المساعد الشخصي الرقمي

مشاهدة النسخة كاملة : قصيدة من زوجة لزوجها



الرميحي
16-11-2005, 12:38 AM
السلام عليكم

هذة القصيدة لزوجة عندها مرض خطير وليس له علاج ...دخلت يوم من الايام المستشفى
وعندما خرجت ذبح زوجها لها ذبائح وعزم الاقارب والاحباب وهو فرح بخروجها ...

وقامت الزوجة وانشدة هذه الابيات :-



ترى الذبايح واهـلها ماتسـليني ><>< انا ادري ان المرض لا يمكن علاجه

ادري تبي راحتي لا يا بعد عيني ><>< حرام ماقصرت ايديك في حاجه

اخذ وصاتي وامانة لا تبكيني ><>< لوكان لك خاطر ما ودي ازعاجه

ابيك بايديك تشهدني وتسقيني ><>< امانتك لا يجي جسمي بثلاجه

لف الكفن بايديك وضف رجليني ><>< ماغيرك احد كشف حسنة واحراجه

ابيك بالخير تذكرني وتطريني ><>< يجيرني خالقي من نار وهاجه

سامح على اللي جرى مابينك وبيني ><>< ايام نمشي عدل وايام منعاجه

همي عيالي وانا اللي فيني كافيني ><>< علمهم الدين تفسيره ومنهاجه



رحم الله شاعرتنا عابرة سبيل صاحبة تلك الابيات الجميلة التي تعبر فيها عن محبتها لزوجها ولاولادها خلال مراحل المرض الذي أصابها ..




تحياتي

كش ملك!!
16-11-2005, 01:05 AM
ابيات صادقة


صح لسان عابرة سبيل


وتسلم يدك على النقل الجميل يخوي

abu_yousef
16-11-2005, 01:10 AM
الرميحي ....متابع كتاباتك واختياراتك الشعريه ......ما شاء الله عليك مبدع ومميز

عساك دوم عالقوه

ROSE
16-11-2005, 01:29 AM
السلام عليكم

هذة القصيدة لزوجة عندها مرض خطير وليس له علاج ...دخلت يوم من الايام المستشفى
وعندما خرجت ذبح زوجها لها ذبائح وعزم الاقارب والاحباب وهو فرح بخروجها ...

وقامت الزوجة وانشدة هذه الابيات :-



ترى الذبايح واهـلها ماتسـليني ><>< انا ادري ان المرض لا يمكن علاجه

ادري تبي راحتي لا يا بعد عيني ><>< حرام ماقصرت ايديك في حاجه

اخذ وصاتي وامانة لا تبكيني ><>< لوكان لك خاطر ما ودي ازعاجه

ابيك بايديك تشهدني وتسقيني ><>< امانتك لا يجي جسمي بثلاجه

لف الكفن بايديك وضف رجليني ><>< ماغيرك احد كشف حسنة واحراجه

ابيك بالخير تذكرني وتطريني ><>< يجيرني خالقي من نار وهاجه

سامح على اللي جرى مابينك وبيني ><>< ايام نمشي عدل وايام منعاجه

همي عيالي وانا اللي فيني كافيني ><>< علمهم الدين تفسيره ومنهاجه



رحم الله شاعرتنا عابرة سبيل صاحبة تلك الابيات الجميلة التي تعبر فيها عن محبتها لزوجها ولاولادها خلال مراحل المرض الذي أصابها ..




تحياتي


رحمها الله وتغمد روحها الجنة

:( :( :( بصراحه كلمات ابكتني

بوخالد2
16-11-2005, 01:34 AM
بصراحه هاى الشعر ولابلاش طالع من القلب ويحزن
الله يرحمها برحمته ويسكنها فسيح جناته

الرميحي
16-11-2005, 09:16 AM
الرميحي ....متابع كتاباتك واختياراتك الشعريه ......ما شاء الله عليك مبدع ومميز

عساك دوم عالقوه

بو يوسف عزيز وغالي طال عمرك واشكرك ع الشهادة

لحظه وتمر
16-11-2005, 09:58 AM
:eek3: :eek3: :eek3: :eek3: درر

لحظه وتمر
16-11-2005, 10:14 AM
السلام عليكم ورحمة الله وبركاته

اشكرك اخوي الرميحي على القصيدة الرائعة

كانت الراحلة الشاعرة المعروفه عابرة سبيل تكتب شعرا جميلا خلف ستار
الاسم المستعار ولكن هنا سنذكر بياناتها الحقيقية بعد اعترافها وكذلك اشياء
لم نكن نعرفها واليكم اخر الاخبار

1\ اسمها الحقيقي وسميه العازمي( ام فهد ) من الكويت
2/ عمرها الحقيقي عند وفاتها43سنه
3/لديها اربع بنات وولدين
ولقد توفيت في تاريخ 18/ 3/ 2003م
الساعه العاشرة والنصف مساءا وقد ذكرعنهاانها انسانه طيبه جدا وهادئه وتكره الاعلام
والمفاجاة ان زوجها لم يكن يعلم بشاعريتها الا عندما اعترفت له بذلك اثناء مرضها

وزوجها هو من تولى طباعة ديوانها ورفظت
هي ان تستلم دينارا واحدا من مبيعاته وهذا دليل على روعه هالشاعر ة الطيبه رحمها الله

تـرى الـذبايح واهـلها مـاتسليني
انـا ادري ان المرض لايمكن علاجه

ادري تـبي راحـتي يـابعد عـيني
حـرام مـاقصرت ايديك في حاجه

اخـذ وصـاتي وامـانه لاتـبكيني
لـوكان لـك خاطرن ماودي ازعاجه

ابـيك فـي ايـدينك تـشهدني وتـسقيني
وداعتك لايجي جسمي بثلاجة

لف الكفن في ايديك وصف رجليني
ماغيرك احدن كشف حسناه وحراجه

ابـيك بـالخير تـذكرني وتـطريني
يـجيرني خـالقي مـن نـار وهاجه

سـامح عـلى الـلي جـرى مـابينك وبيني
ايام امشي عدل وايام منعاجه

اعـيالي هـمي وانـا الـلي فـي يكفيني
علمهم الدين تفسيره ومنهاجه
رحمه الله رحمه واسعه
ولك تحياتي
عليميه

لحظه وتمر
16-11-2005, 10:18 AM
رساله من بدويه (عابره سبيل)





تـعـال بـشــرح لـــك أنـــا كـــل مـغـلـوق
تــعـــال شـاهــدنــي مـــــع ذكـريــاتــي
لا لا يـغـرك لـبــس مـوضــة ومـسـحـوق
انـفـض غـبــار الـوقــت تـلـقـي صـفـاتـي
قــرب وطـالـع مـعّـن الـشــوف بـحــدوق
وزيـــف الـتـطـور جـــرده مــــن حـيـاتــي
بتشوف في وجهي من الماضي اطروق
أخــذت مــن بـطـن الـصـحـاري صـفـاتـي
طـفـلــة بــثــوب مخيـطـيـنـه ومـفــتــوق
تـنـطـر جـديــد الــثــوب بـالـعـيـد يــاتــي
سمعت طرف اخبار عـن كلمـة السـوق
وتـاخــذ وتـســأل هـــو وجـــوده ثـبـاتـي
طفـلـه سحـبـهـا الـوقــت للهم بـرفــوق
حـتـي انـهـا صـــارت مـــن العاشـقـاتـي
وجــار الـزمـن وعـــرض الـحــب لـلـعـوق
شــــرق ركـايـبـهـا وهــــم مـشـمـلاتـي
واتــلا عـهـدهـا فـيــه يـركــض ورا نـــوق
مـسـرود جـيـب وفــي يـديـنـه عـصـاتـي
ويصـد لـكـن يلتـفـت لــي مــن الـشـوق
عــجــلان يلـخـصـنـي بـعــيــنٍ تـحــاتــي
وقــفــي وخـطــواتــه يـتــلــن مـعــلــوق
وخـلانــي ماتـنـقـل عـظـامــي عـبـاتــي
ودار الـزمـان ولا مـشـي الـحـظ بـوفــوق
ومـازلــت أخـفــي بـالـظــلام اعـبـراتــي
ولا زلت أنا العـب لـه علـي كـل طـاروق
حــتــي يـجـيــب الله مــوعـــد وفــاتـــي




هنا سأترك الأبيات
تتحدث عن نفسها لنقرأ
بتمعن بعض ما كتبته لنا
من صادق إحساسها
الذي يجعلنا نستيقن من أننا
فقدنا شاعرة من الصعب تعويضه
ا لها بصمتها الخاصة بها
في مسيرة الشعر الشعبي .
قالت فأبدعت
في مختلف أغراض الشعر
بتلقائية كاملة وابداع متناهي .
كان لها هاجسها الخاص بها .
لم تقلد أحدا في استحضار
أفكار قصائدها ولغتها
ولهذا كان التميز





خلون اعيش العابرة دون عنوان
طيـفٍ يمـر بـلا رقابـة وحــارس








أبكسر الاغـلال واعيـش حـره
بصنع قراري وكل شيٍ بيدي
مليت من صبرٍ عطاني مضره
أعيش في عصرٍ لجدّان جدي







وما دمت أنا متعافية ما زلت في سن الربيع
مهما يكن حجم العمل أرفض وجود الخادمه
:)

حـــان الـوداع


حـان الفــراق .. وتم توديع غالين
قسـوة زمن وظروف ماهي رحومه

وحـاولت ابدّل موقف العسـر باللين
وأبين قدامه جسور ظلومه

وأعاتبه وأنقد على دمعة العين
وانا - حشا لله - ماني ألــومه

وأقول هذا حال كل المحبين
وهذا الفراق الي تجينا علومه

ومسكت نفسي كن ماصاير شين
أخشى على خلي يشقق هدومه

ثم قلت وش تنطر حبيبي لهالحين؟
!! أثر ايديني ماسكات كمـــومه

ضايقه


ضايقه بالحيل محتاجه اشتكي
لولا طبع فيّ .. يمديني شكيت

بس أدور عذر منشان البكي
لو يدوسون بطرف ثوبي بكيت

كل ماجيت اتريح وارتكي
يزدحم في خاطري الفين بيت

ويش بيدي افعله غير الحكي؟
قاصره خطوات رجلي لو مشيت

أسرعي يانفس موتي واهلكي
صرتي همي يوم بالدنيا شكيت



لاتسافر


لا تسافر وتتركني أجاهد غلاك
كل شي يهون إلا جهاد الغرام

أما تبقى معايا أو اسافر معاك
لاتخليني لطوال الليالي طعام

خوفي البعد لامنه خذاك وطواك
مثل قصر تولاه الزمن والهدام

لا تسافر وانا اللي في رجا الله ورجاك
!! لاتسافر وتلقاني بقايا حطام


هيـّا تغــزل


كل ما اتصل فيك.. صبح وليل تشكي لي
من عوج الاوضاع والدنيا ومتاعبـــها

مليت يا صاحبي مابيك تحكي لي
هالأسطوانه أنا مليـت مطـــربها

حتى خيالك بتـال الليل ياتي لي
جروح وعيون معقوده حــواجبها

عيشتني بعالم ماهو على جيلي
زهرة شبابي حرام انك تخربها

ياما هجرتك ولا كملّت ترحيلي
حبايب ماتعبر عن حبايبها

حبيبتك ما تحمــّل هالبهاذيلي
إضحك معاها ولاطفها ولاعبها

هيّا تغزل وغن وزيد تدليلي
البنت ياحبها للي يداعبها

قلي وش رايك بفستاني ومنديلي؟
الوانهن تعجبك .. أو مانت راغبها؟

وقلي وش رايك بعقدي مع خلاخيلي؟
وشف قذلتي يوم قصينا ذوايبها

وقلي وش رايك بأطباعي وأقاويلي
لاحظ عليها وغيّـرها وشطّبها

خل بيننا انقاش وعلوم وتعاليلي
وآمر على البنت وان حبيت طالبها

يامدمن الهم كافي دمع بالليلي
بكره تشبع من الدنيا ومصايبها

دنياك والله .. ماتسوى التزاعيلي
حتى ولاهيب كفو الي يعاتبها


إنا لله


ليتني البارحه ياغالي ماسريت
يم درج ٍ مقفل من قديم السنين

أشهد اني فتحته وانتحبت وبكيت
شفت ماهيض الجرح القديم الدفين

شفت وسطه رساله وليتني ماقريت
بيت شعر قديم وظرف مع صورتين

اشهد اني لغيره بالغلا ماعطيت
واشهد انه بغاني مير ما من عوين

صحت من قلب ياويلي على اللي هويت
وقمت امسح دموعي من يسار ويمين

لاطرالي حبيبي بصوت واطي حكيت
!! إنا لله .... وإنا للولي راجعيـــــــن



يا يمه


يمه .. يايمه .. فديتك لاتخليني
بعثرني الهم وأبغى يديك تجمعني

يمه افهميني تراك ان مافهمتيني
مافيه شخص بهالدنيا بيسعمني

ماعدت انا طفلتك.. كبرت شوفيني
خليك يمي ترى الاطماع تتبعني

لاتدلليني .. أبي منك تدليني
وابي ايديك تداعبني وتصفعني

ولا انهد حيلي أبي عطفك يقويني
ياما كلامك على الشدات شجعني

وان جيتك ابكي .. ابي منك تهديني
مابيك تبكين .. أبغى العقل ينفعني

يامملكة عطف ياعطر الرياحيني
براثن الهم والهوجاس تلسعني

بسمتك عندي الا من ضقت تكفيني
وارضاك عني عن الاحزان يرفعني

اسمى العلاقات تربط بينك وبيني
ياللي احضانك ان ضاق الكون تاسعني

لك احترامي وحبي والوفا .. فيني
وفيك اروع الحب مايخطي ويخدعني

عزيز
16-11-2005, 02:46 PM
تسلم يالرميحي والله هالقصيده تعور القلب بصراحه

يعطيك ألف عافيه يالغالي :)

وتسلمين أختي عليميه علي أثراء الموضوع

الرميحي
16-11-2005, 03:44 PM
رحمها الله وتغمد روحها الجنة

:( :( :( بصراحه كلمات ابكتني

يسلملي مرورج اخت روز

الرميحي
16-11-2005, 04:24 PM
بصراحه هاى الشعر ولابلاش طالع من القلب ويحزن
الله يرحمها برحمته ويسكنها فسيح جناته

اميـــــــــــــــــــــــــــــــــــــــــــــــ ــن

الرميحي
16-11-2005, 04:26 PM
:eek3: :eek3: :eek3: :eek3: درر

اشكرج ع المرور اختي

الرميحي
16-11-2005, 04:27 PM
تسلم يالرميحي والله هالقصيده تعور القلب بصراحه

يعطيك ألف عافيه يالغالي :)

وتسلمين أختي عليميه علي أثراء الموضوع


عزيز والله يا عزيز

الماسه
19-11-2005, 01:39 AM
يعطيك العافية جداً حزينة هذه الأبيات حيث لايوجد شيئ اصعب من الفراق

الرميحي
19-11-2005, 05:13 AM
يعطيك العافية جداً حزينة هذه الأبيات حيث لايوجد شيئ اصعب من الفراق

اكيد مافي شيئ اصعب من الفراق,,,,, اشكر لج المرور الجميل

عزيز
19-11-2005, 02:21 PM
عزيز والله يا عزيز

تسلم طال عمرك :nice:

أنشهد أنك أصل وولد عرب يالغالي :app: :app:

لك أجمل تحيه :o