بوسي الدلوعه

[الذهب]

انثى عمرها شهرين و 3 اسابيع تقريباً

مطعمه ومعها كرت التطعيمات

بس للحين باقي لها تطعيمات

حبوبه و لعوبه

شعرها ناعم واجد طايح فيبين في الصوره ان شعرها عادي

هي في الحقيقه تبين عدل

سعرها 1800

مافيه مجال انزل في السعر

http://www10.0zz0.com/2008/09/09/09/556883087.jpg

http://www9.0zz0.com/2008/09/09/09/823874700.jpg

http://www9.0zz0.com/2008/09/09/09/970789023.jpg

امانه على اللي بياخذها

انه يهتم فيها و مايهملها

لأنها صدق صدق صدق مدلعه عندي

بس عندي التزامات

[فنان قطر]

مووفق اخوي في البيعه

[لوليتا قطر]

ووواااوو رووعه حراام هذي تبيعهااا
بس اقوولك الله يوووفقك بيعتهااا

[الذهب]

فنان قطر

لوليتا قطر

تسلمون

:)

قصدكم موفقه ليش قلبتوني رجال

ههههههههههه

اختي ما حبيت ابيعها بس ذكرت السبب

لا تخليني اتردد في البيعه بروحي متردده

[سهم سهم]

وديها المحل الي في سوق العلي بيعيها

ولا سبليها تكسبين اجر في رمضان :)

[زمن الغدر]

وديها المحل الي في سوق العلي بيعيها

ولا سبليها تكسبين اجر في رمضان :)

اذا بتهدها سبيل انا باخذه بخمسميه لولدي
المشكله عمره سنتين ولا يدري عنهم

[الذهب]

اخواني اسبل مب بقطوه هذا شي

شي ثاني ما اتمنى احطها في محل لأني حسب اللي شفته معاملتهم للحيوانات تعور القلب

ثاني شي اخوي ماقدر ابيعها لك وانت تبي تعطيها ولدك وتوه عمره سنتين هذي روح اخوي مب لعبه حرام

وغير هذا ولدك صغيره شعرها احتمال مايكون زين له

ابي اللي ياخذها يهتم فيها اخواني الله يخليكم هذي ارواح مب يعطيها الصغار يلعبون بها

حرام

:(

[الذهب]

اخواني انا ودي ارد عليكم على الخاص

بس لحد الحين عدد مشاركاتي ما يسمح

شكراً

الله يعطيكم العافيه

[فنان قطر]

انا ودي فيها لكن مااحب رييحة القطاااوة هههههههه

[الذهب]

لا اخوي فنان قطر

مالها ريحه كلش وتعرف وين تقضي حاجتها تكرمون

نظيفه نظيفه وانت احكم بنفسك

ماتطلع برا البيت ولا سانتي واحد

على فكره الحبوبه ماتقدر على الحر كلش

كله داخل في المكيفات

:)

اللي بيشتريها بيكون معاها صندوق الرمل تكرمون والشنطه مجاناً

بس امانه اماااااااااااانه امانه

محد يشتريها عشان اطفال يلعبون بها

[Exclusiveperfumes]

انا عندي لج اقتراح :whistling:
انا عندي قطاوه وايد اذا تبين بخليها عندي :playball:
وغلاتها من غلاة قطاوتي لين تعدل ظروفج << اهم شيء :thumbup:
وعقب اخذيها اذا اعتدلت ظروفج دامج تحبينها كثير :shy:
وكان الله غفورا رحيما :thumbup1:

[فنان قطر]

اختي تدرين وشو المشكله في القطااوه اول شيء يسوون ريحه معينه في البيت وثاني شيء يخربون أثاث البيت وغيير هااي الرييش الي اتحصلينه طاايح في كل البيييت انا اقوولج هل شيء عن تجربه

[حرقطر]

ياسلااااااااااااااااااام صج دلع

انا عندي قطاااوه في البيت الي بيصيد واحد له هديه

وعلى كل راس قطو هدية

[الذهب]

من ناحية الريحه اخوي يمكن انت مجرب صحيح

بس اتكلم عن قطوتي مافيها ريحه كلش نظيفه

ولا لها اصر في البيت من ناحية الشعر يمكن لما اشيلها القى شي بسيط في ثيابي لكن مب للدرجه المزعجه

بالنسبه لأثاث البيت مغرضه اظافرها

لكن على راحتك اخوي

:)

[الذهب]

اخوي

انا عندي التزامات عشان هشكل عرضتها للبيع

ولا هي مب هاينه علي

بتصدقني اني للحين افكر اهون عن سالفة البيع

بس قاعده اتعوذ من الشيطان اقول ابيعها حد يهتم فها احسن لأنس بنشغل

بتشتريها ببيعها لك وخلها مع قطاوتك

بس لايضربونها

:)

[Exclusiveperfumes]

اختي تدرين وشو المشكله في القطااوه اول شيء يسوون ريحه معينه في البيت وثاني شيء يخربون أثاث البيت وغيير هااي الرييش الي اتحصلينه طاايح في كل البيييت انا اقوولج هل شيء عن تجربه

زين الحين بتزعل البنت بكلامك
تقولك ماترضى على قطوتها :secret:

[Exclusiveperfumes]

اخوي

انا عندي التزامات عشان هشكل عرضتها للبيع

ولا هي مب هاينه علي

بتصدقني اني للحين افكر اهون عن سالفة البيع

بس قاعده اتعوذ من الشيطان اقول ابيعها حد يهتم فها احسن لأنس بنشغل

بتشتريها ببيعها لك وخلها مع قطاوتك

بس لايضربونها

:)


قالت يضربونها هههههه
تدرين انا عندي 9 قطاوه من كل الانواع شيرازي اكثر من نوع مون فيس ولا باد فيس
بس ماعمري شفت قطو منهم شجاع ههههههه
كل مادخل عليهم قطو صغير ينخشون ويشردون منه هههههه
والله اذا تبين نصيحتي خليها عندج
انا من ناحيتي ماعرف اعيش من غير قطاوه احس في شي ناقصني ههههه

[الذهب]

يعني مالك خاطر تشتريها

لو اقدر اخليها عندي ماكان عرضتها للبيع

قلت لك غاليه عندي

:(

[Exclusiveperfumes]

انا ما راح اشتريها لان في واحد ثاني عارض قطوه وافكر اشتريها وماقدر اشتري قطوتين في وقت واحد
بس بشوفلج شرااي لان اعرف كثير يبون قطاوه
وان شاءاللخ لا حصلت شراي بقولج

[فنان قطر]

انا احب هل نووع من القطااااااوه الهملايا

[الذهب]

تسلم ما تقصر

:)

[الذهب]

فنان قطر

ان شاء الله تلقى اللي تبيه

[فنان قطر]

فنان قطر

ان شاء الله تلقى اللبي تبيه

في الدوحه صعب الواحد يحصل بيوووور
الي يحب القطااوه يدخل على هل موقع وبيشوف احسن قطااوه في مصر وفي السعوديه
وكلها مستورده من الخاارج www.cat4arab.com

[nor85]

والله احنا نبي بس الوالده ماتبيهم بالبيت واختي تموت عليهم وتهتم فيهم توديهم البيطري بس المشكله امي :(

[فنان قطر]

والله احنا نبي بس الوالده ماتبيهم بالبيت واختي تموت عليهم وتهتم فيهم توديهم البيطري بس المشكله امي :(

ههههههههه مشكلتج صاارت في كل بييت

[Exclusiveperfumes]

انا احب هل نووع من القطااااااوه الهملايا

والله انا نفسك ادور هالنووع
اللي تجي اطرافه لون ثاني
من زمان خاطري فيه بس ماحصلت في قطر مع اني موصي كذا محل اذا يقدرون يجيبون يتصلون
يالله شد حيلك وسافر وجيب لي معاك ههههه:nice:

[Exclusiveperfumes]

والله احنا نبي بس الوالده ماتبيهم بالبيت واختي تموت عليهم وتهتم فيهم توديهم البيطري بس المشكله امي :(

ذكرتيني بالاخت ساره قطر الله يذكرها بالخير
والله صراحه انا الوالده في اول الايام كانت رافضتهم بس انا جبت قطوه وحده بالاول
مع الايام شفت امي تحبهم اكثر مني وتهم فيهم اكثر وقمت اجيب قطو ورى قطو وهي مستانسه
وصارت الحين هي اللي تهتم فيهم اكثر مني
مافي الا تسوين نفسي :victory:
بس اي شي يجي من صوب امج مالي شغل :secret:

[فنان قطر]

والله انا نفسك ادور هالنووع
اللي تجي اطرافه لون ثاني
من زمان خاطري فيه بس ماحصلت في قطر مع اني موصي كذا محل اذا يقدرون يجيبون يتصلون
يالله شد حيلك وسافر وجيب لي معاك ههههه:nice:

اخوي ترى المحلات الي في قطر حدهم يجيبون من دااخل قطر ترى في موواقع في النت تقدر تشتري منهم القطااوه الي انت تبيها لكن اسعاارهم غاليه يعني الهملايا الي بو شهرين
بيكون سعره واصل قطر حووالي 4000 ريال لكن بيووور مع شهادة المنشأ

[لورنس العرب]

اختي انا مستعد اخذها وبعاملها معاملها مريحة جدددداً
عندي عمال من التبيت وفيتنام ومخلصين على قطاوة الفريج والكلاب بعد
فهذه القطوة عندهم جنها وجبة كنتاكي
انتظر الرد على الخاص للتفاهم وانا جاد

[Exclusiveperfumes]

اختي انا مستعد اخذها وبعاملها معاملها مريحة جدددداً
عندي عمال من التبيت وفيتنام ومخلصين على قطاوة الفريج والكلاب بعد
فهذه القطوة عندهم جنها وجبة كنتاكي
انتظر الرد على الخاص للتفاهم وانا جاد

شفتي شلون يبي لها الراحه
يبي يفكها من الدنيا وبلاويها وبتصير وجبه للفيتنامين
مع اني سمعت انهم طيروهم من قطر عقب سالفه المصري اللي اكلوه

[Exclusiveperfumes]

اخوي ترى المحلات الي في قطر حدهم يجيبون من دااخل قطر ترى في موواقع في النت تقدر تشتري منهم القطااوه الي انت تبيها لكن اسعاارهم غاليه يعني الهملايا الي بو شهرين
بيكون سعره واصل قطر حووالي 4000 ريال لكن بيووور مع شهادة المنشأ

والله من حطيت الموقع وانا اتصفحه قاعد ادور وان شاء الله احصل لي ولك

[لورنس العرب]

شفتي شلون يبي لها الراحه
يبي يفكها من الدنيا وبلاويها وبتصير وجبه للفيتنامين
مع اني سمعت انهم طيروهم من قطر عقب سالفه المصري اللي اكلوه

ياخوك خلك من هالسوالف
خلنا نحصل القطوة وبعدين يصير خير

[Exclusiveperfumes]

ياخوك خلك من هالسوالف
خلنا نحصل القطوة وبعدين يصير خير

:secret:

[qatar.1995]

بتوفيق له فب يعها على من يعتني بها

[غناتي1]

يا كثرهم عندنا 000 وفي الشارع ما لهم اهل

مثل ذي وفيه احلا منها بعد

[qatar28]

روووعة بالتوفيق واحلا شي فيها لونها
جربي وديها سوق العلي لانه مره شرا وحدة
من عند رفيجي بـــ 2000

[الذهب]

اخواني

qatar.1995

qatar28

مشكورين

جزاكم الله خير على ردودكم الطيبه

والاعضاء اللي قلبو الموضوع لساحة نكت وعرض مهارتاهم في ثقل الدم اقصد ( خفة الدم )

الله يسامحهم

اللي استغل موضوعي عشان يدلل على مواقع ثانيه

وهو يقدر يفتح موضوع خاص به ليش يعني في هالموضوع

يعني اشكره لاتشترون هذي القطوه

واللي يقول شكثر مثلها بالشارع

اخوي انا اسفه

بس شكلك نظرك ضعيف

مافيها شي روح للدكتور اكشف

لو ابي اللي بالشارع هذا هم شكثر

ياناس ترى مب زين اللي تسونه

اللي بيقول خير او يسكت

واللي يبيها عشان يعذبها وبيعطها العمال

ناسين ان في مره دخلت النار بسبب قطه

و رجل دخل الجنه بسبب كلب

دينا دين رحمه بالانسان و الحيوان

بس اشوف الاجانب غلبونا في هذا الجانب مثل ماغلبونا في جوانب كثيره

بس للأسف هذا احنا العرب

وش رادنا ورا الا الاستخفاف بالغير دايم

الله يهدي الجميع

رجاء اللي له خاطر يشتري يرد

واللي يبي ينكت اكيد فيه اقسام خاصه للعب والتضحك

هذا قسم خاص للبيع و الشراء بس

مافيه داعي تضيعون وقت الناس بردودكم هذي

إداره بليز اتمنى وضع حد لهذي التصرفات

انا متأكده ان محد من الاداره شاف الموضوع ولا ماكان بيرضى باللي يصير

[عشووقي]

موفقين في البيعه

[الذهب]

تسلم اخوي

جزاك الله خير

آمين يارب

[بنت الدوحه]

الله يوفقج اختي

اي ردود تضايقج تقدرين ترسلين للاخ المشرف العام ابو علي وما راح يقصر

[بنت سعادة السفير]

صرااحه قطوه مزيوووووووووووووووونه ودولوووعه يازين دلعهاا

ياااااااااااااليت توافق امي والله احن عليها ولافي امل توافق

الله يووفقج حبيبتي وانا شااء الله تحصلين من يشتريها ويهتم فيها ويدلعهاا

اختج ساره

[الذهب]

بنت الدوحة

sara-qatar

تسلمون على ردودكم الطيبه

بصراحه خواتي بعد اللي شفته من الردود

هونت ماراح ابيع

اتم عندي ارحم لها حرام مسكينه

و هونت اعرض اي شي هنا للبيع سواء حيوان او سلعه عاديه

هذي اول مره و الاخيره ان شاء الله

اتمنى من الاداره حذف الموضوع

والتنبيه على الاعضاء احترام بعضهم

[شقردي]

اختي انا يوم كنت صغير كلها اربي قطاعه بس عقب تركتها الصراحه خوش قطوه ودي اشتريها بس ضروفي متسمح

تحياتي

[bo3abed]

بنت الدوحة

sara-qatar

تسلمون على ردودكم الطيبه

بصراحه خواتي بعد اللي شفته من الردود

هونت ماراح ابيع

اتم عندي ارحم لها حرام مسكينه

و هونت اعرض اي شي هنا للبيع سواء حيوان او سلعه عاديه

هذي اول مره و الاخيره ان شاء الله

اتمنى من الاداره حذف الموضوع

والتنبيه على الاعضاء احترام بعضهم


نلوم اللي يلومج إختي...بس ترى أصابع يدج مب سوى..
انا من أسبوعين شريت قطوه من المنتدى ...وحاطينها فعيونا انا وعيالي...
صارت وحده منا...نلعبها:playball:...ونأكلها:eek2:...ونسبحها.. .
وطايحين فيها تصوير:pic:
شوفيها تحت ....هااااااااااااااا...شرايج فيهااااااااااااااااااااا:ok:
تبين نصيحتي ...خلي قطوتج عندج....تراها ونييييييييييييييييييييييس....

[الذهب]

اخوي شقردي تسلم على ردك الطيب

الله يزين ضروفك وضروفنا الجميع

آمين يارب

:)

[الذهب]

bo3abed

تسلم اخوي على ردك الطيب

روعه قطوتكم ما شاء الله

اقدر اعرف من اي محل شاريها ؟

:)

[الذهب]

بالنسبه لقطوتي خلاص بخليها عندي

ماراح ابيعها

:)

تسلمون كلكم

[bo3abed]

bo3abed

تسلم اخوي على ردك الطيب

روعه قطوتكم ما شاء الله

اقدر اعرف من اي محل شاريها ؟

:)


مب من محل إختي ....شاريها من ولد حلال في المنتدى ....:)

[باقيـﮧ على ذ ڪرآڪ]

يابخت هذى القطوه

[برق قطر]

السلام عليكم اخت الذهب

انا باشتري القطوه صراحة حلوه وااااايد ودلوعة وبتلقا معامله احسن من معاملتج لها وبتلقا اهتمام كبير من كل النواحي سواء النظافه او الاكل او الرعاية الصحية ياريت اتردين اذا لج نية اتبيعينها.....

[Ro0o0se]

اتهبل والله .. موفقه اختي ^_^

[مزيون الدوحه]

بالنسبه لقطوتي خلاص بخليها عندي

ماراح ابيعها

:)

تسلمون كلكم

ابرك ماسويتي اختي خليها عندج احسن :nice:

وبالنسبه حق الي يخربون المواضيع يبيلهم
عين حمرا بس وبعدها بيتسنعون .

ولاتزعلين كلنا اخوان وننتظر جديدك :victory:

[Charisma]

اخواني اسبل مب بقطوه هذا شي

شي ثاني ما اتمنى احطها في محل لأني حسب اللي شفته معاملتهم للحيوانات تعور القلب

ثاني شي اخوي ماقدر ابيعها لك وانت تبي تعطيها ولدك وتوه عمره سنتين هذي روح اخوي مب لعبه حرام

وغير هذا ولدك صغيره شعرها احتمال مايكون زين له

ابي اللي ياخذها يهتم فيها اخواني الله يخليكم هذي ارواح مب يعطيها الصغار يلعبون بها

حرام

:(


سبحان الله .. صار الاهتمام بالحيوان من الاولويات المهمه .. احس بردج وكان قلبج بيتقطع لو صارلها شي


بس لو كانت خدامه ولا دريول مسكين وبتنقل كفالته بالطقاق ياخذه اي احد



اي صج لي قال ناصر القصبي .. كلما انخفضت قيمة الانسان .. ارتفعت قيمة الحيوان


وشغله ثانيه ماتدرون ان البيع والشرا بالقطاوة والجلاب حرام !!!! ولا ماتدرون



الحمد لله رب العالمين والصلاة والسلام على أشرف الأنبياء والمرسلين نبينا محمد وعلى آله وصحبه ومن والاه إلى يوم الدين أما بعد :
فبيع وشراء القطط حرام لثبوت النهي فيه فقد روى مسلم عَنْ أَبِي الزُّبَيْرِ قَالَ : سَأَلْتُ جَابِرًا عَنْ ثَمَنِ الْكَلْبِ وَالسِّنَّوْرِ قَالَ : زَجَرَ النَّبِيُّ صَلَّى اللَّهُ عَلَيْهِ وَسَلَّمَ عَنْ ذَلِكَ .
وروى أبو داود والترمذي عَنْ جَابِرٍ بن عبد الله رضي الله عنهما قَالَ : ( نَهَى رَسُولُ اللَّهِ صَلَّى اللَّهُ عَلَيْهِ وَسَلَّمَ عَنْ ثَمَنِ الْكَلْبِ وَالسِّنَّوْرِ) صححه الألباني في صحيح أبي داود . و(السِّنَّوْرِ) هو الهر (القط) .
وقال ابن القيم بعد ذكر تحريم بيعه في "زاد المعاد" قال : " وكذلك أفتى أبو هريرة رضي الله عنه وهو مذهب طاووس ومجاهد وجابر بن زيد وجميع أهل الظاهر ، وإحدى الروايتين عن أحمد ، وهو الصواب لصحة الحديث بذلك ، وعدم ما يعارضه فوجب القول به " انتهى .
وقال علماء اللجنة الدائمة : لا يجوز بيع القطط والقردة والكلاب وغيرها من كل ذي ناب من السباع؛ لأن النبي صلى الله عليه وسلم نهى عن ذلك، وزجر عنه، ولما في ذلك من إضاعة المال، وقد نهى النبي صلى الله عليه وسلم عن ذلك. فتاوى اللجنة الدائمة (الجزء رقم : 13، الصفحة رقم: 39)



الله يخلي لج "بوسي" بس

[الذهب]

Ro0o0se

مزيون الدوحه

تسلمون على ردودكم الطيبه

بايلوت هد اعصابك

دخلت قلبي وشفت اذا ارحم الحيوان اكثر من الانسان

واذا رحمت الحيوان هشكل انا خالفت تعاليم الاسلام ؟

على نياتكم ترزقون

سبحان الله

:)

شكراً

الله يعطيكم العافيه

[برق قطر]

السلام عليكم اخت الذهب
انا باشتري القطوة بالسعر اللي تبينة اذا لين الحين ناوية اتبيعين...... ماقدر اراسلج عالخاص بسبب عدد المشاركات في حال موافقتج ارجو المراسلة على q-99@live.com وللعلم راح اهتم بها وااايد...

[MESO]

والله احنا نبي بس الوالده ماتبيهم بالبيت واختي تموت عليهم وتهتم فيهم توديهم البيطري بس المشكله امي :(

:(:(:(:(:( :shy:

كانت عندنا لوسي بس الوالده عطتها السواق وحن ارقود وقالت له ودها بيعها وباعها بطقه رزق ب300 ريال :(

كان عمرها 7 شهور :shy: بنت اختي الصغيره ازعلت وشريتلها العاب ماتبي الا لوسي :shy:

[الذهب]

اخوي برق قطر

رديت عليك في الخاص

[الذهب]

تم البيع

الحمد لله

مبروكه على اللي شروها

يتهنون بها ان شاء الله

آمين يارب

[$$كلنا قطر$$]

اووووف خوش تجاره عندنا قطااوه حولين البيت واللون الي تختارونه وبسعر رمزي 500 ريال
بس الله الله فيهم
ناطر اختياراتكم والوانكم الي تختارونها ومن سبق لبق
بسررعه لاني مكلم البلديه وقريب بيوصولووووون