ابي رايكم بس

[vimto]

السلام عليكم

كيف حالكم

امممم ابي رايكم في شي صارلي قبل سنه في قطر

الموضوع بسيط

كنت جاي قطر اتمشى واشوف ربعي قبل العيد بليله او لليتين

يوم برجع قبل صلاة الفجر وانا في الطريق

طلعة علي شاحنه من الطريق الجانبي الى الطريق الايسر وكان خيار يا في الخراسانه

او في الشاحنه

الي صار الشاحنه اخذت الجانب الايمن من السياره والحمد الله ما صار لي شي

بس السياره راح الجنب الايمن

سجلة رقم الوحه حق الشاحنه وهو راح ولا كأنه مسوي شي

(الظاهر داعم نمله ما حس فيها )

اتصلة على المرور بلغتهم قالي ما في اصابات قلت له لا قالي اوكي بنحولك على المحقق مال امكينس

كلمته قالي المحقق يصلي اتصل بعد 10 دقايق او عطنى رقمك رقمي مب قطري فا اني الي التصلت

كلمته قالي سيارتك تمشي قلت له ايه قالي تعال

رحت له قالي ما نقدر نجيب الشخص العربه رقمها غير الراس مال الشاحنه
(يقولي كان خذيت رقم راس التريله )

تميت انطر شخص يجيب لي طابع من الوكره او الوكير ما اذكر بضبط

وتميت نص ساعه ما جى في الاخير شار علي واحد وقالي روح انت

( طبعاً معاملة المحقق لا يعلى عليها كان بيجيب لي شاي في نهار رمضان من حسن المعامله)

رحت الوكره او الوكير

وخذيت الطابع وعطوني ورقه اني ارجع بعد العيد واني اقدر اطلع بسياره

وخذى الرقم شيك قالي السياره تتبع حق شركة الشيخ ؟؟؟؟؟


المهم رجعة بعد العيد

دخلة على الضابط قالي ما نقدر نجيب صحب السياره

السبب الانه قالي التيدر غير الراس

قلت له والحل

قالي ما في حل أسفين

قلت له جزاك الله خير

مع السلامه

ورجعة الى بلدي وصلحت السياره على احسابي وخلاص


بس ما ادري يعني الي صار شي طبيعي ولا هاذا الوضع معكم في الحوادث ولا شنو


بس تعلمت درس وستفيدو منه

(انك لازم تعرف رقم ميلاد السايق عشان تقدر تطالب بحقك )


ويعطيكم العافيه ومشكورين

[ســـهم]

لا طبعا الأمر غير طبيعي

الحل انك تروح تطلب مقابلة الوزير شخصيا وتشرح له الوضع

لو هذه الشاحنه مطلوبه لهم كان بالأمكان يطلعون السائق من تحت الرمل وبرقم التواير بعد

يعني فرضا دعمي وسيارتي ماتمشي وصاحب الشاحنه راح

اقعد الحقه مشي !!!

طالب بحقك يقدرون يعرفون من رقم التيذر رقم الراس حتى لو استخدمه عدة أشخاص ..

[فارس الكلمة]

الحمد لله على السلامة .. و اهلا بك في قطر ..

أولاً ..كان بإمكانك اللحاق بالتريلا و ايقافها .. ثم تتصل بالمرور .. أو تأخذ الرقم .

ثانيا مكينس .. بعيدة عن الوكير او الوكرة .. فما أدري فائدة هذا الطابع .. إلا لتصليح السيارة ..

[vimto]

ادري اخوي

بس انا رحت الى المركز ودخلة على الضابط وكلمته

والنتيجى نفس الشي

الي فادني فيه بس قالي السياره تتبع شركة الشيخ الفلاني ورقمه موجود ما نقدر ندق عليه او شي كذه

وانا كنت برجع بلادي يعني ما راح اتم شهر او شهرين عشان اتم اطارد وراهم كل يوم

ومثل ما قلت لك المحقق ما كلف على عمره انه يجي موقع الحادث

يعني وش اسوي اتم الى متى عشان اخذ حقي

بس جد جد ذاك اليوم رفعو ضغطي

ما نقول الى الحمد الله على كل حال

[professonal]

اخي العزيز صح انه الراس يحمل ملكية منفرده والمقطورة تحمل ملكية منفرده بس هذا مايعني انهم مايعرفون صاحب المقطورة لانه المقطورة مسجله بالمرور حالها حال اي مركبة اخرى يمكن استخراج معلومات صاحبها في ثواني وهذا مؤكد لدي

[vimto]

الحمد لله على السلامة .. و اهلا بك في قطر ..

أولاً ..كان بإمكانك اللحاق بالتريلا و ايقافها .. ثم تتصل بالمرور .. أو تأخذ الرقم .

ثانيا مكينس .. بعيدة عن الوكير او الوكرة .. فما أدري فائدة هذا الطابع .. إلا لتصليح السيارة ..




الله يسلمك

بس يوم صدمني كان الضربه قويه وانا وقفت ما ادري انه بيشرد

وانا قلت دام خذيت رقمه خلاص راح يجيبونه

ما دريت انه لازم اخذ رقم هويته عشان يجيبون


ومكينس بعيده قريبه هاذي هاذا الي صار رجعة من عند تقريبن اقريب الجمارك الى امكينس الى الوكره او الوكير

هاذ الي صار

[vimto]

اخي العزيز صح انه الراس يحمل ملكية منفرده والمقطورة تحمل ملكية منفرده بس هذا مايعني انهم مايعرفون صاحب المقطورة لانه المقطورة مسجله بالمرور حالها حال اي مركبة اخرى يمكن استخراج معلومات صاحبها في ثواني وهذا مؤكد لدي


هاذا الي مستقرب منه

[professonal]

احسن حل ادخل على مدير المرور واشرح له القصه بس انت اتقول من سنه يمكن المركبة تغير مالكها قد تكون انباعت

[شويهينــه]

الحمدلله على سلامتك

بس شدخل الشيخ صاحب الشركه بالموضوع

اذا في اي مخالفه على التريلات مايجيبون راعي الشركه بيجيبون المسؤول في الشركه

اعتقد ياخوي انهم كانوا بيصرفونك يعني انسى الموضوع والمهم انها جات في الحديد وماجات فيك

[vimto]

احسن حل ادخل على مدير المرور واشرح له القصه بس انت اتقول من سنه يمكن المركبة تغير مالكها قد تكون انباعت



صح كلامك اخوي قبل سنه

بس في ذاك الوقت رحت القسم ودخلة على الضابط وهاذا الي طلع منه

وانا ما اعرف الانظمه معكم

واذا الضابط ومدير القسم يقولون لي ما نقدر نجيبه او ما نعرفه وش اسوي

حق منو اروح

وما اعتقد انهم بيخلوني اقابل الوزير



بس ليه هاذي المعامله من المحقق

وليه دام يقدرون يجيبون المركبه ليه ما يجيبونها

او هم عارفين اني ما راح اطارد ورهم قالو صرفوه لا يشغلنه

[vimto]

الحمدلله على سلامتك

بس شدخل الشيخ صاحب الشركه بالموضوع

اذا في اي مخالفه على التريلات مايجيبون راعي الشركه بيجيبون المسؤول في الشركه

اعتقد ياخوي انهم كانوا بيصرفونك يعني انسى الموضوع والمهم انها جات في الحديد وماجات فيك



الله يسلمك

صح كلامك ما له دخل الشيخ بس يوم هم يعني الان على احساب بيساعدوني

قالو لي الشاحنه مسجله بأسم شركة الشيخ الفلاني وكان التواصل مع الشركه رقمه

او رقم مكتبه


ومثل ما قلت تصريفه

( بس عطوني انطباع سيئ عن المرور القطري ) صح

[غناتي1]

اولا 00 الحمدلله على سلامتك

ثانيا00 خاطري ادرسك عن الفرق بين

التاء المفتوحه والتاء المقفولة

[vimto]

اولا 00 الحمدلله على سلامتك

ثانيا00 خاطري ادرسك عن الفرق بين

التاء المفتوحه والتاء المقفولة

الله يسلمك اختي

ايه ما في مشكله علميني انا الاملاء عندي ضعيفه مره

العتب على الدراسه

زين عرفة او عرفت اكتب واقراء

منكم نستفيد اختي


ومشكوره

[فلفل حار]

الله حفظك وسلمك ياخوي والحمدلله علي سلامتك

وبصراحه لاتعليق علي الي صار ، لاني مريت بموقف مشابهه وخذت حقي من بلعومهم ، هذا وانا مواطن !

المفروض انت كـ خليجي تكون معاملتهم لك افضل ، لكن الوااااااااو فوق القانون ، للأسف

الله يعطيك الصحه والعافيه ياخووي

[اكسجين]

( بس عطوني انطباع سيئ عن المرور القطري ) صح



ها ....... وين.؟؟؟؟ الشباب اهل وزارة الداخلية.... نبي رايكم :omen2:

الله لايهينكم.

[vimto]

الله حفظك وسلمك ياخوي والحمدلله علي سلامتك

وبصراحه لاتعليق علي الي صار ، لاني مريت بموقف مشابهه وخذت حقي من بلعومهم ، هذا وانا مواطن !

المفروض انت كـ خليجي تكون معاملتهم لك افضل ، لكن الوااااااااو فوق القانون ، للأسف

الله يعطيك الصحه والعافيه ياخووي



الله يسلمك اخوي


المشكله ما عندي الوووااااوو الى مع الله

والحمد الله

[vimto]

ها ....... وين.؟؟؟؟ الشباب اهل وزارة الداخلية.... نبي رايكم :omen2:

الله لايهينكم.



اي اخوي اكيد راح يعطيني انطباع مثل كذه ولا وش رايك

ويعطيك العافيه

[agase]

صراحه موضوووووع جدااا جداااا غريب
اول شي صاير من سنه
ثاني شي مدري شمدخل الوكره في السالفه
ثالث شي بعد هالمده صمت شلي خلاك تحجى الحين
رابع شي ماعتقد في الداخليه ضابط يقول مايقدر اذا مايقدر هو يحولك للي يقدر
خامس شي بلغنا من التطور في وزاره الداخليه شي خيالي مو يطلع رقم سياره
يطلع لك هل الشخص الي كاتب الموضوع
وين عايشين حاط لنا موضوع مايدش الخيال ...اقولك شي ماعندك موضوع ثاني
بس يكون قريب من يوم يومين موووووو سنه اخوي
واخيرا اقولك الحمدلله على سلامتك واهم شي راسك سالم والحديد يتصلح
وعلى فكره مو من وزاره الداخليه انا موظف مدني يعني مالي شغل بس اقول الي اعرفه:telephone:

[vimto]

صراحه موضوووووع جدااا جداااا غريب
اول شي صاير من سنه
ثاني شي مدري شمدخل الوكره في السالفه
ثالث شي بعد هالمده صمت شلي خلاك تحجى الحين
رابع شي ماعتقد في الداخليه ضابط يقول مايقدر اذا مايقدر هو يحولك للي يقدر
خامس شي بلغنا من التطور في وزاره الداخليه شي خيالي مو يطلع رقم سياره
يطلع لك هل الشخص الي كاتب الموضوع
وين عايشين حاط لنا موضوع مايدش الخيال ...اقولك شي ماعندك موضوع ثاني
بس يكون قريب من يوم يومين موووووو سنه اخوي
واخيرا اقولك الحمدلله على سلامتك واهم شي راسك سالم والحديد يتصلح
وعلى فكره مو من وزاره الداخليه انا موظف مدني يعني مالي شغل بس اقول الي اعرفه:telephone:


هلااابك

انا قلت ابي رايكم

والوكره المركز الي رسلوني عليه بدل ما انطر حد يتحنن علي ويجيب لي الطابع

و يا خوي هاذا الي صار لا تبليت على حد ولا حد تبلى علي

واذا ما يدخل في خيالك ترى صار لي

واذا صدقت خير واذا ما صدقت الله يستر عليك


ولا تخاف اذا صار لي موضوع ثاني راح اقولك

وياريت تحط رقمك عشان اذا حد صارة له مشكله في نفس الوقت يدق عليك ويقولك

عشان تشوف خيال ولا واقع

وشكراً لك