أحسن مطعم يبيع كباب في رمضان؟؟؟

[قطر95]

السلام عليكم ورحمة الله وبركاته

طبعا عندنا عادة قديمة في قطر وهي أكل الكباب في رمضان على السحور والغبقات مع الاهل أوالربع وودنا نستفيد من تجارب الاعضاء عن أحسن مطعم يبيع كباب في رمضان ودنا نغير عن مطعم طرزان وشاطر عباس شوي لأن طول السنة ناكل من عندهم

وجزاكم الله خير

[بوحنان]

ما في احلا من شجاع

[نبـــــراس]

في سوق واقف .. بس بالضبط ما ادري وين عقب المسجد

[قطري vip]

احسن مطعم يسوي كباب كان شجاع بس شجاع توفى الله يرحمه وحتى عياله سو حادث وتوفو بس

احسن مطعم الحين اهو اللي ورى العالم الجديد واسمه (اللمزاني )

[رحال]

كباب فريج " الدوحة الجديدة " اللي قرب مدرسة صلاح الدين والصناعة

سابقا !!!

[بنت المنتدى]

احسن مطعم يسوي كباب كان شجاع بس شجاع توفى الله يرحمه وحتى عياله سو حادث وتوفو بس

احسن مطعم الحين اهو اللي ورى العالم الجديد واسمه (اللمزاني )


لاحول ولاقوة الابالله العلي العظيم
الكل توفى في حادث الله يرحمهم ..

وعلى كثر ما اسمع عن شجاع ما لحقت عليه ..


ومعاك حق باللي ذكرته اللي ورا العالم الجديد لذيذ ما شاءالله

واللي عجبني بعد وايييييييييييييييييييييد حلو وتتبيلته حلوه وايد وما احس بطعم اللحم اهم شي .. هواللي عند المعاصر اللي جنب المتحف :nice::nice::nice::nice::nice: فضيع جربه وادعي لي


ومبارك عليكم الشهر كلكم :victory:

[ROSE]

اللمزاني عجيب كبابه بصراحه

[عاشق الشهادة]

كباب فريج " الدوحة الجديدة " اللي قرب مدرسة صلاح الدين والصناعة

سابقا !!!


:app::app::app:

[صاروخ]

اللمزاني عجيب كبابه بصراحه (( كباب لمزاني )) والخباز من قريب عنده ولا تنسون خلوه يسوي طماط مشوي عجيب مع الكباب والجرجير و الروب ... حياكم السحور تفضلوا


خلف العالم الجديد

[قطـ VERTU ـر]

للأسف مطعم الشيرازي اللي في الغرافه ,, سكرووه .. بس

من نآحية الجودهـ .. انا اشووف ليالي اصفهآآن ..

في الغرافهـ .. صوب محلات التلفونآتـ .. قريب من البحار اللي في الغرافه ..

بس عيبه انه غالي شووي ..

واسعارهـ كـ التالي :

صيخين شقف لحم .. مع عيش ( أو بدون ) .. 30 ريال .. وكل صيخ اضافي ب 15 ريال ..

صيخينـ كفتهـ لحم .. مع عيش ( او بدون ) 25 ريال .. وكل صيخ اضافي ب 10 ريالات

بس على فكرهـ .. حبات الكباب كبيره بالمقارنه .. مع الاحجام في المطاعم اللي انذكرت في الموضوع .. وحتى صيخ الكباب أكبرر ..

والمركز الثاني .. مطعم السندباد .. واللي بيكون على يدكم اليمين .. اذا كانت البنوك وسوق الاوراق الماليه على يدكم اليمين .. بس تمشوون مسافه كيلو تقريباا .. بيكون عـ اليمين عقب ثالث اشاره من بعد البنوك ..

ارتفعت اسعارهم في الفترهـ الاخيرهـ .. بس الكفته اللي عنده مالها حل .. وصج الصيخ يجي كبييير وآآآيد ..

ومشكورين عـ الموضوعـ .. وعلى المعلومات القيمه ..

[ام عبدالعزيز]

كباب البيت احلى شي..خخخخخخخخخخخخ


خصوصاااا انه شغل بيت نظيف..

[السنافية]

كباب البيت احلى شي..خخخخخخخخخخخخ


خصوصاااا انه شغل بيت نظيف..

:victory: :nice: :victory:

[قطر95]

أغلب الاعضاء أتفقوا على كباب اللمزاني خلف العالم الجديد ان شاء الله امر عليه وأجرب الكباب عنده بس ممكن حد يوصف لي وين المحل بالضبط ومن اي طريق اروح له ويعطيكم الف عافيه

[AmOuR]

لمزاااااااااااااااااااني ..

" أحلى شي "

[عـيـون قـطـر]

كباب البيت احلى شي..خخخخخخخخخخخخ


خصوصاااا انه شغل بيت نظيف..

هي والله صدقتي
بس من له بارض يسوي كباب في البيت حلاتها تروح عند البحر وتشوي هناك :victory:

[مريديان]

ياااحيكم عندكم كباااب:weeping:

[لولوتي]

انتوا اشرار

الحين صار في خاطري الكباب:eek5:

لكن محلات الكباب يبيلها ناخذ عشانها رقم نفس مستشفى حمد وكيوتل من كثر الزحمه :rolleyes2:

[@محمد@]

الله يالزمن تذكرت شجاع

كنا نأخذ زاوية وكراسي والواحد يطلب بروحة من 10 الى 15 صيخ

مع السوالف واللوريد والخبز الايراني والبيبسي

أكل من غير شبع لين الواحد يحس إن الاكل مالة مكان

الحين كثر الكباب لكن مثل كبابة ماأعتقد الله يرحمة

[وطن]

الحين منو اللي بيجيب لي كباب :(

مثل ما دخلتوه في خاطري تتصرفون وتجيبون لي

:(

[صاروخ]

أغلب الاعضاء أتفقوا على كباب اللمزاني خلف العالم الجديد ان شاء الله امر عليه وأجرب الكباب عنده بس ممكن حد يوصف لي وين المحل بالضبط ومن اي طريق اروح له ويعطيكم الف عافيه

تفضل في العافيه :victory:


http://up.qatarw.com/get-9-2008-qatarw_com_rywfqypn.png (http://up.qatarw.com)

[ANONYMOUS]

العام عش البلبل فرع شارع السلام كان كبابه ولا اروع.. يذوب في الحلج.. ماجربته السنه... :nice:


اما اللي يقول مال الصناعه و سوق واقف جمب المسيد.. الله لايراويكم.. :(

جنك تاكل قطعه من تاير الله يعز النعمه :anger1:

تتعلج فها اسبوع ماتخلص

:rolleyes2:

[غزلان]

العام عش البلبل فرع شارع السلام كان كبابه ولا اروع.. يذوب في الحلج.. ماجربته السنه... :nice:


اما اللي يقول مال الصناعه و سوق واقف جمب المسيد.. الله لايراويكم.. :(

جنك تاكل قطعه من تاير الله يعز النعمه :anger1:

تتعلج فها اسبوع ماتخلص

:rolleyes2:



ههههههههههههههههههههههههههههههههههههههه

[بوعلي-Qtr]

اللمزاني عجيب كبابه بصراحه (( كباب لمزاني )) والخباز من قريب عنده ولا تنسون خلوه يسوي طماط مشوي عجيب مع الكباب والجرجير و الروب ... حياكم السحور تفضلوا


خلف العالم الجديد


وانا اشهد

[بوخالد911]

هلا

الدوحة الجديدة
شارع الاصمخ بجنب سفريات ريجنسي
اللمزاني

؛؛؛

عااد اعزمووني

:)

[أم نوره]

توني ماكله خوش كباب مع روب وخبز ايراني و جرجير وليمون
شغل عدل مدل ههههههههههههههه من الدوحه الجديده بالضبط وين ما ادري

[غزلان]

توني ماكله خوش كباب مع روب وخبز ايراني و جرجير وليمون
شغل عدل مدل ههههههههههههههه من الدوحه الجديده بالضبط وين ما ادري


ذبحتونا دخل بخاطري كيفكم تصرفوا ولا مره ذقت هالكباب الى تقولون عنه:(

[أم نوره]

ذبحتونا دخل بخاطري كيفكم تصرفوا ولا مره ذقت هالكباب الى تقولون عنه:(

هلا غزلان
والله خوش كباب شيء شيء مو اي شيء :victory::nice:

[بوخالد911]

توني ماكله خوش كباب مع روب وخبز ايراني و جرجير وليمون
شغل عدل مدل ههههههههههههههه من الدوحه الجديده بالضبط وين ما ادري

اييييييه

هو بالنسبة لي أحلى 1 بالدوحة كلها

وجرربي تحطيين ويه الرووب :victory::victory::victory: دقوووس بحريني

جررربي طريقتي وخبريني !!!

:nice::nice::nice:
؛؛؛

بوخالد911

:nice:

[أم نوره]

اييييييه

هو بالنسبة لي أحلى 1 بالدوحة كلها

وجرربي تحطيين ويه الرووب :victory::victory::victory: دقوووس بحريني

جررربي طريقتي وخبريني !!!

:nice::nice::nice:
؛؛؛

بوخالد911

:nice:


بو خالد دقوس بحريني :eek5::eek5:
قصدك البهار

[غزلان]

هلا غزلان
والله خوش كباب شيء شيء مو اي شيء :victory::nice:


هلوين ام نوره

كيفك مع لصيام:secret:

بالعافيه بس لاتكثرون تمدح مانقدر نقاوم:(

[أم نوره]

هلوين ام نوره

كيفك مع لصيام:secret:

بالعافيه بس لاتكثرون تمدح مانقدر نقاوم:(

ههههههههههههههههه الا كثرت

الحمد الله لا يوع ولا عطش بس تعب جسم من شغل البيت والطباخ :nice:

[بوخالد911]

بو خالد دقوس بحريني :eek5::eek5:
قصدك البهار




اييييه
المطحووون
http://www.s77.com/up/up11/13982ca29d.jpg
وحلاته ترشينه فوق المجبوووووس
:nice::victory::victory::nice:
يا سلاااام

:nice::nice::nice:

[أم نوره]

اييييه
المطحووون
http://www.s77.com/up/up11/13982ca29d.jpg
وحلاته ترشينه فوق المجبوووووس
:nice::victory::victory::nice:
يا سلاااام

:nice::nice::nice:



ههههههههههههههههه الله يقطع ابليسك حاط الصوره بعد
والله من زماااااااااان ما كلته بس بجرب مع الروب وبشوف حلووووووو:nice:
والا مقلب :anger1:

[بوخالد911]

ههههههههههههههههه الله يقطع ابليسك حاط الصوره بعد
والله من زماااااااااان ما كلته بس بجرب مع الروب وبشوف حلووووووو:nice:
والا مقلب :anger1:




لا مو مقلب

اخلطييه مع الروووب

وجربييه

وبس

:secret::victory::victory::secret:

[أم نوره]

لا مو مقلب

اخلطييه مع الروووب

وجربييه

وبس

:secret::victory::victory::secret:


اوكي بجرب :):)

[امـ عبدالله]

انا بعد باجربه

الدقوس البحريني انسويه في البيت اشحلووووووه


يبيله انوع تتبيله بالفلفل وتتبيله باربكيو الحلووه

عاد انا ذبحتي المشوي اذا طعمه فيه سكر خخخخخخخخخ

وفي طريقة حق الرووب خلطو معاه اشويه مايونيز ولومي

وجوفوا الطعم شلون ^_^

[السد]

اخبروني يا الطيبين
خاطري آكل كباب

[عاشق الشهادة]

ليش فيه لحم حرام ينباع بقطر الي بحسب علمي كله حلال ( القصد بمطاعم الكباب ) :eek5:

[بوعلي-Qtr]

كباب اللميزاني

[السد]

لا للكباب
نعم للخرفان

[السد]

ليش فيه لحم حرام ينباع بقطر الي بحسب علمي كله حلال ( القصد بمطاعم الكباب ) :eek5:

اي يجيبون لحم من الهند ذبحه في الهند

[بنت المنتدى]

اي يجيبون لحم من الهند ذبحه في الهند

يععععععع الله يعز النعمه

كفايه لحم القطاوه اللي سمع عنه :secret:

وفيه موضوع الكل تكلم عنه نفس موضوعك :nice:

[eastqatar]

كباب الجزيره عند المتحف زين

[لاداعي]

هذا الرابط بيفيدك

http://www.qatarshares.com/vb/showthread.php?t=198539

:victory:

[عاشق الشهادة]

اي يجيبون لحم من الهند ذبحه في الهند



لا ياشيخ الهندي اغلى من الاسترالي وعلى هذا الأساس هم يستخدمون اللحم الاسترالي .

[<> مشاعر <>]

اخبروني يا الطيبين
خاطري آكل كباب
اخوي مطعم انطاكيا عندهم خوووووووش كباب فروعه وايــــــــــد فالدفنه والخريطيات
وتقبل تحياتي اختك <> مشاعر <>

[darkuae]

هلا

الدوحة الجديدة
شارع الاصمخ بجنب سفريات ريجنسي
اللمزاني

؛؛؛

عااد اعزمووني

:)

وييييييين رايح بوخال

اللمزاني ورا نابينا

بالنسبة لي ما خليت مطعم للكباب مارحته
طرزان وبورسلي وورا الصناعة والباكستاني ورا الصناعة
وما خليت داعوس فنجمة ما دخلته للكباب

بس بصراحة إللي مسكت وما عليه كلام

المطعم إللي فشارع الأصمخ وعند راديو بشير في الداعوس
هاي أحسن واحد لحد الحين بعد شجاع(بس شكله اخترب شوي في الفترة الاخيرة) واتوقع انه يرجع مستواه في رمضان

[almulla]

الله يرحم ايام الخباز الايراني اللي في مدينة خليفة صوب الحديقة (فريج المخدرات) احلى فريج

لما كنا اسرة وحدة مترابطين والخباز ورا المسيد والجمعية عقب التراويح لازم نروح ناخذ من عنده كل يوم

والسيخ بريال واحد بس وشنووو طعمه عجيب تاكل صوابعك وراه :20:

لحد يقرا الرد وهو صايم خصوصا لو كان من سكان هذا الفريج الجميل

[Gentleman]

توني ماكله خوش كباب مع روب وخبز ايراني و جرجير وليمون
شغل عدل مدل ههههههههههههههه من الدوحه الجديده بالضبط وين ما ادري

أختي هذا كباب غلوم في الدوحة الجديدة واسم المحل مشويات الشعب وبجانبه مخبز الشعب وسوبر ماركت الشعب. المحل مفتوح طوال العام وعنده غير الكباب كباب دجاج (شيش طاووق) وكفته لحم. وممكن تشترين منهم أسياخ لحم غير مشوية إذا تحبون تشوون في البيت أو تطلعون رحلة.
ممكن تسوين طلب قبل ما تروحين لأن المكان دائماً زحمة. رقم تليفونهم 4327217

[بوخالد911]

وييييييين رايح بوخال

اللمزاني ورا نابينا

بالنسبة لي ما خليت مطعم للكباب مارحته
طرزان وبورسلي وورا الصناعة والباكستاني ورا الصناعة
وما خليت داعوس فنجمة ما دخلته للكباب

بس بصراحة إللي مسكت وما عليه كلام

المطعم إللي فشارع الأصمخ وعند راديو بشير في الداعوس
هاي أحسن واحد لحد الحين بعد شجاع(بس شكله اخترب شوي في الفترة الاخيرة) واتوقع انه يرجع مستواه في رمضان





هلا بك



ايييه ادل اللي عند راديو بشير وهو اقرب لسفريات ريجنسي بالداعوووس


دليته ؟

ولا تبي أطرش الإحداثيات ؟؟!!؟؟


:victory::victory::victory:

[السد]

اخوي مطعم انطاكيا عندهم خوووووووش كباب فروعه وايــــــــــد فالدفنه والخريطيات
وتقبل تحياتي اختك <> مشاعر <>

شكرا اختي على تعليقك

[Q.T.R SN!PER]

اخوي اذا ما خاب ظني اظن ان الكروان عندهم لان اكلهم وايد طيب
تحياتي لك

[عبدالله الخوار]

كباب الطيب اللي بسوق واقف مافي احسن منه :)

مع زبادي

[][ الوحيد ][]

كباب اللميزاني

اي والله صدقت

ومكانه خلف مركز العالم الجديد

والاسعار عنده موحده 2.5

لحم - دجاج - كفته - كلاوي - كبده - قلوب

:victory:

[رحال]

أختي هذا كباب غلوم في الدوحة الجديدة واسم المحل مشويات الشعب وبجانبه مخبز الشعب وسوبر ماركت الشعب. المحل مفتوح طوال العام وعنده غير الكباب كباب دجاج (شيش طاووق) وكفته لحم. وممكن تشترين منهم أسياخ لحم غير مشوية إذا تحبون تشوون في البيت أو تطلعون رحلة.
ممكن تسوين طلب قبل ما تروحين لأن المكان دائماً زحمة. رقم تليفونهم 4327217

الله وأكبر على فريج الدوحة الجديدة !!!

يازين ذاك الفريج زيناه .. يا ما ناس صالت وجالت

وحنت ورنت ... وين أيام ملعب فريق نور الشمس

وين اليهال اللي ركضت في ذيج السكيك !!!

وطر مضى وليته يعود !!!

" كل شيء في هل الدنيا له ثمن ، حتى الكفن " !!!

[blackjacket]

كباب اللمزاني اكلت منه مرتين بس ثاني مرة صادني اسهال من الكباب و بعدين ما امد كبابهم لانه اللحم الي يشترونه هو لحم الملفوف والي يجي على شكل رولات و رخيص و الي ينباع في الجمعيات والله ماري لحم شنو:omen2:بتعرفون هاي الشي من قطع الشقف الي في السيخ:victory:

[سوق واقف]

مطعم شجاع فاتح ما سكر والي قاعد فيه أعتقد واحد من عياله

[miss-qatr]

وانا ماالحق على مواضيع الاكل الا بالنهار :weeping:



ولا جى في بالي اكل كباب الا بعد ماقريت ردودكم :secret:



شكله اصفهان نظيف وحلو :omen2:

[اسعاف]

ما تعرفون احسن قارئ للتراويح في رمضان

بدل الكباب والتكة:anger1:

الله يهديكم

[بوخالد911]

ما تعرفون احسن قارئ للتراويح في رمضان

بدل الكباب والتكة:anger1:

الله يهديكم




هلا اسعاف

هدي اعصابك اشووي

تابع موضوعي

http://www.qatarshares.com/vb/showthread.php?t=197916

:victory::victory::victory:

مع التحية الخالصة

؛؛؛


بوخالد911

:nice::victory::nice:

[عـيـون قـطـر]

والله امس كل ما رحت مكان زحمه شكلي اليوم بوقف طابور بس احصل لي على اقل سيخ واحد والله خاطري

[وطن]

أخيــــــــــراً اليوم أكلت كبــــاب

:)

[ANONYMOUS]

زين بالله

كل واحد يصور الكباب قبل لاياكله عشان نشوف اي كباب شكله كوول ونروح نشتري

:shy:

[وطن]

هاهاهاهاها خلاص راح الكباب

وما أظن اعيدها لين رمضان الجاي

:)

[بوخالد911]

زين بالله

كل واحد يصور الكباب قبل لاياكله عشان نشوف اي كباب شكله كوول ونروح نشتري

:shy:


ههههه

توووك تقووول
:eek5::omg::eek5:

الكباب انهضم وخلااااص !!

:rolleyes2::victory::rolleyes2:

مرة ثانية بعوون الله

:nice:

[ANONYMOUS]

ههههه

توووك تقووول
:eek5::omg::eek5:

الكباب انهضم وخلااااص !!

:rolleyes2::victory::rolleyes2:

مرة ثانية بعوون الله

:nice:





هلا بوخالد..

تونا بأول رمضان..

في وقت :nice:

[ANONYMOUS]

هاهاهاهاها خلاص راح الكباب

وما أظن اعيدها لين رمضان الجاي

:)



خلاص وديتي عليه هههههههههههه

فيه العافيه..

ومن الواضح انج تحسفتي.. ها.. من وين.. وشلون.. طلع نوع مطاطي.. ولا ينأكل عادي !

[Bently]

العام عش البلبل فرع شارع السلام كان كبابه ولا اروع.. يذوب في الحلج.. ماجربته السنه... :nice:


اما اللي يقول مال الصناعه و سوق واقف جمب المسيد.. الله لايراويكم.. :(

جنك تاكل قطعه من تاير الله يعز النعمه :anger1:

تتعلج فها اسبوع ماتخلص

:rolleyes2:



هههههههههههههههههههههههههههههههههههههههههههههههههه هههههههههه
تاير عااد بالون ولا ميجر ههههههههههههه

[ANONYMOUS]

هههههههههههههههههههههههههههههههههههههههههههههههههه هههههههههه
تاير عااد بالون ولا ميجر ههههههههههههه



لالا مياجر الشيخ..

خل اكمل المشاركه..

وذيك الليله تعطش عطش شديد.. عادي كل 10 دقايق تشرب سطل ماي..


وفوق هذا.. لازم تاكل ملينات + تسرط عشرج.. عشان يساعد في عملية الإخراج...

[OREO]

احلى من كباب البيت مافي :)

[وطن]

خلاص وديتي عليه هههههههههههه

فيه العافيه..

ومن الواضح انج تحسفتي.. ها.. من وين.. وشلون.. طلع نوع مطاطي.. ولا ينأكل عادي !

هاهاهاهاهاهاها
الله يعافيك

لا الصراحة هو كان حلو
كان من عند الجزيرة
اللي عند المتحف

:victory:



بس الأكله متعبه ما تنفع حق رمضان :tease:

[بوخالد911]

هلا

؛؛؛

والله من يومين جربت كباب الدوحة الجديدة

صج ششي عجيييييب واللحم طعمه لذيذ
:nice::victory::victory::nice:
جربووه

؛؛؛


بوخالد911

[أحلى وسيطه]

أنا بقول لكم عن خوش مكان للكباب بصراحه من جربته وحده عاجبني


في مطعم يديد فاتح بسوق واقف أسمه حدائق أصفهان مقابل بينري كوفي قريب قهوه عشيرج


جربوووه وصدقوني مراح تندمووون

[السد]

بانتظار المزيد

[سوسن سوسن]

أنا بقول لكم عن خوش مكان للكباب بصراحه من جربته وحده عاجبني


في مطعم يديد فاتح بسوق واقف أسمه حدائق أصفهان مقابل بينري كوفي قريب قهوه عشيرج


جربوووه وصدقوني مراح تندمووون


لا لا راح تندمون لان اذا سعر غرشة الماي العادية عندهم ب 20 ريال(لو الماي ايفيان مثلا انقول معليه) وطبق الحمص 30 ريال ...وعصير الليمون العادي 20 ريال
واي شي تطلبونه ايحطون القليل منه في الصحن ...والسعر في العلالي
اكيد راح تندمون
لكن الاكل حلو والمكان فظيع فظيع فظيع... احس طعم الاكل قريب من شبستان