ليش الشباب حولوا من رنج وكايين الى لكزس فورويل الجديد؟؟؟؟ [الأرشيف]

مشاهدة النسخة كاملة : ليش الشباب حولوا من رنج وكايين الى لكزس فورويل الجديد؟؟؟؟

بالول

09-09-2008, 02:26 PM

استغربت صراحة من كثرة الحجوزات والطابور الطويل للحصول على لكزس فورويل الجديد

لدرجة ان اصحاب الكايين والرنج سبورت قاموا يعرضون مواترهم للبيع او للبدل من لكزس ؟؟؟

فهل متعة اللكزس تضاهي كشخة وسواقة الالماني .......لهذه الدرجة الي تخلي الواحد ينطر 8 او سبع شهور عشان يحصل على لكزس؟؟؟؟؟:omg:

ما اعتقد ان تويوتا قطر تقدم خدمات جيدة للصيانة مثل البي ام والبورش والاند روفر ...... فبرغم سوء الوكالة الا ان الطلب بهذا الحجم الكبير يعد شي مستغرب

قمت اشك صراحة ومش عارف سبب هذا التحول الكبير ليس فقط على مستوى قطر بل تعدى ذلك واصبح يشمل البحرين والامارات والسعودية والكويت

راعي ال2008 الاسود

09-09-2008, 02:44 PM

ياخي النفس ما تهوى وبعدين اللكزس اغلبتت الالماني صارت هي في الدرجة الاولى في كل شي الفخامة
والقوة وكل شي

بالتوفيق ان شاء الله

لاداعي

09-09-2008, 02:50 PM

الزين يفرض نفسه

الدوحه-قطر

09-09-2008, 04:44 PM

مبارك عليك الشهر اخوي

vimto

09-09-2008, 05:12 PM

مرحباً اخوي

شوف اعتقد موضى طالعين فيها

بس اذا جيت اللحق الكزس قوي واقل خراب بكثير يعني بختصار راحى مو كل يوم في كراج

وشيك في جيبك وقت ما تبي تبيعه يجيب قيمه

Q-tr

09-09-2008, 05:23 PM

ماااله دخل اصلااااااااااااااااااااا

فيه اللي يرغب اللماني وفيه اللي يرغب الياباني

وجهة نظرر

Qt.1

09-09-2008, 05:38 PM

لولاا اختلاف الااذواق لبارت السلع....

:)

..er..

09-09-2008, 08:08 PM

لولاا اختلاف الااذواق لبارت السلع....

:)

اتفق معه :nice:

وكل نفس وماتهوى :)

ALRAYYAN

09-09-2008, 08:21 PM

1. اللكزس فخامتها صارت بنفس مستوى الالماني
2. موتر ماسك سعره ومتى ماقلت يابيع بينباع على طووول
3. اللكزس ان كان فورويل ولا صالون انسى الخرابات
4. موتر مو معقد ويستحمل شوارعنا ومطباتنا
5. ضمان الموتر خمس سنوات والعداد مفتوح يشجع ان الواحد يمتلك لكزس
6. موتر بلاد وخطوط .. مو مثل بعض المواتر الألمانيه .. تسافر به ويدك على قلبك
7. اللكزس موتر مابصرف بترول خير شر وكلامي عن سابق تجربه

وفي النهايه كل سلعه ولها رغابها اخوي

الله يعطينا خير مواترنا ويكفينا شرها

على البال

09-09-2008, 08:25 PM

شباب قطر والنعم فيهم

بس لو يتركون التقليد

هم بالف خير

باحث علم

09-09-2008, 08:39 PM

اخوي ببساطة

اللكزس الفور ويل لو قعدت اعدد مزاياه ( وهنا اقصد تقنيا وتكنلوجيا ) بتتعب
ياخي حاطين فيه شغلات كثيرة جدا متطورة
لدرجة انك كل يوم تكتشف فيه شي جديد
يكفيك من خلال الريمونت تقدر تعرف كثير من المعلومات عن سيارتك ( اذا الابواب والدرايش مقفله - كم درجة الحراره داخل السيارة .. اتجاه سيارتك وين عنك ( يمينك يسارك ) :) .. الخ )

الراداد والمستشعرات اللي فيها قمة في الروعة ..
مثلا اذا - لاسمح الله - اقتربت السيارة من اي جسم بسرعة معينة - تستشعر ذلك وتعمل فيها انظمة السلامة بشكل آلي .. استعدادا لاي اصطدام لاسمح الله .

بعدين اعتقد السبب الرئيسي انه جمع بين ثلاث اشياء
قيمته فيه مثل الياباني - فخامته (تكنلوجيا وتقنيا) افضل من الالماني - وعملي مثل الامريكي

بصراحة السيارة تستاهل بس عيبها السعر الغالي

تحياتي

combo

09-09-2008, 08:48 PM

يود التويوتا و اللكزس
لا عوار راس ولا فواتير
يقولك ال 2009 فيه فرن و مكرويف وسرير لزوم النطره في الاشارات
واذا متملل يروح ابروحه يداوم بدالك

الجزيـرة $

09-09-2008, 09:05 PM

السبب بسيط وهو ان الشكل جديد

H A S S A N

09-09-2008, 09:07 PM

والله انا كنت نفسك اقول انه مايسوى قيمته والواحد ياخذ بورش او رنج احسن بس يوم استخدمة تغير كل شي ياخي بختصار موتر عجيب ومميزاته رهيبه وواجد ومش معقد بستخدام وفوق كل هذا قوي وحتى رمله ماعنده مشكله وين ماوجهته يقولك قدام وللحين مافي لكزس في الدوحه وبرع الدوحه انباع وراعيه خسران

بالول

09-09-2008, 11:50 PM

مشكورين يا جماعة على هالمعلومات القيمة ......... صراحة شوقتوني لسواقة اللكزس ....... بتخلوني افكر فيه جدددددددددد ........ دخلتوه في بالي

GPC

09-09-2008, 11:55 PM

اللكزس في الأصل كانت ثمرة تعاون بين تويوتا ومرسيدس يعني ألماني ياباني

رآعي موآجيب

10-09-2008, 12:33 AM

يود التويوتا و اللكزس
لا عوار راس ولا فواتير
يقولك ال 2009 فيه فرن و مكرويف وسرير لزوم النطره في الاشارات
واذا متملل يروح ابروحه يداوم بدالك

لا تستبعد هالشي :)

الحين الكزس يوقف فالبارك بروحه ويمشي في الزحمه بدون مساعدة السواق !!

السبب بسيط وهو ان الشكل جديد

أنت صح :nice:

الجهجاه

10-09-2008, 04:30 AM

بالتوفيق

بو سالم

10-09-2008, 05:58 AM

انا مستغرب من الموضوع والردود

وانا اللي اشوفه العكس تماما ان الوكالات اللي تقولون عليها مافي عندهم سيارات الا بحجز وانطر

وبعدين بعد ما نزل الكروزر والكزس ارتفع المستعمل الرنج سبورت والعادي والبورش لانهم افضل بوايد وخاصه الخدمه عندهم

احسن من خدمات التويوتا والكزس

يعني معقوله تاخذ موتر ب370 الف وتبدل ايل كل 5000 كيلو حالك حال الكرولا ههههههههههههههههه

لا واذا انت مسافر وبدلت الايل طاح الضمان حتى لو كان في وكالة الكزس هناك هههههههههههههههههههههههههههههههه

يعني قبل لا تسافر بدل ايل ولا تمشي وايد والا طاح الضمان

اي فخامه واي رفاهيه شخليتوا للمرسيدس والبي ام ههههههههههههههههههههههههههه

تصدقون ان اللكزس للحين مب عارفه شلون يدخلون نظام التلفزيون على شاشتهم ههههههههههههههههههههههههههههههههه

يطرشون مديرهم دوره في البي ام والمرسيدس وهم بيعلمونهم

اخر شي انا اشوف العكس ان كل اللي حاجزين لكزس عارضين مواترهم للبيع والدليل على كلامي شوف المواضيع في المنتدى لكزس للبيع لدرجة اني استغربت قلت شبلاهم وليه حاجزين دام ما يبونه

وقليل اللي يقول حجز رنج سبورت للبيع مع انه مطلوب هالايام

تحياتي للجميع

فتى الجود

10-09-2008, 06:05 AM

أعتقد لكل زمان

دولة ورجال في 2004
تولعوا بــ بورش والرنج
و 2008 نزلت اللكزس ونالت رضاهم

شي عادي

فلفل حار

10-09-2008, 06:41 AM

الزين يفرض نفسه

:nice:

Aigner

10-09-2008, 06:44 AM

شباب قطر والنعم فيهم

بس لو يتركون التقليد

هم بالف خير

وضح اكثر خيوو

التقليد من ااي ناحية...؟

ALRAYYAN

10-09-2008, 07:04 AM

انا مستغرب من الموضوع والردود

وانا اللي اشوفه العكس تماما ان الوكالات اللي تقولون عليها مافي عندهم سيارات الا بحجز وانطر

في ذي صدقت .. اغلب الوكالات الحين احجز وانتظر

وبعدين بعد ما نزل الكروزر والكزس ارتفع المستعمل الرنج سبورت والعادي والبورش لانهم افضل بوايد وخاصه الخدمه عندهم

احسن من خدمات التويوتا والكزس

يعني معقوله تاخذ موتر ب370 الف وتبدل ايل كل 5000 كيلو حالك حال الكرولا ههههههههههههههههه

وفي ذي بعد صدقت وخدمتهم تعيسه جداً مقارنه بالفردان او البراق وغيرهم

لا واذا انت مسافر وبدلت الايل طاح الضمان حتى لو كان في وكالة الكزس هناك هههههههههههههههههههههههههههههههه

يعني قبل لا تسافر بدل ايل ولا تمشي وايد والا طاح الضمان

بس هالكلام من وين جايبه اخوي

انا كان عندي vxr مو 2004 ضمانه 5 سنوات عداد مفتوح كل تشييكاته في الوكاله .. بس اخبر مره مابدلت الآيل 10 الآف كيلو وعادي ولا تكلمو .. ومره على تشييكة الـ 30 الف كان الموتر خارج البلاد وماجيكته تشييكة الـ 30 الف .. وعادي ولا طاح الضمان ولا شي
وبعدين هم يقولون لك اذا انت مسافر بدل ايل في اي شركه تويوتا وحاطين لك جميع مراكز
الخدمه في دول الخليج على النفجيشن

يعني في ذي ماصدقت .. او اللي قالك ماعنده سالفه

اي فخامه واي رفاهيه شخليتوا للمرسيدس والبي ام ههههههههههههههههههههههههههه

تصدقون ان اللكزس للحين مب عارفه شلون يدخلون نظام التلفزيون على شاشتهم ههههههههههههههههههههههههههههههههه

يطرشون مديرهم دوره في البي ام والمرسيدس وهم بيعلمونهم

جرب وسوق اللكزس الصالون الجديده او اللكزس فورويل الجديده وبتعرف شنو يعني فخامه

واللي ذبحني من الضحك صج سالفه انهم مب عارفين يدخلون نظام التلفزيون .. شدعوووه
احنا في عام 2008 .. يعني قول شي يدخل العقل .. هذه شركة سيارات يابانيه مو دكان ياخوي

اخر شي انا اشوف العكس ان كل اللي حاجزين لكزس عارضين مواترهم للبيع والدليل على كلامي شوف المواضيع في المنتدى لكزس للبيع لدرجة اني استغربت قلت شبلاهم وليه حاجزين دام ما يبونه

وقليل اللي يقول حجز رنج سبورت للبيع مع انه مطلوب هالايام

تحياتي للجميع

اما سالفه اللي عارضين المواتر للبيع او الحجز للبيع .. يالغالي لازم تعرف ان بيعة اللكزس او التويوتا عامة مضمونه وماطول مثل المواتر الالمانيه
والناس اللي يبيعون حجوزات ومواتر اصفار مو ان الموتر ماعجبهم .. بس هذه تجاره وشطاره في نفس الوقت لأن الطلب ع التويوتا واللكزس مايوقف

انا عن نفسي حاجز لكزس 2009 وبتوصل شهر 11 .. بس تبي الصج مابيها .. بس بعرض حجزها للبيع ان شاء الله .. او الموتر نفسه للبيع اول مايوصل

لأن عندي vxr 2008 ومرتاح له .. وبصراحه اللكزس غاليه علي شوي وامكانياتي ماتسمح ولا ماترددت

خلك واقعي شوي والواحد دوم مايردد الكلام اللي يسمعه وبس .. لازم تفكر فيه ياخوي

تحياتي لك والسموحه ع الاطاله

فلفل حار

10-09-2008, 07:37 AM

في ذي صدقت .. اغلب الوكالات الحين احجز وانتظر

وفي ذي بعد صدقت وخدمتهم تعيسه جداً مقارنه بالفردان او البراق وغيرهم

بس هالكلام من وين جايبه اخوي

انا كان عندي vxr مو 2004 ضمانه 5 سنوات عداد مفتوح كل تشييكاته في الوكاله .. بس اخبر مره مابدلت الآيل 10 الآف كيلو وعادي ولا تكلمو .. ومره على تشييكة الـ 30 الف كان الموتر خارج البلاد وماجيكته تشييكة الـ 30 الف .. وعادي ولا طاح الضمان ولا شي
وبعدين هم يقولون لك اذا انت مسافر بدل ايل في اي شركه تويوتا وحاطين لك جميع مراكز
الخدمه في دول الخليج على النفجيشن

يعني في ذي ماصدقت .. او اللي قالك ماعنده سالفه

جرب وسوق اللكزس الصالون الجديده او اللكزس فورويل الجديده وبتعرف شنو يعني فخامه

واللي ذبحني من الضحك صج سالفه انهم مب عارفين يدخلون نظام التلفزيون .. شدعوووه
احنا في عام 2008 .. يعني قول شي يدخل العقل .. هذه شركة سيارات يابانيه مو دكان ياخوي

اما سالفه اللي عارضين المواتر للبيع او الحجز للبيع .. يالغالي لازم تعرف ان بيعة اللكزس او التويوتا عامة مضمونه وماطول مثل المواتر الالمانيه
والناس اللي يبيعون حجوزات ومواتر اصفار مو ان الموتر ماعجبهم .. بس هذه تجاره وشطاره في نفس الوقت لأن الطلب ع التويوتا واللكزس مايوقف

انا عن نفسي حاجز لكزس 2009 وبتوصل شهر 11 .. بس تبي الصج مابيها .. بس بعرض حجزها للبيع ان شاء الله .. او الموتر نفسه للبيع اول مايوصل

لأن عندي vxr 2008 ومرتاح له .. وبصراحه اللكزس غاليه علي شوي وامكانياتي ماتسمح ولا ماترددت

خلك واقعي شوي والواحد دوم مايردد الكلام اللي يسمعه وبس .. لازم تفكر فيه ياخوي

تحياتي لك والسموحه ع الاطاله

ياعيني عليك يالرياني:nice:

وصبحك الله بالخير :)

وعلي فكره اضيف علي كلامك ، انه احد اقاربي متولع في الالماني وخاصة البي ام ، ومره بالبحرين أجرت لكزس GS300 موديل 2008 ، الي خذتها 6 سلندر لكن قوتها وفزتها وراحتها ماتنوصف لدرجة اني والله فكرت اشتريها في الدوحه بنفسي مع اني ماحب اللكزس

وخويي راعي البي ام ، ساقها وبعد اسبوعين باع البي ام وشراله الـGS430 الي هي 8 سلندر وهالموضوع صار له ثلاث شهور وليومك مستانس علي السياره وسواقتها وسبحان الله ماكنه هو نفسه الانسان الي كان يسمي اللكزس (كشخة تويوتا) والحين مايبدلها بأي سياره ثانيه :)

واضيف نقطه اخرى ، التويوتا هي الي اصنعت اول لكزس ابتداء من موديل 1983 لكنها مانزلت بالخليج عندنا الا في بداية التسعينات علي ماعتقد

واللكزس تقنيتها ألمانيه :nice:

cayenne s

11-09-2008, 01:29 AM

اخر شي انا اشوف العكس ان كل اللي حاجزين لكزس عارضين مواترهم للبيع والدليل على كلامي شوف المواضيع في المنتدى لكزس للبيع لدرجة اني استغربت قلت شبلاهم وليه حاجزين دام ما يبونه

وقليل اللي يقول حجز رنج سبورت للبيع مع انه مطلوب هالايام

اخوى وليه تروح بعيد انزل المعارض وانت تعرف

خصوصا معرف الخليفى المشهور شوف كم لكزس عنده للبيع

وبالتوفق ان شاء الله للجميع

رايق

11-09-2008, 01:43 AM

مافيا قطر

11-09-2008, 02:00 AM

الله يعطيك خيره ويكفيك شره على كم طلع عليك مت الامارات واشلون على الخط ودعسته اشلون لانهم قالوا شهر تسعه ولا موتر جاهم قالو لى شهر 11 او 12 راح يوصل الموتر

فلفل حار

11-09-2008, 02:11 AM

MESO

11-09-2008, 02:24 AM

الياباني تقليد والالماني هو الاصلي - لن بدايه الفخامه والدلع كان من الالمانى وليس عقل ان ادفع 390 الف علا لكزس فورويل وهي توها طالعه طلعتها العام ال2007 كانت طايحه بحض عبدالغنى وكل الالوان متوافره لا ويسولك خصم خاص عشان تاخذها اتذكر رايح مع خالي يبغى وحده 2007 رصاصيه وخلصناها ب249000 والحين 390000 يعقل زياده 140000 قيمه جي استاندر جديد

( حدث العقل بما يعقل )

بالعكس السياره الي انا افضلها شخصيا ولها هيبتها وفخامتها وجنتل وعمليه ( الرنج روفر فوج سوبر شارج )

وشكرُا

رايق

11-09-2008, 02:25 AM

الله يعطيك خيره ويكفيك شره على كم طلع عليك مت الامارات واشلون على الخط ودعسته اشلون لانهم قالوا شهر تسعه ولا موتر جاهم قالو لى شهر 11 او 12 راح يوصل الموتر

الله يسلمك
المفروض الشركة اول ما تعرف انك من المافيا يوصلون لك السياره لين باب البيت :eek5:
تحياتي للـ God Father و باقي العصابه

الله يعطيكم خيره ويكفيكم شره:)

الله يسلمك و يطولي بعمرك اخوي فلفل حار

مافيا قطر

11-09-2008, 02:34 AM

مرسيه good Father say hi for you

مستثمر رشيد

11-09-2008, 09:41 AM

اللكزس الجديد حطم المواتر الثانية بالضربة القاضية
فخامة و مواصفات لا يعلى عليها .. سيارة دفع رباعي بمعنى الكلمة .. مب زي الرنج السبورت ولا الكايان ولا غيرها من السيارات الـ wanna be

و هنا صورة للضيف الجديد بعد وصوله سالما من الامارات :victory:

http://farm4.static.flickr.com/3259/2829184764_f1a1e3de6f.jpg

ماشاء الله تبارك الله ........ رهيييييييييييب

الله يبارك لك ......... شكلي باحول صوبه ... ممكن تكلمنا عن سواقته ومميزاته وكم طلع عليك في الامارات ؟؟؟ وشكثر فترة انتظار ؟؟؟

Small Investor

11-09-2008, 11:12 AM

الحين شدخل العالم قاعدين يفرقون بين الرنج و البورش وبين اللكزس

هذه مواتر وهذا موتر

الرنج والبورش حق دلع وشارع وما ينفعون لا في بر ولا بحر ...واذا راحوا ثلاث مرات لازم تطلع من البر ولا البحر على الوكالة . يعني باختصار شديد الرنج والبورش انا اقارنهم بالبي ام والمرسيدس والفرق الوحيد انه ارتفاع البدي اعلى من البي ام والمرسيدس ... وبعض المواتر في ارتفاع بسيط عن الارض وخصوصا الفوج

اما اللكزس

فهو للبر وللبحر وللشارع والدلع .... وذا رحت فيه البحر ولا البر تتمنى تروح فيه مره ثالثه ورابعه وخامسه وما شاء الله الموتر ماشي وبكل قوته ( وعلى فكره التيوتا واللكزس اذا احترمتهم ما احترموك يعني بالمعني الصحيح لازم تحكهم شوي عشان يحترمونك )
ولو تكلمنا على الرفاهيه فهي موجوده
والتكنولوجيا موجوده
والسرعه والقوه موجوده
وارتفاع عن الارض موجود
وصيانته مب غاليه

والعيوب الي فيه
1- الوكاله الي عندنا

وعلى فكره انا اعتبر سعره عادي ومش غالي كثير

لاني لو فكرت اخذ مرسيدس 350 الاستاندر بحوالي 380 وبعدين تعال حط وحط عليه ويوصل لك فوق 450 الف عشان يكون مكتمل المواصفات وليس بكامل المواصفات ... وفي الاخير صالون وباسوقه بس في الشارع ولازم ما امشي فيه كثير وقطع غياره غاليه واصلا ما ينفع حق الدوحه لانه شوارعنا ما تستاهله ... هذا غير اذا جيت بابيعه

المهم انا مب مقتنع بفكرة الصالون في الدوحه

والكلام الي فوق هو راي شخصي

بو سالم

11-09-2008, 02:50 PM

في ذي صدقت .. اغلب الوكالات الحين احجز وانتظر

وفي ذي بعد صدقت وخدمتهم تعيسه جداً مقارنه بالفردان او البراق وغيرهم

بس هالكلام من وين جايبه اخوي

انا كان عندي vxr مو 2004 ضمانه 5 سنوات عداد مفتوح كل تشييكاته في الوكاله .. بس اخبر مره مابدلت الآيل 10 الآف كيلو وعادي ولا تكلمو .. ومره على تشييكة الـ 30 الف كان الموتر خارج البلاد وماجيكته تشييكة الـ 30 الف .. وعادي ولا طاح الضمان ولا شي
وبعدين هم يقولون لك اذا انت مسافر بدل ايل في اي شركه تويوتا وحاطين لك جميع مراكز
الخدمه في دول الخليج على النفجيشن

يعني في ذي ماصدقت .. او اللي قالك ماعنده سالفه

بصراح بدون زعل انت غلطان اخوي والمفروض انك ما ترد على كلامي الا عقب ما تتاكد لاني كنت حاجز اللكزس اليديد الصالون ويوم رحت استلمه قال لي الموظف ان تبديل الايل لازم هني في الدوحه واذا بدلته في اي وكالة خارج قطر يطيح الضمان وكنسلت الشراء مباشرة انا اتكلم عن اللكزس مب التويوتا ما ادري عنها وبعدين تبديل الايل كل 5000 كيلو هههههههههههههه

جرب وسوق اللكزس الصالون الجديده او اللكزس فورويل الجديده وبتعرف شنو يعني فخامه

واللي ذبحني من الضحك صج سالفه انهم مب عارفين يدخلون نظام التلفزيون .. شدعوووه
احنا في عام 2008 .. يعني قول شي يدخل العقل .. هذه شركة سيارات يابانيه مو دكان ياخوي

انا اتحدى انك تييب لي لكزس باي فئاتها فيها تلفزيون

اما سالفه اللي عارضين المواتر للبيع او الحجز للبيع .. يالغالي لازم تعرف ان بيعة اللكزس او التويوتا عامة مضمونه وماطول مثل المواتر الالمانيه
والناس اللي يبيعون حجوزات ومواتر اصفار مو ان الموتر ماعجبهم .. بس هذه تجاره وشطاره في نفس الوقت لأن الطلب ع التويوتا واللكزس مايوقف

انا عن نفسي حاجز لكزس 2009 وبتوصل شهر 11 .. بس تبي الصج مابيها .. بس بعرض حجزها للبيع ان شاء الله .. او الموتر نفسه للبيع اول مايوصل

لأن عندي vxr 2008 ومرتاح له .. وبصراحه اللكزس غاليه علي شوي وامكانياتي ماتسمح ولا ماترددت

خلك واقعي شوي والواحد دوم مايردد الكلام اللي يسمعه وبس .. لازم تفكر فيه ياخوي

تحياتي لك والسموحه ع الاطاله

اخوي انا بالنسبة لي اسوق الالماني لاني ما ارتحت في سواقة اللكزس ومرة وحدة شريت لكزس فوريل 2004 وندمت اني شريته وبعد شهر من شراءه ذلفته باقل من ما شريته بعدين انا ما اردد كلام العالم

انا كلامي واقعي

الخدمة سيئه

اغلب الشركات بالحجز مر وشوف

اللكزس بكل فئاتها ما نزلو تلفزيون في مواترهم

تبديل الايل كل 5000 كيلو ولازم في الشركة والا يطيح الضمان حتى لو في وكالة اللكزس في السعودية او الامارات او اي مكان في العالم وقبل لا ترد على كلامي اسال الوكالة واتمنى تقول الصج

المواتر المستعملة الالمانية بعد سعرها ثابت مب بس التويوتا

بعدين السوق مليان لكزس فورويل لا تتوهقون في بيع الحجوزات والسبب ان الوكالة ما فيها من اللي يحجزون ويبون يبيعون يخلون المشتري الصجي ما يلقى الا بعد فتره طويله وبعدين سألوا هل بيع الحجوزات حلال والا حرام

ورمضان كريم