المساعد الشخصي الرقمي

مشاهدة النسخة كاملة : من عنده خلفية عن الدوده الزايدة..؟!!!


هتـان قطر
16-09-2008, 09:07 AM
الدودة الزايدة او مثل ماهو معروف طبيا الزائدة الدودية..

ماهي اعراضها..؟

هل يصاحبها حرارة..؟

هل تضرب فجأة والا تستمر مع اخذ المهدئات..؟

كيف نعرف الحالة المصابة..؟

وهل يكتشفها الطبيب بواسطة تحليل الدم فقط ..؟

وسلامتكم..
ضوى
16-09-2008, 09:14 AM
الدودة الزايدة او مثل ماهو معروف طبيا الزائدة الدودية..

ماهي اعراضها..؟

هل يصاحبها حرارة..؟

هل تضرب فجأة والا تستمر مع اخذ المهدئات..؟

كيف نعرف الحالة المصابة..؟

وهل يكتشفها الطبيب بواسطة تحليل الدم فقط ..؟

وسلامتكم..

اسم الله عليج وعلى من يعز عليج

شوفي يا هتان انا سويت الزايدة من 16 سنة من اعراضها الم فظيع بمكان وجودها مع ترجيع الله يعزج صخونة لا مافي بس الم الم وما يروح بالمهدئات ابدا يعني الفولترين يخفف كل شئ الا المها مايروح والله الله لا يكتب هالالم لاحد يارب والصراحة تطلع فجاة اذا التهبت التهاب شديد ، تحليل الدم ممكن يكشفها ان شاء الله

اتمنى اني افدتج يالغالية
سهم المراقيب
16-09-2008, 09:18 AM
الدودة الزايدة او مثل ماهو معروف طبيا الزائدة الدودية..

ماهي اعراضها..؟


ألم شديد في الجهه اليمنى من البطن (صوب الخصر) ,,



هل يصاحبها حرارة..؟

لا



هل تضرب فجأة والا تستمر مع اخذ المهدئات..؟


غالباً تكون فجأه ,,




كيف نعرف الحالة المصابة..؟

وهل يكتشفها الطبيب بواسطة تحليل الدم فقط ..؟


تحليل دم وبول (أعزكم الله) ,,

جربوا هذه الطريقه: اضغطوا باليد مكان الألم بشكل عمودي (المفروض يروح او يخف الألم) ... وشلوها مره وحده .... اذا رجع الألم فالحاله هي التهاب الدوده الزائده ,,

==============

انا مش طبيب لكن كانت لي معاناه مع الدوده الزايده سنة 96 ,,
هتـان قطر
16-09-2008, 09:22 AM
اسم الله عليج وعلى من يعز عليج

شوفي يا هتان انا سويت الزايدة من 16 سنة من اعراضها الم فظيع بمكان وجودها مع ترجيع الله يعزج صخونة لا مافي بس الم الم وما يروح بالمهدئات ابدا يعني الفولترين يخفف كل شئ الا المها مايروح والله الله لا يكتب هالالم لاحد يارب والصراحة تطلع فجاة اذا التهبت التهاب شديد ، تحليل الدم ممكن يكشفها ان شاء الله

اتمنى اني افدتج يالغالية



جزاك الله خير ضوى والحمد لله على سلامتك مع انها من 16 سنه :)

ولدي يشتكي من الم في بطنه من يومين وحرارة خفيفه ورجع مرة وحده

اخذوا منه الطوارئ تحليل دم وما قالوا له شي وعطوه مهدئات..بس قالوا

اذا زاد الالم ارجع لنا..وانا خايفه انها تكون الدودة الزايده وما اكتشفوها..
Gold Boy
16-09-2008, 09:22 AM
أعراض التهاب الزائدة الدودية:

1. ألم حاد في البطن ينتقل من زر البطن إلى الجانب الأيمن السفلي.

2. عدم إمكانية المشي، أو الأكل أو رفع الظهر بشكل مستقيم.

3. الشعور بالحاجة الشديدة للتقيؤ.
ضوى
16-09-2008, 09:25 AM
جزاك الله خير ضوى والحمد لله على سلامتك مع انها من 16 سنه :)

ولدي يشتكي من الم في بطنه من يومين وحرارة خفيفه ورجع مرة وحده

اخذوا منه الطوارئ تحليل دم وما قالوا له شي وعطوه مهدئات..بس قالوا

اذا زاد الالم ارجع لنا..وانا خايفه انها تكون الدودة الزايده وما اكتشفوها..

الله يسلمج يالغالية

اسم الله على ولدج مايشوف شر ان شاء الله

اذا مارد عليه الالم ان شاء الله يكون برد في معدته واذا شفتيه يرجع وايد والم ما يحتمل وديه الطوارئ واجر وعافية ان شاء الله
هتـان قطر
16-09-2008, 09:26 AM
ألم شديد في الجهه اليمنى من البطن (صوب الخصر) ,,


لا



غالباً تكون فجأه ,,


تحليل دم وبول (أعزكم الله) ,,

جربوا هذه الطريقه: اضغطوا باليد مكان الألم بشكل عمودي (المفروض يروح او يخف الألم) ... وشلوها مره وحده .... اذا رجع الألم فالحاله هي التهاب الدوده الزائده ,,

==============

انا مش طبيب لكن كانت لي معاناه مع الدوده الزايده سنة 96 ,,


اخوي هو يحس بالالم في بطنه كامل..وكانت امس حرارته 38 ونص

الله يفكه منها ويشفي كل من يعاني منها

انا خايفه لان اسمع انها خطرة جدا اذا انفجرت وحدث تسمم

جزاك الله خير اخوي وشكرا للافاده
هتـان قطر
16-09-2008, 09:28 AM
أعراض التهاب الزائدة الدودية:

1. ألم حاد في البطن ينتقل من زر البطن إلى الجانب الأيمن السفلي.

2. عدم إمكانية المشي، أو الأكل أو رفع الظهر بشكل مستقيم.

3. الشعور بالحاجة الشديدة للتقيؤ.


لا اشوى هو يمشي بس كنه شوي منثني..الحين بقعد اوسوس

جزاك الله خير اخوي
هتـان قطر
16-09-2008, 09:30 AM
الله يسلمج يالغالية

اسم الله على ولدج مايشوف شر ان شاء الله

اذا مارد عليه الالم ان شاء الله يكون برد في معدته واذا شفتيه يرجع وايد والم ما يحتمل وديه الطوارئ واجر وعافية ان شاء الله


هو الحين اشوى من بعد مارد من الطوارئ..بس خايفه يكون من المهدئات

والمغذي اللي حطوه له..
ضوى
16-09-2008, 09:37 AM
هو الحين اشوى من بعد مارد من الطوارئ..بس خايفه يكون من المهدئات

والمغذي اللي حطوه له..

لا يا هتان حبيبتي المهدئ ما يريح هالكثر :shy:والمغذي بعد ما له دور كبير

قولي ان شاء الله ما عنده شئ وربج بييسر الامر ان شاء الله

الف لا باس عليه طهور ان شاء الله
هتـان قطر
16-09-2008, 09:43 AM
لا يا هتان حبيبتي المهدئ ما يريح هالكثر :shy:والمغذي بعد ما له دور كبير

قولي ان شاء الله ما عنده شئ وربج بييسر الامر ان شاء الله

الف لا باس عليه طهور ان شاء الله



اللهم لك الحمد في كل الاحوال...الله يطمن بالك ضوى ويطمني على ولدي

جزاك الله خير يالغاليه
coolqtri
16-09-2008, 09:48 AM
الدودة الزايدة او مثل ماهو معروف طبيا الزائدة الدودية..
يادافع البلاء .. ماتشوفون شر ..
ماهي اعراضها..؟
ألم في البطن ينتقل الى الأعلى والأسفل من الجهة اليمنى ووسط البطن ..
هل يصاحبها حرارة..؟
بعض المرات يصاحبها حرارة وغثيان ..
هل تضرب فجأة والا تستمر مع اخذ المهدئات..؟
ياتي الألم فجأة .. ومعظم اوقاتة بعد منتصف الليل ..
كيف نعرف الحالة المصابة..؟
مكان الالم .. والضغط علية .. وعند شعور المريض بالألم .. فهذة زائدة دودية .. ويصاحبها غثيان ..
وهل يكتشفها الطبيب بواسطة تحليل الدم فقط ..؟
لا يكفي تحليل الدم ..
وسلامتكم..




خطاكم السوء اختي هتان ..

والزايدة .. صادتني من زمان .. وقلعتها والحمدلله .. وتسوي وجع في البطن من يمين ويرتفع وينزل بعض المرات وبعض المرات يتحرك الألم ويصير في النص .. وإذا كان المريض وحدة .. تحسة كانة الام الدورة الشهريه(عفوا).. وطبعاً الزايده اكيد في شي هيجها يمكن مكسرات ولا شي .. ودايماً اذا رحتي المستشفى يعطونك مهدئات .. للألم .. وترا ممكن يرافق الألم شعور بالغثيان .. وممكن يرجع صاحب الألم ويطلع كل اللي في بطنة ..

وانا قبل فترة بسيطة صادت واحد من اخواني الصغار عمرة 18 تقريباً.. وصار لي شي .. عمري ماراح انساة ..

صادة ألم في البطن وتم معاه سنة كاملة ويمكن زود .. أي والله ياناس .. ألم من اكثر من سنة .. وكل مانروح مجزرة حمد الطبية .. الطواريء .. يسوون لة تحاليل ودم وتصوير .. ومهديء ويتم عندهم عالأقل 6 ساعات .. في قسم الطواريء .. وأخر شيء يطلعونة ويقولون ألتهاب بسيط مرة في المعدة مرة في المثانة مرة في مادري وين تلعوزنا .. ومن اكثر من سنة على هالموال .. ومعدل ذهابنا للمستشفى .. مرة واحدة شهرياً .. تعبنا والله .. وانا زهقت ..

ولكن اخر مرة .. قفلت عند على مستشفى حمد .. وصاد اخوي الالم .. ووديتة للمستشفى الاهلي .. والله ياخوان .. ماهي إلا ساعتين بس بعد الفحوص وجانا الدكتور وقال هاذي أكيد زايدة .. وقال لي كم صار لة .. قلت حوالي السنة ولا زود شوي .. وتروع وقال سبحان الله .. احمدوا ربكم اللي ماانفجرت في بطنة .. والحمدلله .. أفتك .. ووالله .. ماقعدنا اكثر من يوم ونص بس بعد الجراحة .. حتى مب جراحة .. نقطتين مادري ثلاث نقاط في البطن .. والحمدلله ..
هتـان قطر
16-09-2008, 09:48 AM
خطاك اللاش اخوي..الف سلامه عليك وعلى اخوك...

هذا اللي انا خايفه منه..اخاف تشخيصهم مهب دقيق..وهو الله يهديه

ماخلاني اروح معاه علشان الح على الدكتور يفحصه زين..

يالله ربك كريم والله يشفيه يارب

مشكور اخوي على الافاده
موظف بالبورصه
16-09-2008, 01:05 PM
أختي انتي من نفسج تقدرين اتأكدين ..

بوضع يدج يمين الخصر واضغطي بأصابعج وشليها مره وحده .. اذا حس بألم

تقريبا هذي الزايده والدكتور بهالطريقه يعرف اذا الزايده ولا لا وبالتحليل ..

انا جلست عندهم 8 ساعات في الطواري واكتشفوا بس كانوا يعطوني مهدئات عشان الألتهاب يخف

وانا كنت ملح على العمليه لانه كان الم مش طبيعي الله لا يراويكم مثله ..

وبعد العمليه الدكتور يقولي زين انك شلتها كانت ملتهبه بدرجه خطيره ..

قلت والكمخه الي تحت ليش مادخلني العمليات اول ماجيت منقعني 8 ساعات !!!

قام يرفعلي حواجبه ...

الأهلي التخصصي زين اذا تبين ترتاحين وتأكدين .. وماتشوفون شر ان شاء الله ..
الألماسي
16-09-2008, 05:23 PM
مايشــوف شــر يارب . . وخطــاه الشــر . .

الأخـوان ما قصــروا . .
عاشق الشهادة
16-09-2008, 05:26 PM
الدودة الزايدة او مثل ماهو معروف طبيا الزائدة الدودية..

ماهي اعراضها..؟

هل يصاحبها حرارة..؟

هل تضرب فجأة والا تستمر مع اخذ المهدئات..؟

كيف نعرف الحالة المصابة..؟

وهل يكتشفها الطبيب بواسطة تحليل الدم فقط ..؟

وسلامتكم..






حراره
الم بالمفاصل
ترجيع

هذا الي اعرفه وان شاء الله ماتشفون الا كل خير .
لاداعي
16-09-2008, 05:32 PM
التهاب الزائدة الدودية

الزائدة الدودية هي بروز في الأمعاء يشبه الإصبع ويوجد عند منطقة التقاء الأمعاء الدقيقة بالغليظة في الجزء الأيمن من أسفل البطن.
إلى الآن لم تعرف وظيفة الزائدة الدودية بشكل واضح ولا يعرف أنها تقوم بأي دور حيوي
إلا أنها تتعرض للالتهاب وإذا لم تعالج فقد يؤدي ذلك إلى انفجارها وتلوث باقي البطن ومن ثم الوفاة.


الأسباب:

قد يكون الالتهاب بسبب عدوى فيروسية تصيب الجهاز الهضمي أو لانسداد القناة التي تصل بين الأمعاء الغليظة والزائدة الدودية لتراكم البراز فيها مثلاً،
وخوفاً من انفجارها عند حدوث الالتهاب يلجأ الأطباء إلى استئصالها في خلال 48-72 ساعة من بداية ظهور أعراض الالتهاب.
ويعتبر التهاب الزائدة الدودية من الحالات الطارئة التي ينبغي اللجوء عندها
إلى المساعدة الطبية على الفور
يحدث في الذكور أكثر من الإناث
و يمكن حدوثه في أي عمر كان و لكن أكثر عمر هو ما بين 10 الى 30 سنة

الأعراض:

الم في البطن أما أن يكون انزعاج عام في منطقة البطن أو ألم متركز في منطقة حول السرة أو الجهة العليا في البطن
و بعد عدة ساعات يتركز الألم في الجهة اليمنى السفلى من البطن

و الألم يكون مصاحبا لغثيان و ترجيع

أكثر الحالات مصاحبة بإمساك و البعض إسهال
عدم المقدرة على إخراج الغازات

ارتفاع بسيط في درجة الحرارة

للتعرف الأولي على المشكلة يمكن الضغط برفق على الجزء الأيمن من أسفل البطن
ثم رفع اليد بسرعة فإذا تألم الشخص كثيراً،
فلا بد من نقله على الفور لأقرب مستشفى،
ولا يضغط على المنطقة باليد أو الملابس فلا بد من فك الحزام إذا كان المريض يستخدمه.

العلاج:
بعد التأكد من وجود التهاب الزائدة من خلال الفحص الإكلينيكي
ونتائج تحليل البول ونتائج الأشعة يتم تحديد العلاج المناسب
الذي يعتمد على التاريخ المرضي والوراثي ومدى التهابها من ناحية الشدة
والزمن واستعداد المريض لأخذ الدواء،
والحل السليم عند صعوبة تحقيق نتائج مع العلاج
هو إجراء عملية جراحية لاستئصال الزائدة الدودية
والتي لا تؤثر مطلقاً على حياة الفرد، وتتم العملية ببساطة
وربما من خلال المنظار ويخرج المريض في اليوم التالي معافى.
لا يجب أن يتردد الشخص في الموافقة على العملية
مادام الطبيب المعالج مقتنعاً بأنها الحل الأسلم
فالتأخير ليس في صالح المريض،
فلو انفجرت لا سمح الله فعندها تجرى العملية وتستأصل الزائدة
ولكن بعدما تسبب التهابات وتلوثاً داخل التجويف البطني
الذي يحتاج إلى فترة علاجية أطول.



أمور يجب إجتنابها عند الشك في وجود هذه الحالة:

1- لا تستخدم مسكنات الألم لأنها قد تخفي أعراض قد يحتاجها الطبيب لتشخيص المرض
2- لا تستخدم الملينات او الحقنة الشرجية للتخلص من الإمساك لأنها قد تسبب إنفجار الزائدة الدودية
3- لا تستخدم الكمادات الدافئة على البطن لأنها قد تسبب إنفجار الزائدة الدودية و لكن يمكننك إستخدام الكمادات الباردة

وماتشوفوون شر أختي هتااان قطــر
غزلان
16-09-2008, 06:36 PM
ماتشوفين شر اختي هتان قطر

وان شاء الله تطمنون على مريضكم
هتـان قطر
16-09-2008, 07:44 PM
أختي انتي من نفسج تقدرين اتأكدين ..

بوضع يدج يمين الخصر واضغطي بأصابعج وشليها مره وحده .. اذا حس بألم

تقريبا هذي الزايده والدكتور بهالطريقه يعرف اذا الزايده ولا لا وبالتحليل ..

انا جلست عندهم 8 ساعات في الطواري واكتشفوا بس كانوا يعطوني مهدئات عشان الألتهاب يخف

وانا كنت ملح على العمليه لانه كان الم مش طبيعي الله لا يراويكم مثله ..

وبعد العمليه الدكتور يقولي زين انك شلتها كانت ملتهبه بدرجه خطيره ..

قلت والكمخه الي تحت ليش مادخلني العمليات اول ماجيت منقعني 8 ساعات !!!

قام يرفعلي حواجبه ...

الأهلي التخصصي زين اذا تبين ترتاحين وتأكدين .. وماتشوفون شر ان شاء الله ..



الحمدلله على سلامتك..وشاكرة لك هذا التجاوب ..

المشكله احيانا في الطبيب ان تشخيصه مايكون موفق..

بس الحمدلله اشوفه الحين احسن مع انه ماله شهيه للاكل :(

شاكره لك مره ثانيه :)
هتـان قطر
16-09-2008, 07:46 PM
مايشــوف شــر يارب . . وخطــاه الشــر . .

الأخـوان ما قصــروا . .



الشر مايجيك اخوي الالماسي وخطاك اللاش..

ايوالله الاخوان جزاهم الله كل خير ما قصروا

ومقيوله اسأل مجرب ولاتسأل طبيب..والله اني اخذت معلومات مهمه

الله يوفقهم ويجزيهم الف خير
هتـان قطر
16-09-2008, 07:47 PM
حراره
الم بالمفاصل
ترجيع

هذا الي اعرفه وان شاء الله ماتشفون الا كل خير .


الله يسلمك ويشفي كل من يعاني من هالكابوس المزعج..
هتـان قطر
16-09-2008, 07:52 PM
التهاب الزائدة الدودية

الزائدة الدودية هي بروز في الأمعاء يشبه الإصبع ويوجد عند منطقة التقاء الأمعاء الدقيقة بالغليظة في الجزء الأيمن من أسفل البطن.
إلى الآن لم تعرف وظيفة الزائدة الدودية بشكل واضح ولا يعرف أنها تقوم بأي دور حيوي
إلا أنها تتعرض للالتهاب وإذا لم تعالج فقد يؤدي ذلك إلى انفجارها وتلوث باقي البطن ومن ثم الوفاة.


الأسباب:

قد يكون الالتهاب بسبب عدوى فيروسية تصيب الجهاز الهضمي أو لانسداد القناة التي تصل بين الأمعاء الغليظة والزائدة الدودية لتراكم البراز فيها مثلاً،
وخوفاً من انفجارها عند حدوث الالتهاب يلجأ الأطباء إلى استئصالها في خلال 48-72 ساعة من بداية ظهور أعراض الالتهاب.
ويعتبر التهاب الزائدة الدودية من الحالات الطارئة التي ينبغي اللجوء عندها
إلى المساعدة الطبية على الفور
يحدث في الذكور أكثر من الإناث
و يمكن حدوثه في أي عمر كان و لكن أكثر عمر هو ما بين 10 الى 30 سنة

الأعراض:

الم في البطن أما أن يكون انزعاج عام في منطقة البطن أو ألم متركز في منطقة حول السرة أو الجهة العليا في البطن
و بعد عدة ساعات يتركز الألم في الجهة اليمنى السفلى من البطن

و الألم يكون مصاحبا لغثيان و ترجيع

أكثر الحالات مصاحبة بإمساك و البعض إسهال
عدم المقدرة على إخراج الغازات

ارتفاع بسيط في درجة الحرارة

للتعرف الأولي على المشكلة يمكن الضغط برفق على الجزء الأيمن من أسفل البطن
ثم رفع اليد بسرعة فإذا تألم الشخص كثيراً،
فلا بد من نقله على الفور لأقرب مستشفى،
ولا يضغط على المنطقة باليد أو الملابس فلا بد من فك الحزام إذا كان المريض يستخدمه.

العلاج:
بعد التأكد من وجود التهاب الزائدة من خلال الفحص الإكلينيكي
ونتائج تحليل البول ونتائج الأشعة يتم تحديد العلاج المناسب
الذي يعتمد على التاريخ المرضي والوراثي ومدى التهابها من ناحية الشدة
والزمن واستعداد المريض لأخذ الدواء،
والحل السليم عند صعوبة تحقيق نتائج مع العلاج
هو إجراء عملية جراحية لاستئصال الزائدة الدودية
والتي لا تؤثر مطلقاً على حياة الفرد، وتتم العملية ببساطة
وربما من خلال المنظار ويخرج المريض في اليوم التالي معافى.
لا يجب أن يتردد الشخص في الموافقة على العملية
مادام الطبيب المعالج مقتنعاً بأنها الحل الأسلم
فالتأخير ليس في صالح المريض،
فلو انفجرت لا سمح الله فعندها تجرى العملية وتستأصل الزائدة
ولكن بعدما تسبب التهابات وتلوثاً داخل التجويف البطني
الذي يحتاج إلى فترة علاجية أطول.



أمور يجب إجتنابها عند الشك في وجود هذه الحالة:

1- لا تستخدم مسكنات الألم لأنها قد تخفي أعراض قد يحتاجها الطبيب لتشخيص المرض
2- لا تستخدم الملينات او الحقنة الشرجية للتخلص من الإمساك لأنها قد تسبب إنفجار الزائدة الدودية
3- لا تستخدم الكمادات الدافئة على البطن لأنها قد تسبب إنفجار الزائدة الدودية و لكن يمكننك إستخدام الكمادات الباردة

وماتشوفوون شر أختي هتااان قطــر



معلومات مهمه جدا اخوي لاداعي ..الله يجزيك خير خصوصا مسألة المهدئات

والملينات والكمادات الدافئه..!!! فعلا الواحد لازم يثقف نفسه وتكون عنده خلفيه

عن كيفية التعامل مع كل حاله..والمفروض يكون عندنا خلفيه في الاسعافات

الاوليه..السالف شكلها بتتشعب..!!

الف شكر لك اخوي لاداعي..وابشرك ان شاءالله انه خف الحين ..احسن من الصباح
هتـان قطر
16-09-2008, 07:53 PM
ماتشوفين شر اختي هتان قطر

وان شاء الله تطمنون على مريضكم



الشر مايجيك اختي غزلان..

ابشرك احسن الحين..جزاك الله خير يالغاليه
مريديان
16-09-2008, 08:09 PM
الحمدالله على سلامته اختي ومايشوف شر ان شاء الله ..
غـيـد
16-09-2008, 09:11 PM
ما يشوفــ شـر اختيــ .. والله يديمـ عليهـ الصحهـ والعافيهـ
اسعاف
16-09-2008, 11:40 PM
ودوه الطوارئ بسرعة
وقالوا للطبيب: احنه شاكين ان فيه دودة الزايدة
قبل ما تنفجر لا سمح الله بسبب تأخيركم ثم يتسمم بعد ذلك
وآبشرك الآن يستأصلون الدودة عن طريق المنظار 0 يعني فتحه ضغيرة من جهة اسفل البطن يمينا مقدار سنتي متر واحد وكلهه يومين ويقوم الولد مثل الأسد ان شاء الله
والله يقومه بالسلامه
وبشرينه عن صحته بعد العلاج
والله لا يرويكم مكروه يا رب
ANONYMOUS
17-09-2008, 12:06 AM
اخبر مره جاني الم في بطني

رحت الطوارئ قالوا التهاب الزائده الدوديه


تنومت يوم.. وقال الطبيب لازم نحش الدوده

قلت له سلامتك.. مابي.. راح الالم..

قال لي على مسؤوليتك..

قلت نعم

والحمد لله .. ماصار شي.. وطلع كلام الطبيب اخرطي


هالكلام سنة 91 تقريبا


..

ومايشوف شر ولدكم
هتـان قطر
17-09-2008, 12:59 AM
الحمدالله على سلامته اختي ومايشوف شر ان شاء الله ..



الله يسلمك مريديان..الشر مايجيك يالغاليه
هتـان قطر
17-09-2008, 01:00 AM
ما يشوفــ شـر اختيــ .. والله يديمـ عليهـ الصحهـ والعافيهـ



الشر ما يواجهك غيد..اللهم امين
هتـان قطر
17-09-2008, 01:02 AM
ودوه الطوارئ بسرعة
وقالوا للطبيب: احنه شاكين ان فيه دودة الزايدة
قبل ما تنفجر لا سمح الله بسبب تأخيركم ثم يتسمم بعد ذلك
وآبشرك الآن يستأصلون الدودة عن طريق المنظار 0 يعني فتحه ضغيرة من جهة اسفل البطن يمينا مقدار سنتي متر واحد وكلهه يومين ويقوم الولد مثل الأسد ان شاء الله
والله يقومه بالسلامه
وبشرينه عن صحته بعد العلاج
والله لا يرويكم مكروه يا رب



راح الطوارئ اخوي اسعاف وسووا له تحاليل وحطوا عليه المغذي

وبس ..قالوا اذا رجع الالم تعال..

لكن الحمدلله اشوفه احسن من امس..

جزاك الله خير ..تطمن عليك العافيه اخوي
هتـان قطر
17-09-2008, 01:05 AM
اخبر مره جاني الم في بطني

رحت الطوارئ قالوا التهاب الزائده الدوديه


تنومت يوم.. وقال الطبيب لازم نحش الدوده

قلت له سلامتك.. مابي.. راح الالم..

قال لي على مسؤوليتك..

قلت نعم

والحمد لله .. ماصار شي.. وطلع كلام الطبيب اخرطي


هالكلام سنة 91 تقريبا


..

ومايشوف شر ولدكم



ماشاءالله عليك..ما خفت تصير لك مضاعفات والا امر خطير لاسمح الله..؟

ما تشوف شر ان شاءالله

وجزاك الله خير ANONYMOUS
ANONYMOUS
17-09-2008, 01:33 AM
ماشاءالله عليك..ما خفت تصير لك مضاعفات والا امر خطير لاسمح الله..؟

ما تشوف شر ان شاءالله

وجزاك الله خير ANONYMOUS


هم عطوني مهدئات اول ماوصلت..

عاد رقدت طبيعي اليوم الثاني قالوا خل نشيلها.. وقد الالم راح..

وخبرج.. سمعت المستشفى ضاربه التوب.. وعاد ذيك الايام ماكنت متزوج.. وخفت يسوون شي بالغلط ومايكون في حد يورثني ( اش عنده المليونير)..
:rolleyes2:

فـ كنت رافع شعار.. الشرده نص المرجله..





الحين الحمدلله..
هتـان قطر
17-09-2008, 01:36 AM
هم عطوني مهدئات اول ماوصلت..

عاد رقدت طبيعي اليوم الثاني قالوا خل نشيلها.. وقد الالم راح..

وخبرج.. سمعت المستشفى ضاربه التوب.. وعاد ذيك الايام ماكنت متزوج.. وخفت يسوون شي بالغلط ومايكون في حد يورثني ( اش عنده المليونير)..
:rolleyes2:

فـ كنت رافع شعار.. الشرده نص المرجله..





الحين الحمدلله..




ههههههه يعني لو كنت متزوج بتسوي العمليه..!!! اما عليك افكار

يالله الحمدلله على السلامه ..عدت على خير..وان شاءالله ماتتوقظ الدوده

ليجبنا طاريها..!!
امـ عبدالله
17-09-2008, 01:43 AM
مايجوف شر مريضكم

جربي عطيه ماي وررد يمكن ايهون عليه

بس دودة الزايده ايي المها جهة اليمين

وعلى ماسمعت من ويعهاا ايتقرفض الواحد ويصير مثل الربيانه

ماجوفون شــــر
هتـان قطر
17-09-2008, 01:48 AM
مايجوف شر مريضكم

جربي عطيه ماي وررد يمكن ايهون عليه

بس دودة الزايده ايي المها جهة اليمين

وعلى ماسمعت من ويعهاا ايتقرفض الواحد ويصير مثل الربيانه

ماجوفون شــــر


ياليت يشرب شي..هو ماي زمزم يالله شرب شويه

بس ولله الحمد اشوفه اشوى اليوم

جزاك الله خير على الوصفه يام عبدالله

اول مره اسمع انه ماي الورد يهدي الالم!!! باجربه ان شاءالله
بوخالد911
17-09-2008, 02:58 AM
سووويتها من زمااان
من أهم عيوبها تحسوون بنغزة وكأن 1 جايب ابرة ويطعن صوب الخصر !!

صج مؤلم
:rolleyes2::weeping::weeping::rolleyes2:

ومن أهم عيوبها

اني انتفخت بعد العملية

!!@@!!

:secret::weeping::weeping::secret:

لأن قبل العملية كانت الدودة هي اللي تاكل أكلي ؛ فكنت ضعييف

؛؛؛


بوخالد911
غناتي1
17-09-2008, 03:38 AM
تستاهلين سلامته 00 اللي في ولدج هواء بالبطن او ريح بالعاميه

سوي له عشرج وبيفتك باذن الله
ســـهم
17-09-2008, 03:51 AM
تستاهلين سلامته 00 اللي في ولدج هواء بالبطن او ريح بالعاميه

سوي له عشرج وبيفتك باذن الله


اذا غازات

فيه حبوب اعتقد اسمها فحم زينه للغازات ومايشوف شر ..
!الشايمه!
17-09-2008, 04:17 AM
سلامات.....اختي هتان...ومأجور ان شاء الله مريضكم
روحوا الطبيب احسن....من الوسوسة....واهم شئ في اي مرض هو علاجه من بدري
الله يشفي جميع مرضى المسلمين.......يارب

تحية
هتـان قطر
17-09-2008, 01:47 PM
سووويتها من زمااان
من أهم عيوبها تحسوون بنغزة وكأن 1 جايب ابرة ويطعن صوب الخصر !!

صج مؤلم
:rolleyes2::weeping::weeping::rolleyes2:

ومن أهم عيوبها

اني انتفخت بعد العملية

!!@@!!

:secret::weeping::weeping::secret:

لأن قبل العملية كانت الدودة هي اللي تاكل أكلي ؛ فكنت ضعييف
؛؛؛


بوخالد911



:omg:

والله اذا بيمتن زين لانه عظم وجلد...

يعطيك العافيه بوخالد معلومه مهمه خذيتها منك..:victory:
هتـان قطر
17-09-2008, 01:50 PM
تستاهلين سلامته 00 اللي في ولدج هواء بالبطن او ريح بالعاميه

سوي له عشرج وبيفتك باذن الله


يقولون اذا شاكين انه فيه الدوده الزايده لاتعطونه

ملينات ومسهلات لانه خايفين من خطر الانفجار!!!!

بانتظر كم يوم وبعدين باشربه عشرج..شكرا على التنبيه

كنت ناسيه العشرج..
هتـان قطر
17-09-2008, 01:52 PM
اذا غازات

فيه حبوب اعتقد اسمها فحم زينه للغازات ومايشوف شر ..


ما اعتقد فيه غازات!! بطنه لازق بظهره من الضعف ولو فيه غازات كان

بين له بطن...مشكور سهم على الوصفه الطبيه :)
هتـان قطر
17-09-2008, 01:54 PM
سلامات.....اختي هتان...ومأجور ان شاء الله مريضكم
روحوا الطبيب احسن....من الوسوسة....واهم شئ في اي مرض هو علاجه من بدري
الله يشفي جميع مرضى المسلمين.......يارب

تحية


الله يجيرك من الشر الشايمه..

وديناه الطوارئ مثل ماقلت وسووا له تحاليل وعطوه مهدئ

وقالوا له اذا زاد الالم ارجع..علشان كذا انا قعدت احاتي

شاكره لك مرورك اختي الشايمه
lalamar
17-09-2008, 02:18 PM
الله يشفي مريضكم ان شاء الله
هتـان قطر
17-09-2008, 02:22 PM
الله يشفي مريضكم ان شاء الله


اللهم امين..جزاك الله خير