999 أضحك على المطافي !!!

[سلفي]

لا يخفى عليكم ان جميع المطاعم وحتى المعاصر

يعرفون كيف يصلون الى جميع المنازل في

دولة قطر ويكفي فقط أسم المنطقة وأسم الشارع ورقم البيت

ولا يحتاج يقولك وصفلي بيتكم !!!

ولكن مع الاسف وزارة الداخلية قسم المطافي

اخوانك تعطيهم العنوان ولا يعرفون كيف يصلون لك

هل المطاعم لديها امكانيات أكثر من وزارة الداخلية :omg:

الى متى يا المطافي مستمرين على نفس المشكله

ليش ما تنسقون مع احد المطاعم حتى تعرفون بلدكم :shy:

[eXpert*]

ليش ما تنسقون مع احد المطاعم حتى تعرفون بلدكم :shy:


:victory::victory::victory:

[AmOuR]

شنقول بعد ؟؟

[بولينجر]

لا حول ولا قوة الا بالله العلي العظيم...الله المستعان

[almulla]

ههههههههههههه !

شر البلية مايضحك

[مزيون الدوحه]

بصراحه يعطيهم العافيه والله علي الجهود المبذوله منهم
لاكن ان شاء الله يطورون من موضوع سرعه الوصول للمناطق المتظرره .

وصارلي موقف في نفس الموضوع قبل رمضان بأسبوع تقريبا
شفنا سياره تحترق وكانت في بداية اشتعالها والله الموضوع ماخذ
اكثر من 10 دقايق من الاشتعال لين الوصول وأطفاء الحريق
علماً بأن الحريق كان عند استاد الدوحه واعتقد واقرب مطافي في وادي السيل
ولاتنسون الزحمه والسياره تظررت بشي بسيط .

بصراحه يشكرون على هالمجهود

[The Blade]

لاحول ولاقوه إلا بالله
مالقيتوا إلا المطافي
والله الشباب يعطيهم الف الف الف عافية يخي كفاية يشتغل ويطلع ويبذل جهد وهو صايم,
وثاني شئ لعلم الجميع من قال ان المطافي مايدلون في قطر تبي توصف اوصف لهم عدل المطافي ماتدل دكان ولامعصره تدل اسم شارع واسم منطقة بتوصف لهم عدل بيوصلون عدل وفي اسرع وقت

اتوقع ان في مواضيع تستاهل النقاش احسن من هذه المواضيع :)
ويعطيكم العافية

[voodoo]

رأي من رأي الاخ the blade بأنك تحاول توصف البيت وصف دقيق ..الدفاع المدني مايقصرون:nice:

[بومشاري؟]

لاحول ولاقوه إلا بالله
مالقيتوا إلا المطافي
والله الشباب يعطيهم الف الف الف عافية يخي كفاية يشتغل ويطلع ويبذل جهد وهو صايم,
وثاني شئ لعلم الجميع من قال ان المطافي مايدلون في قطر تبي توصف اوصف لهم عدل المطافي ماتدل دكان ولامعصره تدل اسم شارع واسم منطقة بتوصف لهم عدل بيوصلون عدل وفي اسرع وقت

اتوقع ان في مواضيع تستاهل النقاش احسن من هذه المواضيع :)
ويعطيكم العافية

وانا اييد كلامك

[عبدالله العذبة]

لا يخفى عليكم ان جميع المطاعم وحتى المعاصر

يعرفون كيف يصلون الى جميع المنازل في

دولة قطر ويكفي فقط أسم المنطقة وأسم الشارع ورقم البيت

ولا يحتاج يقولك وصفلي بيتكم !!!

ولكن مع الاسف وزارة الداخلية قسم المطافي

اخوانك تعطيهم العنوان ولا يعرفون كيف يصلون لك

هل المطاعم لديها امكانيات أكثر من وزارة الداخلية :omg:

الى متى يا المطافي مستمرين على نفس المشكله

ليش ما تنسقون مع احد المطاعم حتى تعرفون بلدكم :shy:


لماذا لا تكون هناك أجهزة ملاحة في سيارات المطافئ والاسعاف والشرطة مربطوة بأرقام الهواتف الأرضية لكي يصلون بسهولة إلى مكان الحريق أو البلاغ؟

[um abdulla]

لماذا لا تكون هناك أجهزة ملاحة في سيارات المطافئ والاسعاف والشرطة مربطوة بأرقام الهواتف الأرضية لكي يصلون بسهولة إلى مكان الحريق أو البلاغ؟

تحية للدفاع المدني :nice:
عيالنا واخواننا هناك بصراحة ما يقصرون
ويتعرضون لاخطار جمة لاسيما اذا الحرائق في اماكن خطرة وبها مواد قابلة للانفجار
صحيح سالفة انهم ما يدلون ؟؟
ليش ما يتبعون الدخان ؟:)
ياريت يعلمون الشعب القطري يسوون اشارات النجدة بالدخان على طريقة الهنود الحمر
في الاماكن اللي مافيها ارقام واسماء شوارع
:telephone:

[هتـان قطر]

الله يعطيهم العافيه اخوانا في الدفاع المدني وما اعتقد انهم مايتبعون الوسائل

الحديثه في الوصول الى موقع الحدث..الحين حتى البزران يعرفون يوصلون اللي يبونه

عن طريق الجولات مادري ماجلان..

[professonal]

الله يعطيهم العافية على كل مايبذلونه من جهود ولكن طلب الوصف الدقيق من صالحك اخي لكي يتم الوصول في وقت زمني قصير بدل البحث وعلى فكره هم يكونون تحركت سياراتهم بتجاهك والعمليات معاك على الهاتف وارشادهم بالجهاز اللاسلكي بشكل اوضح

وتحية لرجال الامن الاوفياء

[rakan-qatar]

المفروض تدخل عندهم اسماء الشوارع والمناطق بالكمبيوتر نفس مجلان

[jajassim]

أولا ،، عيب عليك تقول هالكلام ،، في رجال الإطفاء ،، إلا أنهم يثنى عليهم وعلى جهودهم الجبارة على ما يقومون به من أعمال إطفاء الحرائق وحماية الأرواح ،، ووصول إلى مكان الحادث ،، بأسرع الوقت ،،

وجميع سيارات الإطفاء، جديدة ومتطورة وكذلك مزودة بأحدث أجهزة الملاحظة الحديثة وخلافه من أجهزة الخرائط، وناهيك هنالك اتصال دائم أثناء تحركهم من مقرهم إلى مكان الحريق ، مع غرفة العمليات .

وما ذنبهم إذا تلقوا معلومات عن مكان الحريق خاطئة ،، وعدم وصف المكان بشكل دقيق ،، بالرغم فأنهم يتحركون من مقرهم فورا من تلقى البلاغ ،، وأثناء سيرهم لمكان الحادث،، يكونون على اتصال دائم مع غرفة العمليات ،، لتحديد المكان المعنى ومعرفة مداخل المنطقة لوصول بأسرع الوقت ،،

ويكفي فقط من رجال الإطفاء، الدخول أماكن خطرة ومشتعلة لإنقاذ الأرواح وأيضا مما يضطرون رجال المطافئ لحمل خراطيم المياه العملاقة والاستعانة بعربات إطفاء صغيرة للوصول إلى مكان الحريق، وفي نفس الوقت الكل يهرب من الحريق وأولهم أنت،

وفالكم طيب ،،،

[jajassim]

لماذا لا تكون هناك أجهزة ملاحة في سيارات المطافئ والاسعاف والشرطة مربطوة بأرقام الهواتف الأرضية لكي يصلون بسهولة إلى مكان الحريق أو البلاغ؟

موجودة فديت خشمك ،، ،، جرب واتصل من البيت ،،، وسكر ،، بعد لحظات ،، بيتصلون فيك ،، ويقولون يا بومحمد خير ان شاء الله ،، انت ساكن في معيذر ،، :whistling:

[Bu Rashid]

لماذا لا تكون هناك أجهزة ملاحة في سيارات المطافئ والاسعاف والشرطة مربطوة بأرقام الهواتف الأرضية لكي يصلون بسهولة إلى مكان الحريق أو البلاغ؟



صحيح المطافئ ما يقصرون ولكن الموضوع مهم أيضا..
والاخ عبدالله أعطاكم الحل...
وان شاء الله يصل الموضوع على طاوله العقيد عبدالله بن محمد السويدي(ونعم الرجال)

[وطن]

مو بس المطافي

حتى الاسعاف جذي


مع العلم معطينهم اسم الشارع
بس مافي فايده
اضطرينا نوصف لهم وصف دقيق
ولا بعد طلع واحد من الشباب يجيبهم من عند المسيد القريب

:crazy

[saoud_h]

خخخخخخخخخخ

[عليان قطر]

عطني يا الغالي

وش قصتك مع المطافي

في انتظارك

[غــ Q6R ــلا]

لماذا لا تكون هناك أجهزة ملاحة في سيارات المطافئ والاسعاف والشرطة مربطوة بأرقام الهواتف الأرضية لكي يصلون بسهولة إلى مكان الحريق أو البلاغ؟

انا معاك اخوي

لان حتى لو وصفنا وصف دقيق وعدل بعد مايدلون الكلام مو بس للمطافي حتى عن الاسعاف

يمكن الكلام مايعم الجميع بس خل نقول ان في

انا بقولكم شي وبعطيكم مثال

يعني لو شبت حرقه في بيت واهل البيت اتصلو تتوقعون بكونون فاضيين حق وصف بالتفصيل الملل

زين يتذكرون اسم الشارع والمنطقه ورقم البيت << واضن يكفي

وبقول لكم شي صار في الواقع مو مره اكثر من مره

نتصل على الاسعاف تعالو المنطقه الفلانيه الشارع الفلاني بيت رقم .....

عقب شوي يقولون ماندل خل حد ينتظرنا عند المكز الفلاني ويدلينا لين البيت !!! وين تصير هاذي

والله حاله هي عزيمه !!


طبعا في ناس ماتقصر سواء في قسم المطافي والا غيره

[سلفي]

والله العظيم يا شباب اليوم قبل ما أكتب الموضوع

كلمت واحد من ضباط المطافي وقالي ارجوك أكتب

الموضوع في الجرايد المحلية عسى الوزارة

تحسى بالمشكلة وتعالجها

ارجو من أخواني الكرام اصحاب الاقلام الجميلة

اعادة صياغة الموضوع بشكل افضل

[um abdulla]

والله العظيم يا شباب اليوم قبل ما أكتب الموضوع

كلمت واحد من ضباط المطافي وقالي ارجوك أكتب

الموضوع في الجرايد المحلية عسى الوزارة

تحسى بالمشكلة وتعالجها

ارجو من أخواني الكرام اصحاب الاقلام الجميلة

اعادة صياغة الموضوع بشكل افضل

:omg:

[بوحارب]

والله العظيم يا شباب اليوم قبل ما أكتب الموضوع

كلمت واحد من ضباط المطافي وقالي ارجوك أكتب

الموضوع في الجرايد المحلية عسى الوزارة

تحسى بالمشكلة وتعالجها

ارجو من أخواني الكرام اصحاب الاقلام الجميلة

اعادة صياغة الموضوع بشكل افضل


:telephone:

يا مصيبتي:omen2:

[jajassim]

والله العظيم يا شباب اليوم قبل ما أكتب الموضوع

كلمت واحد من ضباط المطافي وقالي ارجوك أكتب

الموضوع في الجرايد المحلية عسى الوزارة

تحسى بالمشكلة وتعالجها

ارجو من أخواني الكرام اصحاب الاقلام الجميلة

اعادة صياغة الموضوع بشكل افضل


اذا كان فعلا واحد من الضباط على حد قولك ،، كان كتبت الموضوع بشكل أفضل مثل ماتقول حتى نعرف وين الخلل ،، حتى نعالج المشكلة بشكل مثلى مب نقول نستعين بالمعصرة ،،:victory:

[العمـادي]

انا مستغرب انه في اختراع اسمه GPS

وفي برنامج اسمه Navigation <<<ان شاء الله صح كاتبه

بس ليش ما يستخدمون ذي التقنيات ؟؟؟

[غناتي1]

الله يكون في عونا وعونهم

لا كذا عاجب 000 ولا كذا عاجب

[ام شهد قطر]

الدفاع المدني اذا أوصلوا ما يقصرون بس المشكله أكبر أن ما في حد يرد على التليفون فمثلا وحده من صديقاتي كانت وهي طالعه من الدوام وكان الشارع جديد فعشان كذا كان فاضي فصار حادث تصادم سيارتين وانقلابهم جدامها فاتصلت ب999 فمحد رد أصلا وهذي مش أول مره مايردون

[!قطريـة بنت القمـر!]

صحيح في عدة حالات هالمشكله .... وعلى قولة اخت من الاخوات انه مو بس المشكله في المطافي كان ارحم الا المشكله بعد والعظمى في الاسعاف .... ويا ريت قبل لا احد يدافع يطالع حالات صار فيها ضرر كبير والسبة عدم المبالاة والاهمال .... وما انقول كلام من الهوى .... الا حالات صارت قدام عيننا .... اخوي متوفي بحادث والسبب تاخر الاسعاف بشكل كبير ويا ليت المكان ما يندل بعد المكان معروف لأي اجنبي يجي الدوحه يعرفه يعني شنهي حجتهم وقتها ؟؟ لكن ما من مجيب .... لا حول ولا قوة الا بالله العلي العظيم هاي ارواح ناس ولازم يهتمون فيها ولازم يحسنون خدماتهم ويطورونها اكثر من جي بوايد وماتوقع بقطر قاصرنا شي ....