تحية الى ادارة المرور ولكن اين الخطة؟؟

[bohilal191]

السلام عليكم طبعا كلنا قرأنا في الجرايد عن خطة ادارة المرور فيما يخص الازدحام الحاصل في البلد ولكن اللي شفته اليوم بعيد كل البعد عن الخطة على سبيل المثال دوار حيوي وهو دوار ابوهامور او مايسمى الصناعية وبالتحديد القريب من محطة وقود هذا الدوار عليه ازدحام شديد ولكن دورية واحده موجوده لا وياريت قاعدين يمشون السير قاعدين في السيارة ومخلين الدوار اوكي بتقولون حر المفروض هالدوار عليه دورتين يعني اربعة من رجال المرور وكل واحد ماسك له مسار صدقوني مايصير ازدحام واذا على قولتهم فيه خطة اتمنى تطبيقها بحيث يتم تخصيص دورتين على كل دوار الله يرحم دوار المول قبل مايتحول اشارات كانت لخويا ماسكته وماشاء الله كل شخص ماسك مسار وكانوا يمشون السير مثل عمل الاشارات الحالية ومنا الى ادارة المرور والله يعطيكم العافية على جهودكم المبذولة والى الامام.

[@محمد@]

بالعكس قايمين هم والخويا بالواجب وأكثر

بغض النظر عن التصرفات الشخصية ولاننسى الرطوبة والحر وتصرفات بعض السائقين

والمشكلة مب هني المشكلة وين التنسيق مع الجهات المسئولة من أشغال والمشاريع وغيرها من الجهات

تحس كل واحد يتصرف على كيفة دون مراعاة نقط تجمع السيارات في الدوحة والازدحام لوكان هناك مراعاة لما وجدنا الازدحام.

[حبر سري]

اخو لو في خطة كان طبقوها من زمان

[GULFSUN]

http://www.qatarshares.com/vb/showthread.php?t=198196

[بويوسف]

شتبي يسون الله يهديك المرور يذبحون عمرهم يعني ؟؟ والله انه دوم امر على الدوار والاخوان بالمرور مش مقصرين جزاهم الله الف خير .. كفاية الحر والرطوبة .. وليما تقل الزحمة يجلسون بسيارتهم..

انت ليما تمشي من مكان عملك ليما السيارة تختنق من الحر والرطوبة فما بالك في الاخوان اللي قاعدين يمشون السيارات بالساعات هل نستكثر عليهم الراحة بالسيارة؟

[bohilal191]

لاياجماعة الخير والله هم مايقصرون كل اللي اقصده زيادة العدد يعني اذا كل دوار عليه دورتين اوكي مب مشلكلة يقدرون ينسقون مع بعض بحيث يرتاحون اثنين واثنين يمشون وعقب يتناوبون هذا اللي اقصده ولا هم يعطيهم العافية مامقصرين كل اللي نبيه زيادة عددهم بس

[@محمد@]

لاياجماعة الخير والله هم مايقصرون كل اللي اقصده زيادة العدد يعني اذا كل دوار عليه دورتين اوكي مب مشلكلة يقدرون ينسقون مع بعض بحيث يرتاحون اثنين واثنين يمشون وعقب يتناوبون هذا اللي اقصده ولا هم يعطيهم العافية مامقصرين كل اللي نبيه زيادة عددهم بس

خلها على الله لوصار مثل ما تقول محد بيداوم في القسم

عدد الدوارات والشوارع والسيارات فوق عدد السكان:eek5:

[jajassim]

رضا الناس غايه لا تدرك

واشكر كل الردود الي وصلتلي وفالكم طيب ،، واقتراحاتكم ،، وصلت لهم ،، :victory:

واشكر اللي فاهمين الوضع ،، ويكثر من أمثالكم ،،، :)

[almulla]

تقصد الدوار اللي يوديك على الكنيسة ومحطة وقود والصناعية ودوار اكاديمية الجزيرة ؟؟

هاي الدوار بالعكس اشوفهم وايد متفاعلين فيه

انا اشوف لو يتفرغون للصناعية يكون احسن اللي يدخلها مايقدر يطلع منها الا وهو متنتف لو رايح الحسا مصلح موتره ابرك له

[مستثمر111]

انا اقول للمرور صباح الخير واقول للتخطيط صباح الورد لو في تخطيط ما خلو دوام رمضان كل الناس يداومون من 8 الى 1 اكيد بتصير زحمة والمدارس لحين ما بدت الله يعين

[عندليب قطر]

انا ابى اعرف ايش الحكمة عند ناشونال متواجدين المرور

لاكن عند الزحمة ماتحصلهم مثل اسوفتيل ودوار البنك العربي ماتحصلهم