كيف اكون وسيط عقارات؟

[YaZone]

السلام عليكم..

ياجماعة الخير أنا في وظيفة حكومية اتعامل فيها مع كل المشاريع العقارية في البلاد من فلل ومجمعات سكنية و عمارات ومحلات تجارية، يعني عندي فكرة بكل المشاريع الجارية وحتى قبل مايشتغلون فيها! ، وأود إستغلال هذه الميزة لصالحي لكن لا أعرف الطريقة المثلى! ياريت تفيدوني في ذلك أو حتى تكوين شراكة.

[طير شلـوى]

وين تشتغل :telephone:

[YaZone]

تطمن ياطير شلوى إن شاء الله مافيه إساءة ولا إستغلال سلبي لعملي..حتى ممكن اصارح فيها مسؤليي :)

[طير شلـوى]

لا والله الشيخ

Don't Miss Understand Me

:victory:

[PoBox]

شغل الوسيط مثل شغل الخطابة
تمدح العروس حتى لو كانت قبسة
وتمدح المعرس لو كان قرد

وبالنهاية تاخذ العمولة

وفق راسين بالحلال ( وصل الشاري للبايع ) وخذ عمولتك


شغلة فيها دجل كثير الا من رحم ربي

[الزعفراني82]

شغل الوسيط مثل شغل الخطابة
تمدح العروس حتى لو كانت قبسة
وتمدح المعرس لو كان قرد

وبالنهاية تاخذ العمولة

وفق راسين بالحلال ( وصل الشاري للبايع ) وخذ عمولتك


شغلة فيها دجل كثير الا من رحم ربي


اسف اخوي انت ماصدقت بهالشي و انا راح اشرح هالشي

[YaZone]

يا أخوان الي عنده علم يفيدنا الله يفيده

[الزعفراني82]

يا أخوان الي عنده علم يفيدنا الله يفيده


اصبر الليله بكتب مشاركه خاصه بس عشانك بوضح للكل جميع الامور و النقاط ياخوي

[YaZone]

اصبر الليله بكتب مشاركه خاصه بس عشانك بوضح للكل جميع الامور و النقاط ياخوي

جزاك الله خير وفي إنتظار مشاركتك..

[بنت الدوحه]

اذا حبيت تكون وسيط عقارات تقدر تنزل موضوع تطلب فيه عقارات من الملاك مباشره وتنزل اعلانك بالجريده مرفق معاه رقم تلفونك واللي يحب بيتصل لك وتطلع معاه يشوف العقار اذا اعجبه تكلم المالك وتخلصون مع المشتري وتاخذ عمولتك 1% اذا كان بيع عقار وايجار نص شهر اذا كان تأجير عقار
واذا كنت الوسيط الوحيد بالموضوع لك 1 من المشتري و 1 من البائع والايجار نفس الشي نص شهر من المؤجر ونص شهر من المستأجر
مثال : بعت فيلا ب 3 مليون لك 30 الف من المالك و30 الف من المشتري
مثال ثاني للايجار: اذا أجرت بيت ب 10 الاف لك 5000 من المؤجر و5000 من المستأجر اذا كنت الوسيط الوحيد اما اذا كان معاك وسطاء تتقاسمون نفس النسبه المذكوره في البيع او الايجار
وغير الجريده ممكن تعرض في المواقع العقاريه واذا كانت لك علاقات ممتازه مع مستثمرين تقدر تعرض عليهم المشاريع الاستثماريه الكبيره
والله يوفقك اخوي

[YaZone]

أحسنتي يا بنت الدوحة هذه المشاركات الي نبيها :nice:

لكن كيف اضمن حقي؟ يمكن يصرفوني المالك والمشتري أو المؤجر!

[بنت الدوحه]

انت وشطارتك واذا عندك احد من اصحابك عنده مكتب عقاري الافضل ان يتم التعامل والتوقيع وكل شي بالمكتب وبشكل رسمي وفيه اوراق تثبت انه تم توقيع العقد وان لك حق فيه بحيث لو صار فيه اي تلاعب تقدر تشتكي وتاخذ حقك
وان شاء الله ما تحتاج تشتكي انت اتفق مع المالك والمشتري قبل ماتوصلهم ببعض وبالكلام الطيب ان شاء الله بتاخذ حقك من دون مشاكل لكن لازم تكون متابع للموضوع ولا توصل المشتري بالمالك الا بعد ما يعجبه العقار وتتأكد انه جاد في الشراء ومعزم وقتها اتصل للمالك وقول له تفضل عندي بالمكتب نوقع العقد ويكتبون لك شيكات باسمك وبكذا تضمن حقك

[YaZone]

جزاك الله خيرا يابنت الدوحة على التوضيح وجعله في ميزان حسناتك :)

[medosss]

بالتوفيق صراحه بنت الدوحه كفة ووفة ما تركت شي نشرحه لك
الله ينعم علي الجميع بالرزق انشاء الله

[بوتميم؟]

تسلمين يابنت الدحه على هذى المعلومات المفيده للجميع والله يكثر امثالج