المساعد الشخصي الرقمي

مشاهدة النسخة كاملة : بخصوص الفحص الفني وين افضل فرع لهم ؟؟؟


الواعد
02-09-2008, 01:05 PM
السلام عليكم

بخصوص الفحص الفني

سيارتي صالون موديل 2005 اكيد عليها فحص فني ؟؟

المهم ايش اسهل واسرع طريقة هل فرع الوكرة توجد به زحمة ؟

لأن البعض نصحني اروح للوكرة لأنه افضل من غيره وماادري صحيح كلامه او لا

وفرع اللولو وينه بالضبط ؟ يقصدون اللولو اللي مقابل مستشفى حمد أو الهايبرماركت ؟


أو هل الفحص الفني عندهم هالخدمة واللي هي اخذ السيارة من العميل وتخليصها وارجاعها ؟؟

يعني ياخذونها من البيت ويرجعونها للبيت وكم بياخذون علي ؟؟؟؟

ياليت بسرعة والله يعطيكم العافية
almulla
02-09-2008, 01:15 PM
والله توني ابي اسأل نفس السؤال

تصدق ان بيتي في بوهامور والصناعية حذفت حصاة واروح الوكرة بس عشان الفحص الفني

الصناعية اذا دخلتها ماتطلع

واذا في فرع ثاني ياريت يفيدوننا الاخوان خصوصا اني رايح اليوم

وامس رحت ورجعت المطار عشان اكتب الورقة الي عندي لان ماعندهم طباعين !!

بعدين لما رجعت لهم مسكرين ويفتحون الساعة 7 لين 12 صباحا ومساء
الواعد
02-09-2008, 01:38 PM
والله توني ابي اسأل نفس السؤال

تصدق ان بيتي في بوهامور والصناعية حذفت حصاة واروح الوكرة بس عشان الفحص الفني

الصناعية اذا دخلتها ماتطلع

واذا في فرع ثاني ياريت يفيدوننا الاخوان خصوصا اني رايح اليوم

وامس رحت ورجعت المطار عشان اكتب الورقة الي عندي لان ماعندهم طباعين !!

بعدين لما رجعت لهم مسكرين ويفتحون الساعة 7 لين 12 صباحا ومساء


مرحبا أخوي

كل شيء الا الصناعية لاتروح لها شوارع مكسرة وشاحنات وزحمة

تنصحني اروح للوكرة ؟؟؟ ووين في الوكرة بالضبط ماادل في الوكرة ؟؟

بعدين اذكر يقولون لازم قبل ماتجي تاخذ موعد علشان ماتتأخر

هالشيء صحيح يعني لازم آخذ موعد من قبل أو انها نفس الشيء ؟؟
almulla
02-09-2008, 01:58 PM
في الوكرة في مواقف مسجد عثمان سابقا (حمزة حاليا) (مسجد الوكرة العود)

وماعتقد انك بتتأخر سالفة المواعيد ماقالو لي عنها مجرد مارحت قالو لي اطبع الورقة في الصناعية

واليوم رايح ان شاء الله باصلي التراويح في مسجد صهيب الرومي وباروح هناك على طول

ومافي سيارات وايد هناك يعني ماعتقد انك بتتأخر :)

وسالفة الصناعية اي والله كل شي ولا الصناعية اقولك انا رايح الوكرة وبيتي في بوهامور بس الوكرة تهون عن زحمة وكآبة الصناعية
الواعد
02-09-2008, 02:20 PM
قالو لي اطبع الورقة في الصناعية


اي ورقة ؟؟؟ أنا صار لي كم سنة مارحت للفحص الفني

وضح لي هالورقة قبل الفحص أو بعده ؟؟؟

وبعدين لازم اروح للصناعية يعني ؟ ليش ماعندهم طباعة ؟؟

أو ممكن اطبعها عند اي طباع ؟؟؟
Scorpion
02-09-2008, 02:24 PM
Wakra is good , bas sena3yaa zahma w mkasar el tareg :S
almulla
02-09-2008, 02:33 PM
خذ الورقة من المرور انا عن نفسي قلت لهم ابي ورقة عشان اطلع تصريح المخفي

والورقة فيها اكثر من شي بس مادري هل للفحص الفني علاقة لو تمر على مرور المطار تسألهم لان هناك

خذت الورقة والطباع موجود هناك بعد
boooooon
02-09-2008, 02:38 PM
اخوي الي فاللولو الي فالمطار احسن شي

بس لازم تاخذ موعد قبل بكم يوم

اتصل على الفحص الفني وقولهم ابي اخذ موعد

وخلاص وروح لهم ترى متساهلين بس مب على الاشياء الضرورية
almulla
02-09-2008, 02:59 PM
اي صوب في اللولو ؟
الدم البنفسجي
02-09-2008, 05:28 PM
اللولو مطار موجودين في المواقف جانبيه
boooooon
02-09-2008, 05:37 PM
بين اللولو ومركز ابتك للكمبيوتر في مواقف كبيرة هنااك تقريبا