ممكن مساعده .. وكالة البورش

[Um Sultan]

السلام عليكم ورحمة الله وبركاته

اخواني بغيت اعرف وكالة البورش اللي بالصناعيه اي صوب ؟؟

لان ابي اودي سيارتي وماعرف اي صوب هي ؟؟

وهل يطرشون حد يقلص لي السياره اذا ماعندي حد يوديها ؟؟

ولكم كل الشكر ..

[وطن]

اختي بخصوص سحب السيارة اتصلي سأليهم

لان اللي أخبره يسحبونها بفلوس مو ببلاش

وبخصوص مكان الوكالة للأسف ما أقدر أفيدج

[Um Sultan]

مب مشكله عندي الدفع راح ادفع

بس ياخذونها ويردونها لي ..

وبالنسبه اني اتصل اسال محد يرد ..

[شقردي]

اعتقد وكالة البورش عندهم سطحه على طول تبع الوكاله دقي عليهم او شوفي يمكن تحصلين كرت بالسياره في كتاب التعليمات او مثل ماقالت الاخت دقي عليهم واساليهم

[وطن]

اختي اتصلي الصبح بدري يعني حول 8-9

وعادة في السيارات يكون في رقم محطوط على الباب من داخل

هذا رقم البريك داون

وبخصوص انهم يردونها لج
ماعندي فكرة

[رآعي موآجيب]

خلف الفحص الفني أختي ام سلطان

وعندهم سطحه ,, بس كلميهم وعطيهم العنوان

بس نصيحتي لج كلمي فرع سلوى { المعرض } أو سلميهم السياره وهم يتكفلون فيها ولين خلصت تستلمين الموتر من المعرض وتحاسبينهم هناك إذا فيه حساب

وفكي عمرج من الصناعيه وزحمتها وعوار الراس


بالتوفيق

[HEART_LION]

نفس كلام اخونا نمر قطر كفا ووفا وديها المعرض اريح لج

واذا بغيتي رقم الورشه 4502911

[فــلان]

كفوا و وفوا الشباب الورشه خلف الفحص الفني وتحديدا ً في شارع 27 وسلامات إن شاءالله.

[Um Sultan]

انا كلمت الوكاله قالوا لي مايصير تحطينها عندنا ونوديها لج

انا مشكلتي ان سيارتي انشمخت بسبة الحواجز اللي ورى الستي

الشمخ خفيف وايد بس من جهه صار فيه مثل خفسه قد بصمة الابهام

اليوم كلمتهم قالوا لي جيبيها المعرض نشوفها وعقب نقولج شتسوين

او خليها مع التشيكه الاولى للسياره ونسويلج كل شي فيها ونعدلها

عين ماصلت على النبي السياره توها مكلمه اسبوع :(

[وطن]

نصيحتي لج لا تسوينها
خليها بالشمخ
تبعد عنها العين

ترى كلنا مو مترقعين من العيون

:(

[رآعي موآجيب]

انا كلمت الوكاله قالوا لي مايصير تحطينها عندنا ونوديها لج



ما عليج منهم

ودي السياره لهم وهم بيودونها

انا كان عندي كيان وكنت اسلم الموتر عندهم واروح وهم يودون الموتر بمعرفتهم

بس إذا كلمتيهم اكيد بيقولون لا ,, ما يبون العنوه

ولا أتصلي عليهم وأطلبي مديرهم أسمه اذا ما خانتني الذاكره عبدالرزاق ( بحريني )

وقوليله موضوعج وماراح يقصر وياج

[على نياته]

فعلا ما يحتاج سمكرة وصبغ ويمكن شغلهم الله بالخير ويصبغون مكان عود اكثر من اللازم

سلامات ,,,,

[cayenne s]

شيكى الملف اختى

[MESO]

نصيحتي لج لا تسوينها
خليها بالشمخ
تبعد عنها العين

ترى كلنا مو مترقعين من العيون

:(

اما في هذي صدقتى محد مترقع من العين :weeping: اول امس داعمنى بزر علا ستاندر صوب الهلال صج حادث بايخ الناس واقفين فالاشاره وهو جاي مسرع زين السياره المانيه ولا كان خبطت الي قدامي بعد :weeping:

الكل يقولي موترك تفجير بالمخفي الكامل لين انخبطت :(

[وطن]

اما في هذي صدقتى محد مترقع من العين :weeping: اول امس داعمنى بزر علا ستاندر صوب الهلال صج حادث بايخ الناس واقفين فالاشاره وهو جاي مسرع زين السياره المانيه ولا كان خبطت الي قدامي بعد :weeping:

الكل يقولي موترك تفجير بالمخفي الكامل لين انخبطت :(

أنا بعد أمس واحد داعمني


الحمدلله جات في المرايا اللي ع الجنب بس :weeping:

ماشيه في خطي وهو واقف و فجأة ينقز من مكانه ويلف علي

crazy