اخوتي اصحاب الكروزرات الجديدة عاجل جدا مشورتكم

[المغترب 123]

اخوتي اصحاب الكروزرات الجديدة مشورتكم انا كنت حاجز 2009 المهم بانني كنسلت الحجز بعدما اكتشفت بعض الامور قال لي احد الزملاء يعمل في الشركة بان انتظر 2010 افضل حيث انهم غيروا الكثير فية وتم اصلاح بعض الاعطال التي كانت تحدث في القديم 2009 -2008 مثلا السفايف والبريك والدرامات ويل وطرنبه البترول والطبلون تغير للون البيج واشياء وعيوب كثير تم تفاديها في 2010 مارايكم هل هو افضل انتظر 2010 ام اشتري يوكن الان والله يوفق الجميــــــــــــــــــــــــــــــــــــــــــــع

[بن رومي]

والله اخوي بالنسبه لي سرت أنا ما أصدق شي من كثر الإشاعات

إلا إذا شفت الشي بعيوني

اخذ الموتر وتوكل على ربك

و بالبركه

[شعشوع]

توكل على ربك .. لأن كل واحد راح يعطيك من عنده

خصوصا الي شغالين بالوكاله

الله يوفقك

[المنسى]

الله ان شاء الله يعطيك ويعطينا عمر لين 2010 وبالتوفيق

[musel999]

والله طال عمرك اللى سمعته انا ان هذا الشكل بخطوطه بكل شي فيه راح يتم اربع سنين بدون ما يتغير شي ررئيسي وغيرهم يقولك لا بيتغير وغيرهم................
يعني كله اشاعات ولا تاخذ كلام من موظف بالوكاله
انا مرة قال موظف بوكالة النيسان الى عند اشارات السد قبل ثلاث شهور تقريبا ان الفتك بينزل 8 سلندر و6 سلندر ال2009 وماشفنا شي ونصيحتى لك خذلك يوكن وارد الجميح وفك عمرك مايسوى عليك تنطر سنه وبعدين ما يتغير

[sahari]

اجتنب مصاحبة الكذاب فإن اضطررت إليه فلا تُصَدِّقْهُ

[سارى الليل]

عندي vxr من اروع مايمكن توكل علي اللة واترك عنك الاشاعات

[Grand T]

ليش تكنسل حجزك عطني اياه بشتريه ب 2000 ريال شرايك :)

[ابن قطر]

انا بشتري حجزك 4000 الاف

[ALRAYYAN]

توكل على الله واستلم موترك ياخوي .. انا عندي vxr 2008 استعمله من شهر واحد

موتر ولا اروع .. واي شي يخترب في الموتر .. الضمان موجود

وبالمبارك مقدما

[فلفل حار]

توكل على الله واستلم موترك ياخوي .. انا عندي vxr 2008 استعمله من شهر واحد

موتر ولا اروع .. واي شي يخترب في الموتر .. الضمان موجود

وبالمبارك مقدما

:nice::nice::nice:

وزيد علي هالشي انه العمر يمر ، والواحد مايدري متي يجي يومه ، لاتحرم نفسك من وناسة الدنيا وانا اخووك :)

دامك مقتدر عليه والموتر داخل خاطرك توكل علي الله وشيله :)

ويعطيك خيره ويكفيك شره مقدما :)

[قرناس هوى]

اشتر وانت مطمن اكل يمدحه

سلام

[فتى الجود]

أشتر 2011

أحسنلك بيكون عالجوا مشاكل كثير

الله يهداك أشتر ولاتكنسل الحجز

[بن درهم]

يالربع ماعليكم امر صحيح اذا ركبت بالون اول ما اطلع الموتر من الوكالة وذا دخل اول تشيكة يطيحون ضمان الكرونة لو حد يفيدنا ماعليكم امر بخصوص الجيات

[السلطان]

اخوي السيارة ماعليها كلام
اخذها وتوكل على الله

[الجزيـرة $]

حبيبي اذا عدلو شي بالموتر تقدر تطبقه على 2009 نفس سالفه ال 98 وعدلوه في 2001

[بوحارب]

انتظر ال 2010 ابرك لك والله يوفقك

[البنز]

تبي الشور اخذ موترك واستانس فيه وإذا شفت بعينك انه تغيير رجعه للوكاله وخذ الجديد أو بيعه في السوق وصدقني ما راح تخسر فيه ..

ومبروكـ مقدماً ..

[على نياته]

اذا انت ما تروح بر واجد خذ يوكن او تاهو جديد للاسباب الآتية :
السعر يفرق بين اليوكن وال في اكس ار مئة الف
اهداء وما تحس فيه وانت مسرع
اكثر مواصفات مثل التشغيل عن بعد وال دي في دي ... الخ
ضمان دولي
الخدمة عند المناعي افضل بكثير من عبد الغني ومافيه مقارنة
واتمنى اني ما قصرت.

[حتى ضلي له مهابة]

بالنسبة لي انا ماأركب التويوتا ولا اي نوع غير مرسيدس والرنج بصراحه خذ رنج ولا راح تندم ...... (:

[Q.T.R SN!PER]

اخوي 2009 ما فيها شي زينه
تحياتي لكم

[المغترب 123]

اخوي 2009 ما فيها شي زينه
تحياتي لكم



انتظر ال 2010 ابرك لك والله يوفقك




قرات جميع ردودكم اخوتي الكرام وكانت ترشح ان اخذ السيارة ولكن لفت انتباهي ردين او ثلاثة لاخوتي كذلك قالوا لا انتظر 2010 وبلفه على معارض طريق سلوى وكذلك في المنتدى قســـــــــم السيارات ذهلت من كثره عرض سيارات الاند كروزر 2008 - 2009 وللامانه لم ارى سيارة عرضت بهذا الكم الهائل لماذا هذا العرض اذا ان ملاكها حقيقة مرتاحين من استخدمها وكذلك لفتي انتباهي احد الاعضاء في الخاص بان موديلات 1998 - 1999 قبل عشرة اعوام وكذلك 1988 -1989 قبل عشرين عام جميعهم حدث عليهم تغير كبير والله اعلم

[فلفل حار]

اخوي لاتزعل ، بس ليش تشورنا وانت شكلك مقتنع بالانتظار ؟ :)

مع انه اقولك انه اذا بتشوف وبتنطر والله بتتعب ، استانس دامك علي صحتك وعافيتك :)