استشاره

[qatar_moon]

عندي اسهم في المتحده

اشرايكم ابيعها بكره ولا لا :confused:

هل تتوقعون انها بتنزل

وشنو تتوقعون لها الاسبوع الجاي

[sulai6i]

لا لا الله يهداج شتبيعين

انطري لين تاخذين ارباحج وتكتتبين في 50% من مجموع اسهمج بمبلغ 40 ريال بس

عقب بيعي

الناس يتذابحون على هالسهم

[sulai6i]

ما قريتي هالموضوع

http://www.qatarshares.com/vb/showthread.php?t=1950

[qatar_moon]

مشكور اخوي واحد في حاله على النصيحه

ماتلاحظ ان الطلب عليه قل

[sulai6i]

تفضلي اختي هالجدول يبين لج حجم التداول فيه

وانتي احكمي اذا قل ولا لا

http://members.lycos.co.uk/qtrpics/up/pic/motaheda.JPG

[qatar_moon]

مشكور اخوي

لكن الله يستر ان شاء الله

[شرقاوي]

لسه بدري على البيع

عندما يبدا تصريف السهم فكري بالبيع

والواضح لي انه لم تبدا عمليات التصريف

الى الان واتوقع السعر المستهدف لايزال بعيدا


والله اعلم

[سراب الامل]

شرقاوي ممكن استفسار ماعليك أمر

متى تتوقع تبدأ عمليات تصريف المتحده

[roadrunner]

مشكور اخوي واحد في حاله على النصيحه

ماتلاحظ ان الطلب عليه قل

السلام عليكم اختي.

اسهم المتحدة ضرب ومضارب عليها .. لدرجة ان في ناس يشترون من خارج السوق ( يعني مثلا .. انتي الحين عندج اسهم تبين تبيعينها .. وانا ابي اشتري .. عشان اني مب صايد من اسهم السوق اشتريها من عندج وتتم الأسهم بأسمج) .. بس بصراحة عقب الإعلان عن نتائج إجتماع مجلس الإدارة 50% اكتتاب بسعر 40 + 10% اسهم مجانية ... احس انها ما تجيب الراس .... وانا بصراحة بكرة بايع كل الأسهم الي عندي اياها بالمتحدة وباشتري بالعقارية ... لأني اشوف الفائدة بالعقارية اكثر .. 20% كاش (توزعت لحاملي الأسهم) 5% اسهم مجانية 95% اكتتاب بسعر 40 ريال ... يعني فايدتي بالعقارية اكثر انشالله.


هذا رايي الشخصي ... وانتظر اراء الشباب.. وقولوا لي اذا انا غلطان.

[ابوعلي اليافعي]

مثل هذه الضروف ارى ان الاحوط هو بيع نصف الكميه والاحتفاظ بالنصف الاخر ..يعني اذا نزل السهم لا قدر الله يكون بعتي النص واذا طلع السهم لا تزالين تملكين النصف الاخر...والله اعلم

[حمد911]

:( :( :( عندي استفسار بسيط انا عندي اسهم الدولي ابيعهم احسن او اخليهم عندي كمية مش بسيطة فية

[kenwood]

انتظر أخي الكريم ولا تتعجل ، التندر أو المؤشر العام في صعود لين الأسبوع الأول من دخول الأجانب وبعدها مثل ما يقولون Run for Your Life لأنه بيبتدي السبات الصيفي.

وتحياتي

[Alemadi]

والله انا بنفسي محتار ... بس شكلي باصبر لان الي باعو اليوم اربحو وكتفو بارباحهم وبعضهم كان متوقع ان التوزيع كان اكبر فباعو ومع ذلك العرض ليحن صفر وناس جدد شرو حولي 600.000 سهم ... والسهم راح يواصل ارتفاعه لين توزيع الارباح بس بشكل ابطئ من قبل وراح يتاثر بالسوق مع باقي الشركات في الارتفاع والهبوط بس بيكون على ارتفاع مع كسر ارقام جديده ... وزياده راس ماله 60% افضل للاستثمار الطويل وهذا راح يعطي فرصه للشركه على زياده راس مالها في السنه القادمه بدلا من الزياده في سنه وحده وهذا الشي يعزز من سعر السهم ... اتوقع ان السهم بيكسر 150 وراح يقرب من 200 عند التوزيع

[شرقاوي]

لسه بدري ياسراب واللي

حصل اليوم اكبر دليل




والله اعلم

[ابوعلي اليافعي]

حمد ماكثر ماتكرر هالسؤال..ياخي الدولي لا تخاف عليه واليوم شفته طالع ونطلب عالمت اب اذا انت محتاج بيع النص وخل النص..واحتفظ بالسهم للاستثمار الطويل..

[بوناصر-قطر]

اختي

يعتمد متى اخذتيهم ؟

اذا اخذتيهم ايام الرخص على السعر مادون 30 بيعي لان ربحج راح يكون اكبر من انج تنتظرين الاكتتاب .

ولكن اذا شريتيهم بسعر انتعاش السهم وايام الغلا لا ما انصحج لان ربحج بالاحتفاظ فيهم

هذا والله اعلم ............ ونصيحتي اذا كنتي متردده استخيري .

[المراقب]

أتوقع للسهم بلوغ 150 ريال، وعندها يمكنك البيع.

[Chanel]

السؤال هو هل نبيع المتحدة ونشتري عقارية خاصة الاكتتتاب في العقارية 95% بسعر40+20% كاش و5% اسهم مجانية احسن من المتحدة ولا ننطر الجمعية للمتحدة لين مانحصل ارباحنا بس ساعتها بيكون دخلوا الاجانب وارتفع سعر العقارية

[شرقاوي]

في حالة افتتاح السهم غدا الاثنين


على لمت اب

الافضل البيع عند سعر 122.2


مع احتمال استمرار صعود السهم

ليوم ثاني لكن قوة السهم بدات تضعف

والله اعلم