هذا القانون الذي يسمح لهيئة الطيران المدني برفع اسعار التذاكر ؟

[mubarak2000]

مادة ( ١٠٤ - بند ١
١- تعاقب بالغرامة التي لا تزيد على "
خمسين ألف ريال كل شركة أو منشأة
نقل جوي، تعلن عن أو تحصل على
أسعار أو أجور تخالف أسعار أو أجور النقل
الجوي المعتمدة، وتضاعف الغرامة في
حالة العود مع جواز سحب الترخيص
الممنوح له".
:( مادة


ياجماعة هذا القانون يمكن هيئة الطيران المدني من منع جميع شركات الطيران ومكاتب السفر في قطر من تخفيض الاسعار ومنافسة القطرية , الحين لا احد ايحط اللوم على القطرية وانما هيئة الطيران المدني اهي المسؤولة , وهذا القانون الذي صدر من يومين ايساهم في الاحتكار , وهذا الشي مو غريب على قطر اهي الدولة الوحيدة الي فيها قطاع الطيران محتكر , والحكومة بدل مااتساعد شركات الطيران المنافسة وتخفيض الاسعار , لا الا باالعكس اتطلع قوانين تمنع الشركات الخليجية من تخفيض الاسعار , ليش ماتسمح باالمنافسة ليييييييييييييييييييييييييييييييييييييييييييييش ؟ايش المشكلة

[عكاس]

المشكلة ان الشركة مالت ولدنا ونبيه يستفيد

[فلان]

المشكلة ان الشركة مالت ولدنا ونبيه يستفيد

ههههههههههه يا عيني عليك صج خير الكلام ما قل و دل ....... وكلامك :nice:

[Fahad Alqahtani]

القطرية فرصتها الحين انها تنافس او بالاحرى تحتكر النقل الجوي في قطر قبل افتتاح المطار الجديد لان معظم الشركات العالمية ترفض طلباتها بفتح خط للدوحة بسبب صغر المطار او عدم وجود مواقف طيارات كافية
ويمكن يكون هذا سبب من اسباب تاخير افتتاح المطار الجديد عشان القطرية تاخذ راحتها

[mubarak2000]

المشكلة ان الشركة مالت ولدنا ونبيه يستفيد

انزين ولدنا عطناه ادارة المطار عطوها تموين الطائرات ,عطوها الاسواق الحرة , عطوها الباركنج في المطار , وخسرانة القطرية , بدأت الناس اتسافر على شركات منافسة , قاموا انعوا الشركات من المنافسة علشان ولدنا .

[mubarak2000]

القطرية فرصتها الحين انها تنافس او بالاحرى تحتكر النقل الجوي في قطر قبل افتتاح المطار الجديد لان معظم الشركات العالمية ترفض طلباتها بفتح خط للدوحة بسبب صغر المطار او عدم وجود مواقف طيارات كافية
ويمكن يكون هذا سبب من اسباب تاخير افتتاح المطار الجديد عشان القطرية تاخذ راحتها

هذا الكلام صحيح 100% لكن على الاقل حاليا ليش تمنع الاماراتية والاتحاد والخليج وغيرة من تقديم عروض وتخفضيات .اذا القطرية خسرانة وفاشلة احنا مش مسؤولين عن خساراتها .

[عكاس]

انزين ولدنا عطناه ادارة المطار عطوها تموين الطائرات ,عطوها الاسواق الحرة , عطوها الباركنج في المطار , وخسرانة القطرية , بدأت الناس اتسافر على شركات منافسة , قاموا انعوا الشركات من المنافسة علشان ولدنا .

اي يمنعونهم من المنافسة كله علشان خاطر عيون ولدنا مايخسر
مو العالم قالوا لايجوز تزاوج السلطه والمال بس هاللي ذابحنا اغلب الوزرا لهم شركات خاصه وبزنس بالاضافه لعملهم الحكومي‘ يعني بالله شفت وزير بيطلع قرار يخرب بيته؟

[عكاس]

صار لنا فتره عمرنا ماشفنا قرار طلع لمصلحة المواطن ‘ كل القرارات اللي تطلع لمصلحة فئة محدده من التجار اللي هم في نفس الوقت يا اعضاء مجلس شورى او اعضاء مجلس وزراء واشغال ومشاريعها اكبر دليل بجانب القطرية‘ شوف الموافقات اللي تطلع على المشاريع الجديده وشوف الشركات اللي تنفذها ومن اصحاب هالشركات بتلاقي اسامي تتكرر وسلم لي على لجنة مكافحة الفساد‘ وايد عليهم يطبون على محلات السنبوسه اللي تخالف

[sad-o-bas]

صار لنا فتره عمرنا ماشفنا قرار طلع لمصلحة المواطن ‘ كل القرارات اللي تطلع لمصلحة فئة محدده من التجار اللي هم في نفس الوقت يا اعضاء مجلس شورى او اعضاء مجلس وزراء واشغال ومشاريعها اكبر دليل بجانب القطرية‘ شوف الموافقات اللي تطلع على المشاريع الجديده وشوف الشركات اللي تنفذها ومن اصحاب هالشركات بتلاقي اسامي تتكرر وسلم لي على لجنة مكافحة الفساد‘ وايد عليهم يطبون على محلات السنبوسه اللي تخالف

والله انك جبتها على الجرح.. صادق والله في كل كلمة قلتها اخوي عكاس..

[ابـو مــحــــمـــــد]

جعل من جابك الجنه يا عكاس

[عكاس]

جعل من جابك الجنه يا عكاس

امين ‘ ومن قال يابو محمد

[mubarak2000]

اي يمنعونهم من المنافسة كله علشان خاطر عيون ولدنا مايخسر
مو العالم قالوا لايجوز تزاوج السلطه والمال بس هاللي ذابحنا اغلب الوزرا لهم شركات خاصه وبزنس بالاضافه لعملهم الحكومي‘ يعني بالله شفت وزير بيطلع قرار يخرب بيته؟

انزين كلامك صحيح لكن ليش ولدنا يطلع في الجرايد وايقول انة بيقضي على التضخم وانة ايشجع على المنافسة والاقتصاد الحر, وانةيبي ايصير نفس ادبي , ادبي فاتحة حق جميع الشركات, يوم قامت الشركات اتنافس الاماراتية , وسألوا المكتوم انت ليش فاتح السوق حق الاولي والتالي والاماراتية بتخسر , قال الاماراتية اذا مااربحت في السوق المفتوح خلها اتصكر احسن لها ولدبي لانة في النهاية انا ايهمني اقتصاد دبي مو شركة , ادبي وين والربع وين .وولدنا مالقة بزنسنس الا الطيران انتوهق فية احنا.

[عكاس]

انزين كلامك صحيح لكن ليش ولدنا يطلع في الجرايد وايقول انة بيقضي على التضخم وانة ايشجع على المنافسة والاقتصاد الحر, وانةيبي ايصير نفس ادبي , ادبي فاتحة حق جميع الشركات, يوم قامت الشركات اتنافس الاماراتية , وسألوا المكتوم انت ليش فاتح السوق حق الاولي والتالي والاماراتية بتخسر , قال الاماراتية اذا مااربحت في السوق المفتوح خلها اتصكر احسن لها ولدبي لانة في النهاية انا ايهمني اقتصاد دبي مو شركة , ادبي وين والربع وين .وولدنا مالقة بزنسنس الا الطيران انتوهق فية احنا.
اي طيران الله ايسلمك انا اتكلم عن كذا واحد من اعيالنا ‘ كل واحد في قطاع معين اللي في الاسمنت واللي في الطيران واللي بتاع كله‘ مانقدر نخليهم يخسرون وبعدهم هم مب مفتكرين في المواطن اهم شي ولدنا يستفيد وعلشان كذي معظم القوانين يفصلونها للعيال

[mubarak2000]

اي طيران الله ايسلمك انا اتكلم عن كذا واحد من اعيالنا ‘ كل واحد في قطاع معين اللي في الاسمنت واللي في الطيران واللي بتاع كله‘ مانقدر نخليهم يخسرون وبعدهم هم مب مفتكرين في المواطن اهم شي ولدنا يستفيد وعلشان كذي معظم القوانين يفصلونها للعيال

والعيال ماايعرفون ايتاجرون الا في ماجلات محتكرة لهم .واللة مشكلة .والشعب تعبان

[عكاس]

والعيال ماايعرفون ايتاجرون الا في ماجلات محتكرة لهم .واللة مشكلة .والشعب تعبان

اصلا لو هالمجالات مب محتكره لعيالنا مراح يعرفون يتاجرون وبيدقون بريك :nice: