فوضى في اليوم الأول لتسجيل اراضي الوسيل

[بلاهويـــــة]

اليوم كان أول يوم للتسجيل في قرعة الوسيل وكان في ريتاج ريان وكانت هناك الفوضى جلسنا من الساعة 8 حتى الساعه 11 ولم يسجل الا 6 أشخاص من مئااات القطرين والسبب كالعاده خلل في شبكة الانترنت وازدحام لبطاقة البنك وخريطة الأراضي التي لها رقم ولا نعرف مساحتها كنا نختار الأراضي عمياناً ،، فلا يوجد غير ماكينتان للسحب فهم يريدون بالبطاقة وأصبحت فوضى من الطرفين وذهبنا لبيوتنا ولم نسجل فأتى شخص من اللجنة المنظمة وقال كل شخص يسجل في ورقة اسمه ورقمه الشخصي ورقم القسيمة ويرفق معه ايصال البنك ونحن سنسجل لكم اذا تم تصليح الخلل واذهبوا لبيوتكم(لا نعرف هل هم صادقون )

[auto body]

كالعادة مافية شي جديد
ماعندهم ترتيب
والله يعيين اذا من 8 لين 11 ماسجلوا الا 6
الله المستعان

[فارس الكلمة]

لماذا العجلة في التسجيل .. هناك أيام متبقية للتسجيل ..؟

الهون أبرك ما يكون ..

[سداوي&مدريدي]

ما شاء الله

دوله متقدمه

[ANONYMOUS]

اليوم كان أول يوم للتسجيل في قرعة الوسيل وكان في ريتاج ريان وكانت هناك الفوضى جلسنا من الساعة 8 حتى الساعه 11 ولم يسجل الا 6 أشخاص من مئااات القطرين والسبب كالعاده خلل في شبكة الانترنت وازدحام لبطاقة البنك وخريطة الأراضي التي لها رقم ولا نعرف مساحتها كنا نختار الأراضي عمياناً ،، فلا يوجد غير ماكينتان للسحب فهم يريدون بالبطاقة وأصبحت فوضى من الطرفين وذهبنا لبيوتنا ولم نسجل فأتى شخص من اللجنة المنظمة وقال كل شخص يسجل في ورقة اسمه ورقمه الشخصي ورقم القسيمة ويرفق معه ايصال البنك ونحن سنسجل لكم اذا تم تصليح الخلل واذهبوا لبيوتكم(لا نعرف هل هم صادقون )



انطر المسج.. ولو ماوصل لك.. سو كذا :rolleyes2:

[استغفرالله]

انا من رأيي يشيلون نظام التسجيل بالكمبيوتر عن طريق الانترنت ويجعلونه يدوي

النظام به خلل في التصميم والتنفيذ

[الثاقب]

متى اخر يوم في التسجيل

[استغفرالله]

يوم الخميس

[الثاقب]

يوم الخميس

يعطيك العافيه اخوي طيب وين اماكن التسجيل وليش الموقع الالكتروني يعطي ايرور
شالسلفه

[hich]

النظام مدفوع عليه 800الف شلون يشيلونه :) أهم شي النظام ينباع والباقي مو مشكلة

[استغفرالله]

أعلنت الشركة الوطنية للتطوير العقاري، إحدى الشركات التابعة للوطنية للإجارة القابضة أنه سيتم توزيع الأراضي الواقعة
في منطقة لوسيل والمخصصة لإقامة فلل للمواطنين القطريين عن طريق القرعة الالكترونية.
وسيبدأ التسجيل للقرعة الالكترونية اعتباراً من 7 وحتى 20 سبتمبر2008،
ويمكن التسجيل بطريقتين،
1_الأولى من خلال الدخول للموقع الالكتروني www.npdqatar.com وذلك ما بين 7 و 20 سبتمبر،
2_ بالحضور شخصياً إلى مراكز التسجيل بين 7 و 11 سبتمبر من الساعة 8:30 مساء وحتى الساعة 12 منتصف الليل في أحد المراكز التالية
(صالات ريجنسي – دوار المول، فندق رتاج الريان – قاعة المزن، الدفنة، فرع الإجارة القابضة – طريق سلوى – بجانب هايبر ماركت سفاري).

ويشترط للتسجيل في القرعة الالكترونية أن يكون المتقدم مواطناً قطرياً ممن تجاوز سن 18 عاماً، وأن يدفع رسوم الاشتراك في القرعة الالكترونية 100ريال قطري
يشترط دفعها بواسطة البطاقة الإئتمانية ( فيزا أو ماستر كارد) عند التسجيل، وأيضاً احضار البطاقة الشخصية التي تثبت هويته،
ويسمح لمقدم الطلب الاشتراك في السحب على قطعة أرض واحدة فقط.

--منقول

[الثاقب]

وين في الدفنه سوري ما انتبهت تسلم يالطيب

[استغفرالله]

هيتج

لو عطوني النظام اسويه لهم مقابل ارض

اخطاء واضحة فيه

منها عدم وجود زر معالجة الخطأ في كل خطوة في النظام

وايضا عدم تحمل السيرفر الضغط عليه

الشركة اللي سوت النظام عليها ارجاع الفلوس

هو مب لعب عيال

هذي نظام شركة كبرى وكان عليهم ان يخضعو النظام للاختبار قبل تطبيقه

اختبار من نوع الفا وبيتا

[استغفرالله]

الثاقب هالاماكن الثلاث:

صالات ريجنسي – دوار المول،
فندق رتاج الريان – قاعة المزن، الدفنة

، فرع الإجارة القابضة – طريق سلوى – بجانب هايبر ماركت سفاري

[الثاقب]

يعني صار لازم انروح لهم الله ايعين على الزحمه

[الثاقب]

الثاقب هالاماكن الثلاث:

صالات ريجنسي – دوار المول،
فندق رتاج الريان – قاعة المزن، الدفنة

، فرع الإجارة القابضة – طريق سلوى – بجانب هايبر ماركت سفاري

ما قصرت يالطيب جزاك الله خير

[qatar.1995]

منقووووووووووووله

يعني صار لازم انروح لهم الله ايعين على الزحمه

[السامـي]

أنا من يوم شفت شروطهم وأنا غاسل يدي.

[بلاهويـــــة]

أحس إنهم لاعبين علينا وكل هذا تحصيل حاصل عشان ياخذون 100

شكلهم موزعين معظم الأراضي للهوامير مخلين كم أرض للشعب

[رحال]

أراضي بمساحات 2000 م لا يستفاد منها الى من يملك السيولة

لو تم تقسيمها الى 450 م وستفاد منها شريحة أكبر !!!

بدل طريقة اللوتري اللي عاملينها !!!

[ابوعبدالعزيز]

النظام في الانترنت كان فيه خلل صحيح ، بس مع اكثر من محاولة كان التسجيل متوفر ، وهذا فضل من الله , اتمنى انك اتجرب مع النت مرة ثانية .

تحياتي .

[Most Wanted]

ما ادري ليش تروح وتتعنى هناك مع ان التسجيل متوفر عن طريق موقعهم

ان اليوم سجلت وكل شي كان سهالات

بس شكلها راحت الــ100 احساس غريب من عقب ما سجلت

[kitmat]

شالسالفة وبعدين الواحد إذاظهرت الارض له كم بيدفع

[عضو المنتدى]

الثاقب هالاماكن الثلاث:

صالات ريجنسي – دوار المول،
فندق رتاج الريان – قاعة المزن، الدفنة

، فرع الإجارة القابضة – طريق سلوى – بجانب هايبر ماركت سفاري

فندق رتاج الريان – قاعة المزن، الدفنة

ووين بالضبط هالمكان يأخوان ؟؟؟؟

هذا مكان واحد ولا مكانين ؟؟؟

[بلاهويـــــة]

قالوا لي تعال بكرة واخذ الإيصال وجيتهم وخلوني اكتب الايصال بخط يدي ( مع انه لازم الايصال يكون له رقم)

قالولي بيجيك مسج على الجوال على القسيمة ورقم الشخصي ومر يومين وماشفت مسج

خوفي ما سجولولي ويكذبون علي عشان تبقى حق بعض ناس

[ضوى]

أراضي بمساحات 2000 م لا يستفاد منها الى من يملك السيولة

لو تم تقسيمها الى 450 م وستفاد منها شريحة أكبر !!!

بدل طريقة اللوتري اللي عاملينها !!!



:eek5::eek5:

احنا اخترنا ارض مساحتها 600 متر :rolleyes2:

[بلاهويـــــة]

واللي يقولج احنا اخترنا اراضي ما نعرف مساحتها

أول مرة اشوف خريطة أراضي ما عليها المساحة بس رقمها

[ضوى]

واللي يقولج احنا اخترنا اراضي ما نعرف مساحتها

أول مرة اشوف خريطة أراضي ما عليها المساحة بس رقمها



اشلون ؟

طيب بعد التسجيل والاختيار يعطيك تفاصيل الارض ليش انت ما طلعت لك التفاصيل ؟؟؟؟

[كشافات بيجو]

سؤال يصير بعد ماطلعت الارض لي اني ابيعها من غير ما ادفع ثمنها

[بلاهويـــــة]

أنتي ما شفتي الزحمة

قالوا لنا اكتبوا اسمكم ورقم البطاقة الشخصية ورقم القسيمة واحنا بنسجل لكم انتوا روحوا بيوتكم لان في خلل في التسجيل
كتبنا ارقام القسائم بدون مانعرف مساحتها صارت لخبطة ومافي نظام

[فارس الكلمة]

الخلل على ما أعتقد ما زال موجوداً في نظام التسجيل الإلكتروني ..

[حمد]

مرحبا بكم في القرعة الإلكترونية لـ "مشروع الأراضي للقطريين في مشروع مدينة لوسيل "



الموقع قيد التطوير ... يرجي المحاولة الساعة السادسة مساءاً بتوقيت الدوحة ... و نأسف لما سببناه لكم ...

[darkuae]

:eek5::eek5:

احنا اخترنا ارض مساحتها 600 متر :rolleyes2:

إيش هالسوالف

هم قالوا إن المساحات من 800 وحتى 2000

والله خرببببببببطه

لاااااازم يمددون فترة التسجيل وذلك تعويض عن الفترة اللي صار فيها خلل

وليش التسجيل اسبوع بس!!!!!

مع هالزحمة افتحوا المجال زيادة مثل شقق بروة كانت الفترة أطول بوايد

[BUHASSEN]

انا سجلت عن طريق النت واسحبوا فلوسهم ويوم جيت بختار القطعه الى عليها السحب

طلعلي خلل فى السيستم

[البنز]

انا سجلت عن طريق النت عقب صلاة الفجر على طول ، الموضوع ما خذا مني دقيقتين إلا ووصلت المسجات ..

واحد بخصم 100 ريال من الحساب والثاني برقم الطلب ..

وصلى الله وباركـ .. :nice:

[حمد]

مرحبا بكم في القرعة الإلكترونية لـ "مشروع الأراضي للقطريين في مشروع مدينة لوسيل "



الموقع قيد التطوير ... يرجي المحاولة الساعة السادسة مساءاً بتوقيت الدوحة ... و نأسف لما سببناه لكم ...

مرحبا بكم في القرعة الإلكترونية لـ "مشروع الأراضي للقطريين في مشروع مدينة لوسيل "



الموقع قيد التطوير ... يرجي المحاولة الساعة السابعة مساءاً بتوقيت الدوحة ... و نأسف لما سببناه لكم ...

غيروا وقت فتح الموقع من جديد !!! ....

[خالي مشاعر]

الموقع قيد التطوير ... يرجي المحاولة الساعة السابعة والنصف مساءاً بتوقيت الدوحة ... و نأسف لما سببناه لكم

[سهم اكتتاب]

ويستمر مسلسل الانتظار ..



مرحبا بكم في القرعة الإلكترونية لـ "مشروع الأراضي للقطريين في مشروع مدينة لوسيل "



الموقع قيد التطوير ... يرجي المحاولة الساعة السابعة والنصف مساءاً بتوقيت الدوحة ... و نأسف لما سببناه لكم ...

[مزيون الدوحه]

ويستمر مسلسل الانتظار ..



مرحبا بكم في القرعة الإلكترونية لـ "مشروع الأراضي للقطريين في مشروع مدينة لوسيل "



الموقع قيد التطوير ... يرجي المحاولة الساعة السابعة والنصف مساءاً بتوقيت الدوحة ... و نأسف لما سببناه لكم ...


مبروك فتح الساعه 7 ونص

( لاكن الخلل مازال موجود )
وسحبوا 200 ريال وطلع لي ايروور

مادري ايش اخرة هالفوضه

[سهم اكتتاب]

انا سحبو مني 400 ريال على نفس البطاقة الشخصيه
كل مره اسجل فيها يفصل بعد الدفع عاد هاي حاله ؟؟
هل بيرجعون لي المبلغ الي نسحب ؟؟
والقهر ان بعد هذا كله بروح اسجل بطريقه اليدويه والله يعيني على الزحمه والفوضى الي هناك

[عبدالله الخوار]

خلاص صكوا .. الموقع

رسمياً

انا اتصلت .. وقال لي الموظف ماراح يفتحونه

التسجيل بيكون يدوي .. في الاماكن المذكورة

اعلاه .. والتسجيل لييين 18 الشهر

[مزيون الدوحه]

انا سحبو مني 400 ريال على نفس البطاقة الشخصيه
كل مره اسجل فيها يفصل بعد الدفع عاد هاي حاله ؟؟
هل بيرجعون لي المبلغ الي نسحب ؟؟
والقهر ان بعد هذا كله بروح اسجل بطريقه اليدويه والله يعيني على الزحمه والفوضى الي هناك

بصراحه مادري اي شركه مستلمه ادارة هالموقع
الشي المتعارف عليه طبعا الي لهم خبره في الدفع
عن طريق الانتر نت كلهم عارفين ان الدفع يكون
هو الخطوه الاخيره من مراحل الشراء وادخال البيانات
لو كانوا عملوا هالطريقه كان تفادوا حالات السحب قبل
اتمام عمليات التسجيل لان الملاحظ الفصل يكون في
نص المراحل .

والحين جايين ويقولون التسجيل يدوي يبون
يتطورون لكن مساكين مب عارفين كيف الطريقه

[darkuae]

اللهم إني صائم<-----خاطره يقول شي غلط:anger1:

[فارس الكلمة]

بصراحه مادري اي شركه مستلمه ادارة هالموقع
الشي المتعارف عليه طبعا الي لهم خبره في الدفع
عن طريق الانتر نت كلهم عارفين ان الدفع يكون
هو الخطوه الاخيره من مراحل الشراء وادخال البيانات
لو كانوا عملوا هالطريقه كان تفادوا حالات السحب قبل
اتمام عمليات التسجيل لان الملاحظ الفصل يكون في
نص المراحل .

والحين جايين ويقولون التسجيل يدوي يبون

كلام جميل .. و صحيح ..

[حمد]

عاد اتصدقون ان امس انا الساعة 2 الفجر سجلت ومن الموقع

علما ان التسجيل مسكر

الي صار

امس الساعة 8 المسا ... عقب مافتحوا الموقع عقب ماسكروه .... دخلت و دفعت بالفيزا .... وفصل الموقع معاي:( .... رحت سويت نفس الحركة الي علمنا اياها اخوي اكسبرت ... نسخت العنوان واحتفظت ... فيه.

طبعا الساعة 11 بالليل كنت متصل بالشركة وغاسل شراعهم ... وقايل لهم ان هاي ثاني مره يفصل معاي وقت التسجيل ... قالولي انسى ... خلاص لازم اتسجل يدوي .... الصراحه حطموني :(

رجعت البيت .... وتقريبا الساعة 2 دخلت النت .... وقلت خل اجرب احط العنوان ونشوف حركة الاخ اكسبرت .... ولا افتحت معاي الصفحة الي بعد تسجيل الفيزا مباشرة ... وحتى شفت رقم البطاقة الشخصية الخاصة لي موجود على جنب ... وقمت وكملت اجراءات التسجيل ... ولله الحمد... اخترت الارض وكل شي تمام .

وثواني الى جايني مسج من عندهم .. وفيه رقم الوصل :)

[العنان]

انزين شباب انا اللحين في امريكا ولما سمعت عن المشروع حاولت اسجل في الموقع بس كان يعلق وقت الدفع واليوم سكروا التسجيل عن طريق النت ، التسجيل اليدوي لين متى بيكون مفتوح؟ وهل يصير ان اخوي يسجل لي لأني مب راجع الدوحه قبل شهرين؟

[حمد]

انزين شباب انا اللحين في امريكا ولما سمعت عن المشروع حاولت اسجل في الموقع بس كان يعلق وقت الدفع واليوم سكروا التسجيل عن طريق النت ، التسجيل اليدوي لين متى بيكون مفتوح؟ وهل يصير ان اخوي يسجل لي لأني مب راجع الدوحه قبل شهرين؟

التسجيل لين 18 الشهر ... وفي ثلاث اماكن

1- جنب هايبر ماركت ... طريق سلوى

2- صالات ريجنسي .

3- فندق رتاج الريان .

ولازم تعطي اخوى بطاقتك الشخصة الاصلية ... هذا كلام الي رد على التلفون واسمه فهد

[بلاهويـــــة]

مب شرط تجي الدوحة وتعب نفسك عط اخوك رقم البطاقة الشخصية وبس

[qatar2929]

أنزين أذا سكرو الموقع ليش مايكتبوون ملاحظة والتسجيل في الاماكن المذكوورة
والا هاي الشي بعد عيزانين عنة

[SeYaSeEe]

أنزين أذا سكرو الموقع ليش مايكتبوون ملاحظة والتسجيل في الاماكن المذكوورة
والا هاي الشي بعد عيزانين عنة

والله انك صادق

[brWaz]

أنزين أذا سكرو الموقع ليش مايكتبوون ملاحظة والتسجيل في الاماكن المذكوورة
والا هاي الشي بعد عيزانين عنة

مشكلتنا ياالعرب اذا غلطنا مانعترف في غلطتنا

لذلك مانشوف شي يتطور

:secret:

[darkuae]

مشكلتنا ياالعرب اذا غلطنا مانعترف في غلطتنا

لذلك مانشوف شي يتطور

:secret:

مب بس ما يعترفون

يقولون إن التمديد صار عشان الإقبال الكبير من الناس<-----كإنهم مب عارفين إن بيكون في اقبال كبير

وما يبغون يقولون إن التمديد عشان النت اخترب وحفاظا على ماي الوجه سووا هالتمديد


إني صاااااااااا:anger1:اااااااائم

[سمو الاميرة]

فيه اماكن مخصصة لنساء ؟ واقدر اسجل حق امي كبيرة بسن ما تقدر تروح لهم ؟

[مافيا قطر]

اى نعم فى اماكن حق النساء ويخلصونج بسرعه وبعيد عن الرجال بس روحى بدرى الساعه 7 خلج موجوده هناك عشان الساعه 8 يفتحون

[سمو الاميرة]

في وين اماكن النساء ويصير اسوي حق امي جزاك الله خير

[Abdulla86]

الله يعينكم

[jajassim]

بصراحه مادري اي شركه مستلمه ادارة هالموقع
الشي المتعارف عليه طبعا الي لهم خبره في الدفع
عن طريق الانتر نت كلهم عارفين ان الدفع يكون
هو الخطوه الاخيره من مراحل الشراء وادخال البيانات
لو كانوا عملوا هالطريقه كان تفادوا حالات السحب قبل
اتمام عمليات التسجيل لان الملاحظ الفصل يكون في
نص المراحل .

والحين جايين ويقولون التسجيل يدوي يبون
يتطورون لكن مساكين مب عارفين كيف الطريقه




ايه والله شركة فاشلة ،،، :(