شباب استفسار بخصوص الرقم المميز [الأرشيف] - منتديات شبكة الأسهم القطرية

Al-Jokar

16-11-2005, 06:06 PM

:shy: :shy: شباب اسمحولي بس حبيت استفسر
ايش الفرق بين الرقم المميز والرقم غير المميز
اقصد اذا عندي رقم حلو بس مب مميز شنو يعني مااقدر احطه على سيارتي؟؟

Qatari 1980

16-11-2005, 07:04 PM

السلام عليكم

أخوي بخصوص الرقم المميز هو الرقم اللي تدفع عليه فلوس ؟؟

على سبيل المثال رحت المرور وشريت لك رقم رباعي بقيمة ( 500 ريال ) هذا الرقم يصير ملكك وتقدر تبيعه أو تتنازل عنه لأي شخص وتقدر تركبه على اي سياره بأسمك ..

أما الرقم الغير مميز هو الرقم اللي أخذته من المرور ولم تدفع عليه اي مبلغ سوى مبلغ صنع اللوحات ( 200 ريال ) يعني الرقم كان ببلاش في المرور وفي هالحاله ما تقتدر تبيع الرقم أو تتنازل عنه لأي أحد ..

مثلاُ أخذت رقم خماسي ( غير مميز ) و حطيته على موترك وجاك واحد يبيك تبيع عليه الرقم
في هالحاله أنت ما تقدر تتنازل عن الرقم لانك مجرد ما تنزل هذا الرقم من سيارتك راح ينزل الرقم في سيستم المرور ولازم تشوف لك واحد تعرفه في المرور ( واسطه ) علشان يصرح له بتركيب الرقم ...

اتمنى أني وضحت لك ..