الحلف كذب والناس صيام وفي حياة بلازا

[الغزال العارضية]

السلام عليكم ورحمة الله وبركاته


امسيكم بالخير اخواني وخواتي

انا توني جايه من حياة بلازا وصار لي موقف غريب يمكن صادف احد منكم

لكن الشي مايدخل العقل بس الناس رمضان وودها فعل الخير



كنا رايحين انا والوالده المخازن تونا بندخل الا وحده تشوفنا من فوق لين تحت

انا انسانه لازم اعلق وماحب اسكت قلت لها شفيج تطالعين :omen2:

جاتني وسلمت ومدت يدها علي وعلى امي

وقالت قصتها :weeping::weeping:


اول شي ماعرفنا شتبي لكن من دشت غزير فالموضوع يمكن الياهل مايصدقها


تقول انها مب قطريه وجايه من الامارات عشان تزور ولد عمها في قطر ومعاها
7 حريم وولد صغير
وامها كانت كاتبه عنوان ولد عمها في ورقه وحاطه الورقه فالشنطه وفيها طبعا الفلوس

فـ يوم دخلت تتوضى طلعت مالقت شي في شنطتها يعني احد باقها وكل شي فيها حتى الجوازات والفلوس والعنوان وانهم قدموا بلاغ

امي قالت لها مستحيل احد يبوقج وانتي في قطر :victory:

المهم

المرة طلبت من امي ان تساعدها وقالت اذا رجعت الامارات بترجع لها المبلغ

سألتها امي شسم ولد عمج احنا بنساعدج وبنطلع رقمه ...
قالت انه مب قطري وانه اماراتي

قالت لها امي انزين ماتدرون وين ساكن؟
قالت لو ندري ماتلتهنا كان عرفنا وين

سالتها امي عيل ليش جاين حياة بلازا ؟
قالت لانه ساكن في منطقه قريبه ومأجر شقه

فقالت لها الوالده يعني تعرفين وين ساكن انزين ليش ماجاكم واستقبلكم؟
قالت المرة هو مايدري ان جاين اليوم

قالت لها امي والمطلوب تبون تجون بيتنا تستريحون ؟
قالت لها المره لا والله كلمنا باص النقل الجماعي وبنروح الامارات بعد ساعه ونص بس ناقصتنا فلوس


قالت لها امي توج تقولين ماعندج فلوس والجوازات انباقت شلون بتروحون ؟
اسكتت المرة وصار وجهها احمر وغطت وجها وعقب قالت لا الجوازات كانت عندي
ولقينا في بنطلون الولد الصغير الف وشي
ناقصنا بس ثمن 3 اشخاص يعني 750 ريال
عطيني اياهم واذا تبين ضمان بعطيج جوازي وخليه عندج واذا رحت هناك برد لج المبلغ كامل

قالت لها امي شلون تعطيني جوازج وانتي بتسافرين :rolleyes2:
وشدعوه انتو الكبار ماعندكم ولا ريال والولد في جيبه الف وزود !! :rolleyes2:

الصراحه امي ماكانت تبي تطول معاها كلام وبدت تحس انها كذابه مع انها تحلف والناس صايمه

فعطتها اللي كتبه ربي ومشت عنها

وتقول انا ادري انها عياره بس دافع بلا ماجاها :secret:



ابي تعليكم ع الموضوع وهل تعتقدون انها صادقه ؟؟

واذا صادفكم نفس الموقف ايش ردة فعلكم ؟؟


:)

[PoBox]

ههههههههههههههه
اي صادقة

[لاداعي]

فرمضاان وايد مادري من وين يطلعون:omen2:

[ANONYMOUS]

ههههههههههههههههههه


قسم بالله امج ماخلتها تتنفس.. صايدتها على كل اللفات. حكرتها بزاويه..


ماعتقد صادقه والله اعلم


لان صادتنا هالمواقف وايد.. وبقصص مختلفه

[المخباط]

ولازال المسلسل الرمضاني الشهير يواصل عرضه في رمضان وعلى اراضي قطر
بس الممثلين والحبكه الدراميه تتغير بأختلاف الزبون اللي ماسكينه
وخاصه اذا قطري ويحب الفزعه( راحت عليه)
كان كلمتوا العضيد يفزع لهم :)

[الغزال العارضية]

ههههههههههههههه
اي صادقة

صج سالفتها تضحك من قلب انا اول شي صدقتها لكن عقب لا والله ودي اقولها ماني مصدقتج

بس حرام :tease:

[الغزال العارضية]

فرمضاان وايد مادري من وين يطلعون:omen2:

اي والله احنا دايما نعطينهم الاذن الصمخه بس هذي
دشت جامد جات وسلمت ويحليلها كاشخه


الله يكافينا شرهم

[السديم]

من صجج صادقة ..

ماتدرين من وين يتكاثرون برمضان استغفرالله العظيم وفي غير رمضان ..

وقصصهم مشكله ومنوعة ..

بس وانتي تدرين انهم كذابين تعطينهم .. لكن هم شلون عايشين بهالطريقة ؟؟ وشلون راضين بفلوس الحرام والكذب اللي ياخذونها من الناس ؟؟

[الغزال العارضية]

ههههههههههههههههههه


قسم بالله امج ماخلتها تتنفس.. صايدتها على كل اللفات. حكرتها بزاويه..


ماعتقد صادقه والله اعلم


لان صادتنا هالمواقف وايد.. وبقصص مختلفه




اي والله ذبحتني امي من الضحك ذكرتني بالمحقق كونان :tease:

بس زين سوت فيها ,, امي طول الوقت تقولها انا مب مقتنعه شي مايدش العقل :victory:

[ابـو مــحــــمـــــد]

ماشالله على العجوز الله يعطيه طولة العمر
ماخلتها تتنفس والمفروض انتي تطلعين شاطره مثل امج
وتتصلين في العضيد وامج ملهيتها بالاسئله خليهم يجون يسحبونها

وها الاشكل واجد ها الايام

[الغزال العارضية]

ولازال المسلسل الرمضاني الشهير يواصل عرضه في رمضان وعلى اراضي قطر
بس الممثلين والحبكه الدراميه تتغير بأختلاف الزبون اللي ماسكينه
وخاصه اذا قطري ويحب الفزعه( راحت عليه)
كان كلمتوا العضيد يفزع لهم :)

ورانا جمعية قطر الخيرية كنت بقولها روحي خليه يساعدج

بس والله يوم خلتنا وراحت تتلفت تدوور هالقطر
لان المكان مليان مقيمين ماراحت لهم

[الغزال العارضية]

من صجج صادقة ..

ماتدرين من وين يتكاثرون برمضان استغفرالله العظيم وفي غير رمضان ..

وقصصهم مشكله ومنوعة ..

بس وانتي تدرين انهم كذابين تعطينهم .. لكن هم شلون عايشين بهالطريقة ؟؟ وشلون راضين بفلوس الحرام والكذب اللي ياخذونها من الناس ؟؟

امي يوم عطتها تدري انها كذابه بس قالت دافع بلى لكن هي الله بيرويها
لانها صايمه وتحلف كذب والناس رمضان هذا اذا كانت صايمه


استغفر الله

[hich]

بدون زعل

بعض السؤال يقلل الأمال :

اذا كنتوا مصدقين المفروض تعطونها وتحتسبون الأجر بدون هالكلام كله

اما اذا شاكين فيها وموب مصدقين شلون تعطون فلوسكم لوحده قاعده تنصب عليكم وانتوا داريين (بدون زعل)

في كلا الحالات المفروض الموضوع مأخذ منكم دقيقتين يا ايه او لا بلاش تعطونها مجال أخذ ورد الا اذ كان عندكم وقت لين الفطور :)

[عاشق الشهادة]

الا كاذبه من راسه لين رجلها ,
ويش دخل يعني اذا الواحد صايم حرام يقول الصدق هذا نفاق اسمحولي ,
من القصه الي قريتها منج أختي العزيزه مافي شي من كلامها صحيح والله يعز اهل الامارات عنها ,
والوالده عطتها المقسوم وان شاء الله يكون بثوابها .

أني صايم ...

[الغزال العارضية]

بدون زعل

بعض السؤال يقلل الأمال :

اذا كنتوا مصدقين المفروض تعطونها وتحتسبون الأجر بدون هالكلام كله

اما اذا شاكين فيها وموب مصدقين شلون تعطون فلوسكم لوحده قاعده تنصب عليكم وانتوا داريين (بدون زعل)

في كلا الحالات المفروض الموضوع مأخذ منكم دقيقتين يا ايه او لا بلاش تعطونها مجال أخذ ورد الا اذ كان عندكم وقت لين الفطور :)



لانها ماطلبت الا اخر شي طول الوقت كانت تتكلم

واظن كل واحد فينا يحب احد يسمعه للنهايه

بس الله فوق وحده العالم ان كان بها اجر ولالا

[lalamar]

مبين عليها حراميه

[الغزال العارضية]

الا كاذبه من راسه لين رجلها ,
ويش دخل يعني اذا الواحد صايم حرام يقول الصدق هذا نفاق اسمحولي ,
من القصه الي قريتها منج أختي العزيزه مافي شي من كلامها صحيح والله يعز اهل الامارات عنها ,
والوالده عطتها المقسوم وان شاء الله يكون بثوابها .

أني صايم ...

الله يتقبل صيامك وصالح اعمالك وجزاك الله خير

وصحيح الله يعز اهل الامارات عن اشكالها
المشكلة اسم ولد عمها اللي قالت لنا عنه في صوب وشكلها وكلامها في صوب ثاني

اشكره اشكره مقيمه من احد الدول العربيه مابي اذكرها في مب مواطنه اماراتيه

[رقم مميز]

الى مثل هذولا

خرب على المساكين


اللحين ماتعرف المحتاج من مب محتاج

وامج ماقصرت فيها رصتها فيزاويه رصه

[غناتي1]

تصدقين اختي والله العظيم هالسالفة صادفتني مرتين

مرة سنة 1992 في مصر نفس القصة بس بتسلسل غير

ومرة سنة 1998 في حمر عين في دبي

هاذولا متعودين وممثلين من الطراز الاول

لا تعطونهم وجه00 عشان يدرون ان الناس كاشفينهم

واذا يكذبون حرام فيهم تعطونهم حتى لو ريال

[بنت المنتدى]

الله يكره هالاشكال

والله يقهروني

[الارض]

الله يتقبل صيامك وصالح اعمالك وجزاك الله خير

وصحيح الله يعز اهل الامارات عن اشكالها
المشكلة اسم ولد عمها اللي قالت لنا عنه في صوب وشكلها وكلامها في صوب ثاني

اشكره اشكره مقيمه من احد الدول العربيه مابي اذكرها في مب مواطنه اماراتيهايه والله الله يعز هل الامارات عن هالاشكال
هالفئات من الناس ترى تلاقونهم في كل مكان وهم بهالشكل يشوهون صورة اهل البلد اللي يقولون انهم ينتمون له ,لأن في ناس وايد ترى يصدقونهم .
اتذكر قصه مشابهه صارت لنا من كم سنه في الخبر كنا طالعين من الفندق والا هذا اللي يتصيد السيارات القطريه,هوفي سياره (على قولة ولدي الصغير مكحكحه)ونمرة السياره كرتونه مكتوب عليها بخط اليد قطر والف لنا ذيج القصه اللي والله حتي عيالي الصغار قالو عنه( اشكره شلاخ)طبعا ابو العيال سكر عنه الدريشه ومشى والريال كمل طريجه رايح حق سياره قطريه ثانيه.
يعني هم مادري يحسبون الناس لهالدرجه سذج.

[Bu Rashid]

:eek5::eek5::eek5::eek5:

[almulla]

الله يهديها بس امج ليش عطتها ؟؟

لو ياتني انا جان نشفت ريجها مثل ماسويت في البلوشي اللي مسوي نفسه اماراتي في مكة

[أحلى وسيطه]

بصراحه شي يضحك

هالطراره شفيها عبيطه ولا تستعبط على الناس :anger1:


يالله لك الحمد والشكر


يعطيج العافيه الغزال العارضيه والله يصبرنا عليهم لين أخر رمضان

بعدين ترى كلهم صارو يشحتون وهم كاشخين مدري شالسر :secret:؟؟؟؟


أخوي الملا ممكن نعرف سالفه البلوشي اللي في مكه علشان نستفيد من رده فعلك :)


عساكم عالقوة

[عبدالله الخوار]

انزين ليش ما قالت لها :) ابي اشوف الجواز .. اذا صج اماراتيه :) ؟؟

بس امج مشالله عليها .. سوت لها تحقيق هههههههههه

يعطيها العافية وطولة العمر يارب

[رأس بروق]

اختــــــــــــــي الطــــــــــراره تشبــــــه ديـــــــــانا حــــــداد؟؟؟

[professonal]

هههههههههههههههههههههههههههههه

مضبطة القصه بس بعد فيها ثغرات قانونية وانكشفت اثناء التحقيق

[vimto]

صادقه اختي يا كثر الي يسون هاذي الحركات

واذا حد حكر لهم وسألهم يطلعون ألف عذر وعذر

ولو باكر تروحون راح تحصلونها في المجمع او مجمع ثاني

اوقات اشوفهم في محطة البترول ولا في مكان بعيد عن المدينه

بس وش نقول الله يستر عليهم

المشكله خذوها مهنى وانا الصراحه ما ارضى حد يعطيهم حتى لو قصدى خير

الانه لو عطاهم هو يشجعهم على الاستمرار

ولو صدق محتاجين والصج كلامها اعتقد في جمعيات خيريه ما راح ترفض المساعده

وانا اقول الي يبي يسوي خير يعطي ناس فعلن يستحقون

مو ناس مخذينها شغلة اطراره

وشكراً اختي على الموضوع

[أمير المحبه]

عيل تبي اترد بلاده بدون جواز شبلاه حسباله الناس هنود ينقص عليهم بسرعه
مايدرون ان والديتج الله يطول في عمرها موجوده قاعدتلهم قعده
ون الناس موب نايمين على اذانيهم
بس صراحه المفروض امج ماتعطيهم ولا فلس حمر
ولا الولد في مخباه 1000 وهم ماعندهم شي شدخل اتحط الفلوس في مخبه الولد
وهي ماعندها ولا فلس العب غيرها ياحبيبي محشومين اهل الايمارات من هالاشكال
(اهلي هناك +_+ )والايمارات بلاد خير مستحيل انهم منه هالحراميه
بس لو امج قالتلها زين اجوف الجواز وتجوف اهي من وين اخخخخخ حسافه
فاتتكم هالسالفه

[سداوي&مدريدي]

حراميه ونص :telephone:

لو الجوازات ضاعت المفروض اتروح السفاره

وامج الله يعطيها طولت العمر ماقصرت في الاساله

:nice:

[almulla]

بصراحه شي يضحك

هالطراره شفيها عبيطه ولا تستعبط على الناس :anger1:


يالله لك الحمد والشكر


يعطيج العافيه الغزال العارضيه والله يصبرنا عليهم لين أخر رمضان

بعدين ترى كلهم صارو يشحتون وهم كاشخين مدري شالسر :secret:؟؟؟؟


أخوي الملا ممكن نعرف سالفه البلوشي اللي في مكه علشان نستفيد من رده فعلك :)


عساكم عالقوة

الله يسلمج انا شخص متأثر وايد من الي اشوفه من هل قطر انهم يشجعون التسول والبوق

واذا واحد يصير لي ماتمر علي هالمواقف بدون مانصحه انه مايعطيهم

بس دايما اسمع الرد المعتاد : دفعة بلا

واتمنى يتغيرون هل قطر لان الدنيا مب نفس قبل

والموقف اللي صار ان في مكة اخوي كان يتمشى صوب الابراج وكان كاشخ حده

فياله واحد اماراتي على قولته وطر من عنده وقاله نفس القصة المعروفة انهم جايين ويبون فلوس البترول

قام عطاه وانا يوم دريت هاوشته وقلت له هاي نصاب وهو ماصدقني

قلت ماعليه انا اراويه لو كنت مكانك بيعرف اشباسوي فيه

وانا رايح في طريجي من برج زمزم لين دار التوحيد ومن كثر ما دار التوحيد غالي

هالاشكال يعرفون من وين يصيدون فريستهم

شافني كاشخ حدي وسلم علي سلام حار (خشمك) بكسر الخاء :nice:

انت من هل الامارات قلتله لا انا من قطر (يعني اشدعوة اماراتي مايعرف الفرق بين ثيابنا وثيابهم وشكله بلوشي او عيمي من مواليد الامارات)

الله يسلمك احنا يايين الحينه من بوظبي وانسرقت فلوسنا ونباك تساعدنا

وانا باطرش لك الفلوس لين رجعت

قمت قلت له اشرايك تجي معاي مصرف الراجحي ونكلم هلك يحولون لك المبلغ اللي تبيه

:shy:

صاار ويهه احمر وتغير لونه وتلعثم وقال اخويه في المستشفى

قلت له وباقي هلك وينهم قال يعابلون اخويه:nice:

هني انا مت من الظحك قلت له تيسر والله يعطيك (افراج)

[وطن]

بل
هالفيلم اذكر مر علي من 10 سنين
للحين يكررونه
ما تابوا !!!

المصيبة انهم يتقنون عدة لهجات
وكل يوم يقولون انهم من بلاد

[فـــــواز]

السلام عليكم ورحمة الله وبركاته


امسيكم بالخير اخواني وخواتي

انا توني جايه من حياة بلازا وصار لي موقف غريب يمكن صادف احد منكم

لكن الشي مايدخل العقل بس الناس رمضان وودها فعل الخير



كنا رايحين انا والوالده المخازن تونا بندخل الا وحده تشوفنا من فوق لين تحت

انا انسانه لازم اعلق وماحب اسكت قلت لها شفيج تطالعين :omen2:

جاتني وسلمت ومدت يدها علي وعلى امي

وقالت قصتها :weeping::weeping:


اول شي ماعرفنا شتبي لكن من دشت غزير فالموضوع يمكن الياهل مايصدقها


تقول انها مب قطريه وجايه من الامارات عشان تزور ولد عمها في قطر ومعاها
7 حريم وولد صغير
وامها كانت كاتبه عنوان ولد عمها في ورقه وحاطه الورقه فالشنطه وفيها طبعا الفلوس

فـ يوم دخلت تتوضى طلعت مالقت شي في شنطتها يعني احد باقها وكل شي فيها حتى الجوازات والفلوس والعنوان وانهم قدموا بلاغ

امي قالت لها مستحيل احد يبوقج وانتي في قطر :victory:

المهم

المرة طلبت من امي ان تساعدها وقالت اذا رجعت الامارات بترجع لها المبلغ

سألتها امي شسم ولد عمج احنا بنساعدج وبنطلع رقمه ...
قالت انه مب قطري وانه اماراتي

قالت لها امي انزين ماتدرون وين ساكن؟
قالت لو ندري ماتلتهنا كان عرفنا وين

سالتها امي عيل ليش جاين حياة بلازا ؟
قالت لانه ساكن في منطقه قريبه ومأجر شقه

فقالت لها الوالده يعني تعرفين وين ساكن انزين ليش ماجاكم واستقبلكم؟
قالت المرة هو مايدري ان جاين اليوم

قالت لها امي والمطلوب تبون تجون بيتنا تستريحون ؟
قالت لها المره لا والله كلمنا باص النقل الجماعي وبنروح الامارات بعد ساعه ونص بس ناقصتنا فلوس


قالت لها امي توج تقولين ماعندج فلوس والجوازات انباقت شلون بتروحون ؟
اسكتت المرة وصار وجهها احمر وغطت وجها وعقب قالت لا الجوازات كانت عندي
ولقينا في بنطلون الولد الصغير الف وشي
ناقصنا بس ثمن 3 اشخاص يعني 750 ريال
عطيني اياهم واذا تبين ضمان بعطيج جوازي وخليه عندج واذا رحت هناك برد لج المبلغ كامل

قالت لها امي شلون تعطيني جوازج وانتي بتسافرين :rolleyes2:
وشدعوه انتو الكبار ماعندكم ولا ريال والولد في جيبه الف وزود !! :rolleyes2:

الصراحه امي ماكانت تبي تطول معاها كلام وبدت تحس انها كذابه مع انها تحلف والناس صايمه

فعطتها اللي كتبه ربي ومشت عنها

وتقول انا ادري انها عياره بس دافع بلا ماجاها :secret:



ابي تعليكم ع الموضوع وهل تعتقدون انها صادقه ؟؟

واذا صادفكم نفس الموقف ايش ردة فعلكم ؟؟


:)



مشكورره

صراحه امك محققه عجيبه ليته مثل امي في الاشياء هذي علي طول امي تعطي ولا تنشد

[voodoo]

ا
بسبب انتشار ظاهرة التسول في البلاد قامت وزارة الداخلية متمثلة بإدارة البحث الجنائي( قسم مكافحة التسول) بفتح باب لتلقي شكاوي المواطنين والمقيمين لتقديم بلاغات ضد المتسولين على مدار الســ24ــاعة من خلال خطوط الهواتف المخصصة لتلقي البلاغات وهي (4823812-4714222-4714220) وعلى الفاكس (4714256)

(أتمنى من جميع الأعضاء أنهم يستفيدون من الأرقام لان الظاهرة تزيد بشكل ملحوظ ف شهر رمضان )

[اموووله]

والله انا مرة صادني هاي الموقف وكنت مع زوجي في الامارات المهم نفس السالفه تقريبا بس هذة من البحرين ونفس الشي يبغون يردون بلادهم وما عندهم فلوس ويبغون يروحون السفارة عشان يبلغون على الجوازات المهم زوجي صراحه سوى نفسه كريم ودفع لهم كل الي في مخباة لان حنا تدرون اذا سافرنا نستعمل بطاقه البنك يعني ما نشيل فلوس وايد المهم المرة ما عجبها تبغب زياده زوجي قال لي عطيها وانا
بعطيج بعدين تبون الصج انا كنت اشوف عبايتي الجديدة بين عيوني ابغي اروح اطلعها


صراحه يعني قلت له لا كيفك بتساعد انت براحتك بس انا فلوسي بطلع بها عبايتي

وخليته يبتلش معاهم ودشيت المجمع لوووووووووول وطلعت عبايتي وكشخت فيها


هههههههههه يعني اختي ترى هاي الاشكال واااايد ومشكله الي يعطيهم وجه

[ح.الملا.ح]

نفس الموضوع صاري معاي بالحرم بس المره كانت تتكلم اماراتي؟
وتمت اتصيح صياح لو طولت شوي ؟ كنت بصيح معاها

وعقب يوم حصلت صديق لي بالفندق الا يقولي السالفه طبق الاصل وكني اسمعها من المره نفسها ؟

دعيت عليها ان الله لايبارك في الفلوس الي خذتها لانها كذابه

ههههههههه

لاحول الله ولا قوة الا بالله؟

انتي تقولين برمضان في ناس اتكذب؟
فما بالج بالحرم المكي ؟؟

تحياتي لج

[الجزيرة]

..... اللهم انى صايم


................. ما اعتقد أهل الامارات فيه حد يشحت .... لكن الطيور على اشكالها تقع

[المارونـــي]

هذي انا اعتبرها ....
يعني انا ابي اعرف شلون هالناس توصل بهم هالمواصيل
اذا هي محتاجه تقول ولا انها تكذب
اتمنى انها تكون فعلاً محتاجه
والله يفتحها على امج وجميع المسلمين دنيا واخره
تقبلي مروري اختي

[الغزال العارضية]

الى مثل هذولا

خرب على المساكين


اللحين ماتعرف المحتاج من مب محتاج

وامج ماقصرت فيها رصتها فيزاويه رصه


اي والله صادق :victory:

الواحد صار مايفكر يساعد احد من كثر السوالف :rolleyes2:

[الغزال العارضية]

تصدقين اختي والله العظيم هالسالفة صادفتني مرتين

مرة سنة 1992 في مصر نفس القصة بس بتسلسل غير

ومرة سنة 1998 في حمر عين في دبي

هاذولا متعودين وممثلين من الطراز الاول

لا تعطونهم وجه00 عشان يدرون ان الناس كاشفينهم

واذا يكذبون حرام فيهم تعطونهم حتى لو ريال


صارت لنا سوالف قبل بس قصة هذي عجيبه اول مرة تمر علي

والظاهر خلاص بنعطيهم اكس

[الغزال العارضية]

ايه والله الله يعز هل الامارات عن هالاشكال
هالفئات من الناس ترى تلاقونهم في كل مكان وهم بهالشكل يشوهون صورة اهل البلد اللي يقولون انهم ينتمون له ,لأن في ناس وايد ترى يصدقونهم .
اتذكر قصه مشابهه صارت لنا من كم سنه في الخبر كنا طالعين من الفندق والا هذا اللي يتصيد السيارات القطريه,هوفي سياره (على قولة ولدي الصغير مكحكحه)ونمرة السياره كرتونه مكتوب عليها بخط اليد قطر والف لنا ذيج القصه اللي والله حتي عيالي الصغار قالو عنه( اشكره شلاخ)طبعا ابو العيال سكر عنه الدريشه ومشى والريال كمل طريجه رايح حق سياره قطريه ثانيه.
يعني هم مادري يحسبون الناس لهالدرجه سذج.



احنا بعد والله طالعين من الشقق مرة فالخبر جاتنا وحده تصيح
تبي مساعده لانه زوجها بيدخل المستشفى
ومن اغلى مستشفيات السعوديه

شدعوه فقيره وزوجج بيدخل هناك

[الغزال العارضية]

الله يهديها بس امج ليش عطتها ؟؟

لو ياتني انا جان نشفت ريجها مثل ماسويت في البلوشي اللي مسوي نفسه اماراتي في مكة


زين سويت في البلوشي والله ههههههههههههههه

الصراحه ماينعطون وجه

[الغزال العارضية]

بصراحه شي يضحك

هالطراره شفيها عبيطه ولا تستعبط على الناس :anger1:


يالله لك الحمد والشكر


يعطيج العافيه الغزال العارضيه والله يصبرنا عليهم لين أخر رمضان

بعدين ترى كلهم صارو يشحتون وهم كاشخين مدري شالسر :secret:؟؟؟؟


أخوي الملا ممكن نعرف سالفه البلوشي اللي في مكه علشان نستفيد من رده فعلك :)


عساكم عالقوة

الواحد اذا جاه فقير بيسكت عنه وبيمشي
لكن الكاشخ بيغريك وبتوقف له

[الغزال العارضية]

انزين ليش ما قالت لها :) ابي اشوف الجواز .. اذا صج اماراتيه :) ؟؟

بس امج مشالله عليها .. سوت لها تحقيق هههههههههه

يعطيها العافية وطولة العمر يارب


الله يعافيك ويطول في عمرك :victory:

انا اللي ادرس قانون ساكته ماحققت معاها كثر الوالده

[الغزال العارضية]

اختــــــــــــــي الطــــــــــراره تشبــــــه ديـــــــــانا حــــــداد؟؟؟

اي ومب طويلة

وبيضه وعبايتها فيها ورد


:victory:

[ورقــة أمــل]

والله لكم بارض انتي وامج تاخذون وتعطون معاها
وبعدين عقب كل هاي تسئلين صاجه ولا جاذبة
اشكره يعني جذابه
مب لين هالدرجة الطيبة ان الواحد يصير مغفل ومايعرف الصح من الغلط (سوري عالكلمة يعني)

[الغزال العارضية]

عيل تبي اترد بلاده بدون جواز شبلاه حسباله الناس هنود ينقص عليهم بسرعه
مايدرون ان والديتج الله يطول في عمرها موجوده قاعدتلهم قعده
ون الناس موب نايمين على اذانيهم
بس صراحه المفروض امج ماتعطيهم ولا فلس حمر
ولا الولد في مخباه 1000 وهم ماعندهم شي شدخل اتحط الفلوس في مخبه الولد
وهي ماعندها ولا فلس العب غيرها ياحبيبي محشومين اهل الايمارات من هالاشكال
(اهلي هناك +_+ )والايمارات بلاد خير مستحيل انهم منه هالحراميه
بس لو امج قالتلها زين اجوف الجواز وتجوف اهي من وين اخخخخخ حسافه
فاتتكم هالسالفه

اي والله من كثر السوالف اللي قالتها مانعرف شنصيد وشنخلي

[الغزال العارضية]

ا
بسبب انتشار ظاهرة التسول في البلاد قامت وزارة الداخلية متمثلة بإدارة البحث الجنائي( قسم مكافحة التسول) بفتح باب لتلقي شكاوي المواطنين والمقيمين لتقديم بلاغات ضد المتسولين على مدار الســ24ــاعة من خلال خطوط الهواتف المخصصة لتلقي البلاغات وهي (4823812-4714222-4714220) وعلى الفاكس (4714256)

(أتمنى من جميع الأعضاء أنهم يستفيدون من الأرقام لان الظاهرة تزيد بشكل ملحوظ ف شهر رمضان )


جزاك الله خير الحين بسجله في الجوال :victory:

[العمـادي]

المفروض امج ما تعطيها ولا ريال
لانه بذي نشجعهم على الطراره
انا عندي الواحد يقول الصج ولا يكذب علي
والله لو جاني واحد وقال لي والله انا ما عندي شي ومفلس
افضل من انه يخترع له قصه ويكذب علي

[abo0o0od QtR]

السلام عليكم

انا اشوف اذا انتي تبين تعطين عطيهم بدون لا اضيعين اجرج انتي تعطين بنيه انها محتاجه

وتحاسبين على نيتج مب على نيتها اهي

واهي حسابها عند ربها وانا اشوف انه بالطريقه هاذي الواحد يضيع ثوابه انه يقول عطيت ويعلق على الي صار دام انه عطيتي خلاص خلها عند ربج اهوا الي بيحاسبها


هذا رايي والسموحه منكم

[مزيون الدوحه]

صادني نفس هالموقف اكثر من مره
واذكر في احد هالمرات حاولت معاي وحده
في الامارات ونفس القصه ( ماعندهم بترول حق السياره يرجعهم بلادهم )
وشافت مافي فايده لاني عطيت اكثر من وحده وبعد ماعرفت انها خدعه
طنشت لها راحت ودزت بنتها وعمرها في ال 20 تقريباً وتبي رقم الجوال
علشان تتصل وترجع الفلوس عاد انا قلبي حنون خخخخخخخخخخخ قلت لها
تفضلي ولاتكررينها مره ثانيه وسلمي على امج خخخخخخخخخخخخخخ ومابي
فلوسي لاكن من بعدها ماصادني هالموقف :tooth:

عيبنا يا اهل قطر طيبتنا

الله يجزينا خير ان شاء الله

[الغزال العارضية]

صادني نفس هالموقف اكثر من مره
واذكر في احد هالمرات حاولت معاي وحده
في الامارات ونفس القصه ( ماعندهم بترول حق السياره يرجعهم بلادهم )
وشافت مافي فايده لاني عطيت اكثر من وحده وبعد ماعرفت انها خدعه
طنشت لها راحت ودزت بنتها وعمرها في ال 20 تقريباً وتبي رقم الجوال
علشان تتصل وترجع الفلوس عاد انا قلبي حنون خخخخخخخخخخخ قلت لها
تفضلي ولاتكررينها مره ثانيه وسلمي على امج خخخخخخخخخخخخخخ ومابي
فلوسي لاكن من بعدها ماصادني هالموقف :tooth:

عيبنا يا اهل قطر طيبتنا

الله يجزينا خير ان شاء الله



اي والله نحب نفزع وخصوصا الرجاجيل ينحرجون

انزين قولي صار قلبك حنون يوم قالت تبي رقمك ؟ :tease:

[مزيون الدوحه]

اي والله نحب نفزع وخصوصا الرجاجيل ينحرجون

انزين قولي صار قلبك حنون يوم قالت تبي رقمك ؟ :tease:

مابي الفلوس = ماعطيتها الرقم :tooth:

ناقصين فواتير دوليه
خخخخخخخخخخخخخخخخ

لحد ياخذ فكره ترانا نمزح escape

[الغزال العارضية]

مابي الفلوس = ماعطيتها الرقم :tooth:

ناقصين فواتير دوليه
خخخخخخخخخخخخخخخخ

لحد ياخذ فكره ترانا نمزح escape

:tease::tease::tease:

لاتحاتي اخوي

رجال والنعم بك

[مزيون الدوحه]

:tease::tease::tease:

لاتحاتي اخوي

رجال والنعم بك

ماعليك زود اختي :victory:

تصبحون على خير
ورانا صلاة الجمعه :omen2:

في امان الله

[دلوعه امها]

القصه تصلح فلم هندي او مصري بصراحه شي مايدش العقل ششكلها كذابه ولا كان مالفت ودارت هي قالت انها ماتعرف العنوان ويوم سالتها ليش انتو في الحياه بلازا قالت هو قريب من هالمكان اشكره كذب في كذب

[الغزال العارضية]

القصه تصلح فلم هندي او مصري بصراحه شي مايدش العقل ششكلها كذابه ولا كان مالفت ودارت هي قالت انها ماتعرف العنوان ويوم سالتها ليش انتو في الحياه بلازا قالت هو قريب من هالمكان اشكره كذب في كذب

اي والله كذابه

استغفر الله الله يهديهم ان شاء الله

:secret:

[اموووله]

:omg::omg::omg::omg::omg::omg:

[Riku3]

قبل كنت امشيلهم هالقصص واعطيهم المقسوم .. بس بيوم واحد رفع ضغطي بشكل مب طبيعي ومن يومها صرت اردهم وبالقوة بعد! .

كان المصري جالس يطر من الناس بقصص غريبة وانا بصراحه صدقته نوعاً ما وعطيته فلوس .. بس بعدها شفته يتكلم مع واحد ثاني وسمعته يقول نفس الكلام مع اني عطيته المبلغ البسيط الي كان المفروض يكفيه .. وبعدها شفته يكلم واحد ثالث .... هنا صراحه انقهرت بشكل مب طبيعي واول ماطلعت من المكان شفت دورية ووقفتها ! .. واخذت الشباب الي فيها ودورنا الرجال بس ماحصلناه للاسف ... وصراحه من يومها وانا ماعيت هالمتسولين ولا ريال .. وامنع الاهل لو كانوا معاي من التبرع لهم واطرد كل متسول يضرب على باب البيت! .

الله لايبلانا :\ .

[shagrh]

امي يوم عطتها تدري انها كذابه بس قالت دافع بلى لكن هي الله بيرويها
لانها صايمه وتحلف كذب والناس رمضان هذا اذا كانت صايمه


استغفر الله

ياكثر هالنوعيات والواحد حتى لو مو مصدق السالفه يقول انا اعطى وربى عالم بنيتى عاد الطرف الثانى صاج جذاب بذمته هووو
بس انتى الحين عقب مانشرتي السالفه بالمنتدى اجر امج المسكينه راااااح

[ضوى]

تصدقين يالغزال

ما احب ارد احد او احرجه الا اذا حسيت انه يستغفلني

وايد صارت معاي هالحركات

اللي يبي عشان ياكل اقول له تعال باوديك مطعم واطلب اللي تبيه واللي يقول يبي يلبس اقول له تعال باوديك صندوق الزكاة وان شاء مهب مقصرين معاك

كله كوم واللي يجون البيت كوم والله سالفة تخوف لانه تزيد بكل سنة

لا حول ولاقوة الا بالله

[party]

استغفر الله العظيم

[الغزال العارضية]

ياكثر هالنوعيات والواحد حتى لو مو مصدق السالفه يقول انا اعطى وربى عالم بنيتى عاد الطرف الثانى صاج جذاب بذمته هووو
بس انتى الحين عقب مانشرتي السالفه بالمنتدى اجر امج المسكينه راااااح

ولا يضيع الله اجر من احسن عمال

وبعدين انا ماقلت امي عطتها 100 ولا ميتين

قلت عطتها اللي ربي كاتبه

يعني لازم اقول انه عطتها مايصير اقول نص القصه

ماقصد فيها الهياط والمفوشر بس كنت ابي ارائهم واعرف شاللي يصير
في هالنوعيه من القصص

[الغزال العارضية]

تصدقين يالغزال

ما احب ارد احد او احرجه الا اذا حسيت انه يستغفلني

وايد صارت معاي هالحركات

اللي يبي عشان ياكل اقول له تعال باوديك مطعم واطلب اللي تبيه واللي يقول يبي يلبس اقول له تعال باوديك صندوق الزكاة وان شاء مهب مقصرين معاك

كله كوم واللي يجون البيت كوم والله سالفة تخوف لانه تزيد بكل سنة

لا حول ولاقوة الا بالله


والله زين تسوين فيهم

انا يوم في مكه كنت اسوي نفسج اللي يبي الشي اوديه واخذه له سواء كان اكل ولا ملابس

والله يعطينا على قد نيتنا

:shy:

[porsche]

أنا صادني موقف من كم سنه في مواقف مستشفى حمد,نزلت من السياره والا وحده عجوز جاتني في لمح البصر ما ادري من وين اطلعت,المهم اقعدت اتبجبج ويا ولدي ويا ولدي,قلتلها خير يما!! قالتلي احنا جايين من البلد الفلانيه وولدي سوى حادث ونبغي فلوس علشان نقدر نرجعه ديرته بالاسعاف,انا هالكلام ما دخل مخي بس قلت بعد بعطيها المقسوم,طلعت من مخباي 100 ريال وعطيتها,حلو؟؟طالعتني وقالتلي بصوت غير الصوت اللي كان قبل وهي تطلب وقالتلي بس؟فاضطريت اني امد يدي في مخباي مره ثانيه واطلع باكيت السجاير واولعلي سجاره وانا مكمل طريقي لانها الصراحه وترتني بشكل رهيييييب!!

[سهم مديون]

أنا صادني موقف من كم سنه في مواقف مستشفى حمد,نزلت من السياره والا وحده عجوز جاتني في لمح البصر ما ادري من وين اطلعت,المهم اقعدت اتبجبج ويا ولدي ويا ولدي,قلتلها خير يما!! قالتلي احنا جايين من البلد الفلانيه وولدي سوى حادث ونبغي فلوس علشان نقدر نرجعه ديرته بالاسعاف,انا هالكلام ما دخل مخي بس قلت بعد بعطيها المقسوم,طلعت من مخباي 100 ريال وعطيتها,حلو؟؟طالعتني وقالتلي بصوت غير الصوت اللي كان قبل وهي تطلب وقالتلي بس؟فاضطريت اني امد يدي في مخباي مره ثانيه واطلع باكيت السجاير واولعلي سجاره وانا مكمل طريقي لانها الصراحه وترتني بشكل رهيييييب!!
طراره وتشيرط !!

[miss-qatr]

الله يعطي الوالده الصحه والعافيه


ماشاء الله عليكم بالكم طويل

ومثل ماقالو الاخوان اذا هم بمكه يطرون ويكذبون عليك شلون اهنيه وبعضهم احس انهم مجرمين ويدربون عيالهم على التسول فاذا كبرو يطلعون بروفيشنال :secret:


آخر مره كنت بمكه نازله مع عمتي واحنا راجعين كنا بندخل التوحيد الا وحده مع طفل صغير المهم خلصنا معاها وتمشي عمتي قدامي


الا جايني 3 يهال صغار اقل من 6 سنوات :secret: والله ركيض واقعد اصااااارخ من الخوف خرعوني وابي ادخل الفندق ويركضون وراي:eek5:


بس السكيورتي مسكهم


كسرو خاطري والله :weeping: بس لو ما روعوني كان عطيتهم


المشكله ان عمتي بهاللحظة كانت تضحك ما ساعدتني :anger1:


شفتي صغار وشلون يدربونهم على الطراره.. يزرعون فيهم الصفات الشينه وبعدين انطالب منهم انهم يتغيرون !! صعبه




تسلمين على التنبيه :)

[Revamp]

ي بس في الاخير خذت الي تبيه.......انا اعتبرها شطاره

[شقردي]

اما سافلت الجواز فطست من الضحك الصراحه امج حطتها في زاويه ضيقه

خوش صيده والله

تسلمين على الموضوع

[almulla]

خاطري اروح حياة بلازا ويصيدني نفس الموقف

[شويهينــه]

وهي ماعندها كرت Atm تسحب منه

اشكره نصابه

[ابوالجازي]

الله يعطيج العافيه اختي

على فكره هالحركه مب بس في الدوحه حتى في دوله خليجيه قريبه لنا

كنا في الشارع اللى فيه المحلات

الا وحده جايه صوب السياره الا تقول لي قصه طويله عريضه تقول اخوانها مسوين حادث وامها فيها مادري صرع ولا جن وعند مطوع يقرا عليها وماعندهم فلوس وهي مب من اهل الديره جايه بعد من دوله خليجيه ثانيه .

القهر ان عندها جوال بوكيمرتين .

[hamoor4ever]

انا بالنسبه لي وايد اشوف من هالعينات وبصراحه اللي يخليهم يسوون جذيه ان بعض الناس تعطيهم وتقول كل واحد بنيته هالكلام صحيح لكن احنا لما نعطيهم ونعرف او نحس انهم كذابيين نساعدهم في كذبهم بعدين في ناس اولى منهم ، فبصراحه اذا حبيت اتصدق في مؤسسات خيريه كثيره هم يوزعون على كيفهم اما اللي في الشوارع اغلبهم كذابين ، لدرجه اني شفت وحده اتطر وشفتها في مره ثانيه داخله البنك تشيك على وديعتها اللي ماتقل عن 60 الف ريال وهالسالفه من زمان يوم كانت ال 60 الف صج تسوي شغل ومن بعدها عرفت ان اغلبهم كذابين فمااعطيهم والمؤسسات الخيريه ماتقصر تتبرع حق دول فقيره كثيره

[.*TNT*.]

[CENTER]السلام عليكم ورحمة الله وبركاته
اختي الغزال العارضيه...


انا صادني نفس موقفج بالضبط!!!:eek5:

هالسالفه صارتلي من ثلاث سنوات تقريباً وهي كالاتي

كنت طالع من التاون سنتر اللي في بن عمران وهذا المكان كنت اروح العب فيه بليارد يوميا وتقريبا كل وقتي فيه المهم

في يوم من الايام تعرضتلي مره عيوز قالتلي ياولدي احنا كنا يايين من العمره عن طريق حمله قطريه واعيالي كانو يايين ياخدوني من قطر بس سار عليهم حادث فالسعوديه احنا محتاجين بس المبلغ اللي يوصلنا الامارات وروتني بطاقة شخصية بسرعة وكان ابهامها عالى الصوره

ما قدرت اقرى حتى الاسم وكانت معاها بنتها على كلامها وكان عمرها اقل من 18 سنه تقريبا وكانو الثنتين متنقبات

وما كان عندي هذاك اليوم فلوس في مخباي وكسرة خاطري طرت على طول على ATM واسحب اللي بقى من راتبي وخليتلي تقريبا 300 وكنا تقريبا اخر الشهر ويوم عطيتها الفلوس قالتلي ابي رقمك او عنوانك

قلت لها ليش؟؟

قالت عشان ارد لك الفلوس

بس انا مارضيت وهي احلفت واصرت وماراحت لين خذت رقمي على اساس ترد لفلوس

والله يعلم انه ما طاعت الا من خاطري ومافكرت انها ترجع لي


وهذي طرشت الودعاني
لين اليوم ماشفت هذي المره ولا شفت اي اتصال من هذاك اليوم


بس ما حسيت بالنصبه اللى متاخر

(لاني عشت القصه وتاثرت فيها بلحظتها وما فكرتوحسبتها عاطفياً)


ويا اختي هذي شكلها نفس المره اللي نصبت علي هذيك السنه ياليتني كنت في فيلاجيو يوم كانت هناك والله لفطر بسبتا


والله يعطيج العافيه على هالمشاركه
ويحفظنا ويياج واخوانا الاعضاء من النصابين اللي ما يطلعون الا في رمضان ولالاعياد

[سوق واقف]

وايد منهم هالأشكال حرامية وكذابين

[الغزال العارضية]

[CENTER]السلام عليكم ورحمة الله وبركاته
اختي الغزال العارضيه...


انا صادني نفس موقفج بالضبط!!!:eek5:

هالسالفه صارتلي من ثلاث سنوات تقريباً وهي كالاتي

كنت طالع من التاون سنتر اللي في بن عمران وهذا المكان كنت اروح العب فيه بليارد يوميا وتقريبا كل وقتي فيه المهم

في يوم من الايام تعرضتلي مره عيوز قالتلي ياولدي احنا كنا يايين من العمره عن طريق حمله قطريه واعيالي كانو يايين ياخدوني من قطر بس سار عليهم حادث فالسعوديه احنا محتاجين بس المبلغ اللي يوصلنا الامارات وروتني بطاقة شخصية بسرعة وكان ابهامها عالى الصوره

ما قدرت اقرى حتى الاسم وكانت معاها بنتها على كلامها وكان عمرها اقل من 18 سنه تقريبا وكانو الثنتين متنقبات

وما كان عندي هذاك اليوم فلوس في مخباي وكسرة خاطري طرت على طول على ATM واسحب اللي بقى من راتبي وخليتلي تقريبا 300 وكنا تقريبا اخر الشهر ويوم عطيتها الفلوس قالتلي ابي رقمك او عنوانك

قلت لها ليش؟؟

قالت عشان ارد لك الفلوس

بس انا مارضيت وهي احلفت واصرت وماراحت لين خذت رقمي على اساس ترد لفلوس

والله يعلم انه ما طاعت الا من خاطري ومافكرت انها ترجع لي


وهذي طرشت الودعاني
لين اليوم ماشفت هذي المره ولا شفت اي اتصال من هذاك اليوم


بس ما حسيت بالنصبه اللى متاخر

(لاني عشت القصه وتاثرت فيها بلحظتها وما فكرتوحسبتها عاطفياً)


ويا اختي هذي شكلها نفس المره اللي نصبت علي هذيك السنه ياليتني كنت في فيلاجيو يوم كانت هناك والله لفطر بسبتا


والله يعطيج العافيه على هالمشاركه
ويحفظنا ويياج واخوانا الاعضاء من النصابين اللي ما يطلعون الا في رمضان ولالاعياد


بس ما حسيت بالنصبه اللى متاخر

(لاني عشت القصه وتاثرت فيها بلحظتها وما فكرتوحسبتها عاطفياً)

ترى صدق الواحد في هالوقت يتاثر ومايفكر بان اللي جدامه يمكن كذاب




يعطيكم العافيه اخواني الاعضاء ولجميع من نوّر الصفحه :victory:

[auto body]

فية ارقام بالجريدة لمكافحة التسول بانواعة
مفروض كل واحد منا يخزنة بجواله لمحاربة التسول والقضاء عليهم

[الغزال العارضية]

ياليت لو تعرفهم تحطهم لنا تفيدنا

وجزاك الله خير

[فهد قطر]

ياجمااااعه الحالات هاااي في رمضان تكثر واللي يشوووف مثل هااي الحالات يقوم بتبليغ بجهات الاختصاص في الدوووله.
كثير من الناس يتسوولون بطريقه مخفيه كما مرة بها الحاله اللي في حياة بلازامع الاخت الغزال العارضيه وكان بامكان الاخت الغزال العارضيه تقول لها هناك سفارة دوووله الامارات وراح تساعدج ولا وش دور السفاره. وبعدين في الدوحه اداراه وهي ادراة مكافحة التسول تابعه لاداره البحث الجنائي واللي يشوف نفس ها الحالات يمكن له الاتصال عليهم عبر تلفون العمليات او الاتصال على الامن الوقائي اذا كانت الحاله في داخل المجمع.

والله يخلي حكوومتنا الرشيده اللي واقفه ضد هااي الحالات ووضعت لنا ادراة تختص في ماكافحة هااي الجرائم

[العـوا]

موضوع عادي جداا ممكن يحصل لاي واحد فينا

[Bo3oof_80]

عادي دليها على سفارتهم

[شويهينــه]

موضوع عادي جداا ممكن يحصل لاي واحد فينا

لا والله مو عادي

اذكر ان صادفنا نفس هالموقف وحنا بالحرم وكان يوم جمعه

وصلنا الحرم عالصلاه بالضبط مالحقنا ننزل في الفندق قام ابوي ونزلنا وهو راح يصف السياره على اساس انه نلتقي بعد الصلاه عند باب الملك فهد

والله خلصت الصلاه ومرت ساعتين وثلاث واذن العصر وصلينا العصر واحنا ماعندنا شي حتى تلفون مانزلناه كل اغراضنا في السياره واستحينا نطلب من الناس تلفون

اللي ابي اوصل له انه اللي مو متعود على الطلب والله لو شنو مايطلب من الناس يدبر نفسه باي طريقه الا انه يطلب من الناس

[الغزال العارضية]

ياجمااااعه الحالات هاااي في رمضان تكثر واللي يشوووف مثل هااي الحالات يقوم بتبليغ بجهات الاختصاص في الدوووله.
كثير من الناس يتسوولون بطريقه مخفيه كما مرة بها الحاله اللي في حياة بلازامع الاخت الغزال العارضيه وكان بامكان الاخت الغزال العارضيه تقول لها هناك سفارة دوووله الامارات وراح تساعدج ولا وش دور السفاره. وبعدين في الدوحه اداراه وهي ادراة مكافحة التسول تابعه لاداره البحث الجنائي واللي يشوف نفس ها الحالات يمكن له الاتصال عليهم عبر تلفون العمليات او الاتصال على الامن الوقائي اذا كانت الحاله في داخل المجمع.

والله يخلي حكوومتنا الرشيده اللي واقفه ضد هااي الحالات ووضعت لنا ادراة تختص في ماكافحة هااي الجرائم



تصدق عاد نسيت اسالها وين التذاكر
محد يحجز روحه اكيد روحه ورجعه

والله اقولكم في هالمواقف الواحد مايفكر في شي لانه ينذهل بالكلام اللي يسمعه ويتخيل
واوقات يصدق حتى لو ماكان الكلام يدش العقل

[الغزال العارضية]

موضوع عادي جداا ممكن يحصل لاي واحد فينا

صحيح انه ممكن يحصل لاي واحد فينا بس مو عادي وخطير على مجتمعاتنا

من الواجب اخذ الحيطه والحذر وتقديم النصيحه لتفادي مثل هذه المواقف

[الغزال العارضية]

لا والله مو عادي

اذكر ان صادفنا نفس هالموقف وحنا بالحرم وكان يوم جمعه

وصلنا الحرم عالصلاه بالضبط مالحقنا ننزل في الفندق قام ابوي ونزلنا وهو راح يصف السياره على اساس انه نلتقي بعد الصلاه عند باب الملك فهد

والله خلصت الصلاه ومرت ساعتين وثلاث واذن العصر وصلينا العصر واحنا ماعندنا شي حتى تلفون مانزلناه كل اغراضنا في السياره واستحينا نطلب من الناس تلفون

اللي ابي اوصل له انه اللي مو متعود على الطلب والله لو شنو مايطلب من الناس يدبر نفسه باي طريقه الا انه يطلب من الناس



صح كلامج اختي ياما ناس ماتوا من الجوع ولا انطقوا بكلمة او مدوا يدهم للناس

بس في اشكال بكل وقاحه يجبرونك على الدفع لهم

وعلى فكره هذه يوم امي عطتها قالت هذا المبلغ مايسوي شي لازم تزيدينه

عاد امي قالت لها ماعندنا فلوس جاين نشتري قرنقعوه بس :nice:

[ashraf00jo]

حبيت اشاركم بموضوع غريب حصل معي مرتين و مع زوجتي مره,
و انا نازل من سيارتي توقف جانبي سياره سعودية و فيها شاب يدعي انه ضيف على قطر و اضاع حافظة نقوده و لا يسطيع العوده للسعودية لعدم قدرته على شراء بنزين, فقمت باعطائه الي فيه النصيب, المره الثانيه امس في حياةبلازا سياره سعودية تانيه نفس الموقف و نفس الكلام.
زوجتي قالتلي انو صار معها برضو نفس الموقف
شسالفة؟ ايش الي قاعد يصير

[voodoo]

ظاهره طبيعية جدآ في شهر رمضان .

تعبنا واحنا نقول((((( بسبب انتشار ظاهرة التسول في البلاد قامت وزارة الداخلية متمثلة بإدارة البحث الجنائي( قسم مكافحة التسول) بفتح باب لتلقي شكاوي المواطنين والمقيمين لتقديم بلاغات ضد المتسولين على مدار الســ24ــاعة من خلال خطوط الهواتف المخصصة لتلقي البلاغات وهي (4823812-4714222-4714220) وعلى الفاكس (4714256)

(أتمنى من جميع الأعضاء أنهم يستفيدون من الأرقام لان الظاهرة تزيد بشكل ملحوظ ف شهر رمضان )

[واحد ثقة]

ذكرتيني أختي بسالفة صارت معاي في أحدى الدول الخليجية :)

كنت طالع من مجمع تجاري معروف هناك ، وأول ماركبت السيارة ولا واحد لازق في الباب ويطق الدريشة وشكله فقيرن مسكين :weeping:

فتحت النافذة وعطيته 50 ريال بدون ماسمع منه شي :shy:

أخذ الفلوس وتفحصها وقال :

راكب سيارة ( ... ) وتعطيني 50 ريال بس ؟

قام وحذف الـ 50 ريال علي وراح :eek5:

[The Blade]

السلام عليكم
والله ياجماعة الخير انا اخاف اذا جاتني وحده وقالت تبي فلوس غصبن عني وعن طوايفي بعطيها لان مره صارت حق واحد من الربع في ( مول الامارات ) جاته وحد قالت له انا محتاجه الخ... من الكلام المهم الرجال طقع ولا جنه يسمعها راح تنادي السكورتية وتقول لهم ان الرجال يتحرش فيها !!!

توهق والحمدلله طلع من السالفة ...عقب طلعت روووح :)

[الوعد2016]

كل شي جاااااااااااايز في طرق الطلب المال ولكن لو صار هذا الموقف لشخص وكان الموضوع حقيقي فراح نكذبه لان الكل يخترع كذبه جديده واسلوب جديد ولو تروح لسفارت دولتها راح يعطونهم المال لان سفارتهم مهتمه فيهم

[alkaabi]

ماشاء الله على الوالدة

تحقيق ولا الاف بي اي :nice:

وبخصوص هالاشكال تعودنا عليهم بصراحة

واختلط الحابل بالنابل

وماتدري اللي محتاج فعلا من اللي مب محتاج

والقصص اللي مثل هالنوع كثيرة

بس الواحد في النهاية مثل ماقلت دفعت بلا

والله يتقبل ان شاء الله

بس لانتساهل كثير في هالموضوع

[بتال]

ياجماعه اذا اعطيت وانا شاك انها نصب الله اللي عطا هالمسلمه ولاكن اشلون تكون من الناحيه الشرعيه او الدينيه

يعني هل له اجر على العمل هذا وهو عنده شك انه منصوب عليه ؟؟؟

[almulla]

كلللللهم نصابين بلا استثناء لو كانو صج محتاجين كانو بيروحون للجمعيات الخيرية

[_بوشهاب_]

عيني عينك والله وبحلفان بعد
والله يا اخوان انا استوت لي مواقف في الرياض لين حرمت البس غتره وعقال مادري من وين يطلعون واحد ورى الثاني بالدور ماصارت ويعطيكم العافيه عالموضوع

[زقرتي ومزاجي]

السلام عليكم ورحمة الله وبركاته


امسيكم بالخير اخواني وخواتي

انا توني جايه من حياة بلازا وصار لي موقف غريب يمكن صادف احد منكم

لكن الشي مايدخل العقل بس الناس رمضان وودها فعل الخير



كنا رايحين انا والوالده المخازن تونا بندخل الا وحده تشوفنا من فوق لين تحت

انا انسانه لازم اعلق وماحب اسكت قلت لها شفيج تطالعين :omen2:

جاتني وسلمت ومدت يدها علي وعلى امي

وقالت قصتها :weeping::weeping:


اول شي ماعرفنا شتبي لكن من دشت غزير فالموضوع يمكن الياهل مايصدقها


تقول انها مب قطريه وجايه من الامارات عشان تزور ولد عمها في قطر ومعاها
7 حريم وولد صغير
وامها كانت كاتبه عنوان ولد عمها في ورقه وحاطه الورقه فالشنطه وفيها طبعا الفلوس

فـ يوم دخلت تتوضى طلعت مالقت شي في شنطتها يعني احد باقها وكل شي فيها حتى الجوازات والفلوس والعنوان وانهم قدموا بلاغ

امي قالت لها مستحيل احد يبوقج وانتي في قطر :victory:

المهم

المرة طلبت من امي ان تساعدها وقالت اذا رجعت الامارات بترجع لها المبلغ

سألتها امي شسم ولد عمج احنا بنساعدج وبنطلع رقمه ...
قالت انه مب قطري وانه اماراتي

قالت لها امي انزين ماتدرون وين ساكن؟
قالت لو ندري ماتلتهنا كان عرفنا وين

سالتها امي عيل ليش جاين حياة بلازا ؟
قالت لانه ساكن في منطقه قريبه ومأجر شقه

فقالت لها الوالده يعني تعرفين وين ساكن انزين ليش ماجاكم واستقبلكم؟
قالت المرة هو مايدري ان جاين اليوم

قالت لها امي والمطلوب تبون تجون بيتنا تستريحون ؟
قالت لها المره لا والله كلمنا باص النقل الجماعي وبنروح الامارات بعد ساعه ونص بس ناقصتنا فلوس


قالت لها امي توج تقولين ماعندج فلوس والجوازات انباقت شلون بتروحون ؟
اسكتت المرة وصار وجهها احمر وغطت وجها وعقب قالت لا الجوازات كانت عندي
ولقينا في بنطلون الولد الصغير الف وشي
ناقصنا بس ثمن 3 اشخاص يعني 750 ريال
عطيني اياهم واذا تبين ضمان بعطيج جوازي وخليه عندج واذا رحت هناك برد لج المبلغ كامل

قالت لها امي شلون تعطيني جوازج وانتي بتسافرين :rolleyes2:
وشدعوه انتو الكبار ماعندكم ولا ريال والولد في جيبه الف وزود !! :rolleyes2:

الصراحه امي ماكانت تبي تطول معاها كلام وبدت تحس انها كذابه مع انها تحلف والناس صايمه

فعطتها اللي كتبه ربي ومشت عنها

وتقول انا ادري انها عياره بس دافع بلا ماجاها :secret:



ابي تعليكم ع الموضوع وهل تعتقدون انها صادقه ؟؟

واذا صادفكم نفس الموقف ايش ردة فعلكم ؟؟


:)



نموذج سيء من الظواهر الرمضانيه
للأسف


؟؟

:(
:(

[BoFahed]

سبحان الله صار لفريجي نفس الموقف ونفس القصة بالضبط في سيتي سنتر مسقط 3 بنات كاشخات حدهم وقالوا احنا من الامارات وباقوا فلوسنا بس رفيجي العماني جاب لهم العيد قالهم انتوا اهلنا وضيوفنا وما يصير لا زم ناخذ حقكم ما يصير ما عرفتكم بنفسي؟ انا فلا ن الفلاني نقيب في الامن الداخلي :omg::omg: بس ابيكم شوي نروح المركز ناخذ منكم معلومات وبنسكنكم في احسن فندق على حساب الحكومة لين ما تنحل المشكلة ونصيد هالحرامية اللي وسخواالبلد .

اقولك شوي وبيغمي عليهم رقعوا السالفة قالوا خلا ص ما نبي مشاكل احنا بنات ناس وما نبي ندش مراكز شرطة الله يسامحهم خلاص احنا بنحل الموضوع بنتصل باهلنا .

[THE PILOT]

لا أختي أكبر غلط أنك تعطينهم فلوس ,لأن هدفهم مادي (يدورون الفلوس) ماهمهم الفشيله ولا همهم صدقتيهم ولا لاء , بس يبون يبتزون العالم ,الحل الوحيد معاهم أنه تتصدون لهم وما تعطونهم .....رمضان اللي طاف أمسكوا وحده عربية مع زوجها اللي كان يوصلها عشان تتصيد للشباب ..كان عندها 170 الف ريال وقت القبض عليها تقدرون تتخيلون المبالغ اللي تم تحويها.

[Level]

نفس المشكله تقريباً مع تغيير في بعض الشخصيات في الامارات وقطر مصادفني الموقف اكثر من مره

[سلمان]

ورانا جمعية قطر الخيرية كنت بقولها روحي خليه يساعدج

بس والله يوم خلتنا وراحت تتلفت تدوور هالقطر
لان المكان مليان مقيمين ماراحت لهم





لأنها تدري أن المقيمين بيعطونها الأذن الصمخه

[مرحوم قطر]

هذولا حراميه كان بلغتي عنها


انا اول جمعه في رمضان

رحت صليت الجمعه و عينت خير

و طلعت الا الشباب واقفين بره وقفت معاهم و سلام و كذا

و يطلع المطوع يقول يالربع تبروعوا جزاكم الله خير

و الله يتقبل صالح الاعمال

وانا طالع جاني واحد لابس ثوب نظيف مرتب

عارض كثيف بس محدد

اسمراني لابس غتره بيضه بدون عقال

سلم علي و عليكم السلام

قالي معاك اخوك مدري وش اسمه

قلت له اهلاً و سهلاً

قالي انا عربي من فارس و انتي يعرف حكومه مال ايران شيعه

وهما يكرهون سنه و انا يجي داخل قطر منشان حكومه مال ايران يبي يعدمني

لان انا سني و انا داخل فارس يحارب مشان سنه و انا مناضل

و هكومه مال شيعه مايخلي اعلام يدخل داخل بلادنه منشان مايصور المجازر (ركزوا على منشان)

قلت له انزين و بعدين

قالي فا الله يخليك اي مساعه عشان اقدر اعيش وانشالله تهسل اجر عند الله

قلت له ماتدري ان ذي مسجد شيعه خخخخخخخخخخخخخخخخخخخخخخخ

قال لا هذا سنه قلت له لا حنى شيعه

تغيرت ملامح ويها

وبس والله قبظت له قلت له هذا مسجد سنه وانا سني

شتبيني اسوي فيك الحين

الا ابوي طالع قالي شفيه قلت له كذا كذا قالي خله يولي وين تلعوز نفسك هلحزه وانت صايم


خليته بعد ما حلفه ابوي انه مايسوي شي اقول حق ابوي قالوا للحرامي احلف قال جاك الفرج

قالي لا بيصدق لانه صايم خخخخخخخخخخخ