مطلوب مصمم داخلي [الأرشيف] - منتديات شبكة الأسهم القطرية

همر

10-09-2008, 01:23 PM

ياجماعة الخير اللي تعامل فيكم مع مصمم داخلي ارجو يفيدني عن افضل المكاتب واسعارهم حق فله 680 متر تقريبا بكم يسوونها

اهم شي السعر..

وبعدين الضمير والاخلاق والمجهود وهالسوالف..

الدعوه كلها رسم وكت وبيست..

بس اريح وقت البنيان...

خبركم 600 الف زياده مافي crazy

همر

11-09-2008, 01:12 PM

باااااااااال موضوعي ماله جدوى اقتصاديه

ولا في رسوم اداريه على الردود ؟!!!!!!!!!!!

:eek5:

حمد

11-09-2008, 01:36 PM

خل عنك السوالف

ان احسن مصمم لبيتك

ادخل النت... وشوف صور البيوت ... وتصاميمها ... واختار الي تبيه .. وروح حق الشركات عشان التنفيذ .. لاخساير ولا شي

همر

14-09-2008, 01:22 PM

همر

14-09-2008, 01:26 PM

وانا قاعد ادور على موضوعي في النقاش الاقتصادي

وش جابه لسوق المنتدى ؟!!!!!!!!!!!!!!!!!!!!!

شسالفه يا مشرفين ؟!!!

:anger1:

ابي مصمم داخلي حق بيت مب حق جلابيه !!!

LOLOO

14-09-2008, 02:26 PM

ياخوي انا قصدي مصمم ديكور

انا مسوي الخريطه وتصميم البيت

بس المصمم الداخلي يرسم لك البيت من داخل

بكل تفاصيله ويراعي توزيع الاثاث والاضاءه والتكييف و و و

يعني يساعدك وقت البنيان ما تضرب طوفه بلاستر

وترد تكسرها علشان توصيله ولا ساكت... ومن هذا القبيل :rolleyes2:صدقت..ماشاء الله عليك
لكن الله يعينك...ماانت محصل لك حد يبرد القلب..
انا طحت في هالمشاكل الي انت خايف منهاكلها..لان الي صمم الخريطه ماراعى ولا انتبه
مع ان المكتب تصنيفAمثل مايقولون
الاستشارين خمسة الي حطيتهم وغيرتهم على امل احصل واحد يفهم اويبرد القلب مالقيت
يمر البيت وهو يركض هذا اذا جاء من نفسه يعني بدون ماتتصل فيه وتقوله تعال..
مهندس ديكور في المكاتب الاستشارية ماتلقى...فيه في محلات الديكور بس والله مايعرفون شي
يعني انت قول الي تبيه وهو ماعليه الا يضرب ضربته في السعر...
الخلاصة...اعتمد على نفسك خذ الخريطة وحدد الاماكن السرير والاضاءة والتلفزيون..وغرف الملابس..واسال الي بنوابيفيدونك...وبالتوفيق ان شاء الله

مستثمره جديده

14-09-2008, 02:32 PM

LOLOO

14-09-2008, 02:42 PM

عندك المانع ميبل عندهم مهندسين ديكور فنانين يعني سلمهم بيتك ويرجعونه لك مأثث وجاهز ماعليك الا تسكنه بس يضربون ضربه في السعر انا أثثوا لي فلتي بـ500 ألف بس روعه شغلهم وكل الاثاث والستاير يجيبونها من ايطاليا

اختي مستثمرة هم استلموا منك البيت على البلاستر وهم سووا كل اعمال الديكور من جبس وصبغ وفرش (اثاث) ...ولا بس اثاث

غناتي1

15-09-2008, 12:57 AM

وين ذوق صاحب او صاحبة البيت 00 خلي البيت على

تخطيطكم وذوقكم 00 انتوا اللي بتسكنونه

همر

15-09-2008, 10:02 AM

صدقت..ماشاء الله عليك
لكن الله يعينك...ماانت محصل لك حد يبرد القلب..
انا طحت في هالمشاكل الي انت خايف منهاكلها..لان الي صمم الخريطه ماراعى ولا انتبه
مع ان المكتب تصنيفAمثل مايقولون
الاستشارين خمسة الي حطيتهم وغيرتهم على امل احصل واحد يفهم اويبرد القلب مالقيت
يمر البيت وهو يركض هذا اذا جاء من نفسه يعني بدون ماتتصل فيه وتقوله تعال..
مهندس ديكور في المكاتب الاستشارية ماتلقى...فيه في محلات الديكور بس والله مايعرفون شي
يعني انت قول الي تبيه وهو ماعليه الا يضرب ضربته في السعر...
الخلاصة...اعتمد على نفسك خذ الخريطة وحدد الاماكن السرير والاضاءة والتلفزيون..وغرف الملابس..واسال الي بنوابيفيدونك...وبالتوفيق ان شاء الله

ياخوي ترى مكاتب الاستشاريين ما يهتمون بالتفاصيل هذي

يحط لك سواكت وليتات ومكيفات على مزاجه بس علشان يحسب الحمل الكهربائي ويجيب لك موافقة البلديه... واذا جيت بتعدل قالك لااا ... هذا رسم بس جذيه حق البلديه اما ساعة التنفيذ سو اللي تبيه !! :eek5:

من هنيه حسيت ان في مشكله وعوار راااااااااااااااس

زين انا مب فاضي اقعد مع المقاول على كل طابوقه يحطها اقوله لا ... هنيه فتحه... وهنيه مكيف.. و هنيه تلفزيون .. الباب من هنيه... والقعده هنيه !!!!

يا جماعه اللي ما بنا تراها مشكله مب بسيطه

والمشكله اذا نسيت شي ... واكيد بتنسا... لانك مب كل يوم تبني بيت ... هو بيت واحد في العمر..
لازم تكسر وتعدل وتشيل وتحط والحسابه بتحسب :weeping:

همر

15-09-2008, 10:05 AM

اختي مستثمرة هم استلموا منك البيت على البلاستر وهم سووا كل اعمال الديكور من جبس وصبغ وفرش (اثاث) ...ولا بس اثاث

يعطيج العافيه اخت مستثمره

ونفس تساؤل اخوي لولوو هم استلموا البيت بعد الصبغ واثثوه بس ولا استلموه قبل الصبغ والبلاستر ؟!!

همر

15-09-2008, 10:16 AM

وين ذوق صاحب او صاحبة البيت 00 خلي البيت على

تخطيطكم وذوقكم 00 انتوا اللي بتسكنونه

ياخوي الذوق ذوقي وانا اللي باختار الالوان والاثاث لكن في شغلات فنيه احنا مانعرفها ...

هل ممكن احط ليت في هالمكان ولا لا؟!!
هل ينفع احط هاللون مع هاللون ولا لا؟!!
وش الاجهزه اللي ممكن احطها في المطبخ وشلون توزيعها وشلون توصيلاتها وش مواصفاتها؟!!

وفي تفاصيل كثيره المصمم الداخلي يحطها لك على خريطه علشان تشوف بعينك بيتك كيف بيطلع وسي دي ويساعدك في التنفيذ اذا تبي ... اما اذا بتعتمد على نفسك ... جرب وكسر...