شهادة ثالث ثانوووي

[فـــــواز]

السلام عليكم ورحمه الله وبركانه

شباب بقيت اعيد ادرس مره ثانيه ثالث ثانوي بسبب النسبه ابي ادخل جامعه قطر او برا بس الاكيد جامعه قطر

لاني من خريجين 2003 ولا ادري وش الترتيب وشلون وين اروح ؟

وهل ادرس ليلي او منازل وهل الدراسه بتكون بعد في مدرسه مستقله او حكوميه او تكون صعبه ؟

وانا بعد اشتغل اشفات والله يعين نصايحكم لي وش تقولون؟؟؟؟

انا صراحه ناسي كل شي ومن نوع الي ينسى بسرعه والحفظ اوكيه فيه بس مش ذاك الزود

[بنت سعادة السفير]

السلام عليكم ورحمه الله وبركانه

شباب بقيت اعيد ادرس مره ثانيه ثالث ثانوي بسبب النسبه ابي ادخل جامعه قطر او برا بس الاكيد جامعه قطر
لاني من خريجين 2003 ولا ادري وش الترتيب وشلون وين اروح ؟

وهل ادرس ليلي او منازل وهل الدراسه بتكون بعد في مدرسه مستقله او حكوميه او تكون صعبه ؟

وانا بعد اشتغل اشفات والله يعين نصايحكم لي وش تقولون؟؟؟؟

انا صراحه ناسي كل شي ومن نوع الي ينسى بسرعه والحفظ اوكيه فيه بس مش ذاك الزود

اهنيكـ اخووي على الإراااده وربي يووووفقكـ وان شااء الله تجيب النسبه اللي تفرح قلبكـ
اخوي لازم ترووح إدارة الامتحاااناات على اساااس يطلعوون شهاادتكـ المصدقه
ولما تأخذها من عندهم تروح تسجل في اي مدرسه انت تبيها بس لازم مدرسه حكووميه
اخووي بما انكـ تشتغل فاانا انصحكـ تسجل مناازل
اذا ظروفكـ الماديه تسمح لكـ تاخذ مدرسين خذ مدرسين
على اسااس انكـ تلتزم معااهم
واذا بغيت ارقاام مدرسين انا مستعده اعطيك ارقاامهم
وموشرط يدرسوونكـ تقدر تاخذ من عندهم الاوراااق
وربي يووفقكـ اخووي واي استفسار انا حاظره
اختك ساره

[حبر سري]

قواك الله اخوي
وسو اللي قالت لك عليه الاخت سارة وربي يوفقك
واهنيك على هالقرار اللي يدل على تصميم الله يوفقك فيه ان شا الله

[شكري وتقديري]

وفقك الله وأعانك

يا ولدي :

إسمك فوّاز والله يجعل لك من إسمك نصيب

إعتمد على الله سبحانه وشد العزم ويوميا قبل أن تنام ردد في نفسك :

اللهـــــــــــــم أعني ولا تعن علي

سوف أستطيع الحصول على نسبة عالية بعون الله وبإعتمادي على نفسي

إبتعد عن المثبطين ، الذين يكسرون عزائم غيرهم ولا يعينونهم .

إستعن على قضاء حاجتك بالكتمان بمعنى :

لا تشع بين من حولك أنك ستعيد الثانوية لأن الأمر لا يخلو من ثلاث فئات :

فئة مثبطة وتكسر العزايم وبتقول إنك تشتغل وما لك ووجع الرأس .

وفئة شامتة إن رسبت .

وفئة مشجعة ومقوية للعزايم وهؤلاء قليلون .


لا تكتفي بالقراءة فقط عليك بالتدوين الدائم لكل معلومة تقرؤها في منهج أولا بأول ( مجربة ) .

إبتعد عن الملهيات أثناء القراءة .

حط في بالك إن الذيت ألفوا تلك المقررات والآلاف الذين نجحوا وتفوقوا فيها ليسوا بأفضل

منك ولا أكثر ذكاء ، كل ما في الأمر أنهم عقدوا العزم على النجاح وصبروا وإعتمدوا على

أنفسهم فنجحوا .

تأكد أن لا شيء صعب في أي منهج ، الصعوبة وهم نحن إخترعناه وصدقناه لنريح أنفسنا فقط .

وفقك الله وأعانك

[حبر سري]

وفئة مشجعة ومقوية للعزايم وهؤلاء قليلون .




وانا منهم
:thumbup1::thumbup1:

كمل ياخوي يافواز ولا عليك من اي احد , شوف الوقت يمر ولا راح يوقف , استغله في انك اتكمل دراستك , وانا اقول لك من واقع خبرة , والله (وانا صايم) , السنين بتمر ولا بتحس فيها , ولما اتخلص ان شا الله بتكون ايام الدراسة احلى ذكرى لك في حياتك

الله يوفقك , ومشكورة اختي دباس على تشجيعج للاخ فواز

[بنت سعادة السفير]

جزاكم الله خير اخواني اخواتي على تشجيعكم لاخوانا فواز
ومثل ماقالت اختنا الكريمه



سوف أستطيع الحصول على نسبة عالية بعون الله وبإعتمادي على نفسي

إبتعد عن المثبطين ، الذين يكسرون عزائم غيرهم ولا يعينونهم .




انا اتذكر يوم كنت ادرس بالثانويه العامه عمتي الله يذكرها بالخير

كانت تقول لي اكتبي هذي المقوله 30 مره

(انا قادره على إجتيار المرحله الثانويه بتفووق)

والحمدالله كل يوم تزيد إرادتي واحب الدراسه اكثر

[بوحارب]

الله يوفقك أن شاء الله

[hasss1969]

اخي تسجل ليلي افضل لك,الا في حال كنت عسكري فهذا صعب حسب علمي...
وانا استطيع مساعدتك في المواد العلمية وفي شرحها وافهامها اياك في حال رغبتك كانت بدخول القسم العلمي
وفقك الله ...

[ANONYMOUS]

انا اشد من ازرك


الحين كل من هب ودب يجيب نسبه فوق ال 90%



بالتوفيق اخوي

[فـــــواز]

جعل والديكم وكل من تحبون وانتم معهم بالجنه

قسم بالله ما قصرتوا

على التشجيع من الحين ماشاء الله عليكم اخوان عزيزين ماقصرتوا

الله يوفقكم دنيا واخره

[" روح قطر "]

الله يوفق لك

وترى العلم والدراسة جهاد ...

والرسول صلي الله علية وسلم قال

" أطلبو العلم من المهد الى اللحد "

الله ينور طريقك وتفرحنا بنجاحك

وتحقق اللي تتمناة

[مستثمره جديده]

الله يوفقك وينور دربك ويعطيك النسبه اللي تدخلك اكبر الجامعات ..

واذا محتاج ارقام لمدرسين ممتازين انا حاضره واذا تبي ملازم شامله للمنهج

انا ممكن اوفرها لك ودعواتنا لك بالتوفيق اخوي

[الارض]

الله يوفقك اخوي
راجع الخاص

[almulla]

اخوي انا نفس المشكلة اعاني منها وانا كل يوم في شي يوم نهاري ويوم منازل ويوم مستقلة

المستقلة بس تحظر كل الايام وتضمن النجاح مايحتاي تدرس ولا تسوي شي

والحكومي كلللش مانصحك تدش علمي انا ضيعت سنتين في هالعلمي

وانصحك تدش منازل ولا تحط لك مدرسين اذا ماتحتاج لهم لان الادبي بس حفظ

اما العلمي فهو حفظ وبكمية كبيرة وفهم وووايد فرق بين الادبي والعلمي

كل طقة بتعلومة وااايد تعلمت من هالسنتين اللي ضيعتهم وبالتوفيق اخوي لك ولي

[الألماسي]

الله يوفقك يا فواز . . وتتفوق ان شاء الله . .

أخـو رفيقـــي قبل الإعاده كان جايب 62% و ماشاء الله هـ السنه تخــرج وجاب 88% و قدم استقالتـــه . . و بيــروح امريكــا "بعثــه دراسـه " على حســاب احد الهيئـــات الحكوميـه . .

شد حيلك و انا اخوك وزمن هـ الطفـره والبعثات اللي اكثر من الهم على القلب تراه بيندثر وبيمر عليكم القحط اللـي مر جيـــل (( 97-98-99-2000 )) :nice:

الله يوفقك يارب . .

[الوعد2016]

بالتوفيق لك اخ فواز

[زقرتي ومزاجي]

كلنا نتمنالك التوفيق فواز ماقصروا الاخوات في النصايح

:)

[الأندلسي]

الله يوفقك

[!الشايمه!]

الله يوفقك....خل عندك إرادة....والدراسة صارت سهلة هالايام
خاصة المدارس الليلية.....تفاهم ويا الاساتذة وخذ منهم اوراق الامتحانات السابقة
واحفظها اول باول..........وان شاء الله تبشرنا بالعلوم الطيبة

تحية

[البيت القديم]

اخوي فواز انصحك اتراجع المجلس الاعلى للتعليم اذا كنت حاب تدرس برع لانه الحين نسبة الثانويه مب مطلوبه اهم شي انك مخلص الثانويه وخلاص...
ودخل على هاي الرابط بفيدك اكثر
http://www.education.gov.qa/section/sec/hei/sco/

وبالتوفيق اخوي فواز..

[بنت سعادة السفير]

مرحباا اخووي فواز اذا عندك اي استفساار تبع المجلس :victory: الاعلى للتعليم

انا حااااظره

[شقردي]

اخوي فواز شد حيلك والله يوفقك يا اخوي اهم شي الدراسه ولا تسوي مثلي كم سنه ضعيت في ثالث ثانويه كله سبب الانجليزي وعقب اهملت لكن اقولك اني انشا الله راح اسجل السنه هاذي واشد الحيل لعلى وعسى ان الله يوفقني فا نصيحه من اخوك لاتضيع وقتك تصدق يا اخوي معاي ناس كنت ادرس وياهم الان منهم من يحضر الدكتوراه مشاء الله عليهم ترا الوقت يمشي والله يوفقك يا اخوي فواز

تحياتي

[بنت سعادة السفير]

الله يووفقكم يااارب