في حد منكم جرب حماية زيبارت !!!

[ولد-قطر]

السلام عليكم ورحمة الله وبركاته


مساء الخير على الجميع


عندي استفسار بسيط بخصوص شركة زيبارت عندهم حمايه خاصه للصبغ وهي تتكون من أربع طبقات تحمي السياره من الخدوش والشموخ واثرها غير واضح على السياره مثل ماقالوا لي


وعندهم حمايه خاصه لحماية السياره من اسفل من الصدأ والرطوبه

سؤالي هل في حد من الأخوان جرب هذي الأشياء ونفعت معاهم او حد من ربعه جربهم !!

لاني بصراحه عندي موتر ابغي اركب له حمايه عن العج وهالسوالف ومحتار بين حماية للسيارات او كريستال او النهدي او زيبارت

وشكرا

[بوجاسم525]

والله يالغالي رفيجي جرب ويمدحه بس سعره اشوي غالي

وانشوف باقي الاخوان شيقولون

[ولد-قطر]

والله يالغالي رفيجي جرب ويمدحه بس سعره اشوي غالي

وانشوف باقي الاخوان شيقولون

تسلم ياخوي على الرد بس ماقلت وش جرب رفيجك من الحمايه الي عندهم جرب الأثنين ولا واحد منهم

[فــلان]

مرحبا أخوي

أنا جربت وركبت عندهم بكج إسمه الدايموند بكج وهو عباره عن حمايه داخلية للجلد بالإضافة إلى طبقة عازلة على البدي من لشموخ بالإضافة إلى البولش , و طبعا ً ركبت عازل حراري, كلفني 3700 ريال كامل وإذا بترجع لهم عقب سنه إتجدد الدايموند بإتثناء العازل يسوون لك خصم 40%. خدمتهم لا باس بها بس عازلهم الحراري ما أنصحك به لأن حمايته مب ذاك الزود حتى أنا ما رجعت لهم مره ثانيه.

[ولد-قطر]

مرحبا أخوي

أنا جربت وركبت عندهم بكج إسمه الدايموند بكج وهو عباره عن حمايه داخلية للجلد بالإضافة إلى طبقة عازلة على البدي من لشموخ بالإضافة إلى البولش , و طبعا ً ركبت عازل حراري, كلفني 3700 ريال كامل وإذا بترجع لهم عقب سنه إتجدد الدايموند بإتثناء العازل يسوون لك خصم 40%. خدمتهم لا باس بها بس عازلهم الحراري ما أنصحك به لأن حمايته مب ذاك الزود حتى أنا ما رجعت لهم مره ثانيه.

تسلم ياخوي على الرد بس من وجهة نظرك شرايك في الحماية الي على البدي منها فايده ولا انت من وجهة نظرك ما استفدت منها بأي شيء

[q6ri_vip]

مرحبا الشيخ
انا ركبت عندهم عازل حراري ومامنه فايده ... وطبقه عازله للبدي وبعد مامنه فايده هاي اللي اشوفه وركبت حمايه لليتات اللي قدام فقط كلفني 5000 وشوي
انا اشوف مامنه فايده بصراحه اذا حاب اتشوف الموتر كيف شكله بعد عازل البدي والبلوش من زيبارت انا حاظر وعندي الفاتوره ... بس هاي اللي اشوفه اني ماستفدت منه ولا افكر ارجع له .

[rhrh922]

اخوي انا سويت عندهم فل رديئ جداً وشئ عادي صراحة مش ذم فيهم لا لكن هذا واقعهم

ما شفت شئ عندهم تتعدى قيمته الي 500 ريال

مع انه يطلبون اسعار خياليه ما تسوى خدمتهم انصحك كأخ

وانت كيفك وانا سويت مرتين عندهم

[فــلان]

الشباب كفوا ووفوا وهاذي وجهات نظرنا وأنا أخوك

[الـخـور]

انا رشيت عندهم مانع الصدا
صراحة شغلهم جيد خصوصا اني راعي بحر
وهالشغله تفيد وايد

[Index Signal]

خدمه فاشله و إداره أفشل

جربتهم مره و تحسفت و ما أنصح حد يجربهم

[ولد-قطر]

والله هذا الي خايف منه اني اسوي حمايه للبدي وفي الاخير الموتر يخترب شكله ومعنى الموظفه من نفسها قالت احنا نسوي البودي فقط قلت لها الصدام الامام والخلفي معاهم قالت لا مانسويها لانه لونها يتغير بعد فتره مع الشمس هذا الي خوفني اذا الصدام لونه يتغير اخاف عقب فتره لون موتري كامل يتغير

ومشكورين ماقصرتوا على النصيحه الطيبه

[الفارس2]

حبيبي انا مسوي عند 3mرخيص وشغل عدل وعندة عازل وبولش واسعارة وايد زينة انا اتعامل معاة من سنتين روحلة وقولة انا جايك من طرف ابو نايف وشوف الخصم العدل وبالتوفيق

[ولد-قطر]

حبيبي انا مسوي عند 3mرخيص وشغل عدل وعندة عازل وبولش واسعارة وايد زينة انا اتعامل معاة من سنتين روحلة وقولة انا جايك من طرف ابو نايف وشوف الخصم العدل وبالتوفيق

ماتقصر يالطيب بس ماقلتي وش نوع الحماية الي عملتها انا ابغي حماية للبدي تحميه من العج والشموخ والسوالف هذي ممكن احصل هذي عندهم

[همس1]

حبيبي انا مسوي عند 3mرخيص وشغل عدل وعندة عازل وبولش واسعارة وايد زينة انا اتعامل معاة من سنتين روحلة وقولة انا جايك من طرف ابو نايف وشوف الخصم العدل وبالتوفيق

ويسوون حمايه على الوجه مثل محل الحمايه الي في السد

[auto body]

خدمة تحت المستوى
انا سويت موتري حماية للسيارة من الخارج بالكامل
مع الجلد الداخلي وتنظيف الفلتر الداخلة من ريحة التدخين
مع حماية لليتات واطراف الابواب
السعر 2900
ومانصح فية
لان الريحة الداخلية لين الحين ماراحت
والسالفة اخرطى
ماعندهم الا الضعوى
وعليكم بالحماية الى بالسد
واسمحلى على الاطالة