المساعد الشخصي الرقمي

مشاهدة النسخة كاملة : برنامجكم شرينــــــا وبعنـــــــا 18



قطر
23-03-2005, 11:29 AM
السلام عليكم


اشحالكم


اليوم الاحداث كالتالي:

توقف التجاري عن التداول .... بسبب الجمعية

توقف بنك الدوحة لليوم التالي ...بسبب توزيع الاسهم وغدا يعود للتداول
ابتداء من سعر 250


المتحده تعلن عن توزيع سهم مقابل كل 10 اسهم
وزيادة راس مالها بمقدار 50%

===================


الصناعات من 216.5 الى 235 في دقائق
وتعود الى التحرك بين 227-229


العقارية من لمت اب ثلاث ارباع الوقت
جات اخر شي وانزلت :eek: الى 235

المتحده بيع كميااااااات كبيره الى ان اصبح الطلب في حدود 9الاف
وتنباع وينزل الطلب لكن يتم العرض على اللمت اب بحدود 10 الاف سهم
تنشرى وتصبح الكرى بمرمى المتحده ويغلق السوق على لمت اب وطلب 27 الاف سهم :D

===================

انت اليوم ايش شريت وايش بعت

ايش هي ملاحظاتك

وايش هي توقعاتك


:cool:

ومعااااي اتصال انقوووووول ألوووووووو :rolleyes:

مغروور قطر
23-03-2005, 11:33 AM
والله السووووووق اليوم يخرررع من جد والله الهوامير لعبو فينا

قطر
23-03-2005, 11:37 AM
هلا مغرور

المفروض انتعود وانخلي قلبنا قوووووووووي

وانفكر في اهدافنا وهي الارباح

وبتجي مع شويه صبر ووووقلب جامد

ابوسعود
23-03-2005, 11:37 AM
شكرااااااااا قطر

مغرور قطر

تدري هاليومين لهم لان السوق بيه ناس ميعرفون 1-2

يبون يتغشمرون ويا صغار المستثمرين

انا اليوم بصراحه اتطمش بالاماراتي

متفرج بالانقليزي

شكرا المايك لكم

m mattar
23-03-2005, 11:39 AM
آلو .... آالو الهوامير فين ....... احتياط اليوم
والنسبة الأكبر مضاربين

بو وليد
23-03-2005, 11:39 AM
عليكم السلام أخوي قطر


فعلاً كلام مغرور قطر سليم والسوق يخرع والهوامير اليوم العبوا لعب


شرايكم بـ 500 سهم في المتحدة ؟
تتوقعون بكره لمت أب ولا شلون ؟ الله يستر بس


واستفسار بعد عن العقارية شسالفتها ؟
خلاص بترجع رويسي الحين ولا شلون ؟

قطر
23-03-2005, 11:46 AM
ابوسعود

خل انتغشمر وياهم وانلم عنهم الاسهم اشرايك هههههههه


m mattar
يامرحبا بااتصالك

بشرنا انت من الهوامير المستثمرين ولا المضاربين خل انوصيك عليهم :)


بوليد 500 سهم اليوم شاريهم؟؟


العقارية بكم شاريها؟؟
ومااعتقد تنزل لان مابقى شي عن الاجتماع

واذا انزلت مش غريبه لان السوق السنة اغلب شركاته انزلت قبل الججمعية وهو عكس المتوقع والمفرروض

:)

بيـــزات
23-03-2005, 11:48 AM
اشوي المايك ولا تهون الغالي

مرحبا مرحبا اساااع والله يعطيكم العافيه وان شاء الله محد ((طبع)) محمله


اخوي قطر يعطيك العافيه خيو .. والله اليوم احسن انه احسن شوي بدت ترد الروح في السوق ولومعاي انا على الاقل

ان شاء الله قلبي قوي.. واذا مو قوي اذبحه واحط بداله حصاله :D

وشاكر لكم الرد على اتصالي... طباع لا بيع ولا شرا بس متفرج واكل حب :cool:

اوووه سوري خالي يود المايك :p

502
23-03-2005, 11:50 AM
اليوم شاري
المصرف + الكهرماء
شرايكم

عزيز
23-03-2005, 11:53 AM
السلام عليكم

شريت امس في المطاحن والتحويليه والطبيه واشوفهم اليوم مرتفعين شوي والحمدلله شرايكم ابيعهم ولا اخليهم ؟ اخاف بكره ينزلوون واتوهق فيهم كفايه طبو في جبدي البنك الاهلي والصناعات والاهلي التخصصي والله خسرت فيهم الالالالالالالاف الله يستر

شرايكم ياخوان؟؟

قطر
23-03-2005, 11:58 AM
بيزات
هلا هلا بالاتصال اللي يفتح القلب من اسمك فلووووس تصلح للبورصة
اقول خلك متفرج احسن والله .... بس لاطول في المناظر :) اتخذ قرارك ولاتتردد

او استخدم واسطة اسمك (بيزات) وحط لنا عروض وهميه هههههه امزح

هلابك

502هلا هلا بالاتصال الرقمي
:)
يالله يعطيني رقمك في البورصه بالموجب مع 6 اصفار جنبه قول امين

المصرف اقدر اقول ممتاز وربك شريته ب 506؟

بالنسبة للكهرباء خلها استثمار طويل الاجل وخصوصا انها وزعت ارباحها

وش عاد تنتظر منها

مغروور قطر
23-03-2005, 12:01 PM
بس بيرد غصبن عنهم بيرتفع مره ثانيه

بيـــزات
23-03-2005, 12:02 PM
حبيب قلبي والله (قطر)

لا ما عليك متفرج .. بس الدبره موجوده...

يعني لين بكره جذيه... وان شوف الرؤيه ..

وبناءا عليها نتخذ القرار النهائي :D

قطر
23-03-2005, 12:02 PM
عليكم السلام العزيز

ليش بكم شاري صناعات والتخصصي والاهلي ؟؟


بالنسبه للي شريتهم خلك مترقب في اي لحظه عشان اتبيع

اغلبهم مضاربه والله اعلم

boabdullah
23-03-2005, 12:03 PM
مراحب شباب ,,,,,,,,,,, اليوم أسميه(( بداية تحمل القلـــوب القويـــة )) ولعبة المتحدة بدت توضح أكثر بضخ الكميات وسحبها ,,,(( نفس اللي صار مع الصناعان )) ,,,, عموما أنا ماأخاف وأشتريت الكهرباء وعلى 110 ووقود 147 وراح أخليهم لشهر (أبريـــــ ـ4ـــــل ) وأـوقع أن بكرة بيكون نفس لعبة اليوم ,,,,,,, وبالتوفيق للجميع

قطر
23-03-2005, 12:04 PM
بيزات انا اشوف ان الرؤية عدل يوم الاحد يأما صقلنا بأحمر يأما نطرنا مع الاخضر وان شالله ننطر :)


مغرور قول بإذن الله وانا اخوك :)

مغروور قطر
23-03-2005, 12:06 PM
بأذن الله طبعا

قطر
23-03-2005, 12:06 PM
بوعبدالله هلا بك

المتحده عطوها فوق وزنها ترى

واللي باع اليوم مضاربين انتظروا الخبر وطلع وباعوا

يعني دايما وخصوصا في سوقنا ايقولك اشتر على الاشاعه وبيع مع الخبر المؤكد

:)

وموفق في اسهمك

المستثمر القطري
23-03-2005, 12:22 PM
والله اليوم السوق الصراحه شي عجيب

واذا بتم سوقنا حذي في الصيف بتكون ربحية المضاربه فيها ممتازه

بس بشرط تعرف شنو تشتري و شنو تبيع

boabdullah
23-03-2005, 12:33 PM
المشتثمر القطري ,,,,,,,,,مراحب السوق طبعا" للمظاربين عجيب بس في الصيف لازم تتذكر أن معاك حبايبنا ((( الأجانب ))) فراح يكون عجيب ,,,وغريب,,,,ومخيف,,,,,وبعد أيش أقولك ,,,,,,,,,,أخوك بوعبدالله

إنتعاش
23-03-2005, 01:00 PM
هلا بالجميع

والله اليوم ما قدرت اتابع السوق بشكل كبير لإنشغالات في العمل

ولكن بعت شوي من المصرف على 517 ريال

doha-1
23-03-2005, 01:15 PM
السلام عليكم00يا الربع عندي استفسار انا شريت التخصصي يوم كان 117 والحين كل ماله في نزول شنو الحل في رايكم هل تتوقعون ارتفاعه الاسبوع الجاي..شريت التحويليه امس...وعندي مبلغ بسيط اشتصحوني اشتري....اخوكم جديد في السوق..لكم جزيل الشكر

بيـــزات
23-03-2005, 01:16 PM
قطر.. شورك وهدايت الله

مغروور قطر
23-03-2005, 01:20 PM
اخوي الدوحة امسك التخصصي لاتبيع نصيحه الدراسه زيادة راس المال تاخرت بس اسبوعين صدقني بيرتفع امسك ولا تبيع

doha-1
23-03-2005, 01:34 PM
مشكور اخوي مغروور قطر على النصيحه...وابي حد يرد على سؤالي الثاني :عندي مبلغ بسيط اشتنصحوني اشتري...مع العلم اني شريت في التحويليه امس....يعطيكم العافيه

قطري
23-03-2005, 01:38 PM
السلام عليكم
الصراحة اليوم ماتابعت السوق بس من البداية
وحطيت طلب وانشغلت وتوني مشيك على الاسعار
واااااااااااو اخيراً العقارية المتحدة باعوا :)
ان شاء الله يثبت السوق عشان يبدأ الانطلاق :cool:
بالتوفيق للجميع

مغروور قطر
23-03-2005, 01:42 PM
الله يسمع منك قطري اليوم قلوبنا طاحت في ايدينا لعبو فينا الهوامير

ابوعلي اليافعي
23-03-2005, 01:59 PM
انا اقول ان اليوم مافيه اي لعبه من الهوامير والي صار شي طبيعي في جميع الشركات ماعدا الدولي السلامي ..يعني..الصناعات انزلت لسعر مغري للشراء ولهذا السبب عاودت الصعود..العقاريه وصلت لسعر مغري للبيع لهذا انزلت بسبب بيع كميات كبيره لجني الارباح..النقل واجه دعم قوي عند حاجز ال178 وعاود الصعود..المتحده الاعلان كان اقل من المتوقع ففضل البعض البيع والاكتفاء رغم وجود الطلب..المصرف عاد للصعود لوجود طلب قوي ولكن اللم عليه على نار بارده لعدم تحديد موعد اجتماع الجمعيه العموميه ..الدولي هو الوحيد الي اعتبره مظلوم في سعره وباين ان هناك مستثمر كبير يصرف كميات فيه ...وباقي الشركات الصغيره مازالت مغريه للبعض لرخص سعرها رغم ان بعضها لا يوجد عليه توزيع ارباح..السلام لازال بدري عليه بالمقترنه مع توزيعاته..كلمه لاخوي انتعاش غريبه بعت المصرف لو صبرت شوي كان بعته بسعر افضل خاصه انك بعته مع معاودته للصعود...اتوقع غدا صعود الصناعات النقل البنوك السلام الاجاره المواشي..واستقرار المتحده المخازن الكهرباء ..والعقاريه سيستمر مسلسل جني الارباح فيها..والله يوفق الجميع

saham
23-03-2005, 02:05 PM
amanah enak gebtaha ya bo 3ali

نوكيا
23-03-2005, 02:32 PM
الحمدلله
أولا مبروك للجميع للي حصل ارباح

انا رديت مره ثانية اشتري الصناعات عقب مابعتها 222.9 رديت اشتريها اليوم 224.80 :o
والنص الثاني حطيته في العقارية في آخر 3 دقايق من السوق على سعر237.10

:) بالتوفيق للجميع :)

The Edge
23-03-2005, 03:39 PM
أنا اليوم كنت متفرج أغلب اليوم لكن بعدين يدي كلتني و ما قدرت أقاوم و شريت الصناعات ب 228 أعتقد أنه راح يصعد تدريجيا

بو وليد
23-03-2005, 04:07 PM
بوليد 500 سهم اليوم شاريهم؟؟


العقارية بكم شاريها؟؟
ومااعتقد تنزل لان مابقى شي عن الاجتماع

واذا انزلت مش غريبه لان السوق السنة اغلب شركاته انزلت قبل الججمعية وهو عكس المتوقع والمفرروض

:)


السموحة اخوي قطر حطيت ردي وطلعت

بالنسبة للمتحدة على سعر اليوم اللي هو 108 والله حطيت يدي على قلبي آخر الوقت

شرايك انت ؟ مع إني أحس إنك على خلاف مع المتحدة :p ..

وبالنسبة للعقارية للأسف ما عندي..بعتهم على طول يوم وصل السهم 100..وبس من كم يوم فكرت أسترجعهم..بس تفاجأت اليوم بالنزول الغريب..عموماً ننطر لبكره ونشوف شيصير..

يعطيك العافية

qatar_moon
23-03-2005, 07:53 PM
اشرايكم ابيع المتحده بكره ولا انتظر

المستثمر القطري
23-03-2005, 08:05 PM
بالتوفيق للجميع

اشكر اخوي بو عبدلله على الرد و وجهة نظره.. بس احب اقولك يابو عبدالله انه الاجانب بيمتلكون فقط 25% من اسهم الشركات فا انا اظن انه بمجر مايمتلكون الحصه المخصصه لهم راح يرجع السوق انشالله مب مثل الاول
بس بشكل اركز و اثبت وانشالله تتاح الفرصه للجميع بالاستثمار وزيادة الدخل للفرد

وبالتفويق للجميع