم حلوين

[دلة الرسلان]

طبعا أكيد ميه في الميه لازم يشاركونا مائدة الافطار حتى لو ما كانوا صايمين علشان تترسخ عندهم احاسيس الافطار بعد الصوم والجمعه العائلية ومشاركة الكبار فرحتهم بالإفطار وبدون الأطفال ما يحلى الإفطار وأنا أمس بنتي ام السبعة أعوام ونصف صامت وقعدت معانا وأختها ذات العشرة أعوام أيضا صامت والحمدلله قدرت أصبرهم بالساعه الأخيره من الصيام قبل المغرب وكانت فرحتهم كبيره لما شافوا الأكل على المائدة وتجمعنا حولها فليش نحرمهم من هالفرحه

صادقة اختي صراحة كنت احط سفرة الصغار بروحهم علشان ما يضايقون اخوانهم تخبرون

عندي مراهقين المهم سمعت الداعية فاطمة العلي تحث على اجتماع افراد العائلة وخاصة

الاطفال والدعاء قبل الافطار فدعائهم مستجاب لذلك حرصت ها الرمضانية على المشاركة الجماعية .

[دلة الرسلان]

ماراح ازيد على كلام اختي المتفائله


كلامها عدل .. ليش نعزل الصغار ؟؟ هو تجمع الاسره كامله !!! وهم ينعدون احد افراد هالعائله حتى لو ماكانو صيام


يعني الوضع عندكم مستتب الصغار والكبار ما احد يعترض ؟؟

[دلة الرسلان]

اختي دلة

من يوم احنا صغار والتجمع عالسفرة فطور والا سحور شئ اساسي سواء صايمين والا فاطرين ، التجمع العائلي بحد ذاته شئ راااااااائع

عيالي اذا مب حولي عالسفرة ما اقدر اتهنى حلوة اللمة تعزز في الصغار والكبارشنهو معنى الاسرة

تحياتي لج


وانتي الصادقة يمكن وجبة الافطار تجمعنا اكثر من الغداء والعشاء بسبب اختلاف الدوامات

[دلة الرسلان]

الله يبارك لج في عيالج ويبلغج فيهم والله يرزقج برهم اللهم آمين

http://0hot0.com/files/file/00_287429.jpg

الله على الجمعة مع الأهل في رمضان وسائر الأيام
أصلاً اللقمه مانتهنى فيها ولا تحلى إلا بجمعة الاهل والعيال
وإن كانوا العيال الله يحفظهم يخلون الواحد يطلع عن طوره :anger1: بالذات وقت الفطور :shy:
ولج إنج تتخيلين بيت مافيه أطفال أو ممنوعين من التجمع على السفره :eek5:كآبه وضيق وكدر :(


أفضل عوار الراس والحنه والصراخ وشعري يصير منكوش :nice:
ولا إني آكل لقمة بدون عصابتي الصغيرة المافيا :nice:
ربي يحفظهم ويهديهم ويبارك لي فيهم اللهم آمين

http://www.alrai.com/img/166500/166671.jpg





يعطيييج العاااافية اختي دله على هذا الطرح الرااااااااااااااائع
وكل عام وانتي بخير
تقبل الله منا ومنكم صيامنا وسائر طاعاتنا
تقبلي مروري

كلام حلو ما عندي تعليق عليه وفعلا اللمة تنشرى الله يخلي لج عييلج يا هاجر :nice:

[دلة الرسلان]

حرام حتى لو ماهو صايمين ليش الا بخليهم على يميني وعلى يساري ,
أختي الي صار هو الصح تحبيب الاطفال واحساسهم بمكانتهم اذا صامو وهم بهذا العمر , فما بالك في اكبر منهم لاصوم ولاصلاه وهذا يعتمد على البيئه والبيت الي هو منه ,
بارك الله فيج يـ أختي وتسلمين .

ويمكن في الحضن ولا يحلى لهم الاكل الا من يد الماما :victory:

[دلة الرسلان]

بالعكس حلو انهم يتعلمون ويتعودون على مظاهر رمضان والأستعداد للفطور

مع دوشتهم الا انهم حلوين


لو انتبهنا لكل افعالنا وتصرفاتنا مع ابنائنا لبنينا شخصيات يعتمد عليها وليس فقط بزران ولا

يهال :)

[ROSE]

موضوع حلو كالعادة دلة

بخصوصنا احنا في البيت الياهال معانا ع السفرة مانحب ناكل من غيرهم

صج بعضهم ماشاء الله ازعاج وخاصة عيال اخوي:rolleyes2: الله يحفظهم

بس لو كانوا موجودين لازم يكونون معانا ع السفرة نعودهم

شوي شوي على طريقة الاكل

اما بالنسبة لعيالي ماكنت اقدر اكل بدونهم هم اول شي ع السفرة وفديتهم عيالي

مب شياطين هاديين وايد


:nice:

[اعالي الجنان]

احلى جمعه لنا واحنا ملتمين كلنا عالسفره ود وتقارب وشعور بالسكينه خاصه انه مفتقدين الشي هذي بالايام العاديه بحكم طبيعة عمل ابو العيال

والله فرحه حلوه يوم اشوف عيالي قاعدين ومنتظرين الاذان وكل واحد ساحب له جلي وكرميل صوبه :)

طبعا يمللون الواحد بكثرة دخلتهم المطبخ من الجوع وانا اطردهم عشان لايفطرون ومع هذا وقت يقول الله اكبر.... هجوم سااحق :) وانا وابوهم نضحك ونصب لهم الفيمتو

وجودهم معانا بالسفره هو اللي محليها فليش نعزلهم عنا بالعكس اختي دله بيحسون بالنقص خليهم يحسون بالترابط الاسري والله يحفظ عيالنا وعيالكم وجميع المسلمين

[دلة الرسلان]

موضوع حلو كالعادة دلة

بخصوصنا احنا في البيت الياهال معانا ع السفرة مانحب ناكل من غيرهم

صج بعضهم ماشاء الله ازعاج وخاصة عيال اخوي:rolleyes2: الله يحفظهم

بس لو كانوا موجودين لازم يكونون معانا ع السفرة نعودهم

شوي شوي على طريقة الاكل

اما بالنسبة لعيالي ماكنت اقدر اكل بدونهم هم اول شي ع السفرة وفديتهم عيالي

مب شياطين هاديين وايد


:nice:


زين اذا الكبار يرحبون فيهم فهم قناديل السفرة

مع انهم يحوسون الترتيبات في لمح البصر:rolleyes2:

[دلة الرسلان]

احلى جمعه لنا واحنا ملتمين كلنا عالسفره ود وتقارب وشعور بالسكينه خاصه انه مفتقدين الشي هذي بالايام العاديه بحكم طبيعة عمل ابو العيال

والله فرحه حلوه يوم اشوف عيالي قاعدين ومنتظرين الاذان وكل واحد ساحب له جلي وكرميل صوبه :)

طبعا يمللون الواحد بكثرة دخلتهم المطبخ من الجوع وانا اطردهم عشان لايفطرون ومع هذا وقت يقول الله اكبر.... هجوم سااحق :) وانا وابوهم نضحك ونصب لهم الفيمتو

وجودهم معانا بالسفره هو اللي محليها فليش نعزلهم عنا بالعكس اختي دله بيحسون بالنقص خليهم يحسون بالترابط الاسري والله يحفظ عيالنا وعيالكم وجميع المسلمين

فديتك انا ابغيهم اللي يمارس ضدهم طقوسه السادية هم اخوانهم المراهقيين ويمدون بوزهم

يعني حرب اعصاب تبغينا نستانس اطردي الصغار من السفرة والصغيرات مساكين عويناتهم

تفتر الحين بيطردونا لا مب طاردينا