من مساجدنا تفوح رائحة البخور والضحايا مرضى الربو "بغوها طرب صارت نشب"

[اهل قطر]

في اغلب الايام تبخر المساجد في ليالي رمضان

ويكون تبخيرها مبالغا فيه

انا لا انكر ان الروائح الجميله تريح المصلين ولكن
هل عملنا حساب مرضى الربو , في ايام كثيره يرجع ابني وهو يشكو من ضيق التنفس بعد الصلاة

واليوم بالذات اضطر ان ياخذوه للمستشفى لاسعافه بعد صلاة التراويح

الماساه تتكرر مع انه من هل الشهر حاول يغير اكثر من مسجد
زمان كان البخور للمساجد من اجود انواع العود

وخبركم العود الطيب ما يضك الصدر

الحين للاسف الناس صارت تستخدم العود المطيب والبخور

زمان كان عيب الرجال تكون فيه ريحة العود المطيب والبخور هو للنسوان
الحين الناس ماعادت تفرق

ياريت نرحم اهل الربو للمجتهدين زياده في التبخير

[البيرق]

وانا واحد من الضحايا وياشين هذه التركيبات الصناعية الي تدك الصدر وخصوصا العطور
ادور مكان في المسجد بعيد عن المتعطرين
واذية المتعطر بالنسبة لي اكثر من الي ماكله كيلو ثوم
وجع راس وشبة عيون والتهاب في الجيوب الانفية ومن الممكن ان امرض عقبها كم يوم
والعجيب ان المتعطرين مطنشين وهم يعرفون عن مشكلتنا
ولا حول ولا قوة الايالله

[ولد الجزيرة]

صدقت أخوي

وهذا يعتبر من أذية المصلين والله يعينا

[بولينجر]

كلامج صحيح اختي...والمشكلة نسبة المصابين بالربو والحساسية مرتفعة في قطر....الله يشافي مرضانا ورضى المسلمين