بدون حرية

[جمال النعيمي]

السلام عليكم

كل ما بقيت احلل اي وضع من اوضاع الشركات انصدم بواقع 5% احد يشاركني الراى والا احنا قاعدين تكلم على عطية كل يوم الى هي 5%

يأخي قهر خلوا السوق يتعرض الى ( شي اســـمة في عالم المال قوة العرض والطلب )

نطالب باطلاق حريـــة حرية الاسهم في الراغبين فيها انا راغب في شى سوف ادفع فية الغالي والنفبس والاسوف ابيعة واتركة لمن يرغب بــــة

من يشارك الراى - او يخالفة بوجود سبب

[مغروور قطر]

اخوي بلعكس 5% صدقني حمايه لصغار المستثمرين انت بتربح الحين بس في المستقبل صدقني بتنضر وبينضرون العالم كلهم وبيلعبون فيهم كبار المستثمرين والحل الاخر فتح السوق لمت 10% ولاكن بعد تجزئة اسهم ممكن

[جمال النعيمي]

انا افهم صدقني ،،،،،،،،،،،،

وليس بحاجة الى ان يحد حد من تفكيري ووضع 5% على تصرفاتي

بس ياريت ان توضح كيف احسن لصغار المستثمرين ( نقطة هامه ياريت نتهي من كلمة صغار المستثمرين هذا يجوز تكلم فيه عند الاكتتاب لرعاية حصولهم على اكبر حصة )

اما في سوق عرض والطلب هو ان مصلحة صغار ان يفتح العرض والطلب انا اعرف ناس يريدون البيع من كانت الصناعات 250 ريال ولكن 5% اقنعتهم بأهناك طلب قوي سون يكون السعر 300 او اكثر واليوم لايعرفون ماذا يقولون

[LiquidMoney]

حماية من ايش !!!! ... بيحمونهم من انفسهم ! او من شرهم ... !!
انا ضد هاي الحد ... لأن هو السبب.. في انه السوق متذبذب .. و يوم فوق و ويوم تحت !!!
أرد و اقول ... هي لعبه ... اذا مااتعرف تلعبها ...لا اتعور راسك .. و قلوب غيرك .... خلك في العقار .. لأنه وايد اضمن ... (هذي الكلام لعديمي الخبره من غار المستثمرين... وليش شخصيا لحد معين ) ...
وهذي رايي الشخصي ... مع احترامي للجميع و آرائهم ...

وبــــــــــــــــــــــــس :) ....

[سهم عتيج]

هي بالفعل 5% أحدثت تغييرا في أسعار الأسهم بقصد او بدون قصد.. حيث ان ادارة السوق قد اتخذت هذا القرار عندما بدأت أسعار الأسهم تضرب بقوة ال limit up ,, لدرجة ان ادارة السوق اوقفت التداول عدة مرات بعدما تجاوز المؤشر نسبة ال 5% بشكل عام حتى تهدء من سرعة الصعود,, ,, ولكن باتخاذ البورصة تحديد 5% صعودا وهبوطا لأي سهم في يوم تداول واحد,, فانها ساهمت وبدون قصد ان ترفع الأسعار حتى وصلت الى ماوصلت اليه,, فكيف حدث ذلك

من المعروف في السابق ان أسعار الأسهم كانت ترتفع limit up لثلاث أيام أو 4 أيام كحد أقصى,, وبعد ذلك تكون هناك موجات بيع لجني الأرباح,, ولكن ال 5% ساهمت ان تطول مدة الارتفاعات بدلا من 3 او 4 أيام فقد وصلت الارتفاعات الى أكثر من اسبوع أو عشرة أيام,, مما أثر ذلك نفسيا على المتعاملين بأن الأسعار ستكون في ارتفاع مستمر مما جعل الكثيرين يقبلون على الشراء بدون تحفظ اعتقادا منهم بأن الوضع سيستمر طويلا,, ولذلك رأينا سلسلة ارتفاعات كبيرة لم يتوقعها احد بما فيهم ادارة السوق التي اتخذت اجراءا سريعا من اجل ايقاف وتيرة الصعود,, ولكنها وبدون قصد ساهمت الى رفع الأسعار أكثر حيث أثرت على سلوك المستثمرين بأن الارتفاعات ستأخذ وقتا طويلا قبل ان تهدأ,, لذلك فانني بالفعل أتمنى الى الرجوع الى سقف ال 10% كما السابق,, وترك آلية السوق تعمل بشكل فيه حرية حركة أكبر من الذي يحصل الآن..

وتقبلوا خالص التحية

[جمال النعيمي]

يا اخوان حتى 10% تعتبر قيد وسوف يتغير عند دخول الاجانب بفترة سوف يشعر الغريب قيود 5% او حتى 10% اما نحن صوتنا لايسمع !

ولايعقل في اي مزاد مفتوح او مغلغ ان يتم وضع حد له بنسبة معينة

تصور ادارة المناقصات المركزية توضع مثل هذة القيود على تجديد عقود الصيانة او تجديد عقود المقاولات او عقود التوريدات هل يعقل ان تضع هذة النسب !!!!!!!

[الكونكورد]

طبعا نفضل 10% اما اكثر من ذلك فصعبه شوي او تجعل السوق مفتوح بدون نسب صعبه جدا لان اغلب وركز على اغلب الموجودين عندك يدخل السوق بدون دراسه لكن مع الخيل ياشقراء...!!!!

وايضا لم يتم اتقان التحليل الفني عندنا....اضف الى ان مكاتب الوساطه عليهم ضغط شديد...فلك ان تتخيل ان السعر بدا ينزل عن الي انت متوقع له وتحاول ان تتخلص منه فلا تستطيع بيعه بسبب ضغط على الوسيط او مايردون على التلفون مثلا((المجموعه))...ممكن تجعل السوق مفتوح بعد مدة ام الان صعبه جدا لان الي معنده اسس للدخول يروح وطييييييي..

وهنا اييد راي اخوي سهم عتيج بقوة لان 5% اوحت لانا ان السوق ثاني يوم طلوع وهي ربما حركه طبيعيه في السوق والدليل كم الصناعات عمات لمت داون وتعدلت يوم امس...!!!!

اخيرا
ردوا نسبة 10% وكفى.... :eek: :D

ودمتم

[الرمز]

انا معاكم في ان 5% عند لمت اب تذبح المضارب والمستثمر
ولكن صدقوني بان 5% حمايه لنا عندما يكون هناك عرض بدون طلب يوم ويومين وثلاثه لان السوق سوق يعود لوضعه تدريجيا وتكون لم تخسر من اسهمك الا 15% بدلا من 30% وهذه جربتها عندما كان السهم الذي املكه لمت اب ثم تعرض لهزه عرض بدون طلب لمده ثلاث ايام حتى تعد السوق وحمد الله بان المت 5% وليس 10% .

[جمال النعيمي]

صدقني ان عندنا وعي بس ناقص الحرية في التصرف في العرض ما دام في يدك السعر مفتوح بتحسب الف حساب قبل ان تاخذ القرار وان اتخذت قرار الخطاء سوف تتعلم كيف تكون في هذا السوق بدون اخطاء كيف تتعلم وانت تحت الوصاية السوق لا اوصياء علينا هذا راي انا

[الرمز]

انا ضد الوصايه
ولكن سوقنا غريب عجيب لمن يكون السهم عرض بدون طلب ( مصيبه )
70 % من المتعاملين بالسوق ماشين على سياسه القطيع السهم نزل يعني بيع بيع .

[جمال النعيمي]

اسمحولي باهاسؤال كم واحد حصل اليوم من حصة 5% مثلاً في المتحدة

اصبحنا مثل منظمة اوبيك كل واحد لة كوتة معينة وياليت تحصل على فرص تاخذ حصة من المشتريات

[الرمز]

انا متأكد بان نسبة 10 % سوف ترجع في الاسابيع القادمه بعد ان تزداد ثقافه بعض الاميين في علم الاسهم حتى لا تاكلهم الهاومير في هذا الوقت وانت عارف الهوامير لا ترحم خصوصا عند ( الفلوس ) .

[جمال النعيمي]

يا اخي شرياص

بهذا الطريقة لايكشف حجم العرض للبيع هذه اكبر فرصة لبيع على وهم الطلب اكبر من العرض ياأخي بالله عليك لايوجد توازن عرض وطلب وانك اذا عرفه حجم العرض لتغيرت لديك معطيات كثير

لايجوز ان يكون لديك معطى واحد فقط وهو الطلب كيف تتاخذ قرار بدون وزن العرض

هنا تكون المشكلة

[الرمز]

في هذا عند حق وكلامك صحيح 100%

[sulai6i]

كل ما بقيت احلل اي وضع من اوضاع الشركات

هلا فيك اخوي Jkf .. بس حبيت اعرف .. شتحلل فيه هالسوق

محللين كبااااااار طلعت كل تحليلاتهم غلط .. سوقنا في الوقت الحالي ما يتحلل صدقني

وحتى لو قدرت تحلله .. لا تصدق تحليلاتك

ويا هلاااااا بك

[الرمز]

j k f
هل مازلت عند قناعتك بان 10% فضل من 5% في هذا النزول الرهيب لوكانت 10% كان العرض اكثر من الموجود امس واليوم لان الناس تكون خايفه
ومع ذلك كلامك صح لان النسبه 10 % كان ممكن تبين للناس بان هناك طلب على السهم بدلا من علامة صفر وكان السوق قاوم اكثر لان 5% خادعه وتوهم المتعاملين بان الطلب صفر مع ان هناك ناس تطلب ولكن بسعر اقل مما يجعل البعض يزيد العرض ويزيد الطين بله
ولذلك تجدني بين المؤيد 5% والمؤيد 10%

[جمال النعيمي]

شرياص هلا الشيخ

انا اطالب بحذف % با المرة 5 ولا 10

هذا هو التحدي الحقيقي للسوق عرض مقابل الطلب فقــــــــــــــط

واشكرك على التواصل وفي شي اخر عملية العرض والطلب صدقني اصعب ضابط من 5% او 10%

لان محد يتجاراء يتقدم لكسر هذة الحواجز الاوهو مستعد ان يقدم النقد مالي مقابل الاسهم

ســـــــــلام

[بيـــزات]

اخوي Jkf

كل شي مع الوقت الغالي.. انت الحين كم شريحة الناس المثقفه في الاسهم

او بنقول كم في الميه اللي يعرف شنهو لمت اب ولمت دون... اكثر الناس اللي عندك لين الحين

مع الخيل يا شقرا.... ما تقدر تقولهم الاسهم زينه وزينه وتهدهم مره وحده يلعبون بهم ... واخرته على ابساط الفقر

خله يتحرقص شوي من الـــ 5% نزول وطلوع.. ... والا سيده قيده من اولها .. شوف كم اللي بيتصلون

وطني الحبيب

[قطر9111]

انا مؤيد لفكرة ال 5% وهي حمايه للمستثمرين الصغار
والى الواحد كله يبي ياكل وغيره ما ياكل
وهذي وجهت نظري

[جمال النعيمي]

اخوي بيزات يتعلمون صدقني العجايز عندنا هم احرص منا احنا

الخوف علينا احنا مب على الناس الكبر في السن ولا الحريم كلهم عارفين وهم من بق هولدير على قولتهم

خلهم وخلنا نتعلم هارد وأى احسن ايزي وأى

[قطر]

انا أأيد وبقوة 10%

والله ال 5% اذبحتنا

اتخاف اتحرك حشى

اقتلت روح المضاربه في السوق

والسوق اللي مافيه مضاربين ميت


وشكرا لك

[بيـــزات]

بعد والله صعبه الغالي

انت لما تبي تعلم واحد السباحه توديه غزار وتقوله

طب.. ما يطب واذا طب على ضمانتك.. يا بيغرق يا بيغرقك معاه

علمه على السيف وذيك الساع اذا يبي يروح قبه بهواه

[بيـــزات]

واسمح لي والله الغالي

على التشبيه العامي بس هاذي الحقيقه

[LiquidMoney]

انا برايي انه البورصه مب جمعيه ... البورصه لفئه معينه من الناس ... لها قوانينها و تكتيكاتها ...
اذا في ناس مبب قد هالشئ ... ليش يدخلون اساسا !!
ليش يخربون على غيرهم اللي قادر يلعب صح ..!
مادري بس انا اشوف سوقنا فوضى و مافي تنظيم ...


وبـــــــــــــــــــس ... لا

[محمد بن حمد]

السلام عليكم .. انا خلني اوضح قبل ها النقاش بعض النقاط ..

اول شي السوق هذا ما اتخذو فيه نسبة التذبذب الا عقب تجربة وجابوا ناس خبراء كبار في ها الشي ويقولون جابو طاقم كامل من البورصه في امريكا لحماية المستجدين وحماية الناس بشكل عام في البورصه هذا اول شي ..

ثاني شي انتوا مب شايفين ربعنا كل كل ما قالوا شي تولعوا فيه فتره وتركوه عقب .. تولعو اول شي بالبليب وعقب هدوه عقب بالجوال وعقب هدوه وبالكيبل والدش بعدين وبعدين كل ما طلع شي تولعوا فيه فتره وعقب بهدونه وها الشكل البورصه بيتولعون فيها فتره وعقب ماراح تعين حد فيها ..

وطبعا سبب ها الذبذبه الغريبه في السوق اللي هو يا اما لمت اب يا اما لمت داون مافي حل وسط ما سببها الا المستجدين على البورصه واللي بس سمع بها جاها ويحسب انه بيربح

والكل لاحظ شلون كانت مواشي لمت اب وفجاه انعرضة على اللمت داون واكثر اللي ماخذين في مواشي من العوام لانه سهم رخيص ومشجع للمبتدا .. وانعرض اكثر من 800 الف سهم كلها على اللمت داون ومافي طلب الطلب صفر ويزيدون ويعرضون لين وصلوها مليون وكل اللي يعرض من ناس من العوام تشوف اللي عنده كم من سهم وتشوف الناس قدامك تقوم وتحط طلبات بيع يعني اي هوامير اللي سووها عشان ينزلون السعر ابدا بالعكس لعبة الهامور بسيطه ومب هاي هي اللعبه واي واحد ممكن انه يلعبها بس يكون عنده سيوله معقوله او عدد اسهم كبير شوي يلعب باصحاب القلوب الظعيفه المتواجدين حاليا ويرفع وينزل على كيفه ..

الحل الحين مب ب ال 5% ولا ال10 % اللي طالبينها .. المشكله في ثقافة المستثمر المفقوده اللي احنا نطالب بها قبل لا يدشون الاجانب ويعفسون البطح ويستفيدون من الجهل الحاصل .. لان يوم الاسهم كل ابوها تنباع على اللمت اب عادي وطبيعي ويجي واحد ما يعرف شنو اللمت اب ذاك اليوم ويقوله بيعها لي بسعر السوق وكسر اللمت اب وكل اسهمه ما تتجاوز ال 500 سهم شمعناها ؟؟

وسلامتكم

[roadrunner]

السلام عليكم.
انا مع ال 10% لمت اب و 5% لمت داون .... ياجماعة ... ترانا مب قاصرين امراض... يعني احنا ال 5% ماسكتنا ووقت النكبة تلاقون ناس تطيح بالبورصة والإسعاف يشيلهم على المستشفى ... بكرة اذا شالوا النسبة ذي بعد مافي... من البورصة لين المقبرة على طول .. لاكن ما اقول الا الله يرحمنا برحمته.